Dagur - 07.01.1960, Blaðsíða 6
6
D A G U R
Fimmtudaginn 7. janúar 19S0
Minningarorð um Ingimar Eydal
Framhald af 5. síðu.
starfi sínu átt ríkan þátt í að
móta þá Akureyri, sem við nú
þekkjum. Margir þeir, sem að
undanförnu hafa borið hitann og
þungann af að skapa sögu bæjar-
ins, hafa verið nemendur Ingi-
mars. Og enginn veit hver hlutur
góðs kennara er í þeirri sköpun.
Eg þakka honum einnig fyrir
mína eigin hönd og samkennara
hans við skólann fyrir elskulega
samvinnu, ljúfmennsku og góð-
vild.
Ingimar var góður og merkur
drengur. — Guð blessi hann!
Hannes J. Magnússon.
Ingimar Eydal, fyrrverandi
ritstjóri Dags og um langt skeið
kennari við Barnaskóla Akur-
eyrar, andaðist aðfaranótt 28.
desember sl. Ekki verður sagt að
andlát hans kæmi mjög á óvart,
því að bæði var hann orðinn há-
aldraður, á 87. aldursári, enda
voru líkamskraftar hans þrotnir
að kalla, þó að hann liði ekki
þjáningar, en minni og fullri
rænu hélt hann þar til fáum dög-
um áður en hann dó.
Hér verður ekki nein ævisaga
Ingimars sál. sögð, enda tel eg
víst, að helztu æviatriða hans
verði getið af öðrum. En hann
var einn af allra beztu vínum
mínum um marga áratugi og
þess vegna langar mig til að
kveðja hann með fáeinum orð-
um.
Eg sá Ingimar Eydal fyrst, svo
að eg muni, seint á árinu 1902 og
þekkti hann í sjón eftir það.
Hann var þá heimiiiskennari á
Þúfnavöllum í Hörgárdal. Mun
hann jafnan hafa stundað
kennslu á vetrum, eftir að hann
útskrifaðist úr Möðruvallaskóla
árið 1895, nema þegar hann um
tíma stundaði framhaldsnám í
Danmörku. Þessir fyrstu sam-
fundir okkar leiddu auðvitað
ekki til neinna nánari kynna,
enda var eg þá aðeins tæpra 14
ára gamall, en minnisstæður var
hann mér þó eftir það. Málkunn-
ugir urðum við þegar á æskuár-
um mínum, þegar eg var um
tvítugt og eftir það. Það var þó
fyrst eftir að eg var kosinn í
stjórn KEA vorið 1921, að náin
kynni okkar og samstarf hófst.
Hélzt það samstarf í full 30 ár,
eða þar til hann gekk úr kaupfé-
lagsstjórninni árið 1951, þá 78
ára gamall, en sú vinátta sem
þróaðist okkar á milli við sam-
starfið, bæði að málum kaupfé-
lagsins og í stjórnmálum, hélzt
þó óslitið til æviloka hans.
Ingimar Eydal vann mikið og
merkilegt starf á langri ævi. í
fyrsta lagi var hann kennari ali-
an þroskaaldur sinn, fyrst far-
kennari og heimiliskennari, svo
við lýðskóla þann, sem Magnús á
Grund stofnaði á heimili sínu og
rak um nokkur ár. Árið 1908
varð hann svo kennari við
Barnaskóla Akureyrar og gegndi
því starfi þar til hann fékk lausn ’
frá því sökum aldurs. Því miður
var eg aldrei nemandi Ingimars,
þó mig langaði einu sinni mikið
tl þess. Get eg því ekki dæmt um
kennslustörf hans af eigin raun,
en talað hef eg við gamla nem-
endur hans, sem minnast hans
með þakklæti. Kemur mér það
ekki á óvart, því að hann gekk
heill að hverju starfi og hann var
góður maður og hlýtur því að
hafa haft góð áhrif á nemendur
sína.
Ingimar átti í full 34 ár sæti í
stjórn Kaupfélags Eyfirðinga,
eða frá 1917—51, enda var sam-
vinnustefnan jafnan eitt mesta
hugðarefni hans. Sem blaðamað-
ur hélt hann jafnan uppi ske-
leggri vörn og sókn fyrir hana í
blaði sínu, og sem stjórnarnefnd-
armaður í KEA vann hann mikið
verk í þágu félagsins, einkum
þegar formaður þess, Einar sál.
