Dagblaðið Vísir - DV - 03.01.1989, Blaðsíða 27

ÞRIÐJUDAGUR 3. JANÚAR 1989.
27
Fólk í fréttum
Guðni Bergsson
Guöni Bergsson var nýlega ráðinn
atvinnumaður í knattspyrnu hjá
LundúnaliðinuTottenham Hotspur.
Guðni er fæddur fl.júh 1965 í Rvík
og ólst þar upp. Hann varð stúdent
frá MS1984 og er nú á fjórða ári í
lögfræði. Guðni hóf að leika knatt-
spyrnu 1974 og handknattleik með
Val 1976. Hann lék í meistaraflokki
í handknattleik í Val 1981-1983 og í
unglingalandsliðinu, 18 ára og
yngri, í handknattleik 1982. Guðni
lék í meistaraflokki í knattspyrnu í
Val frá 1983 og varð Reykjavíkur-
meistari 1984 og 1987, íslandsmeist-
ari 1@85 og 1987 og bikarmeistari
1988. Hann lék í unglingalandsliðinu
í knattspyrnu 1980-1985 og hefur
leikið tuttugu og íjóra landsleiki frá
1984. Guðni var kosinn besti knatt-
spyrnumaðurinn 1987 af leikmönn-
um deildarinnar og leikmaður Vals
1987. Hann var kosinn leikmaður
Morgunblaðsins 1987 og leikmaður
DV haustið 1988. Unnusta Guðna er
Elín Konráðsdóttir, f. 30. mars 1963,
nemi í félagsráðgjöf. Foreldrar Elín-
ar eru Konráð Davíð Jóhannesson,
d. 1985, stórkaupmaður í Rvík, og
kona hans, Páldís Eyjólfs. Systkini
Guðna eru Sigríður, f. 23. nóvember
1966, lögfræðinemi, sambýlismaður
hennar er Skúli Skúlason mat-
reiðslumaður; Böðvar, f. 19. septem-
ber 1970, og Bergur Þór, f. 26. júlí
1977. Bróöir Guðna, samfeðra, er
Þorsteinn, f. 27. júní 1964, nemi í
Bændaskólanum á Hvanneyri.
Foreldrar Guðna eru Bergur
Guðnason, lögfræðingur í Rvík, og
kona hans, Hjördís Böðvarsdóttir
verslunarmaður. Bergurer sonur
Guðna, prófessors í Rvík, Jónsson-
ar, b. og formanns á Gamla-Hrauni
á Eyrarbakka, Guðmundssonar, b.
og formanns á Gamla-Hrauni, bróð-
ur Jóhanns, langafa Jóns Óttars
Ragnarssonar. Guðmundur var
sonur Þorkels, b. og formanns í
Mundakoti, Einarssonar, bróður
Hannesar, langafa Sigurjóns Ólafs-
sonar myndhöggvara. Móðir Guð-
mundar var Guðrún Magnúsdóttir,
b. ogformanns í Mundakoti, Ara-
sonar, b. í Neistakoti, Jónssonar, b.
á Grjótlæk, Bergssonar, b. í Bratts-
holti, Sturlaugssonar, ættfoöur
Bergsættarinnar. Móðir Jóns á
Gamla-Hrauni var Þóra Símonar-
dóttir, b. á Gamla-Hrauni, Þorkels-
sonar. Móðir Símonar var Valgerö-
ur Aradóttir, systir Magnúsar í
Mundakoti. Móðir Þóru var Sesselja
Jónsdóttir, b. á Ásgautsstöðum,
Símonarssonar og konu hans, Guð-
rúnar Snorradóttur. Móðir Guðrún-
ar var Þóra Bergsdóttir, systir Jóns
á Grjótlæk. Móðir Bergs var Sigríð-
ur, systir Guðmundar frá Miðdal,
föður Errós. Sigríður var dóttir Ein-
ars, b. i Miödal í Mosfelissveit, bróð-
ur Eiríks, afa Vigdísar Finnboga-
dóttur. Einar var sonur Guðmund-
ar, b. og hreppstjóra í Miðdal, Ein-
arssonar, b. á Álfsstöðum á Skeið-
um, Gíslasonar, b. á Álfsstöðum,
Helgasonar, bróöur Ingveldar, móð-
ur Ofeigs ríka á Fjalli. Móðir Sigríð-
ar var Valgerður Jónsdóttir, form-
anns á Bárekseyri á Álftanesi, Guð-
mundssonar og konu hans, Sigríöar
Tómasdóttur, systur Margrétar,
langömmu Einars Benediktssonar
sendiherra.
Hjördis er dóttir Böðvars, d. 1967,
vélstjóra í Rvík, Egilssonar, síma-
verkstjóra á ísafirði, Jónssonar, b.
