Dagur - 08.03.1967, Page 8

BJARMIIIFRÁ DALVlK STRANDAÐ!
SMÁTT OG STÓRT
ÞANNIG ER „VIÐREISNIN“
Sainkvæmt áætlunum ríkis-
stjómarinnar mun ríkissjóður
íslands á árinu 1967 greiða ca.
1300 millj. kr. til lækkunar á
vöruverði innanlands og verð-
uppbóta á útfluttar -vörur á ár-
inu. Af þessari upphæð fara
rúml. 700 millj. kr. í niður-
greiðslurnar innanlands og nál.
600 millj. kr. í útflutningsbæt-
urnar. Því miður er hætt við,
að þessi áætlun reynist of lág,
er á árið líður, og að meira en
1300 milljónir fari í „uppbóta-
kerfið“ á þessu ári.
INN OG ÚT
Samkvæmt nýútkomnum Hag-
tíðindum hafa ísiendingar flutt
inn vörur fyrir 6853 millj. kr. á
árinu 1966 og út fyrir 6047
millj. kr. Vöruskiptajöfnuður-
inn því óhagstæður um 806
millj. kr. Hagstæður jöfnuður ú
öðrum gjaldeyrisviöskiptum, nú
eins og venjulega, lækkar liall-
ann niður í 350 millj. kr. eftir
því sem einn seðlabankastjór-
inn sagði í útvarpinu nýlega.
Til að jafna þennan 350 millj.
kr. greiðsluhalla í gjaldeyris-
viðskiptunum voru tekin ný lán
erlendis, og er þá liægt að segja,
að gjaldeyrissjóður bankanna
standi óbreyttur eins og hann
var í árslok 1965. Ýmislegt er
fróðlegt í viðskiptaskýrsiunum,
t. d. hafa íslendingar flutt út
frímerki fyrir 12 millj. kr. á
árinu.
A MANUDAGSKVÖLDIÐ
strandaði véibáturinn Bjarmi II
frá Dalvík skammt austan við
Baugastaðavita austan við
Stokkseyri. Þar er mikill skerja
garður og barst báturinn að
mestu inn fyrir skerjagarðinn
og stóð í gær á klöpp um 200
metra frá landi.
Mannbjörg gekk greiðlega
með aðstoð björgunardeilda frá
Eyrarbakka og Gaulverjabæjar
hreppi. Línu var skotið um borð
og mennirnir síðan dregnir til
lands í björgunarbáti.
! Árdegis í gær var leiðangur
frá Björgun h.f. farinn áleiðis á
strandstað, svo og fulltrúar
Samvinnutrygginga. Sjór var
kominn í aðra lest skipsins.
Skipstjóri á Bjarma II var
Kristján Jónsson frá Dalvík.
Skipið var að koma frá Hafnar-
firði er slysið var. Dimmt var,
mikið brim og hægur austan
vindur. Bjarmi II er 262 lesta
stálskip, þriggja ára og var
lengdur í fyrra. Framkvæmda-
stjóri Röðuls h.f., sem á skipið,
er Jón Stefánsson.
í samtali við Stefán Jasonar-
son í Gaulverjabæ síðdegis í
gær, sagði hann, að mannmargt
hefði verið á strandstað í gær,
enda gott veður, en báturinn
stæði réttur og rótaðist lítið þótt
dálítið brim væri. í morgun
hefði verið farið um borð. Virt-
ust þá vélar í lagi en tvö lítil
göt á botni skipsins og sjór í
aftari lest. Oll skilyrði voru at-
huguð vel til björgunar. Dráttar
báturinn Goðinn kom í morg-
un. En ekki var gerð tilraun að
ná Bjarma út í dag, sagði Stef-
án. Guð og gæfan ræður björg-
un, en einskis verður látið
ófreistað til að ná þessu fallega
skipi út, sagði Stefán að lokum.
FISKURINN FULLUR
AF LOÐNU
BÁTAR við Eyjafjörð, sem róið
hafa með net, hafa fengið all-
góðan afla, en vond veður hafa
torveldað sjósóknina. Fiskurinn
er blandaður og hann er fullur
af loðnu, sem gengin er á miðin.
Bátar frá Hauganesi hafa feng-
ið 6—7 tonn af tveggja nátta
fiski. Auðunn frá Hrísey stund
um meira. Loðna hefur ekki
ennþá veiðzt hér við fjörðinn,
svo blaðinu sé það kunnugt. □
Hreindýrin eru lieima við bæi
UPP TIL SELJA
SJÓNLEIKURINN Upp til
selja verður væntanlega frum-
sýndur um næstu helgi í Vala-
skjálf á Egilsstöðum. Leikstjóri
er Sigríður Magnúsdóttir.
Það er Leikfélag Fljótsdals-
héiaðs sem fyrir leiksýningunni
stendur og hefur félagið í
hyggju að sýna síðar í vetur
sjónleikinn Kjarnorku og kven-
hylli undir leikstjórn Jóhanns
Ogmundssonar. Q
ÍSLENZKU hteindýrin eru tal-
in vera um eða yfir tvö þúsund
talsihs. Oft leita þau til byggða
þegai- harðnar í ári, eða þegar
óhagstæð veðrátta hrekur þau
af venjulegum vetrarslóðum.
