Dagblaðið Vísir - DV - 17.05.1991, Blaðsíða 1

Sex daga hvíta-
sunnukappreið -
ar í Reykjavík
Hvítasunnukappreiðar Fáks taka
nú sex daga þó svo að einungis sé
keppt í fimm þeirra. Baráttan hófst
í gær, fimmtudag, með dómum í B-
flokki gæðinga en í dag verða A-
flokks gæðingar dæmdir klukkan
16.00.
Á laugardaginn hefst töltkeppni
klukkan 9.00, klukkan 11.00 verða
gæðingar unglinga dæmdir, klukkan
13.00 verða gæðingar barna dæmdir
og síðan heíjast úrslitaröðun A- og
B-flokks gæðinga í 6. til 10 sæti.
Kappreiðar hefjast klukkan 15.45 og
verður keppt í 300 metra brokki og
150 metra skeiði.
Á sunnudeginum verður frí, en á
mánudegi hefjast töltúrslit klukkan
13.00. Klukkan 13.30 verða úrslit í
barnaflokki, 14.00 verða úrslit í A
flokki gæðinga, 14.30 verða úrslit í
unglingaflokki, og 15.00 hefjast kapp-
reiðar: 250 metra skeið, 350 metra
stökk og 800 metra stökk.
Þátttaka í kappreiðum er meiri en
undanfarin ár, enda verðlaun rúm-
lega 200.000 krónur fyrir efstu tvö
sætin. -EJ
DV-mynd E.J
Hvítasunnukappreiðar Fáks hófust í gær.
Listasafn ASi:
J arðmyndir Ulriku
Á morgun, laugardag, klukkan
16.00 verður opnuð sýning á mál-
verkum eftir þýsku listakonuna Ul-
rike Arnold í Listasafni ASÍ að
Grensásvegi 16a.
Ulrike er þekkt listakona í sínu
heimalandi. Hún ferðast vítt ogbreitt
um heiminn og safnar jarðefnum og
úr þeim gerir hún sína eigin liti.
Ulrike reynir í myndum sínum að
ná fram þeim hughrifum sem hún
hefur orðið fyrir á þeim stöðum í
heiminum sem hún hefur safnaö
jarðefnum á. Ulrike hefur meðal
annars safnað jarðefnum hérlendis.
Nokkrar myndanna á sýningunni
eru til orðnar af íslenskum efnum
og undir áhrifum af dvöl hennar á
íslandi.
Sýningin verður opin daglega frá
kl. 14.00 til 19.00 og síðasti sýningar-
dagur er sunnudagurinn 2. júní. Að-
gangur er ókeypis.
Hákon Leifsson, sem leikur Kaj Munk, og Hjalti Vignisson.
Kópavogskirkja og Hveragerðiskirkja:
Kaj Munk um
hvítasunnuna
Um hvítasunnuhelgina verður
leikrit Guðrúnar Ásmundsdóttur
um Kaj Munk í uppfærslu Hlínar
Agnarsdóttur sýnt í Kópavogs-
kirkju og Hveragerðiskirkju. Verk-
ið hefur nú verið sýnt átta sinnum
í Hafnarkirkju, Höfn, Hornafirði
við frábærar undirtektir.
Hákon Leifsson leikur Kaj Munk.
Með önnur helstu hlutverk fara
Ólöf Guðrún Helgadóttir, Þorvald-
ur Viktorsson, Ing\'ar Þórðarson,
Jón Guðmundsson, Sigrún Eiríks-
dóttir, Hreinn Eiríksson, Erla Ein-
arsdóttir, Hjalti Vignisson og Auð-
ur Bjarnadóttir listdansari sem
samið hefur dansa við verkið.
Sýningar i Kópavogskirkju verða
á hvítasunnudag kl. 21.00 og annan
í hvítasunnu kl. 14.00. Sýning í
Hveragerðiskirkju verður næst-
komandi laugardag kl. 16.00. Miðar
verða seldir við innganginn.
Ljósbrot í Gallerí List
Inga Elin sýnir gler- og keramiklist-
muni í Gallerí List.
Nú stendur yfir í Gallerí List sýn-
ing Ingu Elínar á gler- og keranúk-
listmunum. Sýninguna kallar hún
Ljósbrot, enda gegnir ljósið mikil-
vægu hlutverki í verkunum því
ýmist er um að ræða lampaskúlptúra
og loftljós eða glermyndir í glugga.
Inga Elín stundaði nám í Mynd-
lista- og handíðaskóla íslands og síð-
an í Skolen for brugskunst í Kaup-
mannahöfn, þaðan sem hún lauk
námi árið 1988. A árinu 1987 vann
Inga Elín við hönnun ýmissa gler-
muna fyrir Hadeland glerverksmiðj-
una í Noregi. Meðal þeirra voru gler-
könnur sem hafa verið á boðstólum
í Epal. Árið 1988 hlaut Inga Elín
Kunsthaandværkereprisen í Kaup-
mannahöfn. Hún hefur nú vinnu-
stofu í gömlu verksmiðjuhúsunum á
Álafossi og rekúr þar jafnframt lítið
gallerí.
Kirkjulistahátíð '91
Kirkjulistahátíð hefst á morgun
með setningu í Hallgrímskirkju kl.
14.00. Að setningu lokinni syngur
Módettukór Hallgrímskirkju,
Dómkórinn, Kór Langholtskirkju
og Camerata Vocale frá Freiburg.
Frumflutt verður hátíðarljóð eftir
Matthías Johannessen. Klukkan
17.00 á morgun verða svo Mozart-
tónleikar í Laugarneskirkju ogeru
flytjendur: Sigríður Gröndal sópr-
an, Dúfa Einarsdóttir alt, Þorgeir
Andrésson tenór og Halldór Vil-
helmsson bassi, kammersveit og
kór Laugarneskirkju. Konsert-
meistari er Hlíf Sigurjónsdóttir og
stjómandi Ronald Turner.
Á sunnudag hefst kirkjulistahá-
tíðin klukkan 11.00 með hátíðar-
guðþjónustu í Langholtskirkju og
Neskirkju. í Langholtskirkju verð-
ur flutt Messa í D-moll, KV 65, eftir
Mozart. Flytjendur eru Þóra Ein-
arsdóttir sópran, Björk Jónsdóttir
alt, Björn Jónsson tenór og Ragnar
Davíðsson bassi, hljóðfæraleikarar
og Kór Langholtskirkju. Stjórnandi
er Jón Stefánsson. í Neskirkju
verður flutt Messa í G-dúr, KV 49,
eftir Mozart. Flytjendur eru Ing-
veldur Ólafsdóttir sópran, Stefanía
Valgeirsdóttir alt, Einar Örn Ein-
arsson tenór og Eiríkur Hreinn
Helgason bassi. Stjórnandi Guðni
Þ. Guðmundsson bassi.
Kirkjulistahátíðin stendur til 1.
júní en til 2. júní er yfirlitssýning
á verkum Sgrúnar Jónsdóttur í
Safnaðarheimili Dómkirkjunnar í
gamla Iðnskólanum við Lækjar-
götu. Sýning Sigrúnar, en verk
hennar prýða fjölmargar kirkjur
landsins, er opin frá 10.00 til 13.00
og til 16.00 til 19.00.
í tilefni af Kirkjulistahátíð ’91
efna hátíðin og Arkitektafélag ís-
lands til sýningar í fordyri Hall-
grímskirkju og Ásmundarsal,
Freyjugötu 41. Hún nefnist Form
og frumvinna - skapandi samstarf
listamanna og arkitekta í kirkjum
landsins. Sýningin stendur til 24.
maí.