Dagur - 23.01.1974, Side 5

4
Skrifstofur, Hafnarstræti 90, Akureyri
Símar 1-11-66 og 1-11-67
Ritstjóri og ábyrgðarmaður:
ERLINGUR DAVÍÐSSON
Auglýsingar og afgreiðsla:
JÓHANN K. SIGURÐSSON
Prentverk Odds Bjömssonar h.f.
Ný viðhorf
ALÞINGI hóf störf að nýju á mánu-
daginn, eftir jólaleyfi. Enginn vafi
er á því, að þjóðin mun fylgjast með
störfum þess af meiri áhuga en oft
áður og kemur margt til. í fyrsta lagi
virðist Bjarni Guðnason vera kom-
inn á hægri kantinn og situr nú á
bekk með þeim, sem fella vilja ríkis-
stjórnina. Þessi afstaða hans veldur
því, að stjómarandstaðan hefur nú
á valdi sínu að stöðva þingmál í
neðri deild Alþingis með jöfnum
atkvæðum. Af þessuin ástæðum ríkir
óvissa um stjórnina og hvað við
muni taka að hún yrði neydd til að
segja af sér, því að framhald yrði þá
naumast á hinu mikla uppbyggingar-
starfi í landinu. Þessi staða á Alþingi
gerir stjóminni örðugt að takast á
við hin mörgu og mikilvægu mál
þjóðarinnar.
En meðal hinna mörgu viðfangs-
efna er verðbólguvandinn og það,
sem honum fylgir. Verðhækkanir á
innfluttum vömm eru svo geigvæn-
legar, að erfitt mun vera að benda á
hliðstæðu. Til dæmis hefur verð á
mörgum byggingarvörum margfald-
ast á síðustu tveim árurn, og öllum
er kunn olíuhækkunin, sem þegar er
orðin og framundan virðist vera.
í skýrslu, sem blaðinu hefur borizt
frá Fjórðungssambandi Vestfjarða,
kemur það fram, að ef olíuverð
hækkar upp í 16 kr. líterinn, eins
og spáð er, aukizt enn erfiðleikar
vestfirzkra byggða að mun og eftir-
farandi útreikningar sýna það bezt.
Er m. a. gerður samanburður á hit-
unarkostnaði íbúðarhúss á Vestfjörð
um og á hitaveitusvæði Reykjavíkur,
miðað við 9 þús. lítra árseyðslu af
gasolíu og hins vegar lieitu jarðvatni.
Mismunur á kostnaði var 31 þúsund
krónur, en verður nú 120 þúsund
krónur. Láta mun nærri, segir enn-
fremur, að fyrirvinna lieimilis, þar
sem kynt er með olíu, þurfi að hafa
240—250 þús. króna hærri brúttó-
tekjur á ári lieldur en sá, sem býr á
hitaveitusvæði.
Þessi mikli aðstöðumunur, sem
var mikill áður, verður nú svo yfir-
þyrmandi, að hann veldur enn nýrri
byggðaröskun í náinni framtíð, ef
ekkert verður að gert. Sem betur
fer, búa margir landsmenn við hag-
ræði jarðhitans. Það hlýtur að vera
krafa jieirra, sem nú verða harðast
úti vegna olíukreppunnar, að ])jóð-
félagið leiðrétti á einhvern hátt ])að
misrétti, sem heimsmálin hafa búið
okkur. ' □
Framsóknarmenn hafa mótafi
stefnuna í bæjarstjórn
SEGIR SIGURÐUR ÓLI BRYNJÓLFSSON,
BÆJARFULLTRÚI í VIÐTALI VIÐ BLAÐIÐ
FRAMSÓKNARMENN á Akur
eyri birta nú fyrstir manna
frambo'ðslista sinn við næstu
bæjarstjórnarkosningar, sem
fram eiga að fara í vor. Var
listinn samþykktur einróma á
fulltrúaráðsfundi félaganna á
iaugardaginn.
Eins og bæjarbúum er kunn-
ugt, hófst öflugt framfaraskeið
í bænum, þegar Framsóknar-
flokkurinn efldist og fulltrúum
hans fjölgaði í bæjarstjórninni.
