Dagur - 24.07.1974, Qupperneq 5
4
5
Skrifstofur, Hafnarstræti 90, Akureyri
Símar 1-11-66 og 1-11-67
Ritstjóri og ábyrgðarmaður:
ERLINGUR DAVlÐSSON
Auglýsingar og afgreiðsla:
JÓHANN K. SIGURÐSSON
Prentverk Odds Björnssonar h.f.
Nýft úfivistarsvæði
OPNAÐ var á þjóðhátíð Eyfirðinga
og Akureyringa um síðustu helgi
nýtt útivistarsvæði syðst í landi Akur
eyrar við landamerki kaupstaðarins
og Hrafnagilshrepps. Þetta útivistar-
svæði er rúmir 100 hektarar að stærð
og nær frá Eyjafjarðarbraut upp í
Hamrakletta. Þetta land er kennt
við Kjarna, sem fyrrum var stórbýli
og um allmörg ár sýslumannssetur,
og í J)ví landi er Kjarnaskógur, að-
eins tvítugur, en vex ört við friðun
og góða umhirðu.
Það var Skógræktarfélag Akur-
eyrar, sem tryggði sér meirihluta
J)essa lands til skógræktar og hóf þar
gróðursetningu trjágróðurs og Skóg-
ræktarfélag Eyfirðinga, sem J)ar
stofnaði skógræktarstöð og hóf bæði
plöntuuppeldi og gróðursetningu
undir stjórn Ármanns Dahnanns-
sonar. Úr þeirri stöð voru fyrstu
plönturnar gróðursettar árið 1951
niður við þjóðveginn, en J)ar er nú
þegar sá birkiskógur, sem beinvaxn-
astur er talinn ungra birkiskóga í
landinu.
Nú hefur Akureyrarkaupstaður
samið við skógræktarfélögin um nýt-
ingu þessa lands til almenningsnota.
Þar fór þjóðhátíðin fram, og á J)eirri
hátíð var svæðið formlega opnað sem
útivistarsvæði. Síðan þetta 100 hekt-
ara land var friðað og síðan plantað
skógi, hefur það tekið ótrúlegum
stakkaskiptum. Mýrarsund, mólar og
melar, lækjargil og fagurgrænar tún-
skákir mynda samfellda og fjöl-
breytta heild, sem skógurinn setur
sinn svip á. Tíu þúsund manns sáu
J)etta land um helgina og nutu J)ess
skjóls, er skógurinn veitir. Þessar
þúsundir manna urðu vitni að einu
J)eirra kraftaverka, sem hvarvetna
verða, þar sem gróðurmáttur ís-
lenskrar moldar nýtur fómfúsra
handa ræktunannanna.
Það hefur verið ánægjulegt að
fylgjast með starfi ræktunarmanna á
þessum stað undanfarin ár og sjá
hvernig landið breytist smám saman
við ræktun skógarins og er nú þegar
orðinn hinn ákjósanlegasti hvíldar-
og útivistarstaður fyrir [>ær óteljandi
fjölskyldur, sem í amstri daganna
þrá snertingu við gróðurinn og nátt-
úruna og geta nú á auðveldan hátt
veitt sér það.
Það fer vel á því á þjóðliátíðarári,
og á því ári sem Alþingi íslendinga
helgar gróðrinum hátíðarfund að
Lögbergi, að hér nyrðra sé opnað
fagurt útivistarsvæði, J)ar sem áður
var lítilsvert land. □
Hrakfarir Vestur-Islendinga
í ÁR hafa venju fremur margir
Vestur-íslendingar lagt leið sína
hingað á ættjarðarslóðir og
munu þeir vonandi allir snúa
heim aftur með margar
skemmtilegar minningar héðan,
og þó. A. m. k. einum stað, Sjálf
stæðishúsinu á Akureyri, hefur
auðnast að setja þar á nokkurn
blett.
