Dagur - 04.01.1964, Side 4

4
Skrifstofur, Hafnarstræti 90, Akureyri
Símar 1166 og 1167
Ritstjóri og ábyrgðarmaður:
ERLINGUR DAVÍÐSSON
Auglýsingar og afgreiðsla:
JÓN SAMÚELSSON
Prentverk Odds Bjömssonar h.í.
FJARLOGIN 1964
FJÁRLÖGIN — þ. e. fjárhagsáætl-
un ríkissjóðs fyrir árið 1964, voru
afgreidd frá Alþingi fyrir jólin. Þessi
lagabálkur er nú, sem fyrr, í raun-
inni heil bók 90—100 folio-síður
(stórarkabrot). Sú bók er að vísu í
fárra höndum og mun ekki þykja
girnileg til lestrar. Eigi að síður
mun hún að líkindum hafa meiri
áhrif hér á landi á þessu ári, en
nokkur önnur bók, sem út kom á
árinu sem leið.
Þetta eru milljarðafjárlög eins og
fjárlögin í fyrra, en þó mun hærri
nú en þá. Samkvæmt þessum f járlög-
um verða álögur á þjóðina á hinu
nýbyrjaða ári (skattar, tollar, gróði
ríkisverzlana o. fl.) nálega 2700
milljónir króna. Hér vantar þó við-
bótina við benzín- og bifreiðaskatt,
samkv. nýju vegalögunum, því að sú
viðbót, sem er áætluð nál. 87 millj.
kr. var ekki tekin inn í tekjubálk
fjárlaganna. Alls eru því álögurnar á
þessu ári áætlaðar nál. 2783 millj.
kr.
Þegar Framsóknarflokkurinn stóð
síðast að afgreiðslu fjárlaga (fyrir ár-
ið 1958) var niðurstöðutala þeirra,
að viðbættum niðurgreiðslum úr út-
flutningssjóði, 882.5 millj. kr. Fjár-
lagaupphæðin hefur því gert talsvert
betur en þrefaldast á þeim tíma, sem
núverandi stjórn hefur farið með
völd. Þessi gífurlega hækkun fjárlag-
anna, endurspeglar, að verulegu
leyti hina miklu röskun, sem orðið
hefur í efnahagslífi þjóðarinnar af
völdum viðreisnardýrtíðarinnar, sem
ríkisstjórnin skapaði með stefnu
sinni og ræður nú ekki lengur við —
og minnkandi kaupmætti íslenzkrar
krónu.
Það kom glöggt fram í fjárlaga-
umræðunum á Alþingi, að fjármála-
ráðherranum er að byrja að verða
órótt út af hinum háu tölum fjár-
laganna. Til þess að gera minna úr
hækkuninni, en hún raunverulega
er, greip hann til þess óyndisúrræðis
að bera RÍKISREIKNING ársins
1958 saman við FJÁRLÖG 1964, en
sá samanburður er ekki raunhæfur,
þar sem ríkisreikningur er alltaf
hærri en fjárlögin.
Hitt er svo sérstakt áhyggjuefni
nú um áramótin, að þótt fjárlögin
séu nú komin hátt á þriðja milljarð-
inn, verður því miður ekki betur
séð, en að hér sé aðeins um bráða-
birgðaafgreiðslu að ræða. Upphæð
sú, sem í fjárlögum er ætluð til nið-
urgreiðslu á vöruverði innanlands,
nægir hvergi nærri til að standa á
þessu ári straum af þeim niður-
greiðslum, sem átt hafa sér stað und-
anfarið. Talið er, að aukafjárlög eða
nýjar efnahagsráðstafanir komi til
meðferðar á Alþingi, þegar það kem-
ur saman 16. janúar. □
Noráienzk
HÉR fara á eftir nokkur annáls-
brot frá liðnu ári, einkum norð-
lenzk, til upprifjunar.
Janúar.
Gestur Guðmundsson, svarf-
dælskur tenórsöngvari, hélt
söngskemmtun í Varðborg á Ak
ureyri.
Frá því er greint í fréttum að
55 menn hafi farizt á árinu 1962,
þar af 11 í umferðarslysum og
35 drukknuðu.