Stendur það framfaraskeið enn
og munu íbúar Akureyrar vilja,
að fram verði haldið á sömu
braut.
Blaðið leitaði, í tilefni af nýja
framboðslistanum, umsagnar
Sigurðar Óla Brynjólfssonar,
efsta mannsins á lista Fram-
sóknarmanna, og spurði um
framgang nokkurra mgla, sem
loíað var að vinna að fyrir síð-
ustu kosningar.
Hvemig finnst þér hafa til
tekizt að fylgja fram þeirri
stefnuyfirlýsingu, sem Fram-
sóknarmenn báru fram við síð-
ustu kosningar?
Því er fljótsvarað, að í stórum
dráttum hefur það tekizt mjög
vel. Ég vil minna á, að fyrir
síðustu bæjarstjórnarkosningar,
var óttinn við atvinnuleysi
alveg yfirþyrmandi. Og eitt
megin markmið okkar var því
að fyrirbyggja, að atvinnuleysi
ríkti á ný. Legg ég áherzlu á,
að stefna bæjarstjórnar í at-
vinnumálum hefur, með öðru,
borið þann árangur, að fremur
er talað um skort á vinnuafli
en atvinnuleysi. Þetta góða at-
vinnuástand hefur svo aftur
leitt til þess, að tekjuöflun bæj-
arsjóðs hefur orðið svo mikil,
að möguleiki hefur skapazt til
aukinnar þjónustu og sameigin-
legra framkvæmda, svo sem
bæjarbúar þekkja.
Hverjar eru helztar?
í fyrsta lagi var Framkvæmda
sjóður bæjarins stórefldur og1
með honum gert kleift að endur
nýja togaraflotann, og vonandi
verður hann aukinn enn meir.
Ennfremur stóð bærinn, með
Framkvæmdasjóði sínum, að
endurskipulagningu og rekstri
Slippstöðvarinnar h.f., þess þjóð
þrifafyrirtækis. En í því sam-
bandi má þó ekki gleyma mynd
arlegri þátttöku ríkissjóðs.
Eitt af mörgu, sem við Fram-
sóknarmenn vildum beita okk-
ur fyrir, var aukið átak í íbúða-
byggingum í bænum. Þó að
bærinn stæði ekki sjálfur fyrir
miklum íbúðabyggingum, hefur
hann varið stórkostlegum upp-
hæðum til skipulags- og gatna-
gerðarmála og með því örvað
og greitt fyrir þeim mestu íbúða
byggingum, sem átt hafa sér
stað á Akureyri.
En aðrar byggingafram-
kvæmdir?
Stefna okk'ar hefur ætíð verið
sú, að efla Akureyri sem skóla-
bæ. Á þessu kjörtímabili, og
samkvæmt stefnuskrá okkar
fyrir síðustu bæjarstjórnarkosn
ingar, hefur verið unnið að
bættri aðstöðu skólanna og má
í því sambandi minna á bygg-
ingu Glerárskóla, Lundsskóla
og endurbóta annarra skóla,
ennfremur stuðning við hin
mörgu menningarfélög í bæn-
um, svo sem Leikfélagið, sem
nú fær hálfa aðra milljón króna
fjárveitingu úr bæjarsjóði. Auk
inn hefur verið stuðningur við
Tónlistarskólann, Námsflokk-
ana og Húsmæðraskólann. Ekki
hefur miðað sem skyldi með
byggingu íþróttahúsa, en vonir
standa þó til þess nú, að hafin
verði bygging nýs og myndar-
legs íþróttahúss við Glerárskóla
í sumar og verið er að undirbúa
byggingu annarra íþróttahúsa,
Sigurður Óli Brynjólfsson.
og mun það áreiðanlega verða
eitt af stærri verkefnunum á
næsta kjörtímabili, að fylgja
þeim áætlunum fram. Og enn
má á það minna, að áfram hefur
verið haldið við að bæta að-
stöðuna í Hlíðarfjalli.
Var ekki útivistarsvæði bæjar
búa eitt af stefnumálunum?
Jú, og eitt af því, sem við höf
um unnið að, er útivistarsvæði
eða „fólkvangur" í Kjarnalándi.
