Dagblaðið Vísir - DV - 08.06.1990, Qupperneq 8

*24
FÖSTUDAGU^ 8, JÚNÍ 1990,
Mynd-
bönd
Umsjón:
Sigurður M.
Jónsson
Hilmar Karlsson

DV-LISTINN
Þaö er fátt um breytingar á toppi
listans að þessu sinni en uppá-
haldsmynd skútueigenda er enn í
1. sæti. Hafstillur hafa hreiðrað um
sig í toppsætinu en skötuhjúin
Harry og Sally sækja fast að þeim.
Nýjar myndir streyma út og ekk-
ert lát að sjá á útgefendum þó sum-
arleyfismánuðimir fari nú í hönd.
Draugabanamir eru ef til vill at-
hyglisverðasta nýjungin á listan-
um að þessu sinn en fleiri forvitni-
legar myndir birtast þar.
8. (-)
9. (-)
10. (-)
Dead Calm
Whén Harry Met Sally
Dead Bang
Licence to Kill
Great Balls of Fire
K9
Indiana Jones and
the Last Crusade
Night Game
Ghostbusters II
Peter Gun
©
Afturgenginn draugur
GHOSTBUSTERS II
Útgefandi: Skifan.
Leikstjóri: Ivan Reitman. Handrit: Harold
Ramis og Dan Aykroyd. Aóalhlutverk:
Bill Murray, Dan Aykroyd, Sigourney
Weaver, Harold Ramis og Rick Moranis.
Bandarísk. 1989.103 mín. Bönnuó yngri
en 16 ára.
í fyrra var framhaldsmynda-
sumarið I og í ár verður fram-
haidsmyndasumarið II. Þessum
ósköpum virðist aldrei ætla að
linna enda ekki nema von á meðan
áhorfendur láta selja sér sömu hug-
myndina tvisvar.
Draugabanarnir vora bara ansi
skemmtileg hugmynd í fyrstu og
fyrri myndin vel heppnuð grín-
mynd, með góðum brellum og
skemmtilegum leik. Ferskleikinn
er hins vegar farinn af hugmynd-
inni þó að í sjálfu sér sé allt í lagi
að horfa á sömu myndina aftur.
Um efnisþráðinn þarf varla að
íjölyrða: Mikil vá sækir að New
York í formi illra afla og drauga-
banarnir hafa réttu tólin.
-SMJ
Hefndin er sæt
THE HEIST
Útgefandi: Háskólabíó.
Leikstjóri: Stuart Orme.
Aóalhlutverk: Pierce Brosnan, Tom
Skerrit og Wendy Hughes.
Bandarísk, 1989 - sýningartími 88 mín.
The Heist fjallar um Neal Skinner
sem sleppt er úr fangelsi eftir að
hafa setið þar saklaus í fjögur ár.
Hann var annar eigenda rannsókn-
arfyrirtækis, en meðeigandi hans
falsaði sönnunargögn svo að hann
var dæmdur fyrir svik.
Þegar Skinner kemur út úr fang-
elsi er margt breytt. Meðeigandi
hans hefur sölsað undir sig fyrir-
tækið og tekið í leiðinni frá honum
sambýliskonu hans sem trúir því
að Skinner sé sekur.
Skinner hefur haft íjögur ár til
að undirbúa hefnd og það er ekki
ljóst fyrr en í lok myndarinnar
hver sú hefnd er í rauninni því í
millitíðinni villir hann um fyrir
meöeiganda sínum, sem er öruggur
um sig og telur sig hafa öll tromp
á hendi.
Handritið að The Heist er vægast
sagt gloppótt og veikt. Spenningur,
sem ætti að vera nokkur í mynd-
inni, verður aldrei svo mikill að
áhorfandinn fái áhuga á því sem
er að gerast og persónurnar sjálfar
eru svo óskýrar að leikararnir ná
aldrei tökum á þeim.
