Dagblaðið Vísir - DV - 30.05.1989, Síða 2

2
ÞRIÐJUDAGUR 30. MAÍ 1989.
Fréttir
Lán ríkissjóðs til ársins 2016:
137 milljóna tap á ári
vegna lélegra vaxtakjara
Á árinu 2016 mun ríkissjóður ís-
lands greiða upp skuldabréf sem gef-
in voru út í fjármálaráðherratíð
Ragnars Amalds árið 1981. Á þessum
35 ára lánstíma má reikna með að
vaxtagreiðslur af þessum bréfum
verði nærri 18 miUjörðum. Þar sem
skuldabréfin bera fasta vexti, sem
reynst hafa afskaplega óhagkvæmir,
má reikna með að ríkissjóður greiði
hátt í 4,8 milljörðum meira í vexti
af þessum lánum en hann annars
hefði gert. Það jafngildir þvi að um
137 milljónir fari á árin hverju í
umframvexti af þessu láni langt fram
á næstu öld.
Það var árið 1981 sem ríkissjóður
- ríkissjóður greiði sexfalda lánsupphæðina 1 vexti
gaf út skuldabréfað andvirði 30 millj-
ónir punda. Það jafngildir um 3 millj-
örðum á núvirði miðað við hækkun
lánskjaravísitölu frá 1981. Þessi hréf
bera fasta 14,5 prósent vexti. Lánið
var til 35 ára. Það er afborgunarlaust
og greiðist að fullu upp á árinu 2016.
Það voru bresku lífeyrissjóðirnir
sem keyptu þessi bréf.
Þegar skuldabréfin voru gefin út
árið 1981 voru vextir af lánum í pund-
um í sögulegu hámarki. Svokallaðir
Ubor-vextir (lágvextir á millibanka-
lánum sem vaxtakjör taka mið af)
voru þá 13,9 prósent í Bretlandi.
Vextir á íslensku skuldabréfunum
voru því um 0,6 prósent yfir libor-
vöxtum.
Stuttu eftir að skuldabréfin voru
gefin út lækkuðu vextir í Brtelandi.
Síðan þá hafa libor-vextir verið á bil-
inu 9,1 til 12,1 prósent aö meðaltali á
hveiju ári. Vextir á íslensku skulda-
bréfunum hafa því verið allt að 5,4
prósent hærri en libor-vextir. Til
samanburðar má geta þess að rúm-
lega 5 milljarða lán, sem ríkissjóður
tók fyrr í vor, ber 0,15 prósent vexti
umfram libor-vexti. Þetta eru þau
kjör sem ríkissjóður íslands á alla-
jafnan aðgang aö.
Ef skuldabréfin frá 1981 hefðu verið
með breytilegum vöxtum, sem væru
0,15 prósent yfir libor-kjörum, hefðu
afborganir af þeim orðið miklu létt-
ari en þær hafa verið. Árið 1983
greiddi ríkissjóður þannig um 630
milljónir á núvirði í vexti af skulda-
bréfunum en heföi greitt um 433
milljónir ef þau hefðu veriö á sams
konar kjörum og lánið frá í vor. Mis-
munurinn er 197 mfiljónir króna.
Frá árinu 1982 hefur ríkissjóður
greitt um 3.594 mUljónir í vexti af
þessum skuldabréftun. Ef þau hefðu
borið 0,15 prósent breytilega vexti
umfram Ubor-kjör hefðu þessar
vaxtagreiðslur orðið 2.637 milljónir.
Mismunurinn er 957 milljónir eða 137
milljónir að meðaltali á hverju ári.
Miðað við þróun á gengi íslensku
krónunnar og breska pundsins frá
því skuldabréfin voru gefin út má
reikna með því að árið 2016 hafi ríkis-
sjóður íslands greitt 17.970 milljónir
á núvirði í vexti af þessu láni. Það
er sexfold sú upphæö sem tekin var
að láni.
Ef reiknað er með því að vaxtaþró-
un verði svipuð til ársins 2016 og
hefur verið frá því lánið var tekið
' má áætla aö vaxtagreiöslumar yrðu
um 13.185 milljónir af sams konar
láni sem bæri 0,15 prósent vexti
umfram libor-kjör. Það er um 4.785
milljónum minna en vaxtagreiðsl-
urnar af skuldabréfunum verða.