Fyrstu daga mánaðarins fund
ust 5 útigengnar kindur við
Gönguskörð í Garðsárdal. Þær
voru vænar og fráar á fæti.
Lénharður fógeti leikinn á
Dalvík við góða aðsókn.
Svo snjólétt var, að ekið var
t. d. yfir Lágheiði við Ólafsfjörð
Vopnfirðingar berjast við vatns-
skort. Verða að breyta lífsvenj-
um sínum af þeim sökum. Víða
vatnsskortur í sveitum og vatni
ekið, sumstaðar um nokkuð lang
an veg, handa fólki og búpen-
ingi.
Nýr barnaskóli tekinn í notk-
un í Mývatnssveit. Hann stend-
ur við Álftavog.
Hekla varð frá að hverfa, er
hún ætlaði að brjótast gegnum
ís á Akureyi-arpolli.
Skautasvelli er haldið opnu
við íþróttavöllinn og það meira
sótt af ungu fólki en aðrir stað-
ir.
Samkvæmt ákvæðum í lögum
hækkaði kvennakaup.
Dauðaslys urðu í Skriðum í
Fagradal austur.
Þrekmælir sá, sem íslending-
ar hafa verið prófaðir með í
Reykjavík og á Akuréyri, segir
landa þreklitla og fást fáir til
að trúa því þrekleysi.
Á Akureyri voru 10 menn
teknir fastir vegna ölvunar við
akstur fyrsta hálfa mánuð árs-
ins.
Tíu dauðaslys urðu í landinu
í janúarmánuði. Þeirra á meðal
nokkur vegna ölvunar.
Æskulýðsráð Akureyrar tók
til starfa. Það er skipað 7 mönn-
um, þar af 3 kosnum af bæjar-
stjóm. Hermann Sigtryggsson
ráðinn framkvæmdastjóri Æsku
lýðsráðs og íþróttaráðs.
Mislingar ganga um sveitir,
herja meðal annars á nemendur
Laugaskóla.
Verkakvennafélagið Eining og
Verkamannafélag Akureyrar-
kaupstaðar sameinast í Verka-
lýðsfélagið Einingu.
Fjárhagsáætlun Akureyrar
samþykkt. Útsvör og aðstöðu-
gjöld 34,8 millj. kr.
Björn Guðmundsson kosinn
formaður Framsóknarfélags Ak
ureyrar.
Nýtt bifreiðaverkstæði, Baug-
ur h.f., tekur til starfa.
Stórbruni á Melum í Fnjóska-
dal.
Kjördæmisþing Framsóknar-
manna haldið á Akureyri og
framboð ákveðin.
Nemendur Barnaskóla Akur-
eyrar hljóta mikið lof fyrir ó-
venjugóða frammistöðu í sam-
keppni um teikningar.
Febrúar.
í febrúarmánuði lentu 50 bíl-
ar í árekstrum á Akureyri.
Á sama tíma var slökkvilið
bæjarins kallað út 12 sinnum.
Búnaðarsamband Eyjafjarðar
tók Bændaklúbbinn upp á sína
arma.
Silungurinn í Höfðavatni vest
ur í þúsundatali frosinn í ísnum.
Vatnið er þó ekki botnfrosið.
Smyglað vín og heimabrugg-
að áfengi finnst hjá leigubíl-
stjóra einum á Akureyri af
hinni mestu tilviljun.
Félagsráðsfundur KEA sóttur
af 30 fulltrúum, haldinn 12. febr
úar.
Valtýr Þorsteinsson útgerðar-
maður greiddi á árinu 1962 12,7
millj. krónur í vinnulaun.
Skipt um aflvél í Snæfellinu
á Akureyri, eftir 20 ára notkun
gömlu vélarinnar.
Mánafoss kemur til Akureyr-
ar og lagðist klaufalega að
bryggju.
Straumfaxi bætist í íslenzka
flugflotann.
Námskeið í mælskulist haldið
á Svalbarðsströnd, undir leið-
sögn séra Sigurðar Hauks Guð-
jónssonar.
Byrjað á hafnarframkvæmd-
um í Hrísey og sprengd Sela-
klöpp í uppfyllingu.