í framhaldi af því hefur verið
ákveðið að gera sérstakt átak
þar, í tilefni af þjóðhátíðar-
afmælinu á næsta sumri, svo
að bæjarbúar fái betra tæki-
færi til að njóta þar hvíldar og
hressingar auk þess að halda
þar hátíð í tilefni ellefu alda
byggðar. Einnig hefur verið
unnið að áframhaldandi lagfær-
ingu á öðrum útivistarsvæðum
og leikvöllum í bænum. Hér
má einnig minna á, að Akur-
eyrarkaupstaður hefur ætíð
staðið öðrum bæjarfélögum
framar í því að tryggja sér land
til stækkunar og koma því von-
andi engin Votmúlamál upp
hér.
Hverju var lofað um bætta
lieilsugæzlu?
Okkur var falið að vinna að
stækkun Fjórðung'ssjúkrahúss-
ins og bættri heilsuvernd, en
jafnframt áttum við að vinna
að því við yfirvöld landsins, að
lög og reglur um heilbrigðis-
þjónustuna í landinu yrðu end-
urskoðaðar í heild, svo sem
skýrt segir í stefnuskrá okkar.
Hver sem áhrif bæjarstjórnar
eru í sambandi við endurskipu-
lagningu laga og reglna, má á
það minna, að breyting á þátt-
tökuhlutfalli bæjarsjóðs við
byggingu, úr 40% í 15%, sparar
bænum hundruð milljóna
króna, samkvæmt þeim áætlun-
um, sem fyrir liggja. Og þó að
allir hefðu óskað þess, að fyrr
hefði verið hafizt handa um hið
nýja sjúkrahús, þá verðum við
að telja það hinn ánægjulegasta
atburð, er fyrsta skóflustungan
að nýbyggingunni var tekin í
haust, því að við vitum, að fram
kvæmdir njóta nú skilnings og
fyrirgreiðslu þings og stjórnar.
Þá má geta þess, að bæjar-
stjórn hefur haft forgöngu um
að koma á fót læknamiðstöð,
sem nú þegar hefur sannað gildi
sitt og bætt hefur verið aðstaða
heilsuverndarstöðvarinnar. Og
fram hefur verið haldið á endur
bótum og stækkun elliheimil-
anna, svo að bærinn stendur
sennilega fremst bæja hér á
landi með fyrirgreiðslu við
aldraða.
Hafnarmálin?
Eitt af því, sem við lögðum
áherzlu á, voru framkvæmdir
við hafskipahöfnina nýju. Þar
skeðu þeir atburðir, að fram-
kvæmdir stöðvuðust, en þörfin
hefur enn vaxið og vonandi líð-
ur ekki á löngu þar til aðstaða
við vöruhöfnina nýju verður
bætt svo, að hún geti gengt því
hlutverki fyrir Akureyrarbæ
og Norðurland allt, sem henni
er ætlað.
Um heitt og kalt vatn?
í stefnuskránni var áherzla
lögð á það, að leita að heitu og
köldu vatni fyrir bæinn. Mynd-
arleg vatnsveita, sem talið er
að endast muni um verulega
framtíð, hefur þegar verið gerð
og virðist það vera hin farsæl-
asta lausn og ánægja með gæði
vatnsins.
Talsverð leit hefur verið gerð
að heitu vatni, en hún hefur
lítinn árangur borið, miðað við
þær vonir, sem sérfræðingar
höfðu vakið með mönnum hér
um slóðir fyrir fjórum árum
síðan. Bæjarstjórn hefur nú
skipað nefnd, til að láta kanna
þau mál enn betur, enda komin
ný viðhorf í orkumálum, og það
sem áður var talið óframkvæm-
anlegt vegna kostnaðar við öfl-
un orku, getur nú komið til
álita.
I sambandi við allt það, sem
hér hefur verið talið, vil ég láta
það koma skýrt fram, að ekkert
af þessu hefði verið framkvæm-
anlegt nema með framtaki og
dugnaði óteljandi manna og
SVO sem kunnugt er af fréttum
stendur nú yfir söfnun undir-
skrifta við áskorun til Alþingis
og ríkisstjórnar um að sam-
starfið innan Atlantshafsbanda-
lagsins verði treyst og horfið
verði frá uppsögn varnarsamn-
ingsins við Bandaríkin og brott-
vísun varnarliðsins.