Aðalhlutverkið leikur Pierce
Brosnan, vinsæll sjónvarpsleikari
sem nærri var búinn að hreppa
hlutverk James Bond á sínum
tíma. Hvorki hann né aðrir sýna
eftirminnilegan leik. í heild er The
Heist meðalmennskan uppmáluð
oggreinilegagerðíhasti. -HK
BJÚRNINN
Útgefandi: Háskólabió.
Leikstjóri: Jean-Jaques Annaud.
Frönsk - sýningartími 92 mín.
Leyfð öllum aldurshópum.
Jean-Jaques Annaud fer ekki
hefðbundnar leiðir í listsköpun
sinni. Hann er nokkurs konar ein-
fari í kvikmyndaheiminum. An-
naud leitaði eftir efni frá örófi alda
þegar hann kvikmyndaði Leitina
að eldinum og jafnvel bjó til tungu-
mál sem notað var í myndinni. Sú
kvikmynd vakti mikla athygli.
Ekki síður vakti athygli mynd
hans, Nafn rósarinnar þar sein
hann réðst til atlögu við einhveria
frægustu skáldsögu síðari ára.
Björninn, nýjasta kvikmynd
hans, er einstök kvikmynd þar sem
maðurinn er í aukahlutverkum.
Aöalhlutverkin leika tveir birnir
sem eiga auðvelt með að heilla
áhorfendur, enda um ótvíræða
leikhæfileika að ræða hjá þeim. Við
fylgjumst með litlum húni sem hef-
Bimir bregða á leik
ur misst móður sína. Að mörgu
leyti minna viðbrögð hans við
dauða móðurinnar á barn sem er í
sömu aðstöðu.
Litli björninn fer á flakk í leit að
félaga. Þann félaga finnur hann í
stórum karlbirni sem er á flótta
undan veiðimönnum. Þótt sá stóri
vilji lítið með þann litla hafa í byrj-
un myndast fljótt vinskapur á milli
þeirra og verða þeir óaðskiljanlegir
í leik sem og í hættulegu umhverfi
þar sem miskunnarlausir veiði-
menn ógna tilveru þeirra.
Annaud hefur tekist að gera heill-
andi kvikmynd þar sem talað mál
skiptir litlu sem engu máli. Mikil
vinna liggur að baki myndarinnar
sem er tekin í óspilltri náttúru í
Kanada. Það tók meira en ár að
þjálfa birnina, sem voru sérstak-
lega valdir í hlutverkin, og sagði
Annaud í viðtali að þegar hann var
að velja húna hefði hann strax tek-
ið eftir þeim sem varð fyrir vahnu,
því hann var alltaf að sýnast fyrir
framan hann. Björninn er kvik-
mynd fyrir alla, börn hafa gaman
afsemogfullorðnir. -HK
Píanóskelfir
GREAT BALLS OF FIRE!
Útgefandi: Skifan.
Leikstjóri: Jim McBride. Handrit: Jack
Baran og Jim McBride. Aðalhlutverk:
Dennis Quaid, Winona Ryder, Alec
Baldwin og Trey Wilson.
Bandarísk. 1989. 108 mín. Öllum leyfð.
Jerry Lee Lewis bar með réttu
nafnið Skelfirinn (The Killer). í list-
túlkun sinn og lífi virðist hann
hafa verið ákaflega einfaldur per-
sónuleiki, nánastbarnslegur. Hann
er hins vegar óumræðanlega hluti
af rokksögunni og þess vegna löngu
tímabært að kvikmynda líf hans.
Þessi mynd náði ekki þeim vin-
sældum sem að var stefnt og var
reyndar hálfgert fíaskó. Það segir
í raun ekkert annað en að markaðs-
fræðingamir hafa ekki staðið sig
því myndin er ágætlega gerð í flesta
staði.
Quaid er hér í hlutverki Lewis
IS JEBKY LIE LEWIS
Ljj ...Ifc wtí born to nusi' hfll!
