Dagur - 29.08.1951, Blaðsíða 8
8
Dagur
Miðvikudaginn 29. ágúst 1951
Deilan um prestakallaskipunina
verður aðalmál 9. almenna
kirkjufundarins
Blaðinu hefur borizt eftirfarandi fréttatilkynning frá undirbún-
ingsnefnd hins ahnenna kirkjufundar, þess 9. í röðinni, er haldinn
verður í Reykjavík dagana 14.—16. október í haust:
Hjalteyrarverksmiðjan hefur
fengið 588Ö0 mál - 22000 mál
á ailri vertíðinni í fyrra
Prestakallaskipunin verður að-
almál fundarins. Ollum kirkju-
vinum mun ljóst, að það er meira
en lítið í húfi ,ef það mál fær ekki
viðunanlega lausn hjá þingi og
stjórn. Og á þessum fundi er al-
veg sérstakt tækifæri fyrir full-
trúa safnaðanna að ræða málið
frá öll'um hliðum. Tillögur
stjórnskipaðrar nefndítr—og álit
kirkjuráðs verða væntanlega
kunn orðin þá, og vonandi sækja
fundinn fulltrúar þeirra presta-
kalla, sem ráðgjört er að falli
niður. Verður fróðlegt og vænt-
anlega ekki áhi-ifalaust að heyra
þeirra skoðanir. Hingað til hafa
kirkjurækir leikmenn rætt þetta
mál allt of lítið.
Biskupinn á Hatnri í Noregi,
dr. theol. Kristian Schjeldrup,
verður gestur fundarins. Hann
predikar í fundarbyrjun og flyt-
ur erindi á fundinum.
Ýms erindi verða auk þess
flutt á fundinum, en dagskrá er
ekki fullsamin enn, og sérstakt
fundarboð verður ekki sent ann-
að en þessi tilkynning í blöðum
og útvarpi. Á þann hátt fá fleiri
að vita um fundinn og söfnuðir
fá tíma til að athuga, hvort þeir
telji ekki rétt að senda fulltrúa.
Eins og undanfarið hafa allir
meðlimir lúterskrar kirkju rétt
til fundarsetu og málfrelsi, en at-
kvæðisrétt allir prestvígðir
menn, sóknarnefndarmenn, safn-
aðarfulltrúar, meðhjálparar og
kirkjuorganleikarar, sömuleiðis
2 fulltrúar hvers kristilegs félags
innan þjóðkirkjunnar og lút-
ei-skra fríkirkjusafnaða.
Undirbúningsnefndin skorar að
lokum á vini kirkju og kristin-
dóms að fjölmenna á fundinn,
vera samtaka og styðja að góðri
lausn prestakallamáfsins, en eins
og kunnugt er hefur samfærsla
sú á prestaköllum í landinu, sem
Síldin kemur - og fcr
Allmikil aflahrota var í síðustu
viku. Síldin veiddist um 90 mílur
út af Langanesi, og voru torf-
urnar svo þéttar, að mörg skip
sprengdu nætur sínar.
Til Krossaness komu Jörundur
með 2098 mál, Snæfell með 670
og Stjarnan með 773. Krossa-
nesverksmiðjan hefur nú tekið á
móti 24216 málum.
Til Dagverðareyrar lcomu Pól-
stjarnan með 1082 mál, Sæfinnur
618, Bjarnarey 201, Blakknes 68,
Steinunn gamla með 53 og
Tryggvi gamli með 37. Alls hefur
Dagverðareyrarverksmiðjan feng
ið 30426 mál sífdar.
stjórnarvöldin ráðgera, fækkun
presta í sveitum og aðrar breyt-
ingar, sem af þeirri nýskipan
mundu leiða, vakið talsverða at-
hygli og umræður í landinu nú að
undanförnu, og munu menn alls
ekki' vera á eitt sáttir í þeim
efnum.
Roskin kona bíður bana
af brunasárum
Sá hryggilegi atburður gerðist
sl. laugardagskvöld, að gömul
kona, Kristbjörg Helgadóttir,
móðir Helga Dauíelssonar bónda
að Björk á Staðarbyggð hér í
Eyjaf., brenndist þar heima svo
illa, að flytja varð hana tafar-
laust í sjúkrahús hér á Akureyri,
en brunasár hennar reyndust svo
mikil, að lífí hennar varð ekki
bjargað, og lézt hún hér í spítal-
anum í fyyrinótt. — Slysið mun
hafa orðið með þeim hætti, að
gamla konan var eitthvað að
sýsla við gassuðuvél, er eldur
læstist í föt hennar og varð ekki
slökktur í tæka tíð.