Sunnudaginn 20. janúar sl.
var stofnað til samtaka um
undirskriftir við samskonar
ályktun hér á Akureyri og hafa
undirritaðir bundizt samtökum
um að hrinda af stað undir-
skriftasöfnun á Akureyri og
nærsveitum og samþykkt að
opna í því skyni skrifstofu, sem
ætlað er að veita upplýsingar
og samræma störf áhugamanna
fyrir ofangreindum málstað.
Skrifstofan verður að Brekku-
götu 4, símar skrifstofunnar eru
1-14-25 og 2-23-17, og verður
skrifstofan opin frá kl. 16—22
alla daga fram að mánaðamót-
um. Framkvæmdastjóri samtak
félaga, og meðal þeirra hinna
ýmsu nefnda og starfsmanna
bæjarins.
Áhrif ykkar í bæjarstjórn?
Þó að stefnuskrár flokkanna
séu um margt líkar, þá held ég
því fram, að þótt Framsóknar-
menn séu aðeins fjórir af ellefu
í bæjarstjóminni, hafa áhrif
þeirra á stefnu bæjarins verið
blutfallslega mikil og við hljót-
um að standa eða falla með
þeim dómi, sem kjósendur
leggja á störf bæjarstjórnar
Akureyrar á síðasta kjörtíma-
bili, ekki sízt þegar haft er í
huga, að við, þessir fjórir, gef-
um kost á okkur að nýju.
Eins og áður, munu Fram-
sóknarfélögin leggja fram sam-
eiginlega stefnuskrá, sem móta
mun störf okkar á næsta kjör-
tímabili, og ungir félagsmála-
menn verða bakhjarlar okkar í
þeirri baráttu, sem framundan
er.
Blaðið þakkar Sigurði Óla
Brynjólfssyni bæjarfulltrúa
þessi ágætu svör. □
FRÁ BRIDGEFÉLACI
AKUREYRAR
LOKIÐ er tíu umferðum í
sveitakeppni Bridgefélags Akur
eyrar. Úrslit í síðustu umferð
urðu þessi:
Stig
Þormóður — Finnur 20—0
Páll — Bjarki 20—0
Alfreð — Tómas 20—0
Guðm. — Sveinbjörn 20—0
Sigurbjörn — Grettir 18—2
Ásgeir — Valdimar 18—2
Stefán — Gunnar 11—9
Röð sveitanna og stig eftir
tíu umferðir er þessi:
Stig
1. Sv. Þormóðs Einarss. 177
2. — Páls Pálssonar 172
3. — Alfreðs Pálssonar 168
4. — Guðm. Guðlaugss. 128
5. — Sigurbj. Bjarnas. 126
6. — Grettis Frímannss. 112
7. — Sveinbj. Sigurðss. 109
8. — Gunnars Berg 99
9. — Finns Marinóssonar 71
10. — Bjarka Tr. (M.A.) 67
11. — Ásgeirs Valdimarss. 60
12. — Stefáns Jónssonar 45
13. — Valdimars Halldórss. 40
14. — Tómasar Sigurjónss. 26
Aðeins þrjár umferðir eru nú
eftir. — Næsta umferð verður
spiluð þriðjudaginn 22. janúar
að Hótel KEA kl. 8. □
anna verður Árni Bjarnarson,
en formaður framkvæmdanefnd
arinnar er Bjarni Einarsson.
Allir lýðræðissinnar eru hvatt
ir til að snúa sér til skrifstof-
unnar og taka virkan þátt í
söfnun undirskrifta og sýna
þannig hug sinn til þessa máls,
sem alltof lengi hefur verið
einokað af fámennum minni-
hlutahópi.
Bjarni Einarsson,
Ófeigur Eiríksson,
Jón Egilsson,
Bjarni Rafnar,
Jón G. Sólnes,
Jakob Frímannsson,
Guðmundur Blöndal,
Geir S. Björnsson,
Steindór Steindórsson,
Árni Bjarnarson,
Bárður Halldórsson,
Valdimar Baldvinsson,
Áslaug Einarsdóttir,
Bergljót Rafnar,
Kjartan Magnússon.