Undirrituð, sem fengu í heim-
sókn skyldfólk vestan um haf,
vildu gera þeim og sér nokkurn
dagamun að kvöldi þjóðhátíðar-
dags Eyfirðinga, þ. 20. júlí sl.,
með því að fara á dansleik í
Sjálfstæðishúsinu á Akureyri,
sem þau hafa hingað til talið
einn veglegasta skemmtistað
norðan heiða og jafnvel þótt
víðar væri leitað. Var tekið til
óspilltra málanna og aðgöngu-
miðar útvegaðir snemma svo að
það skyldi ekki hindra inn-
göngu. Var síðan lagt upp og
komum við átta saman að aðal-
dyrum hússins um kl. 23.15 með
aðgöngumiðana tilbúna og var
ekkert okkar undir áhrifum
áfengis, en slíkt hið sama var
ekki hægt að segja um marga
aðra gesti sem þama fengu inn-
göngu. Tókum við nú að þokast
inn. En skyndilega kom babb í
bátinn. Einn Vestur-íslending-
anna, herra, var sum sé snyrti-
lega klæddur í forkunnlega ís-
lenska lopapeysu og hafði einn-
ig hálsbindi einkarfagurt. Slík-
ur klæðnaður virtist alls ekki
samboðinn þessum veglega veit-
ingastað og fékk gestur okkar
vægast sagt óblíðar móttökur
hjá öðrum dyravarðanna, sem
ekki kvað koma til mála, að
maðurinn færi inn í lopapeysu,
flík, sem ekki virtist falla undir
hinar margslungnu og síbreyti-
legu reglur þessa æruverðuga
skemmtistaðar, þ. e. a. s. þegar
í henni var karlmaður, en í
sama mund og þetta átti sér
stað fékk kvenmaður í lopa-
peysu inngöngu athugasemda-
laust.
Var nú reynt að hefja samn-
ingaviðræður við téðan dyra-
vörð, en þessu skilyrði með lopa
peysuna varð alls ekki haggað
þrátt fyrir ítrekaðar tilraunir.
Okkur var hins vegar tjáð, að
Vestur-fslendingnum yrði
hleypt inn strax og við hefðum
útvegað honum jakka. Vandað-
ist nu málið enn, þar eð ekki
áttum við hægt með að grípa
upp jakka í næsta nágrenni á
þessum tíma sólarhrings.
Þegar hér var komið höfðum
við, sem inn vorum komin, þeg-
ar séð nokkra unga menn jakka
lausa og bindislausa og höfðu
þeir sýnilega fækkað fötum í
hita leiksins, því ekki vildum
við gruna hina ágætu dyraverði
um að mismuna fólki hvað inn-
gönguskilyrði snerti. Datt okk-
ur þá það ráð í hug, að einn
okkar fslendinganna, sem inn
voru komnir, færi úr sínum
jakka og kona hans færi með
hann út og klæddi Vestur-ís-
lendinginn í og bjargaði honum
þannig inn í veitingahúsið veg-
lega, enda var það alls ekki tek-
ið fram af dyraverðinum hvern-
ig jakkinn skyldi útvegaður, að-
eins, að maðurinn yrði að vera
í jakka til að komast inn. Var
þetta þegar gert. En nú höfðu
viðskipti okkar við dyravörðinn
þegar greypt sig svo inn í vit-
und hans, að þegar Vestur-ís-
lendingurinn birtist á ný við
dyrnar í hinum lánaða jakka,
rann á hann æði nokkurt (var
þó skap hans allþungt fyrir) og
geystist hann nú inn í húsið,
tók jakkaeigandann heldur
ómjúkum höndum og setti hann
út. Jafnframt lét dyravörðurinn
sig ekki muna um að ausa þó
nokkrum skammti af blóts- og
fúkyrðum yfir okkur öll og var
vart hægt að segja, að maður-
inn væri einhamur þessa stund-
ina. Nú fór okkur, sem úti urð-
um einnig að hlaupa töluvert
kapp í kinn og hug'ðum við, að
þar sem skilyrði til inngöngu
voru jafn hárnákvæm og ströng
og hér, þá hlyti að vera eftir
miklu að sækjast þegar inn
væri komið.
Var nú gerður út leiðangur
og tókst að lokum að útvega
vinnujakka, gamlan og slitinn
og nokkuð blettóttan og virtist
sú flík vera mun betur samboð-
in staðnum, en hrein og snyrti-
leg, íslensk lopapeysa. A. m. k.
bauð nú dyravörðurinn, sem
fyrir stundu var svo æstur, okk
ur að gjöra svo vel, en jafn-
framt lét hann sig hafa það að
neita að biðja Vestur-íslending-
inn afsökunar á þeirri rudda-
mennsku, sem hann sýndi hon-
um stundu áður.
Nú mætti ætla, að við hefð-
um getað varpað öndinni léttara
að vera komin inn í fyrirheitna-
landið og hugðum við nú gott
til ,að ganga rakleiðis. að næsta
bar, kaupa þar veitingar og
njóta þeirra í þægilegum sætum
við ennþá þægilegri borð og
góða tónlist vegna þess að í
grandaleysi okkar höfðum við
haldið, að ekki væri hleypt
fleirum inn í húsið, en sæti
væru fyrir. En það var nú eitt-
hvað annað. Ástandinu innan
dyra verður best lýst msð orð-
um villiniennska og hættu-
ástand.