á Hrafnabjörgum í Ögursveit, Egils-
sonar, b. á Laugabóli í Ögursveit,
Guðmundssonar, b. á Laugalandi,
Egilssonar, bróður Sveinbjörns,
langafa Alfreðs, fööur Alfreðs Jol-
son biskups. Systir Guðmundar var
Jóhanna, langamma Sólveigar,
móður Jóns Baldvins Hannibals-
sonar. Móðir Egils Jónssonar var
Þuríður Guðmundsdóttir, b. í
Lambadal í Dýrafirði, Jónssonar og
konu hans, Gróu Aradóttur, stúd-
ents á Bæjum, Jónssonar, b. í Mýr-
artungu, Arasonar, bróður Sigríðar,
ömmu Matthiasar Jochumssonar.
Móöir Gróu var Guðrún Þorsteins-
dóttir, b. í Ögri, Sigurðssonar, stúd-
ents í Ögri, Ólafssonar, lögsagnara
á Eyri í Seyðisfirði, Jónssonar, ætt-
föður Eyrarættarinnar, langafa
Jóns forseta. Móðir Böðvars var
Guðni Bergsson
Hrafnhildur Eiðsdóttir, skipstjóra á
Akureyri, Benediktssonar, sjó-
manns á ísafirði, Kristjánssonar.
Móðir Benedikts var Helga Magnús-
dóttir Thorberg, b. á Kirkjubóli í
Skutulfirði, Hjaltasonar, bróður Ól-
afs, langafa Ólafar, móöur Jóhann-
esar Nordals. Móðir Eiðs var Björg
Flóventsdóttir, systir Maríu, ömmu
Einars Olgeirssonar. Móðir Hjördís-
ar var Ingibjörg Guðnadóttir, tré-
smiðs á Siglufirði, Guðnasonar og
konu hans, Pálínu Jónsdóttur.
Afmæli
Kristín Á. Ólafsdóttir
Kristín Á. Ólafsdóttir borgarfull-
trúi, Öldugötu 59, Reykjavík, er fer-
tug í dag. Kristín Ágústa er fædd í
Rvík og ólst upp í Stórholtinu í Rvík.
Hún var í námi í Austurbæjar-
barnaskólanum og Kvennaskólan-
um í Rvík 1962-1966. Kristín útskrif-
aöist úr Leiklistarskóla Leikfélags
Reykjavíkur 1969 og var í söngnámi
hjá Engel Lund. Hún var gestastúd-
ent i tvö ár við háskólann í Kaup-
mannahöfn í leikhúsfræði og pæda-
gogisk dramatik. Kristín var í sveit,
í fiski og við afgreiðslustörf sem
bam og unglingur og vann ýms
skrifstofustörf, m.a. á Orkustofnun
og Þjóðviljanum. Hún vann hjá Rík-
isútvarpinu, á auglýsingadeild, við
þularstörf og þáttagerð og var um-
sjónarmaður Stundarinnar okkar
hjá Ríkissjónvarpinu. Kristín var
leikkona m.a. hjá Leikfélagi Akur-
eyrar, LR og Alþýðuleikhúsinu og
var einn stofnenda þess 1975. Hún
var kennari, m.a. við Menntaskól-
ann á Akureyri, Barnaskóla Akur-
eyrar, Myndlista- og handíðaskóla
íslands og Þroskaþjálfaskóla ís-
lands þar sem hún starfar nú. Krist-
ín var í sveit í Síðumúla í Hvítársíðu
sumurin 1957-1963 og bjó utan Rvík-
ur á Akureyri 1974-1979 og í Kaup-
mannahöfn 1979-1981. Hún hefur
starfað í Alþýðubandalaginu frá
1974, hefur setiö í miðstjórn nær
samfellt frá 1975 og framkvæmda-
stjórn frá 1983. Kristín var vara-
formaður Alþýðubandalagsins
1985-1987 og borgarfulltrúi frá 1986
og situr í nokkrum nefndum
Reykjavíkurborgar. Sambýlismað-
ur Kristínar frá 1979 er Óskar Guð-
mundsson, f. 25. ágúst 1950, ritstjóri
Þjóðlífs. Foreldrar hans eru Guð-
mundur Kr. Óskarsson, d. 26. maí
1970, kaupmaður í Rvík, og kona
hans, Hólmfríður Oddsdóttir. Guð-
mundur var sonur Óskars Pálsson-
ar, verkamanns í Rvík, af Samson-
arættinni, og konu hans, Lovísu
Kristjánsdóttur, afkomanda
Hnausa-Bjarna. Hólmfríður er dótt-
ir Odds, b. í Króki á Kjalarnesi,
Jónssonar, af Engeyjarættinni eldri,
og konu hans, Brynhildar Ingi-
mundardóttur, systur Bjarnfreðs,
föður Aðalheiðar alþingismanns.