Hinir lánsömu, sem
hlutu höppin á „Flug-
dag“ Svifflugfélagsins,
mega þegar vitja
vinninganna
Flugsýning Svifflugfélags Ak-
ureyrar, er haldin var á Melgerð-
ismelum fyrra sunnudag, heppn-
aðist vel og var fjölsótt, þótt
veður væri ekki sem hagstæðast
um daginn. Var þar sýnt svifflug
og listflug, bæði á svifflugu og
vélflugu, og mun áhorfendum,
sem voru milli 5 og 6 hundrað,
hafa þótt sýningin og afrek flug-
kappanna bera vott um mikið
starf og góðan áhuga félags-
manna.
Aðgöngumiðar að flugsýning-
unni og í annan stað að dansleik
Svifflugfélagsins að Hótel Norð-
urland þá um kvöldið, giltu einn-
ig sem happdrættismiðar, og
hefur nú þegar verið dregið um
þá. Kaupmannahafnarferð, fram
og til baka, vannst á nr. 414, sem
seldur var sem aðgöngumiði að
flugvellinum, en Reykjavíkur-
ferð, fram og aftur, vannst á nr.
175, sem seldur var sem að-
göngumiði að dansleiknum. —
Vinninganna sé vitjað í skrifstofu
Flugfélags íslands.
Kauplagsvísitalan
139 stig
Hefur hækkað um
7 stig
Kauplagsnefnd hefur nú
reiknað út kaupgjaldsvísitöl-
una fyrir ágústmánuð, og
reyndist hún vera 139 stig,
miðað við 100 þann 1. marz
1950. Er hún því 7 stigum
hærri en vísitala sú, sem laun
eru nú greidd eftir, og verður
þá tímakaup verkamanna í al-
mennri vinnu næstu 3 mán-
uðina, eða til 1. des. næstk.,
kr. 12.84.
Snmarvegur ruddur
í Hólmatungur
Ferðafélag Húsavíkur hefur í
samvinnu við vegagerð ríkisins
rutt bílfæran veg frá Jökulsár-
brú norður í Ilólmatungur, eða
alls um 10 km. leið.
Var leiðin rudd með jarðýtu
nú um síðustu mánaðamót, að
svo miklu leyti sem því varð við
komið, en fyrir 10 dögum síðan
fór svo um 20 manna hópur úr
ferðafélaginu skemmti- og
vinnuferð þangað og vann þar að
grjótruðningi og öðrum vegabót-
um dagana 18. og 19. þ. mán.
Leiðin um Austur-Fjöll — frá
Dettifossi um Hólmatungur,
Svínadal, Hljóðakletta og Ás-
byrgi til Axarfjarðar —■ hefur
löngum þótt sérlega fögur og sér-
kennileg. Hefur nú með þessari
nýju vegagerð miðað drjúgum í
þá áttina að gera hana bílfæra að
sumarlagi, og mun margur ferða-
maðurinn, sem fýsir að kanna
fögur náttúrufyrirbæri landsins,
fagna þessum áfanga.
Opið bréf til Ríkis-
útvarpsins
Tónlistarstjórn Ríkisútvarpsins
harðlega gagnrýnd í nýútkomnu
riti eftir Björgvin Guömundsson,
tónskáld.
Þessa dagana er að koma ú
markaðinn nýr ritlingur eftir
Björgvin tónskáld Guðmundsson,
og nefnist bókin „Opið bréf til
tónlistardeildar ríkisútvarpsins
vegna óþjóðhollra starfshátta" og
er um 50 bls. að stærð í Skírnis-
broti. Nafn bókarinnar mun gefa
allgóða hugmynd um innihald
hennar ,og er það sízt að efa, að
margan mun fýsa að lesa og
heyra, hvað tónskáldið hefur um
þessi mál að segja, enda munu
ýmsir þekktir menn koma þar við
sögu, svo sem Páll ísólfsson, Jón
Þórarinsson og fleiri og allir vita,
að vel kann Björgvin að halda á
penna og hvergi er hann myrkur
í máli.