(Fréttatilkynning)
- YARIÐ LAND -
RICHARD BECK:
HORFT YFIR
FARINN VEG
VORFÖGNUÐUR
Eflir því, sem árin líða,
er mér blessað vorið kærra,
yndislegri foldin fríða,
fegra morgunljós og skærra.
YNGIN G ARLINDIN
Þótt með árum fúni fætur,
fokið hárið út í vind,
halli degi hratt til nætur,
hjartans eigi frosin lind.
ÞAKKIR
UM síðustu jól bárust bókasafni
sjúklinga, Kristneshæli, bóka-
gjafir frá Lionsklúbbi Akureyr-
ar og Lionsklúbbnum Huginn á
Akureyri, sem hér með eru
fluttar kærar þakkir fyrir, svo
og alla veitta vinsemd á liðnum
tíma. Góð bók er jafnan hin
bezta gjöf, en ekki sízt safni
eins og því, sem hér um ræðir,
þar sem svo mikilsvert er, að
það fái gegnt sem bezt sínu
hlutverki sem ánægju- og menn
ingarauki og dægradvöl fyrir
þá, er þess njóta. Sérhver gjöf,
sem berst veitir stuðning að
þessu marki, jafnframt því, sem
hún er sönnun um það hugar-
þel, sem gerir lífið bjartara og
betra. Lifið heilir, gefendur.
Félagið Sjálfsvörn,
Kristneshæli.
Æskuiýðsblaðið
DESEMBERHEFTI Æskulýðs-
blaðsins, sem kemur út á veg-
um ÆSK í Hólastifti, barst ný-
lega til Dags. Ritstjóri er séra
Bolli Gústafsson, sóknarprestur
í Laufási, en afgreiðslumaður er
Jón A. Jónsson, Hafnarstræti
107 á Akureyri.
Af efni ritsins, sem er yfir 30
síður í allstóru broti, má nefna
Ritstjórarabb, Nóttin var svo
ágæt ein, Sagan af jólatrénu, Þá
þú gengur í guðshús inn, í
Drottins hendi, Erum við endur
fædd, Tunglfari gerist leik-
predikari og Hin ósýnilega ná-
vist. Ennfremur er íþróttaþátt-
ur, bókaspjall, sagan Heimsókn
konungsins og svo greinargerð
af vettvangi starfsins. Ritið er
mörgum myndum prýtt. □
JÚLÍUS HÁÐI
FJÖLTEFLI
SL. LAUGARDAG gekkst Umf.
Möðruvallasóknar fyrir fjöltefli
í Hjalteyrarskóla. Júlíus Boga-
son, Akureyri, tefldi við 16
menn úr Arnarneshreppi. Lauk
þeirri viðureign þannig, að
Júlíus hlaut alls 14 ]/2 vinning.
Hann tapaði fyrir Hermanni
Ola Finnssyni og gerði jafntefli
við Svein Ingimarsson. □
UMSJÓN: EIN'AR KELGflSON
Kjartan Óiafsson, læknir
Fæddur 27. feb. 1919
Dáinn 13. des. 1973
KVEÐJA
FRÁ ÆTTINGJUM
OG VINUM.
Stórliríðarmótið
Á hinminum hækka fcr sólin
en húmdökkt er rétt fyrir jólin.
Oft skiptist á grátur og gleði
því guðssonur lífinu réði.
Þú lærðir að líkna þeim þjáðu
er lííið og heilsuna þráðu.
Því guðssonur var með í verki
vinurinn sanni og sterki.
Við lífsstarfið ljúft var að hafa
lækningamáttinn frá afa.
Við himinsins hásætið bjarta
þú liallast að föðursins hjarta.
Vinirnir kveðja þig kæri
nú krýnir þig ljósgeislinn skæri.
Hann vísar þér veginn til liæða
þar vcrður ei sorg eða mæða.
Svo þakka þér ástvinir árin
og aðrir er græddir þú sárin.
Margs er nú vinur að minnast
við munum í guðsríki finnast.
Svona er nú saga þín Kjartan
þú sérð yfir lífsveginn bjartan.
Vertu svo friði guðs falinn
fólkið þú kveður og dalinn.