Móöir Brynhiídar var Sigurveig
Vigfúsdóttir, b. á Söndum, Jónsson-
ar, b. á Söndum, Brynjólfssonar,
prests í Meðallandsþingum, Árna-
sonar. Móðir Brynjólfs var Guðrún
Eiríksdóttir, systir Jóns konferens-
ráðs og Þórdísar, langömmu
Guðnýjar, móður Þórbergs Þórðar-
sonar. Önnur systir Guðrúnar var
Anna, langamma Benedikts, föður
Einars Benediktssonar. Börn Krist-
ínar eru Hrannar Björn Arnarsson,
f. 16. september 1967, stúdent frá
MH, starfar nú í Rvík, sonur Arnars
Sigurbjörnssonar útvarpsvirkja og
tónlistarmanns, fyrrum sambýlis-
manns Kristínar, og Melkorka
Óskarsdóttir, f. 2. júlí 1981, nemandi
í Vesturbæjarskólanum. Systkini
Kristínar eru Guömundur, f. 1938,
verkfræðingur, kvæntur Sigurrós
Þorgrímsdóttur háskólanema; Þor-
valdur, f. 1944, eðlisfræðingur,
kvæntur Brynju Jóhannsdóttur
meinatækni; Eggert, f. 1952, tækni-
fræðingur, kvæntur Sigrúnu Þor-
varðardóttur háskólanema, og
Snjólfur, f. 1954, stærðfræðingur,
kvæntur Guðrúnu Eyjólfsdóttur
lyfjafræðingi.
Foreldrar Kristínar eru Ólafur
Guðmundsson, húsgagnasmiður í
Rvík, og kona hans, Þorbjörg Þor-
valdsdóttir. Ólafur er sonur Guð-
mundar, b. á Mosvöllum í Önundar-
firöi, Bjarnasonar, b. og hreppstjóra
í Tröð í Álftafirði, Jónssonar. Móðir
Guðmundar var Guðrún Jónsdóttir,
b. i Hattardalskoti, Ólafssonar, b. á
Kristin Á. Ólafsdóttir
Svarfhóli, Ásgrímssonar, b. í Arnar-
dal Báröarsonar, b. í Arnardal, 111-
ugasonar, ættföður Arnardalsætt-
arinnar. Móðir Ólafs Guðmunds-
sonar var Guðrún, systir Kristjáns,
föður Kirkjubólssystkinanna Ölafs
Þ., Guðmundar Inga, Jóhönnu og
Halldórs. Guðrún var dóttir Guð-
mundar, b. á Kirkjubóli, Pálssonar.
Móðir Guðmundar var Kristín, syst-
ir Sofiiu, ömmu Sigurjóns Péturs-
sonar borgarfulltrúa. Kristín var
dóttir Hákonar, b. í Tungu, Hákon-
arsonar, bróður Brynjólfs, langafa
Guðnýjar, móður Guðmundar G.
Hagalín.
Þorbjörg er dóttir Þorvaldar, b. á
Kroppsstöðum í Önundarfirði, Þor-
valdssonar. Móðir Þorvaldar var
Efemía Þorleifsdóttir, prests í Gufu-
dal, Jónssonar og konu hans, Stein-
unnar Ólafsdóttur. Móðir Þorbjarg-
ar var Kristín Halldórsdóttir, b. í
Ytri-Hjarðardal, Jónssonar og konu
hans, Guðrúnar Jónsdóttur. Móðir
Guðrúnar var Kristín Einarsdóttir,
b. í Tungu í Skutulsfirði, Ásgríms-
sonar, bróður Ólafs á Svarfhóli.
Magnús B
Magnús B. Norödahl leigubílstjóri,
til heimilis að Fellsmúla 22, Reykja-
vík, er áttræður í dag.
Magnús fæddist á Hólmi við
Reykjavík og ólst þar upp í foreldra-
húsum til fimmtán ára aldurs en fór
þá til sjós og stundaði sjómennsku
í fjölda ára á íslenskum fiskiskipum
og erlendum verslunarskipum allt
til ársins 1945. Hann var þó á þessu
tímabili verkstjóri sex sumur á síld-
arplani á Siglufirði hjá Sófusi
Blöndal og Asgeiri og Beinteini
Bjarnasonum þjóðlagasafnara Þor-
steinssonar
í byrjun árs 1939 flutti Magnús frá
Siglufirði á Akranes og var þar há-
seti og vélstjóri á togaranum Sindra,
en með honum sigldi Magnús öll
stríðsárin þar til í ársbyrjun 1945
er Magnús kom í land.