Akureyringur „reri í sel“,
fékk kampsel og mink. Sami
maður á mink fyrir kunningja
heima hjá sér, segir að hann
drepi allar rottur og betra sé að
hafa einn mink en margar rott-
ur.
Sjóvinnunefnd stofnuð að
frumkvæði Æskulýðsráðs.
Ársþing eyfirzkra ungmenna-
félaga haldið á Melum. Þar er
gróska í félagsmálum.
Nítján býli í Eyjafirði fá raf-
magn.
Freysteinn Sigurðsson frá
Siglufirði varð skákmeistari
Norðurlands.
Veitingasala hafin í Skíðahót-
elinu í Hlíðarfjalli.
Hallarekstur varð hjá ÚA og
nam hann um 3 millj. kr.
Marz.
Tehús ágústmánans sýnt á Ak
ureyri við góða aðsókn.
Rætt um að taka ull af fé í
marz, til að fá betri ull.
Tveir Rússar uppvísir að
njósnuni hér á landi. Þeir voru
sendir til sinna föðurhúsa.
Æskulýðsheimili var stofnað
á Siglufirði.
Nýtt stálskip, 225 tonna, kom
til Dalvíkur. Eigandi Egill Júl-
íusson.
Tengdapabbi sýndur í Ólafs-
firði.
Kirkjuvika vel sótt á Akur-
eyri.
Lélegar brunavarnir Sam-
komuhússins á Akureyri til um
ræðu, en úrbætur litlar gerðar.
Asíuinflúenzan breiðist um
landið.
Tízkuskóli starfar á Akureyri
mn tíma, undir stjórn Sigríðar
Gunnarsdóttur.
5
anná
Auðunn EA 157 sjósettur á
Akureyri.
„Pétur kominn heim“, nefnist
sjónleikux-, sem sýndur er í
Freyvangi um þessar mundir.
Heimafólk leikur.
Ný handfæravinda, norsk,
kynnt hér á landi.
Stjórnmálakynning hafin í
Menntaskólanum á Akureyri.
Plastbátar framleiddir á
Blönduósi, allt að 15 feta langir.
Norðurlandsborinn kominn í
mikinn en þurran hita á Húsa-
víkui-höfða. Hann fluttur í
Bjarnarflag í Mývatnssveit.
Ákveðið að opna nýja ferða-
skrifstofu á Akureyri, Ferða-
skrifstofuna Sögu.
Drukkinn knapi ríður um veit
ingastofu á Akureyri.
Stórbruni varð á Hvammi í
Þistilfirði.
Nýjar mjólkurflöskur teknar
í notkun á Akureyri. í þeim er
litað gler.
Jöi-ð skelfur ákaflega. Upptök
in talin úti fyrir Skagafirði.
Danskennsla á nokkrum stöð-
um í sveitum, m. a. í Svarfaðar-
dal og í Möðruvallasókn.
Apríl.
Fjalla-Eyvindur leikinn á
Sauðárkróki við góða dóma.
Fornmannadys finnst í landi
Syðra-Krossaness.
Mokafli á Laufásgrunni um
skeið.
[sorot
Framboðsfundir í algleym-
ingi.
Brynjólfur veitingamaður gef
ur út lítinn en laglegan ferða-
mannapésa um Akui'eyri og ná-
grenni.
Brezkur togari renndi 6 metra
inn í brýggju á Oddeyri.
Þingeyskir bændur fengu kr.
4,90 fyrir mjólkurlítrann.
Ný veitingastofa opnuð í Varð
borg. Þar eru sýnd málverk og
klessumyndir.
KÞ heldur aðalfund sinn í Mý
vatnssveit.
Maður týnist af opnum báti á
Eyjafirði.
Dalvíkingar kaupa tvo mótor-
báta.
Mývetningar sýna „Mýs og
menn“ heima og heiman, m. a.
í Freyvangi. Leikarar fá góða
dóma.
Fyrsta námskeið í logsuðu og
rafsuðu haldið á Akureyri.
Sexfætt lamb fæðist á Neðri-
Vindheimum.