H. J.
UM sl. helgi var keppt í svigi
í öllum flokkum á Stórhríðar-
mótinu svokallaða. Skíðafæri
og veður var sæmilegt.
Urslit urðu sem hér greinir:
Karlaflokkur.
1. Ásgeir Sven-isson, KA,
46.5 — 47,5 — 94,0 sek.
2. Jónas Sigurbjörnsson, Þór,
46,8 — 47,8 — 94,7 sek.
3. Tómas Leifsson, KA,
47,7 — 47,6 — 95,3 sek.
Kvennaflokkur.
1. Margrét Baldvinsdóttir, KA,
50,0 — 51,4 — 101,4 sek.
2. Margrét Þorvaldsdóttir, KA,-
53,6 — 57,7 — 111,3 sek.
3. Margrét Vilhelmsdóttir, KA,
57.5 — 60,5 — 118,0 sek.
Drengir 15—16 ára.
1. Sigurður Gestsson, Þór,
47.5 — 49,5 — 97,0 sek.
2. Snæbjörn Þorvaldsson, KA,
49.6 — 51,2 — 100,8 sek.
3. Guðm. Sigtryggsson, KA,
51,8 — 50,0 — 101,0 sek.
Islandsmótið 1. deild
ÞOR tapaði leik sínum við Vík-
ing, sem leikinn var í Reykja-
vík í síðustu viku. Úrslit leiks-
ins urðu 27 mörk gegn 22 fyrir
Víking.
Þór átti að leika við Ármann
sl. sunnudag, síðari leik sinn.
Fresta varð leiknum vegna sam
gönguerfiðleika.
Á undan leikjunum, sem fram
fóru í 2. deild um helgina, lék
3. flokkur Þróttar við jafnaldra
sína úr KA og Þór. Þróttur
vann báða þessa leiki. □
—Listi Framsóknarmamia
Drengir 13—14 ára.
1. Karl Frímannsson, KA,
40.7 — 41,6 — 82,3 sek.
2. Björn Víkingsson, Þór,
48.8 — 41,4 — 90,2 sek.
3. Guðbergur Ellertsson, KA,
46,3 — 45,0 — 91,3 sek.
Stúlkur 13—15 ára.
1. Ásthildur Magnúsdóttir, KA,.
47.5 — 48,0 — 95,5 sek.,
2. Katrín Frímannsdóttir, KA,
50.2 — 46,3 — 96,5 sek.
3. Aldís Arnardóttir, Þór,
48.5 — 48,4 — 96,9 sek.
Stúlkur 11—12 ára.
1. Guðrún Leifsdóttir, KA,
37.9 — 37,0 — 74,9 sek.
2. Nanna Leifsdóttir, KA,
45,8 — 45,9 — 100,7 sek.
3. Sólveig Skjaldardóttir, KA,
60,6 — 43,2 — 103,8 sek.
Drengir 11—12 ára.
1. Finnbogi Baldursson, KA,
30.3 — 30,4 — 60,7 sek.
2. Gunnar Gíslason, KA,
32.3 — 32,3 — 64,6 sek.
3. Ólafur Grétarsson, Þór,
35.4 — 32,0 — 67,4 sek.
Bifreióir
Kolbeinn Sigurbjörnsson.
Kolbrún Guðveigsdóttir.
Sólveig Gunnarsdóttir.
Til sölu Chevrolet
Malibu ár. 1970.
Glæsilegur bíll. Góðir
greiðsl uskilmálar.
Uppl. í síma 1-20-88
milli kl. 7—9 á kvöldin.
Til sölu rússajeppi árg.
1963 með nýlegri Volgu
vél og góðu stálhúsi.
Uppl. í síma 2-10-48 eða
hjá Bílasölu Norður-
lands.
Til sölu er Willys jeppi
árg. ’47 og Opel Record
árg. ’62. Tveir gírkassar
úr Benz 180 og dísel vél
úr Benz 180, einnig
tveir millikassar úr
Rússajeppa, framhás-
ing vir Rússajeppa og
bensínvél úr Riissa-
jeppa.
Uppl. í síma 1-17-04 á
daginn og 2-23-35 eftir
kl. 7 á kvöldin.