Hann hóf þá vörubílaakstur á eig-
in bíl en keypti sér síðan leigubif-
reið, flutti til Reykjavíkur og ók þar
leigubíl á Hreyfli þar til fyrir
skömmu. Jafnframt akstrinum hef-
ur Magnús starfað hjá B.M. Vallá
sl. tuttugu og fimm ár og starfar þar
enn.
Kona Magnúsar er Guðrún, f. 3.1.
1927, dóttir Andrésar Gíslasonar frá
HamriíMúlasveit.
Börn Magnúsar og Guðrúnar eru
HreggviöurNorðdahl. doktorí jarð-
fræði og kennari viö HÍ, kvæntur
SYövu Guðmundsdóttur lyfjafræð-
ingi, en þau eiga tvö börn; Svala
Norðdahl, húsmóðir í Reykjavík, en
hún á þrjú börn; Hrönn Norödahl,
ekkja í Reykjavík og starfsmaður
hjá Hagkaup, en hún á tvö börn, og
Magnús Norðdahl hdl., en hann rek-
ur ásamt starfsbróður sínum eigin
lögfræðistofu í Reykjavík, kvæntur
Elinu Jónasdóttur, kennara frá Eg-
ilsstööum og eiga þau tvö börn.
Frá því fyrir þetta hjónaband á
Magnús fjögur börn. Þau eru Örn
Norðdahl, sendibílstjóri í Hafnar-
firði, kvæntur Elísabet Þorgeirs-
Norðdahl
Magnús B. Norðdahl
dóttur en þau eiga þrjú börn; Kol-
brún Norðdahl, húsmóðir í Reykja-
vík og starfsmaður hjá Vörubíl-
stjórafélaginu Þrótti, en hún á fjög-
ur uppkomin börn; Hrafn, sjómaður
á ísafirði, kvæntur Herdísi Htibner
kennara, en Hrafn á sex börn, og
Drífa, húsfreyja á Keldum á Rangár-
völlum, gift Skúla Lýðssyni b. þar.
Magnús átti fjögur hálfsystkin,
samfeðra, og eru þrjú þeirra látin,
en auk þess á hann eina alsystur.
Systkini hans: Hrefna Eggertsdóttir
Norðdahl sem er látin; Ránnveig
Eggertsdóttir Norðdahl sem einnig
er látin; Karl Eggertsson Norðdahl,
b. á Hólmi, sem er nýlátinn, og Guð-
rún Eggertsdóttir Norðdahl, ekkja í
Reykjavík. Alsystir Magnúsar er
Birna Norðdahl, húsfreyja að
Bakkakoti við Hólm, ekkja eftir Ólaf
Þórarinsson bakarameistara.
Foreldrar Magnúsar voru Eggert
Guðmundsson Norðdahl, b. að
Hólmi, og Ingileif Magnúsdóttir.
Tilmæli
tii
afmælisbarna
Til hamingju með daginn!
85 ára
Haraldur Sölvason,
Borgarheiði 7V, Hveragerði.
Margrét Sigurðardóttir,
Hnitbjörgum, Blönduósi.
Daðína Jónasdóttir,
Sólvangi, Hafnarfirði.
60 ára
Guðný Jónasdóttir,
Geirshlíð, Miðdalahreppi.
Viggó Haraldsson,
Víkurbraut 18, Grindavík.
Þórunn Gottliebsdóttir,
Heiðargerði 16, Vatnsleysustrand-
arhreppi.
Halldóra Hjaltadóttir,
SeljavöUum, Nesjahreppi.
Sigríður G. Johnson,
Skólabraut 63, Seltjarnamesi.
Eyjólfur Bjamason,
Víðivangi 8, Hafnarfirði.
50 ára
Einar Gíslason,
Laufási 1, Garðabæ.
Lára Ingibergsdóttir,
Framnesvegi 27, Reykjavík.
Áslaug Torfadóttir,
Heiðarbraut 8, Miðneshreppi.
40 ára
Svandís Magnúsdóttir,
Skagaseli 11, Reykjavík.
Friðrik Elvar Yngvason,
Barmahlíð 4, Akureyri.
Ragnheiður K. Benediktsdóttir,
Grænabakka 7, Suöurfjarðahreppi.
Halldóra Böðvarsdóttir,
Dalbraut 15, Akranesi.
Guðríður Birna Jónsdóttir,
Eyri, Suðurfjarðahreppi.
Halldóra Níelsdóttir,
Víðihvammi 7, Kópavogi.
Blaðið hvetur afmælisbörn
og aðstandendur þeirra til
aðsendaþvímyndirog
upplýsingar um frændgarð
og starfssögu þeirra.
Þessar upplýsingar þurfa að
berast í síðasta lagi þremur
dögumfyrirafmælið.
Muniðaðsenda
okkur myndir