Fé flæddi og fennti á Hraun-
um í Fljótum, alls um 20 kindur.
Víða berast fréttir um mun
lélegri afla en árið áður.
Ný búfjárræktarstöð tekur til
starfa á Blönduósi.
Tunnuverksmiðjan á Akur-
eyi'i framleiddi um 55 þúsund
tunnur, sem flestar eru geymd-
ar á Dagverðareyri.
Feiknalegt „gufuskot“ í bor-
holunni í Bjarnarflagi.
Banaslys varð í umferðinni á
Akureyri.
Stjórnmálin efst á baugi hjá
mörgum þennan mánuð.
Okufantar ógna umfei'ðinni í
höfuðstað Norðurlands.
Júní.
Nýjar varpstöðvar súlunnar
fundnar í Stórakarli í Læknis-
staðabjai'gi á Langanesi. Þar eru
100 hreiður.
Mót fei'mingarbarna haldið í
Hrísey. Þann dag voru á sjötta
hundrað manns í eynni.
Ofsalegir vatnavextir víða á
Norðurlandi. Hitinn fór upp í
25 stig.
Flugmenn komnir í verkfáll,
sem hófst annann hvítasunnu-
dag.
Áttunda kjörbúð KEA opnuð
á Akui'eyri.
190 fulltrúar sitja aðalfund
KEA, auk stjórnar og gesta.
Koi'ni aftur sáð í aki'ana við
Oxará og á Einarsstöðum.
Margir minkar veiddir í gildr
ur í Mývatnssveit.
Hið mikla Þjórsárdalsævin-
týri vakti athygli ýmsra manna.
Á Austurlandi er gæsastríð
háð af fullri alvöru.
Hinn 9. júní kosið til Alþingis.
Strandamenn heimsækja Ey-
firðinga í svonefndri bændaför.
Frá MA voru brautskráðir 67
stúdentar.
Tugur manna sektaðir á Ak-
ureyri fyrir brot á umferðarlög-
um.
Jai-ðskjálftamælar komu til
Akureyrar.
Verkföllum afstýrt með 7,5%
kauphækkun.
Mislingar herja mjög í Svarf-
aðai'dal og víðai'.
Sláttur hafinn í Eyjafirði.
Maður féll af hestbaki og höf-
uðkúpubrotnaði.
Þura í Garði er látin.
Júlí.
Kjaradómur felldi úrskurð
sinn, og fólust í honum 40—
45% launahækkanir til opin-
berra stai'fsmanna.
Skozkir fræðimenn slá tjöld-
um í Þorvaldsdal á Árskógs-
strönd.
Bændadagur haldinn í Laug-
arborg á vegum búnaðarsam-
taka og ungmennafélaga.
Konur frá Akureyri fjöl-
menna í Öskju og komu þaðan
óskemmdar.
Síldarstúlkur streyma til síld-
arsöltunai'stöðvanna.
Nýtt samkomu- og veitinga-
hús opnað á Akureyri, kennt við
Sj álfstæðisflokkinn.
Ný veitingastofa opnuð í Hó-
tel Akui'eyi'i.
Göt detta á gömlu Fnjóskár-
brúna við Vaglaskóg.
Bjarndýr skotið í Hornvík á
Hornströndum.
Vestur-fslendingar, 60—70
manns, heimsækja Akureyri,
Færeyingar koma til Akur-
eyrar, leika og syngja.
Samtímis voi'u 14 flugvélar
á Akui'eyrai'flugvelli hinn 1.
júlí.
Skálholtskix-kja vígð með mik
illi viðhöfn. Hún og staðurinn
afhent þjóðkirkjunni.
Ágúst.
Spellvirki framin í Bægisár-
hyl.
Skóli byggður á Laugalandi á
Þelamörk.
Úrslit hugmyndasamkeppni
um skipulag miðbæjarins á Ak-
ureyri gerð kunn.
Fyrstu álagildrurnar lagðar í
Eyjefirði af Pétri Hoffmann, en
án árangurs.
Tilraun gerð á Skagafirði til
að sökkva mótorbát, en tókst
ekki.
Aldarafmælis Stefáns Stefáns
sonar skólameistara minnzt á
Akureyri.
