Dagblaðið Vísir - DV - 16.08.1988, Side 16

16
ÞRIÐJUDAGUR 16. ÁGÚST 1988.
Spumingin
Lesendur
Borðarðu lunda?
Svanhildur Steinarsdóttir: Nei, mér
finnst hann vondur.
Hallgrímur Ásgeirsson: Ég hef
smakkað reyktan lunda og fannst
það mjög athyglisvert.
Elin Ásvaldsdóttir: Já, og mér finnst
hann alveg æðislega góður.
Bryndís Bjarnadóttir: Mér fmnst
lundi ekki góður. Mér flnnst fugla-
kjöt yfirleitt ekki gott nema kjúkling-
ar.
Halli Hallsson: Já, mér finnst hann
góöur.
Egill Tómasson: Já, ég hef smakkað
hann og finnst hann ágætur.
Verkamannaíbúðir
Reiður íbúi skrifar:
Það eru dæmi þess að fólk sem er
að fá íbúðir í verkamannabústöðum
er dregið á asnaeyrunum í vikur og
mánuði með að fá afhenta íbúð. Aldr-
ei nokkurn tímann stenst það sem
fólki er sagt og það fær oft ekki einu
sinni skynsamlegar útskýringar eða
tímaáætlanir til að geta gert sínar
eigiri áætlanir.
Mjög margir sem búa í húsnæðis-
kerfi verkamannabústaða búa af-
skaplega þröngt og við erfiðar að-
stæður og finnst áríðandi að vita
hvenær hægt er að sjá fyrir endann
á því. Mig langar að vita af hverju
því í ósköpunum aldrei sé hægt að
fá svo skynsamlega tímaáætlun aö
hún standist, þótt ekki væri néma
einu sinni.
Vita þeir á skrifstofu verkamanna-
bústaða virkilega ekki betur en þetta
um framkvæmdir og hraða þeirra
við nýju íbúðirnar í Grafarvogi? Er
ekki möguleiki að endurskipuleggja
þetta kerfi sem þeir vinna eftir og
bara að koma heiðarlega fram og
gera áætlanir sem standast? Ég veit
þess dæmi að fólk sem búið er að
borga og skrifar undir, fær ekki af-
hentan lykilinn. Af hveiju?
Að minnsta kosti veit ég aö við-
komandi hefur ekki fengið skýringu
eða svör, „bara að bíða eina viku í
viðbót, hún er ekki svo lengi að líða“.
Það eru ekki þeir sem þurfa að bíða,
með ekkert nema svikin loforð í vas-
anum. Fólk getur sætt sig við að bíða
ef það fær útskýringar af hveiju, en
það sættir sig enginn við að vera
dreginn á asnaeyrunum með engin
svör nema hálfloðin.
Það eru eindregin tilmæli til fram-
kvæmdastjóra og stjórnar verka-
mannabústaða að gera skynsamleg-
ar tímaáætlanir sem standast. Ef það
er ekki hægt, þá að minnsta kosti að
útskýra af hveiju. En ekki bara þetta
sígilda gamla svar „athugaðu eftir
viku“.
Hringið
i sirridL
27022
milli kl.
13 og 15,
eða skrifið.
Fann hjól
Áskrifandi hringdi:
Ég fann reiðhjól fyrir nokkrum
dögum í efra Breiðholti. Því hafði
greinilega verið stolið því bæði brétt-
in vantaði og bögglaberinn skemmd-
ur þótt hjólið væri að öðru leyti í
góðu ástandi. Ef einhver saknar
hjólsins eða þekkir til málsins þá
vinsamlegast hringi hann í síma
73319.
Margréti (innst ekki rétt að bændur hafi einkaleyfi á laxveiðiám.
Einkaleyfi
á laxám
Margrét Matthíasdóttir hringdi:
Ég hef aldrei skilið það séríslenska
kerfi að bændur geti veriö með
einkaleyfi á laxám hér á Jandi. ísland
er land okkar allra landsmanna og
mér finnst að allir þegnar landsins
ættu að geta veitt í laxám.
Ég er mikill áhugamaður um lax-
veiði en get engar vonir gert mér um
að komast í þess konar lúxus á með-
an núverandi kerfi er í gildi. Verðið
í laxveiðiárnar, sem bændur setja
upp, er alveg óheyrilega hátt svo að
fæstir íslendingar geta gert sér vonir
um að stunda þetta sport þótt þeir
fegnir vildu.