Nú eru hreindýrin komin nið
ur á Fljótsdalshérað og eru í
Fellum, Jökuldal, Fljótsdal,
Tungu og Skriðdal. Blaðið leit
aði fregna af hreindýrunum hjá
Agli Gunnarssyni eftirlitsmanni
og sagði hann það rétt vera,
að dýrin hefðu leitað byggða,
bæði kýr, kálfar og tarfar. Þau
eru í smáhópum, líta vel út og
njóta vel haglendisins. Stygg
eru þau og mannfælin, en þang
að, sem þau hafa valið sér land,
koma þau alltaf aftur þótt þau
verði fyrir ónæði og þjóti þá
í burtu. Þau sneiða hjá girðing-
um, en fara léttilega yfir þær,
ef annars er ekki kostur. Hey,
sem úti er, láta þau algerlega
í friði.
Hi-eindýrin eru falleg og tign
arleg og þau gleðja augað ekki
sízt vegna þess hve sælleg þau
eru og vel á sig komin. □
Mðður er manns gaman
Blönduósi 7. marz. — Hingað
komu menn til fundahalda,
bæði frá Framsókn og íhaldinu,
og með þeim vonzkuveður,
sennilega með þeim síðar-
nefndu! Ekki varð alveg „messu
fall“ en fásóttir munu fundir
þessir veríð hafa.
Kominn er dálítill snjór, því
að síðustu viku hríðaði flesta
daga. Hvasst var og því komnir
skaflar. Nú er unnið að snjó-
mokstri af kappi og verða vegir
opnaðir í dag, einnig Holta-
vörðuheiði.
Hér er verið að æfa sjónleik-
inn Úifhildi, eftir Pál H. Jóns-
son frá Laugum. Leikstjóri er
Tómas R. Jónsson fulltrúi.
Ymisleg fleiri félagsstarfsemi er
hér um hönd höfð, og svo er
maður manns gaman, ekki sízt
þegar leiðir lokast og fólk verð
ur að búa að sínu. Ó. S.
Neniendaskipti innan æskulýðsfélaga íslenzku kirkjunnar er ný
kynningarstarfsemi. Ilér á Akureyri dvöldu í fjóra daga félagar
frá Æskulýðsfélagi Langholtssafnaðar í Reykjavík, kynntu sér
æskulýðsstai-f kirkjunnar hér, heimsótlu Gagnfræðaskóiaim og
nutu fyrirgreiðslu lieimamanna. Gert er ráð fyrir, að fimm fé-
lagar Æskulýðsféiags Akureyrarkirkju fari síðar suður sömu
erinda. Myndin var tekhi við brottför hinna sunnlenzku ung-
menna í kirkjutröppunum á Akureyri. Frá vinstri: Stefán
Franklín, Lúðvík Halldórsson, Vigfús Þór Árnason fararstjóri,
Gunnlaug Jónsdóttir og Þórey Björnsdóttir, öll úr Vogaskóla
nema fararstjórinn, sem er nemandi í Kennaraskólanum.
(Ljósm.: E. D.)
ÞOTUFARALDUR í BÆNUM
Plastsleðar eru nú mjög í tízku
á Akureyri og er enginn maður
með mönnum nema liann eigi
slíkt farartæki. Fyrst var það
reyndar fullorðið fólk, sem not-
aði sleða þessa, t. d. í Hlíðar-
fjalli, og hlutust slys af. En nú
eru börnin í bænum búin að fá
þotumar, eins og þetta verk-
færi er kallað, á heilann og
valda sjálfum sér og öðrum
hættu í umferðinni. Foreldrar
þurfa að hafa áhrif á böm sín
á þann veg að þotumar séu sem
minnst í bílaumferðinni.
ÓVÍST UM BJÖRGUN
GLÓFAXA
Enn er óvíst hvort tekst að
bjarga flugvélinni Glófaxa, sem
bilaði í lendingu á dögunum í
Danmarkshavn á Grænlandi.
Áhöfn vélarinnar kom heim
með Gljáfaxa á sunnudaginn.
Skíði vélarinnar biluðu, svo og
annar vængur. Aðstaða er öll
hin versta til viðgerða, þar sem
Glófaxi er, en eflaust verður
björgun reynd, ef tiltækilegt
þykir.
MAÐUR OG KONA
FÉLLU í HÖFNINA
ÞAÐ vildi til á Akureyri laust
eftir hádegi á mánudaginn, að
kona datt í höfnina. Nærstadd-
ur maður, sem mun hafa ætlað
að rétta hjálparhönd, féll einn-
ig í sjóinn. Báðum var bjargað
frá drukknun og um borð í
skip frá Dalvík, sem í þann
mund var að láta úr höfn. Bæði
munu þau, sem fyrir þessu
óhappi urðu, hafa ætlað um
borð í umrætt skip og voru þau
undir áhrifum áfangis.
(Frá lögreglunni)
KIRKJUVIKAN
VEL SÓTT
KIRKJUVIKAN á Akureyri
hefur verið ágætlega sótt og
verður svo væntanlega fram-
vegis. Á hverju kveldi eru ný
atriði á dagskrá, svo sem aug-
lýst hefur verið í Dagskrá
kirkjuvikunnar, sem borin var
í hvert hús í bænum. □