-gse
Leiötogahmduriiin í Brussel:
Afvopnun á höfunum
ekki í lokaályktun
Ljóst er að íslendingum tekst ekki
að koma neinu um afvopnun á höf-
unum inn í lokaályktun leiðtoga-
fundar Atlantshafsbandalagsins. Á
laugardaginn, eða fyrir leiðtogafund-
inn sjálfan, dró íslenska sendinefnd-
in til baka tillögu sína þar að lútandi
eftir að hafa kynnt hana fyrir fulltrú-
um hinna þjóðanna. Mun enda aldrei
hafa verið ætlunin að reyna að fá
tillöguna samþykkta.
Að sögn Ólafs Ragnars Grímssonar
fjármálaráðherra er hann ánægöur
með að íslendingar skyldu ná að
sýna þó þetta frumkvæði um af-
vopnun á höfunum. Taldi Ólafur
Ragnar mikilvægt fyrir okkur aö
þessi boðskapur hefði verið fluttur
úti í Brussel því meginlandsþjóðim-
ar hefðu hingað til lítt sinnt afvopn-
un á höfunum.
-SMJ
Islenska sendinefndin i Brussel. Fremst eru þeir Steingrímur Hermannsson
forsætisráðherra og Jón Baldvin Hannibalsson utanríkisráðherra. Fyrir aft-
an sitja þeir Jón Sveinsson, aöstoðarmaður forsætisráðherra, Gunnar Páls-
son, starfsmaður utanríkisráðuneytisins, Einar Benediktsson sendiherra og
Jóhann Einvarðsson, formaður utanrikismálanefndar Alþingis.
Símamynd Reuter
Bóndi fargaði 400 flár vegna riöu:
Bréf yfirdýralæknis eftir
verfall sagði féð heilbrígt
Valdimar Eiríksson, bóndi að
Vallamesi í Skagafirði, varð fyrir
heldur óskemmtilegri reynsJu eftír
að verkfalli BHMR lauk. Þannig
var aö eitt riðutilfelli fannst á bæn-
um hjá Valdimar í verkfallinu. Var
ekki um annað að ræða en aö farga
hátt í 400 fjár. Sýni hafði hins vegar
verið sent tíl greiningar hjá settum
yfirdýralækni sem haíöi undan-
þágu til slfkra starfa í verkfaliinu.
Þegar bóndi er að ná sér eftir að
hafa urðaö féð berst honum bréf frá
yfirdýralækni þar sem tilkynnt er
að greining sýna hafi ekki leitt
neina riðu í ijós. Var heilbrigðu fé
þá fargað?
„Þetta var afar óþægilegt og kom
illa við mann. Ég hafði séð á eftir
fénu rétt fyrir sauðburð og fæ síðan
tilkynningu um að allt hafi verið í
lagi. Mér og héraösdýralækninum
fannst þetta nú eitthvað einkenni-
legt. Við nánari eftirgrennslan kom
síöan í fjós að um mistök hjá emb-
ætti yfirdýralæknis var að ræða.
Þetta bréf var ætlað öðrum bæ í
sveitinni en var sent mér í mis-
gripum. Þetta er nvjög klaufalegt
og gerir málið óneitanlega tor-
kennilegt í margra augum,“ sagöi
Valdimar viö DV.
-hlh
Boraarar í viðræðu við ríkisstjórn?
„Það er alveg ljóst að þegar þrír
haröir hægrimenn hverfa úr Borg-
araflokknum verða ýmis vinstri og
miðjusjónarmið meira áberandi.
Sú hugmynd, að ræða aftur viö
Borgaraflokkinn, er í sjálfu sér
ágæt - góðir liðsmenn eru alltaf
velkomnir og þar að auki hafa
ýmsir í Borgaraflokknum þegar
veitt ríkisstjóminni gott liösinni,"
sagði Ólafur Ragnar Grímsson fjár-
málaráðherra þegar hann var
spurður út í þá hugmynd Jóns Sig-
urðssonar viðskiptaráðherra að
hefia aftur viðræður við Borgara-
flokkinn í sumar.