Þórunn og Askjenazi í heim-
sókn í höfuðstað Norðurlands.
Minjasafnið á Akureyri opnað
almenningi með viðhöfn.
Loftur Baldvinsson, nýtt 225
tonna stálskip, kom til Dalvík-
ur.
Sundlaug, með hituðum sjó,
tekin í notkun í Hrísey.
Nýtt póst- og símahús tekið í
notkun á Dalvík.
Jarðskjálfti á takmörkuðu
svæði í N.-Þingeyjarsýslu.
Maður villtist frá konu við
Dettifoss og lá úti. Konan gekk
áleiðis til byggða.
Öxnadalsárbrúin gamla flutt
suður yfir fjöll og sett á Köldu-
kvísl.
Þríburar, frískir og tápmiklir,
fæddust þeim hjónum Valtý í
Nesi í Fnjóskadal og Kristínu
Sigurðardóttur, konu hans.
Rjúpnastofninn athugaður vís
indalega á nokkrum stöðum hér
á landi, m. a. i Hrísey.
Góðaksturskeppni haldin á
Akureyri í fyrsta sinn.
íslenzk kona, Guðrún Bjarna-
dóttir í Ytri-Njarðvíkum, varð
hlutskörpust á Langasandi og
hlaut „ungfrú-alheims-titilinn.“
Þýzka skólaskipið Gorch
Foch kom til Akureyrar undir
seglum.
Kjördæmisþing Framsóknar-
manna hófst á Laugum 31.
ágúst.
Akureyrarbáturinn Guðmund
ur EA 142 sökk á Skjálfanda.
Menn björguðust.
September.
Ölvaðir Norðmenn aðsóps-
miklir á götum Akureyrar.
Á iðnsýningu SÍS í Reykjavík
vöktu Akureyrarvörurnar mikla
athygli.
Lyndon B. Johnson varafor-
seti Bandaríkjanna kom til
Reykjavíkur.
Gunnar Guðbjartsson kosinn
form. Stéttarsambands bænda.
Hæstiréttur settur á Akureyri
og fjallaði um Grundar-mál.
Séra Björn Helgi Jónsson kos-
inn prestur á Húsavík.
Unnið að töku landbúnaðar-
kvikmyndar á vegum SÍS o. fl.
Kvikmyndatökumenn danskir.
Norðanáhlaup olli tugmilljóna
tjóni hjá bændum.
Október.
Stöðumælar settir upp á Ak-
ureyri.
Svartir menn skemmta Akur-
eyringum öðru hverjú.
Undirbúningsdeild tæknideild
ar sett í fyrsta sinn á Akureyri.
Hátt á þriðja þúsund manns
í skólum á Akureyri.
Laxaseyði sett í Fnjóská, Eyja
fjarðará og Hörgá.
Fjórir sjoppueigendur á Ak-
ureyri kærðir vegna óhlýðni við
settar reglur.
Fyrsta tilraun gerð með notk-
un olíumalar í höfuðstað Norð-
urlands.
Nýtt mjólkursamlag tók til
starfa í Vopnafirði.
Grímseyingar öfluðu 1700
tonn af ufsa á sumrinu.
Starfsfræðsludagur haldinn á
Húsavík, sá fyrsti þar.
Sólfaxi brann á Grænlandi.
Bátinn Þorvald frá Litla-Ár-
skógssandi rak yfir þveran
fjörð og braut á Grenivíkur-
fjöru.
Ofsarok af suðri og suðvestri
olli skemmdum víða á Norður-
landi. Mestum á Barká í Hörg-
árdal.
Nóveniber.
Svarfdælingar selja mikið af
töðu til bænda í Árneshreppi.
Frumvarpið um lögbindingu
kaupgjalds vekur andúðaröldu
og var síðan dregið til baka.
Þrettándakvöld sýnt á Akur-
eyri.
Ný eyja mynduð af neðansjáv
argosi skammt frá Vestmanna-
eyjum, nefnd Surtsey.
Hólafélag stofnað í Skagafirði,
til endurreisnar Hólastað.