Samkvæmt símtali, sem blaðið
átti í fyrradag við Véstein Guð-
mundsson, verksiniðjustjóra á
Hjalteyri, hafði verksmiðjan þá
fengið 58800 mál síldar til
bræðslu, en aðeins 22000 mál á
allri síldarvertíðinni í fyrra.
Aflahæstu skipin eru: Þórólfur
7157 mál, Straumey 6298 mál,
Gyllir 6199 mál, Ingvar Guðjóns-
son 5291 mál og Súlan frá Akur-
eyri 4933 mál. Afli annarra
Akureyrarskipa, er lagður hefur
verið upp á Hjalteyri er þessi:
Akraborg 4130, Bjarki 1444,
Njörður 1404 og Alden 1030 mál.
Allmikill afli barst til Hjalt-
eyrar úr aflahrotu þeirri, er
fékkst djúpt út af Norð-Austur-
landi nú fyrir síðustu helgi: Þór-
ólfur kom þangað með 1900 mál,
Skallagrímur með tæp 1000,
Straumey 900, Súlan 1000, Akra-
borg 1350, Ingvar Guðjónsson
1250, Sverrir 200, Svanur 560,
Gyllir 1100, Eldborg 400, Arnar-
nes 640 og Sigríður með 170 mál.
Slys á Hjalteyri
Síðastl. sunnudag vildi það slys
til á Hjalteyri, er togarinn Gyllir
var að athafna sig þar við
bryggju, að dráttarstrengur
skipsins brast í miðjum klíðum
og slóst annar endi hans í læri
eins hásetans og meiddi hann
illa. Hásetinn slasaði var fluttur
í sjúkrahús hér í bænum og þar
gert að sári hans. Mun nú allgóð
von um að hann fái haldið fætin-
um, sem sýnzt gat þó vafasamt í
upphafi.
Verksmiðjustjórinn kvað þá
engar nýjar aflafréttir hafa bor-
izt, enda naumast veiðiveður,
þótt síldarflotinn héldi sig á
miðunum. Hins vegar kvað hann
ýmsa sjómenn vongóða um meiri
afla, strax og veður kyrrði svo,
að hægt væri að sinna veiðunum.
Níræð sæmdarkona
látin
Nýlega er látin um nírætt
Guðlaug Jónsdóttir að Ásgarði á
Hauganesi, þar sem hún hefur
lengi dvalið hjá Trausta Jó-
hannessyni og frænku sinni,
Onnu sál. Jónsdóttur konu hans.
Guðlaug var starfssöm kona og
ágætlega verki farin. Hún var
lengi að nokkru vinnukona í
Svarfaðardal, bæði í Tjarnar-
gai'ðshorni, Tjörn og víðar.
Var hún jafnan dul kona og
hljóðlát, en átti þó til græzku-
laust gaman og hafði jafnan yndi
af ungu fólki. Varði hún margri
krónu af fátækt sinni til þess að
gleðja það, og minnast nú ýmsir
þess, sem þá nutu góðs af hlý-
hug hennar og fyrirhöfn. Og þótt
aldrei færi mikið fyrir Guðlaugu
sál. í lífinu vann hún öll sín störf
með trúmennsku og af dyggðugu
hugarfari.
Þá er hún kveður minnast
hennar allir, sem kynntust henni,
með virðingu og þökk, því að
hún á með réttu þann vitnisburð
og það fagra eftirmæli, sem er
gulli dýrmætara, að hún var
hinn trúi þjónn alia æfi. — S.
Níi skal heyfengnum bjargað í hlöðu,
áður en haustið gengur í garð
Myndin sýnir nýtízku heyhleðslutæki og heyvagn og er tekin hér á
landi af myndatökumanni frá Efnahagssamvinnustjórn Sameinuðu
þjóðanna (ECA). Franskir kvikmyndatökumenn vinna nú hér á
landi að kvikmynd um ísland á vegum ECA. M. a. hafa þeir kvik-
myndað verksmiðjurnar og ullarþvottastöðina hér í bæ, Laxárvirkj-
unina, hverasvæðið í Námaskarði og ýmsa aðra staði og mannvirki
hér norðanlands. — Þegar kvikmynd þessi verður tilbúin til sýn-
ingar, væntanlega á næsta ári, mun hún vcrða sýnd í öllum löndum
Vestur-Evrópu, Bandaríkjunum og víðar, og verður væntanlega
hin bezta landkynning.