Mgass mmm sssM&tm’msMmB
og hefur greinilega lagt margt á sig
til að ná töktum Skelíisins. Hann
er að sönnu dálítið ýktur í túlkun
sinni en það er nauðsynlegt til að
útskýra fall og niðurlægingu hans.
Sem eðlilegt er er mikið fjallaö um
samband Lewis og konu hans enda
komst ferill hans aldrei almenni-
lega yfir þá umfjöllun sem hjóna-
bandið hlaut. Að mörgu leyti er
heimsóknin til Englands athyghs-
verðasti hluti myndarinnar en þar
er á skemmtilegan hátt gerð grein
fyrir því hvernig almenningsálitið
sveiflast til: Frá fullkominni að-
dáun til fullkominnar fordæming-
ar.
Tónlistaratriðin eru ágætlega
leyst af hendi og ekkert síðri en í
annarri þekktri tónlistarmynd, La
Bamba sem einhverra hluta vegna
náði mun betri árangri. Ætli þetta
snúist ekki bara um misjafna tíma-
setningu?
-SMJ
h
Launmorð
THE PACKAGE
Útgefandi: Skífan.
Leikstjóri: Andrew Davis. Handrit: John
Bishop. Aöalhlutverk: Gene Hackman,
Joanna Cassidy og Tommy Lee Jones.
Bandarisk. 1989.104 mín. Bönnuð yngri
en 16 ára.
Gene Hackman er nánast ótrú-
lega afkastamikill og er furðulegt
hve lítið það kemur niður á gæðum
í leik hans. Karlinn er reyndar
dæmigerður „stórleikari" af amer-
íska skólanum. Hann hefur að því
er virðist lítið fyrir túlkun sinni og
á ekki í vandræðum með að sveifla
sér á milli jafn ólíkra mynda og
Another Woman (eftir Woody Al-
len sem var dæmd hér í síðustu
viku) og The Package.
The Package er dæmigerður
þriller, býður upp á fátt nýtt en er
snyrtilega unnin.
Hackman leikur hermann sem
fær það verkefni að flytja brota-
mann til Bandaríkjanna frá Þýska-
landi. Fljótlega stingur fanginn af
og kemur þá í ljós að mikið sam-
særi er í gangi sem felur í sér morð
á helstu ráðamönnum heims.
Þó að „plottið" sé fremur ófrum-
legt þá bregður fyrir ágætum
spennupunktum og ekki spillir
leikur þeirra Hackman og Tommy
Lee Jones fyrir. -SMJ
★ 14
Eyðimerkurfólkið
THE SANDGRASS PEOPLE
Útgefandi: Bergvík hf.
Leikstjóri: Koos Roets.
Aðalhlutverk: Jamie Barlett, Lena Far-
ugia og Jon Cypher.
Bandarísk, 1989 - sýningartimi 90 mín.
Bönnuð börnum innan 16 ára.
The Sandgrass People skiptist í
raun í tvennt. Annars vegar fylgj-
umst við með flótta söguhetjunnar
Dalmain inn í eyðimörlúna, en
hann er ranglega ásakaður um
morð, og tilraunum hans til að
sanna sakleysi sitt. Hins vegar
fylgjumst við með hvernig frum-
byggjum eyðimerkunnar reiðir af
í baráttu sinni fyrir tilveru sinni.
Því miður verður atburðarásin á
kostnað eyðimerkurfólksins, þótt
titill myndarinnar gefi annað til
kynna. Eyðimerkurfólkið verður
aðeins þema í kringum Dalmain og
baráttu hans sem er með róman-
tísku ívafi.
The Sandgrass People er að
mörgu leyti ágætlega gerð tækni-
lega séð en leikarar eru aftur móti
ekki mjög traustvekjandi. Einhver
hefði átt að fylgjast með ofleik
þeirrameöanátökumstóð. -HK