Ólafur Thors segir af sér en
Bjarni Benediktsson tekur við
embætti forsætisráðherra.
(Framh. á bls. 7)
Ferfættur Peking-andarungi
skreið úr eggi .á Lóni (fugiabú).
Ofsaveður olli mörgum og
hörmulegum sjóslysum.
Hrímfaxi fórst í Noregi á
páskadag.
65 manna hópur skólanem-
enda frá Vesterás í heimsókn til
Akureyrar undir fararstjórn
Olav Stenström skólameistara.
Margir fóru á flokksþing
Framsóknarmanna í Bændahöll
inni, sem hófst 27. apríl.
Húsbruni varð á Stóra-Vatns-
skarði 19. apríl.
500 nemendur Akureyrarskól
anna samtímis í Hlíðarfjalli einn
daginn. Þar er Skíðahótelið eins
konar miðstöð.
Stúdentafélagið kynnnir skáld
verk Gunnars Gunnarssonar í
MA.
Olíu dælt í sjóinn skammt frá
Akureyri, og fuglar drepast unn
vörpum.
Vinna hefst við Flatasker á
Árskógsströnd. Þar verður ný
bátahöfn.
Eyjafjarðarsýslu skipt í tvö
dýralæknishéruð.
Aðalfundur Mjólkursamlags
KEÁ haldinn. Bændur fengu
kr. 4,97,6 fyrir lítrann við stöðv-
arvegg.
Oddgeir ÞH 222, sem er nýtt
stálskip 190 tonn, smíðað í Hol-
landi kom til Akureyrar. Eig-
andi Gjögur h.f.
Maí.
Tryggvi Helgason flugmaður
byrjar áætlunarflug til Gríms-
eyjar.
Tónlistarfélagið á Akureyri
20 ára.

I.
Grænt, svart og hvítt. Sanii litblær á öllu, án tilbrejrtinga. Enginn
dekkri litblær, enginn ljósari. Sterkari litur myndi ekki eiga við
hér. Hann myndi þykja óviðeigandi, ráðríkur, ruddalegur. Hann
myndi virðast sem falskur tónn í samræmu tónverki, tilgangslaus
litur. Tilgangslaus?
Iðunn endurtekur orðið í huganum, veltir því fyrir sér. Er þá
nauðsynlegt, að litir hafi einhvern tilgang. Nægir þá ekki, að þeir
séu sterkir eða daufir, og fallegir. Að þeir hylji litvana fleti og hluti,
gæði þá lífi!
Litirnir hjá Villa Rossí í Fegrunarstofnun hans, snyrtistofunni
nýju, hafa sitt að segja. Henni er það kunnugt. Villi Rossí hafði sagt
henni það í fyrsta sinn og hún steig fæti inn fyrir dyr á þessum
sérkennilegu stofum hans. Nú er hálfur mánuður síðan morguninn
þann.
Hún hafði verið snemma á fótum, því þetta var fyrsti dagurinn
hennar héma. Hún man þetta allt svo vel. Villi Rossí var samt þegar
kominn í hvíta sloppinn sinn, er hún kom. Hann var þar aleinn.
— Ungfrú Falk, hafði hann sagt. — Þér eruð nýliði hér. Nú skal
ég sýna yður deildina yðar.
Hann hafði tekið laust í handlegg hennar og leitt hana inn yfir
fagurgljáandi tíglagólfið í biðstofunni. Svört og þung flauels-tjöld
aðskildu deildirnar. Hann hafði ýtt glerhurð til hliðar, og þá stigu
þau inn á svart flísagólfið. Hann hafði numið staðar og sveiflað
hendi:
— Hér er yðar vinnustofa, ungfrú Falk, deild hörunds- og fóta-
snyrtingarinnar.
— Þakk, hafði hún þá sagt, og vissi ekki öðru að svara í svipinn.
Ef til vill hefði hann séð á henni, hve hissa hún varð, er þau fóru
um þessar stofur. Og það var engin furða. Hvílík tilhögun, skipulag
og smekkvísi í einu og öllu, og hvilíkt samræmi í litavali! Þetta
gat beinlínis gengið fram af manni. Og þó var hún nýkomin úr ein-
um allra bezta snyrtiskóla höfuðborgarinnar.
