Dagblaðið Vísir - DV - 21.12.1984, Blaðsíða 3

DV. FÖSTUDAGUR21. DESEMBER1984.
25
Sjónvarp
Sjónvarp
22.55 Lokapróf. (The Graduate).
Bandarísk gamanmynd frá 1967.
Leikstjóri Mike Nichols. Aðalhlut-
verk: Dustin Hoffmann, Anne
Bancroft og Katharine Ross. Lífið
blasir við háskólanemanum
Benjamín en hann er óráðinn um
framtíöina. Hann kemst í tygi við
miöaldra konu en verður ást-
fanginn af dóttur hennar. Þýðandi
Jóhanna Þráinsdóttir.
00.35 Fréttir í dagskrárlok.
Laugardagur
29. desember
16.00 Hildur. Níundi þáttur — Endur-
sýning. Dönskunámskeið í tíu þátt-
um.
16.30 íþróttir. Umsjónarmaður
Ingólfur Hannesson.
18.30 Enska knattspyrnan. Umsjón-
armaður Bjarni Felixson.
19.25 Kærastan kemur i höfn. Fjórði
þáttur. Danskur myndaflokkur í
sjö þáttum ætlaöur börnum. Þýð-
andi Jóhanna Jóhannsdóttir.
(Nordvision — Danska sjónvarp-
ið)
19.50 Fréttaágrip á táknmáli.
20.00 Fréttir og veöur.
20.30 Auglýsingar og dagskrá.
20.35 Dave Allen lætur móðan mása
um jólin. Breskur skemmtiþáttur.
Þýðandi Guðni Kolbeinsson.
21.30 Gestrisni. (Our Hospitality)
Þögul bandarísk skopmynd frá
1923. S/h. Leikstjóri Buster
Keaton. Aðalhlutverk: Buster
Keaton, Natalie Talmadge, Joe
Keaton og Buster Keaton yngri. Á
öldinni sem leið snýr ungur Suður-
ríkjamaður heim til átthaganna
eftir langa fjarveru. Þar. verður
hann leiksoppur í hatrömmum
ættaerjum. Þýöandi Guöni Kol-
beinsson.
22.40 Júlía. Bandarísk bíómynd frá
1977 byggð á bókinni „Penti-
mento” eftir Lillian Hellman.
Leikstjóri Fred Zinnemann. Aðal-
hlutverk: Jane Fonda, Vanessa
Redgrave, Jason Robards og
Alexander, sem ein af aðalsöguhetjunum i myndinni, hugsandi á svipinn
enda þarfhann að ganga í gegnum ýmislegt.
Sjónvarp 25. og 28. desember og
1. og 4. janúar—Fanný og Alexander.
„STÓRKOST-
LEGT VERK”
— segir Jóhanna Jóhannsdóttir sem þýddi
myndina sem hlotið hefur frábærar
viðtökur um allan heim
Um jólin tekur sjónvarpiö til sýninga
Fanný og Alexander — nýjustu smíð
Ingmars Bergman. Myndin verður
sýnd í fjórum hlutum. Fyrsti hluti er á
dagskrá á jóladag, síðan 28. des-
ember, á nýársdag og 4. janúar. I sam-
tali við DV sagði Jóhanna Jóhannsdótt-
ir, þýðandi þáttanna, að Fanný og
Alexander væri stórkostlegt verk.
Sjónvarpsþættirnir væru fyllri en bíó-
myndin sem hefði verið mikið stytt.
Myndin gerist í smábæ í Svíþjóð um
aldamótin og segir frá viðburðaríku
ári í lífi Ekdahl-f jölskyldunnar. Fjöl-
skyldan rekur leikhús i bænum sem
nýtur mikilla vinsælda meðal heima-
manna. Höfuð fjölskyldunnar, gamii
Ekdahl, er látinn. Ekkja hans, Helena,
og sonur hennar, Oscar, hafa tekið við
rekstri leikhússins. Þeir sem helst
koma við sögu í myndinni eru Emilie,
kona Oscars, biskupinn strangtrúaði,
Edvard Vergerus, og börn Emilie,
Fanný átta ára og Alexander tíu ára.
Regnboginn sýndi Fanný og Alex-
ander fyrr í vetur. Myndin hefur hvar-
vetna í heiminum hlotið góða dóma.
