Dagblaðið Vísir - DV - 23.08.1991, Qupperneq 1

Islandica í Nor-
ræna húsinu
Hljómsveitin Islandica heldur tónleika i Norræna húsinu annað kvöld, laug-
ardagskvöld.
Hljómsveitin Islandica heldur tón-
leika í Norræna húsinu annað kvöld,
laugardagskvöldið 24. ágúst, og hefj-
ast þeir klukkan 21.00. Islandica lék
á þeim sama stað þann 10. ágúst síð-
astliðinn og varð húsfyllir og ríflega
það. Því hefur verið ákveðið að end-
urtaka tónleikana.
Á síðasta ári gaf hljómsveitin út
hljómplötuna Rammíslensk með
gömlum og nýjum alþýðuperlum.
Þessi plata hefur verið með sölu-
hærri plötum hérlendis á þessu ári
og nýlega skrifaði Islandica undir
útgáfusamning hjá þýsk-ensku út-
gáfufyrirtæki sem mun dreifa afurð-
inni á alþjóöamarkað.
Hljómsveitin Islandica hefur ekki
oft leikið opinberlega hér á landi en
á undanförnum árum hefur hún
haldið um 70 tónleika erlendis, enda
er hún oft fengin á tónlistarhátíðir
að kynna íslenska tónlist. í vor tók
hljómsveitin þátt í tónlistarhátíð í
Álaborg og nú í haust mun hún halda
til Finnlands og taka þátt í þjóðlaga-
dögum sem haldnir verða í Esbo þar
í landi.
Hljómsveitina Islandica skipa:
Gísli Helgason blokkflautur, slag-
verk og söngur, Herdís Hallvarðs-
dóttir, bassi og söngur, Ingi Gunnar
Jóhannsson, gítar og söngur, og Egg-
ert Pálsson hljómborð, mandólín og
slagverk.
Vinir Dóra verða með sína síðustu tónleika á Pulsinum í bili og blússum
arið verður kvatt með stil.
Púlsinn:
Sumarblúsinn kveður
Þetta stórkostlega blússumar er
að renna sitt skeið á enda og um
helgina verða Vinir Dóra með sína
síðustu tónleika á Púlsinum, í bili
að minnsta kosti. Þess vegna verður
sérstaklega vandað til þessara tón-
leika en að sögn blúskóngsins Dóra
mun þessa helgi koma fram með
Vinum Dóra þekktur tónlistarmað-
ur og blúsari sem Dóri er búinn að
vinna að í marga mánuði að fá upp
á sviðið. Þegar gengið var á Dóra
til að fá, nánari upplýsingar um
hver þetta væri, svaraði hann með
sínu dularfulla glotti, „það kemur í
ljós.“ Auk þessa sérstaka gests ætl-
ar flöldi annarra góðra gesta að
troða upp með Vinum Dóra. Það
má þvi búast við að þessir síðustu
sumarblústónleikar á Púlsinum
verði vel sóttir og við hæfi að þetta
mikla blússumar sé kvatt með stíl.
Að sjálfsögðu verður „happy hour“
milh klukkan 22 og 23.
Fombíladagur í
Árbæjarsafni
Ásmundarsalur:
Iistrænar
ljósmyndir
í Ásmundarsal við Freyjugötu
stendur nú yfir sýning á listrænum
ljósmyndum eftir Birgittu Ósk
Óskarsdóttur. Myndimar á sýning-
unni, sem eru um 20 talsins, eru
svarthvítar, 40x50 cm að stærð,
áritaðar, númeraðar og í mjög tak-
mörkuðu upplagi (aðeins 15 eintök
eru til af hverri mynd). Allar
myndirnar eru til sölu.
Birgitta Ósk útskrifaðist frá
Menntaskólanum í Reykjavík árið
1987. Á árunum 1987-88 var hún
styrkþegi við nám í fréttaljósmynd-
un við University of Kansas í
Bandaríkjunum og frá 1988-91 við
nám í Pratt Institute í New York,
þaðan sem hún lauk BFA-prófi
(Bachelor of Fine Arts), með heið-
ursnafnbót í listrænni ljósmyndun
og listasögu 1991.
Birgitta Ósk hélt útskriftarsýn-
ingu í Pratt Institute í New York á
þessu ári svo og sýningu í Schafler
Gallery í sömu borg og í Puck
Building á Manhattan í New York.
Allar myndimar á sýningunni
eru teknar á „large format“-filmur,
það er að segja á 4x5 tomma nega-
tífur og einnig á 2 !4 tomma negatíf-
ur. Myndimar vom teknar og unn-
ar á síðustu 10 mánuðum. Sýningin
stendur til 2. september og er opin
frá klukkan 9-20 á virkum dögum Birgitta Ósk Óskarsdóttir heldur sýningu á listrænum Ijósmyndum í
en 14-19 um helgar. Ásmundarsal við Freyjugötu.
Félagar úr Fornbílaklúbbi íslands
sýna í Árbæjarsafni úrval bifreiöa
frá fyrri hluta aldarinnar, bæði
fólksbíla, vörubíla og jeppa, sunnu-
daginn 25. ágúst. Þá svara þeir
spurningum gesta um bílana og
gamli T-Fordinn frá Þjóðminjasafn-
inu fer um svæðið.
Ennfremur verður efnt til kapp-
aksturs á kassabílum í kringum
safntorgið. Hefst það klukkan 15 og
verður keppt í þremur aldursflokk-
um: 7-8 ára, 9-10 ára og 11-12 ára.
Tveir keppendur verða með hvem
bíl, ökumaður og annar sem ýtir.
Auk þessa verður á safnsvæðinu
lummubakstur, harmóníkuleikur,
skósmíði, tóvinna og vefnaður.
Fastar sýningar eru ætíð opnar og
sömuleiðis eru kaffiveitingar í Dill-
onshúsi.
Fornbiladagur verður í Árbæjarsafni á sunnudaginn.