Villi Rossí hafði numið staðar og virt hana fyrir sér. Hann hafði
spennt greipar hvítra og fagurmótaðra handa sinna og sennilega séð,
hvað henni bjó í brjósti, og litið á hana brosandi spurnaraugum.
— Hve smart! hafði hún sagt með aðdáun. — Allt í grænum,
svörtum og hvítum lit!
— Smart? hafði hann endurtekið. Og nú brosti hann ekki. Munnur
hans hafði orðið að mjóu, rauðu striki. Hafði hún þá sagt einhverja
vitleysu? Smart var þó vissulega rétta orðið um allt þetta í stofnun-
inni hans.
— Smart! endurtók hann. — Svo yður þykir þetta smart? Þetta
er lélegt orð, ungfrú Falk, meiningarlaust órð. Hvað merkir það
svo sem? Alls ekki neitt á þessum vettvangi!
— Já — en, ég á við, — hafði hún sagt, hálf efins. Hún hafði
ekki skilið, hvað hann átti við.
— Já, þér meinið eflaust það sama, sem allir aðrir meina, er
þeir beita þessu orði. Eg meina allt annað með öllu því, sem þér
sjáið hér inni. Lítið til dæmis á litblæina þrjá, sem ég nota hvar-
I AUÐHILDUR FRÁ VOGI: |
! GULLNA BORGIN I
? ■ l
vetna. Grænt, svart og hvítt. Haldið þér að ég hafi látið málarana
nota þessa litina, af því að ég hafi hugsað mér að það yrði smart?
Einmitt með þessum litum? Þér vitið eflaust — hvert einasta og
minnsta litbrigði merkir eitthvað nýtt, eitthvað sérstakt fyrir list-
málarann. Hann notar ekki litina sökum þess, að þeir séu fallegir.
Hann dýfir ekki pensli sinum í litinn, fyrr en hann veit, hvað hann
ætlar sér. Hann hefir vissan tilgang með hverjum nýjum lit, sem
hann smyr á léreftið.
— Eg hefi líka vissan tilgang með litunum hérna í snyrtistofun-
um mínum. Kannist þér við máltækið: Ljósgræn er vonin væn? Það
gerið þér eflaust. Þetta máltæki olli því, að ég valdi ljósgrænt. —
Hversvegna, haldið þér?
Hún hafði ekki svarað þessu, vildi ekki grípa fram í fyrir honum.
Þetta var mjög forvitnilegt. Hann hafði svo haldið áfram:
— Eg skal reyna að skýra fyrir yður, hvað ég á við: — Fegrun-
arstofnun má líkja við musteri. Musteri, þar sem konur á öllum
aldri ganga inn og út, fagrar konur og miður fagrar, allar tegundir
kvenna. Engin er of gömul til að líta hér inn. Engin of ung. Allar
eiga þær sitt eigið sérstæða leyndarmál um heimsókn sína í þetta
musteri. Þær leggja í sölurnar tíma sinn og peninga, já, fórna svo
að segja hverju sem hugsazt getur fyrir þetta eina. Fyrir guðsgjöf
þá, sem þær vona að hlotnast hér, fegurð, eða þá að minnsta kosti
dálítið af henni. Konur eru þolinmóðar, sterkar, þegar um fegurðina
er að ræða. Hjá þeim er sérstök, sterk tilfinning, sem þolinmæðinni
veldur: VONIN. — Allar konur vona hitt eða þetta á ævi sinni,
helzt eitthvað sérstakt, út af fyrir sig.
— Já, en allar konur geta þó ekki haft sérstaka ástæðu til að
sækja fegrunarstofur, hafði hún sagt.
— Ef til vill ekki. En ég held nú samt, að grunntónn vonarinnar
búi með mörgum, mörgum konum. Já, ég veit það er svo, bætti
hann við. Og ljósbrún augu hans blikuðu sterkt.
Hann hafði horft framhjá henni inn í spegilvegginn að baki henni.
En hann náði frá gólfi til lofts, og var skipt í örsmáar rúður. Og
er hún leit þangað, höfðu alls konar ljósbrigði þyrlazt fyrir augum
hennar.