Hlaut meira að segja náð fyrir augum
óskarsverðlaunadómnefndarinnar
fyrr á árinu. Þar var hún kjörin besta
erlenda kvikmyndin. Myndin hefur
verið sýnd í kvikmyndahúsum i
Bandaríkjunum við góða aðsókn. Hún
var sýnd á sænsku sem yfirleitt er ekki
til að laða að áhorfendur vestanhafs.
Bandaríkjamenn, sem halda mikið
upp á bófahasar, ævintýramyndir og
ástarvellur, streymdu í bíó til að sjá
sænska f jölskyldutragedíu.
-EH.
Maximilian Schell. Bandarísk
skáldkona lýsir örlögum Júiíu,
æskuvinkonu sinnar. Hún leggur
stund á læknisfræði, fyrst í Oxford
og síðan í Vínarborg. Jafnframt
fyllist hún áhuga á stjórnmálum
og mannréttindamálum. Þegar
fundum þeirra stallna ber saman
síðar kemst skáldkonan að því aö
Júlía tekur virkan þátt í baráttu
gegn uppgangi nasismans. Mynd-
in hlaut þrenn óskarsverölaun áriö
1978. Þýðandi Kristrún Þórðar-
dóttir.
00.40 Dagskrárlok.
Loksins, loksins, loksins, hugsar örugglega margur Duran Duran-aðdáandinn og bíður spenntur eftir að
föstudagurinn 28. renni upp. Þá verður sýndur klukkustundar þáttur með hljómsveitinni á hljómleikum.
Sjónvarp f östudaginn 28. desember kl. 20.30:
DURAN DURAN!
Jólagjöf sjónvarpsins til Duran
Duran-aðdóenda í ár er tæplega
klukkustundar langur þáttur með
hljómsveitinni. Upptakan var gerð á
tónleikum sveitarinnar í Oakland í
Bandaríkjunum að viðstöddum 60.000
æstum áhorfendum. Simon Lebon og
félagar munu alls spila 12 af sínum
þekktustu lögum í þættinum, þ.á.m.
lögin Save a prayer, Union of the
snake, Rio, Seventh stranger og Girls
on film.
Duran Duran er án nokkurs vafa
vinsælasta hljómsveitin hér um þessar
mundir og hafa lög hennar tröllriðið
útvarpsrásum og óskalagaþáttum á
undanfömum mánuðum. Ahangendur
hljómsveitarinnar munu því sitja sem
negldir fyrir framan skjáinn föstu-
daginn 28. til að sjá goðin hrista sig.
-ÞJV.
Guðrún Stephensen og Jón Sigurbjörnsson i hlutverkum sinum i Gullna hliðinu eftir Davið
Stefánsson sem erjólaleikrit sjónvarpsins iár.
Sjónvarp annan jóladag kl. 20.30 — Jólaleikrit sjónvarpsins:
GULLNA HLIÐIÐ
Jólaleikrit sjónvarpsins, sem sýnt
verður annan í jólum, verður að
þessu sinni hið sívinsæla leikrit Davíðs
Stefánssonar, Gullna hliöið. Þar segir
skáldið af skálkinum Jóni og kerling-
unni hans sem þekkir sitt heimafólk
svo vel að hún fer með sálina hans alla
leið að Gullna hliðinu og svindlar henni
þar inn því aldrei hefði Lykla-Pétur
fríviljugur hleypt svo vondum manni
þar inn um gættir.
Samkvæmt fréttum mun sjónvarps-
uppfærsla Agústs Guðmundssonar
hafa tekist meö afbrigöum vel og hafa
nú allar stærstu sjónvarpsstöðvar á
Norðurlöndum keypt sýningarréttinn.
Uppfærslan mun nokkuð sérstök að því
leyti að leikmynd ÖU er teikningar eftir
Snorra Svein Friðriksson og gefur það
leikritinu hinn ævintýralegasta blæ,
sem viðeigandi er.
Það er Guðrún Þ. Stephensen sem
leikur kerUnguna og Jón Sigurbjörns-
son leikur Jón. Ovinurinn sjálfur er
leikinn af Amari Jónssyni, Vilborg af
Sigurveigu Jónsdóttur og Lykla-Pét-
ur af Róbert Arnf innssyni.