Einstakt blað
Kona skrifar:
Mig langar til að gefa svolítið af
sjálfri mór og deila með ykkur því
jákvæða sem ég hef verið að upplifa,
því mér persónulega finnst fólk vera
svo fast í því aö segja frá neikvæðum
hlutum sem henda það. Ég var að
ljúka við að lesa tímarit sem heitir
„Líkamsrækt og næring". Að lesa
svona uppbyggjandi blað er eins og
að fá stein í hausinn, því maður
vaknar til meðvitundar um svo
marga hluti.
Það er algerlega laust viö slúður-
greinar og yfir það hafið að skrifa
neikvæðar fréttir og greinar sem
flest tímarit eru fost í. Maður les í
þeim viðtöl við sama fólkið aftur og
aftur. Ég held að fólk sé að vakna til
meðvitundar um sjálft sig og vilji
lesa eitthvað fyrir sig. Þaö er hætt
að vera áhorfendur að lífinu, en taka
þátt í því þess í stað. Ég óska aðstand-
endum blaðsins til hamingju og
skora á aðra að fá sér eintak.
P.S. Hvet ég aðra lesendur að skrifa
til lesendasíðunnar eitthvaö jákvætt
sem verður á vegi þeirra lfflnu, en
ekki sífellt um neikvæða hluti.
Reiður íbúi er óhress með að tíma-
áætlanir standast ekki með afhend-
ingu verkamannabústaða.
Málfarsleg ódöngun:
Röng notkun líf-orða
Ingvar Agnarsson skrifar:
Osköp er leiðinlegt að heyra og sjá
í fjölmiðlum að verið er að stagast á
orðskrípinu „lífshlaup" þegar verið
er að tala um ævi einhvers eða ævi-
skeið (orðin æviganga og ævibraut
má einnig nota). Þetta sýnist stund-
um vera viljandi gert til að spilla
tungunni.
Þá er oft talað í fjölmiðlum um
„lífslengd" einhvers hlutar þegar
verið er að tala um endingu hlutar-
ins. Hér þyrfti sterkara málfarseftir-
lit. Allir vita aö dauður hlutur lfflr
ekki, hvorki stutt eða lengi, hann
aöeins endist í lengri eða skemmri
tíma. Ég hef ekki heyrt orðin lífs-
hlaup eða lífslengd notuð í almennu
tali manna á milli. Þetta er því senni-
lega einhver málfarsleg ódöngun
sem kemur frá fjölmiölafólki og
þyrfti'að uppræta eða lækna.
M.N. skrifar:
Mánudaginn 8. ágúst 1988 skrifar
B.S. grein um fræðsluvarp ríkissjón-
varpsins og telur hann það ekki hafa
skilað árangri. Hvort það sé rétt veit
ég ekki, en persónulega er ég sama
sinnis.
í þessari sömu grein bendir B.S. á
þann möguleika að nota myndbönd
sem hjálpargagn við kennslu. í þessu
tilefni vil ég koma því á framfæri,
að nú þessa dagana er verið að leggja
síðustu hönd á kennsluefni á mynd-
böndum til kennslu í tónmennt. Efni
þetta er hugsaö fyrir börn í yngstu
bekkjum grunnskóla. Um er að ræða
9 myndbönd (ca 15 mín. hvert) og
kennslubækur í blokkflautuleik.
Kennsluefnið er mjög aðgengilegt
fyrir alla, skóla og heimili. Efnið
kemst vel til skila, það veit ég af eig-
in reynslu sem foreldri. Allt efni,
myndbönd og bækur er unnið af
Gðmundi Norðdahl, tónmennta-
kennara á Akranesi. Hann hefur
kennt tónmennt í áratugi, oft með
ótrúlegum 'árangri. Á meðan enn
finnast menn eins og hann sem hafa
vilja og nennu til að útbúa gott
kennsluefni, er ekki nokkur ástæða
til að leggja fræðsluvarp niður.
í von um að B.S. og fleiri kynni sér
þetta vandaða og skemmtilega efni,
þá er aldrei að vita nema fleiri hug-
sjónamenn með góðar hugmyndir
komi fram í dagsljósið. Ekki síst ef
vel er stutt við bakiö á þeim, öllum
til gagns og ánægju.
Verið er að leggja síðustu hönd á kennsluefni á myndböndum fyrir yngstu
bekki grunnskóla.
Til B.S.