Ólafur Ragnar sagði að þetta mál
hefði ekki borið á góma í ríkis-
stjóminni en þar eð Jón Sigurðsson
væri hugmyndaríkur stjómmála-
maður væri þetta vissulega hug-
mynd til að velta fyrir sér.
-SMJ
A mynd lögreglunnar, sem tekin var áður en billinn var fjarlægður, sést
að billinn er talsvert inni á veginum og því ekki rétt að hann hafi verið
allur utan malbiks.
Lögreglan segir ökumanninn segja ósatt:
Bíllinn var ekki
allur utan malbiks
Lögreglan í Reykjavík segir að
Franklín Friðleifsson, sem rætt var
við í DV í gær, segi ósatt þegar hann
heldur því fram að hann hafi skilið
bíl sinn eftír utan vegar eftir að hann
bilaði skammt frá Gullinbrú laust
eftir miðnætti aðfaranótt síðastliðins
sunnudags.
í DV í gær sagði Franklín að hann
hefði lagt bílnum, eftir að hann bil-
aöi og Franklín varð að yfirgefa
hann, vel utan við malbikið. Eins
sagði Franklín að bíllinn hefði verið
fjarlægður að beiðni lögreglu um
klukkan fjögur aðfaranótt sunnu-
dagsins.
Lögreglan segir þetta hvort tveggja
vera rangt. Hún segir aö bíllinn hafi
verið að hluta inni á veginum og
leggur fram ljósmynd sem sannar að
svo var. Eins segir í lögregluskýrslu
að bíllinn hafi ekki verið fjarlægður
fyrr en klukkan 14.45 á sunnudag. í
lögregluskýrslunni segir meðal ann-
ars:
„Staða bifreiðarinnar olli truflun
og hættu fyrir önnur ökutæki sem
ekiö var um Gullinbrú. Eftir aö við
höfðum veitt stöðu bifreiðarinnar
athygli biðum við í um 20 til 25 mín-
útur áður en nokkuð var aðhafst."
í umferðarlögimum er tekið ótví-
rætt fram hver er skylda þess sem
verður að yfirgefa bifreið sína. Þar
segir að ekki megi stöðva ökutæki
eða leggja þvi á þeim stað eða þannig
að valdið geti hættu eða óþarfa óþæg-
indum fyrir umferðina.
íbúi í Grafarvogi hafði samband við
DV og sagðist hafa verið undrandi á
að sjá hvernig bifreiðinni var lagt og
að hann hefði nær orðið fyrir um-
ferðaróhappi vegna þess.
Lögreglumaður, sem DV ræddi við
í gær, sagði að þaö ætti að taka mál
sem þetta fóstum tökum. Nýlegt
banaslys, sem varð í Kópavogi, sýnir
að aldrei er of varlega farið.
-sme
Egils Gull innkallaður
Ölgerö Egils Skallagrímssonar hef-
ur innkallað allar birgðir, um 12
bretti, í verslunum ÁTVR af bjómum
Egils Gulh vegna þess að upp hafa
komið tilfelli af skýjuðum bjór, bjór
sem ekki er fyllilega tær.
„Þetta hefur aðeins komið fram í
takmörkuðum fjölda dósa en hvorki
í flöskum né barkútum. Ástæða
þessa óhapps er bilun í segulloka sem
stýrir kolsýrublæstri á yfirborð
bjórsins í dósinni í sama mund og
lokið er sett á. í þau skipti sem seg-
ullokinn brást komst súrefni í dósina
en með tímanum veldur það útfell-
ingu á eggjahvituefni í bjómum og
hann verður skýjaður," segir Lárus
Berg, framkvæmdastjóri Egils Skal-
lagrímssonar.
„Ég vil taka þaö fram að bjórinn
verður aldrei hættulegur heilsu
manna við svona slys sem er það
versta sem fyrir framleiðanda getur
komið. Sem betur fer hafa viðskipta-
vinirnir skilið að um slys er að ræða
og hafa því verið jákvæðir vegna
þessa máls,“ segir Lárus. -JGH