— Jæja, ungfrú Falk, nú skiljið þér víst ljósgræna litinn hérna?
hafði hann sagt og snúið sér að henni.
— Já, ég býst við því, hafði hún svarað.
— Allar konur eiga sér draum, hafði hann sagt. Hann fitlaði við
silkisnúrurnar í fortjaldinu. Var sem hann vildi ekki horfast i augu
við hana.
— Draum, sem þær nefna ekki við nokkurn mann. Og allar vona
þær, að draumurinn sá muni einhverntíma rætast. — Ef til vill
eigum við þátt í því að framkvæma áætlanir þeirra. Til dæmis þér
og ég og ungfrúrnar fimm hérna stofnuninni. Sé svo, hvílir þung
ábyrgð á okkur, bætti hann við með glensi. — Ljósgrænt merkir
von. Og vonin varir, meðan lífið endist.
— En svarti liturinn, hvað merkir hann þá? hafði hún spurt.
— Svart? Hann horfði á hana stórum augum. — Svart, það er
liturinn, sem ég nota í hæfilega umgerð. Allt þarfnast einhverrar um-
gerðar. Fagurt málverk verður enn fegurra, þegar það er sett í
ramma. En auðvitað verður hann að samsvara því. Þannig er það
einnig með manneskjuna. Til dæmis fötin, sem við klæðumst. Þau
verða að samsvara okkur sjálfum, fara okkur vel, hvorki vera óvönd-
uð né litlaus, en heldur ekki of glæsileg og áberandi. Því þá sjáum
við aðeins „rammann“, en ekki það, sem í honum er.
— Og hviti liturinn hérna inni merkir þá víst hreinlætið almennt?
hafði hún sagt.
— Já, hafði hann svarað. Hvítt merkir hreinleika. Það er liturinn,
sem notaður er bæði í lífi og dauða. Það er sá litur, sem konur
nota við sérstaklega hátíðleg tækifæri. Eða ættum við ef til vill
heldur að segja: Það er sá litur, sem allar konur dreymir að bera
við eitt sérstakt tækifæri ævi sinnar.
— Allar konur dreymir þó varla beinlínis um brúðarkjól? hafði
hún árætt að segja.
— Nei, ef til vill ekki, hafði hann svarað og opnað glerhurðina. —
En samt sem áður bera margar konur þennan draum sinn í leyni.
Ef til vill einmitt þær konurnar, sem sízt mætti ætla ....
— Jæja, velkomin til vinnunnar, ungfrú Falk! hafði hann svo
sagt, og glerhurðin lokazt að baki lionum.
Furðulegur maður, hafði hún hugsað með sér eftir á, og hugsaði
þá sérstaklega um samtal þeirra. Furðulegur maður, hugsaði hún á
ný. Og þá var það útlit hans, sem vakti fyrir henni. Var það rödd
hans, sem hún fyrst veitti athugli? Hvorki dimm né björt, og mjög
breytileg, svo að stundum var sem heyrði hún tvo menn tala, er
raddskipti hans gerðust. Eða var það ef til vell fríður, roðaður munn-
ur hans og löngu bráhárin, sem konur gætu öfundað hann af. Eða
þá rauðbrúnt hárið, þykkt og slétt. Nei, hún hafði aldrei séð hans
líka. Enda hafði hún ekki enn fyrirhitt svo marga nýstárlega karl-
menn á ævi sinni. Það varð hún að viðurkenna fyrir sjálfri sér.
En svo datt henni annað í hug: Þegar þau Rossí gengu saman um
tigla- og flisa-gólfin hérna inni fyrsta daginn, tók hún eftir því, að
hún heyrði sitt eigin fótatak miklu skýrara en hans. Hann hafði víst
verið léttstígari en nokkur kona.
Hver var hann annars, þessi Villi Rossí? Nafnið virtist svo út-
lenzkulegt. Að svo stöddu var ókleift að giska á þjóðerni hans. —■
Rossí? — Hvaðan kannaðist hún við það nafn. Hún hafði velt því
fyrir sér. Og nú vissi hún það. Framhald.