Árnason, sat á Alþingi, því að
Ingimar var varaformaður og
hvíldu því formannsstörfin á
honum í fjarveru formannsins.
Eftir 30 ára samstarf við hann í
stjórn kaupfélagsins, get eg ekki
hugsað mér betri og einlægari
samvinnumann, heldur en hann
var og það í orðsins beztu merk-
ingu. ,
Þátttaka í stjórnmálum var
lengi eitt aðal viðfangsefni Ingi-
mars Eydals og raunar náskylt
starfi hans að samvinnumálum
og af sömu rót runnið. Hann
varð Framsóknarmaður þegar
við stofnun flokksins og vann
honum allt það gagn, er hann
mátti. Hann varð fyrsti ritstjóri
Dags, þegar blaðið hóf göngu
sína 1918, en lét fljótlega af því
starfi í bráð af ástæðum, sem
ekki verða hér raktar, en lýsa
bæði drengskap og viðkvæmri
lund hans. Hann tók aftur við
ritstjórn blaðsins 1928 og gegndi
því starfi á meðan kraftar hans
entust. Undir ritstjórn hans varð
blaðið öflugur málsvari Fram-
sóknarflokksins og samvinnu-
stefnunnar. Ingimar gat verið
harðskeyttur í stjórnmáladeilum,
en þó jafnan drengilegur. Að
sjálfsögðu átti hann ýmsa and-
stæðinga í stjórnmálum, eins og
allir, sem við þau mál fást, en
persónulegan óvin hygg eg aið
hann hafi engan átt. Vegna stöðu
minnar átti eg náið samstarf við
hann, einnig á sviði stjórnmál-
anna og var það iríeð ágætum frá
hans hendi. Tel eg mér það mikið
lán á lífsleiðinni að hafa verið
náinn samstarfsmaður manna
eins og Einars á Eyrarlandi og
Ingimars Eydals. En nú eru
gömlu samstarfsmennirnir og vin
irnir sem óðast að flytjast yfir
landamærin miklu. Það er lífsins
saga og ekki um annað að gera
en reyna að sætta sig við það.
Mér virðist Ingimar Eydal hafa
verið lánsmaður, þó að nokkrar
raunir hafi hann orðið að þola,
eins og flestir aðrir, sem háum
aldri ná. Það er mikil gifta að fá
tækifæri til að vinna um langan
aldur að framgangi hugsjóna
sinna, eins og honum auðnaðist.
Heimilisláni átti hann einng að
fagna lengst af. Hann var kvænt-
ur ágætri konu, Guðfinnu Jóns-
dóttur, ættaðri af Austurlandi, er
hún dáin fyrir fáum árum. Þau
áttu 5 börn, 3 syni og 2 dætur.
Það var ekki minnsta lán Ingi-
mars, að síðari ár ævinnar gat
hann dvalist á heimili beggja
dætra sinna og veittu þær hon-
um alla þá hjúkrun og aðhlynn-
ingu í ellinni, sem mögulegt var.
Það sá eg sjálfur mörgum sinn-
um. Erum við, vinir Ingimars, í
mikilli þakkarskuld við þær
systur, Hlíf og Þyri, fyrir það,
hvað vel þær reyndust föður sín-
um í elli hans.
Kæri vinur, Ingimar Eydal.
Eg kveð þig nú hinztu kveðju og
þakka þér öll okkar kynni og
samfylgd frá því fyrsta til hins
síðasta, þakka baráttu þína fyrir
þeim málstað, sem við báðir
töldum réttan, og mikið starf í
hans þágu, en fyrst og fremst
þakka eg þér órofa vináttu þína
til hinztu stundar.
Bernharð Stefánsson.
HVÍTL.TÖFLUR
HUNANG, HVÍTLAUKUR
ÞARATÖFLUR, ÞURRGER
JURTAKRAFTUR
JURTATE
HRÖKKBRAUÐ
úr nýmöluðu.
VÖRUHÚSIÐ H.F.
TELPUBUXUR
verð frá kr. 8.50
KVENBUXUR
verð frá kr. 17.50
DRG. NÆRBUXUR
stuttar kr. 10.00.
DRG. NÆRBUXUR
síðar kr. 22.50
KARLM. NÆRBUXUR
síðar kr. 31.50 og 33.50.
VÖRUHÚSIÐ H.F,
VINNUFATNAÐUR
VINNU VETTLIN GAR
SJÓKLÆÐI
SJ Ó VETTLIN G AR
„VICTORY“ PEYSUR
VÖRUHÚSIÐ H.F.
Afgreiðslusfúlka
vön búðarstörfum, óskast hálfán eða allan daginn.
Upplýsingar í síma 1220.
VERZLUNIN EYJAFJÖRÐUR.
VERZLUNIN ÁSBYRGI
er flutt í Geislagötu 5
EN
Rýmingarsala
verður í Skipagötu 2,
sem byrjaði miðvikudaginn 6. janúar.
Þar er til sölu mjög ódýrt:
FYRIR DÖMUR:
Nœrfatnaður
Ndttföt
Náttkjólar
Sokkabuxur
Nylon-sokkar
Ullar-sokkar
ísgarns-sokkar
og margt fleira.
FYRIR BÖRN:
Nœrfatnaður
Náltföt
Kjólar
Föt
Peysur
Sokkar
Leistar
VERZLUNIN ASBYRGI
TILKYNNING
frá félagsmálaráðuneytinu um
skyldusparnað
Samkvæmt ákvæðutn gildandi laga og reglugerðar um
skyldusparnað skal skyldusparifé, sem nemur 6% af at-
vinnutekjum einstaklinga á aldrinum 16 til 25 ára, lagt
fyrir á þann hátt, að kaupgreiðandi afhendi launþega
sparimerki livert skipti, sem útborgun vinnulauna fer
fram. Sparifé vegna sambærilegra atvinnutekna við laun
skal hlutaðeiga7idi sjálfur leggja til hliðar með því að
kaupa sparimerki mánaðarlega, þó eigi siðar en síðasta
dag februar n. k., vegna slíkra tékna á árinu 1959. Sama
gildir ef kaup er greitt með fæði, húsnæði eða öðrum
hlunnindum þó skattfrjáls séu. Verðgildi slíkra hlunn-
inda skal miðað við mat skattánéfndar til tekna við Síð-
ustu ákvörðun tekjuskatts.
Ef í ljós kemur að sparimerkjakaup hafa verið van-
rækt, skal skattayfirvald úrskurða gjald á hendur þeim,
sem vanrækir sparimerkjakaup, er nema má allt að þre-
faldri þeirri upphæð, sem vanrækt liefur verið að kaupa
sparimerki fyrir. Athygli er vakin á því, að samkv. 2.
mgr. 7. gr. reglugerðar um skyldusparnað nr. 116/1959,
skal jafnan tæma sparimerkjabækur um hver áramót, og
þó eigi síðar en 10. janúar ár hvert.
12. desember 1959.
FÉLAGSMÁLARÁÐUNEYTIÐ.
ATVINNA!
Ungur reglusamur maður, með verzlunarmenntun, ósk-
ar eftir atvinnu. — Tilboð merkt „Verzlunarmenntun“
leggist inn á afgr. Dags fyrir 20. janúar n. k.
TILKYNNING
frá Skattstofu Akureyrar
Veitt verður framtalsaðstoð á skattstofunni í Strand-
götu 1, alla virka daga til loka janúarmánaðar. Verður
Skattstofan opin frá kl. 9—12 og 1—7, nema laugardaga
til kl. 5 e. h. Síðustu viku mánaðarins verður opið til
kl. 9 á kvöldin.
Þeir, sem njóta vilja framtalsaðstoðar á Skattstofunni
eru beðnir að taka með sér öll þau gögn, sem með þarf,
til þess að framtöli^ ,megi -;xerða rétt-og nákvæmlega
gerð, s. s. fasteigiiagjaldakvittanir, reifehingá'rý£ir við-
haldskostnað húseigna, vaxtanótur o. s. frv. Enn fremur
ættu þeir sem hafa hús í smíðum, eða einhvern rekstur
með höndum að taka með sér alla reikninga því við-
komandi.
Skattskýrslurnar verða bornar út í næstu viku,. en
þeir sem eru á förum úr bænum, eða af öðrum ástæðum
vilja ljúka framtölum þegar, geta fengið eyðublöð og
aðstoð á Skattstofunni.
Atvinnurekendur og aðrir, sem laun hafa greitt á ár-
inu 1959, eru áminntir um að skila launaskýrslum í því
formi, sem eyðublöðin segja til .um, og eigi síðar en
10. þ. m.
Framtalsfresti lýkur 31. janúar. Þeim, sem ekki skila
framtölum fyrir þann tíma verður áætlaður skattur.
Akureyri, 6. janúar 1960.
SKATTSTJÓRINN Á AKUREYRI,
Hallur Sigurbjörnsson.