Um síðir gátum við þó brotið
okkur leið að bar á þriðju hæð
hússins og eftir nokkra baráttu
tókst okkur meira að segja að
fá þar einu sinni keyptar veit-
ingar. Um sæti var ekki að
ræða og urðum við að neyta
hinna dýru veiga úti á miðju
gólfi að kalla, mitt í ringulreið
drukkinna og oft á tíðum dóna-
legra landa, en músíkin marg-
rómaða, sem þessa stundina
hljómaði aðeins af segulbandi,
kafnaði að mestu í hávaða og
drykkjulátum of margra sam-
komugesta. Ofan á þetta bættist
svo sóðaskapur, hitasvækja og
loftleysi, sem gerði mörgum
erfitt um andardrátt, en loft-
ræstikerfi hússins megnaði eng-
an veginn að bæta það ástand.
Til þess að kóróna allt saman
brutust svo út þarna uppi heift-
arleg slagsmál milli tveggja sam
komugesta, eins konar auka-
númer á dagskránni, og áttum
við og fleiri fótum fjör að launa,
en slagsmálahundarnir fengu
nægilegan tíma til að berja hvor
á öðrum, þar sem löggæsla var
í lágmarki og hinir ágætu dyra-
verðir sáust ekki á bardaga-
staðnum, a. m. k. ekki fyrr en
allt var um garð gengið, enda
var illmögulegt að komast upp
sökum geysilegra þrengsla í
stigaganginum.
Skömmu síðar yfirgáfum við
þennan veitingastað, sem við í
fávísi okkar höfðum haldið, að
væri boðlegur til að skemmta
sér og öðrum í, en kom okkur
nú fyrir sjónir sem þriðja flokks
skemmtistaður og einhver sá
mest óaðlaðandi sem við höfum
augUm litið vegna villimensku
þeirrar og ruddaskapar, sem
þar viðgekkst.
í samtali, sem eitt okkar átti
við forstjóra Sjálfstæðishússins
á Akureyri þ. 21. júlí sl. végna
framangreindra atvika, kom
fram, að engar prentaðar reglur
varðandi klæðnað gesta hússins
virtust vera til og var svo að
skilja, að dyraverðir færu eftir
því, sem þeir teldu vera.tísku í
það og það skiptið. Sennilega
hafa þeir þá beint samband við
helstu ' tískufrömuði heimsins
svo fyllsta réttlætis sé hér gætt!
Sum sé, það eru engar reglur
til varðandi þetta atriði nema í
hugarfylgsnum dyravarða og
eru þær sífelldum breytingum
undirorpnar eftir anda tískunn-
ar. Vonandi ber íslenska lopa-
peysan, ættum við kannski held
ur að segja lopajakkinn, gæfu
til þess að finna náð fyrir þess-
um margslungnu og óskráðu
reglum.
Því undarlegra er það, ef
dyraverðir halda svo fast við
eigin reglur, þá virðist þessi
veitingastaður ekki veigra sér
við því að brjóta aðrar. Sam-
kvæmt áðurnefndu samtali við
forstjóra hússins, er reynt að
fylgja þar þeirri reglu að selja
ekki inn fleirum, en sæti eru
fyrir. Þetta kvöld hafði bersýni-
lega gjörsamlega mistekist að
framfylgja þessari sjálfsögðu
reglu og leiddi það af sér aug-
Ijóst hættuástand, ef t. d. eldur
hefði brotist út, en í fljótu
bragði var ekki hægt að koma
auga á neina merkta neyðar-
útganga í húsinu. Vonandi mun
starfslið hússins ekki alltaf
reynast það ofvaxið að telja
þannig inn í húsið, að fjöldi
sæta og gesta sé nokkurn veg-
inn sá sami.
Að lokum þetta til forráða-
manna Sjálfstæðishússins á
Akureyri: Væri það til of mikils
mælst, að hinar óskráðu.reglur
hússins um klæðnað gesta væru
gerðar opinberar? Varla -breyt-
ist tíska heimsins svo ört, að
slíkt sé ókleift. Það hlýtur að
teljast algjör lágmarkskurteisi
við gesti, að þessar reglur séu
til á prenti og vandlega aug-
lýstar. Annars verður að líta
svo á, að alls engar reglur séu
til. Það verður að teljast rudda-
skapur og siðleysi á hæsta stigi
að vísa gestum frá á síðustu
stundu samkvæmt einhverjum
reglum, sem svo alls ekki er
hægt að fá að sjá. Væri það
einnig til of mikils mælst, að
veitingastaðurinn reyndi að
framfylgja betur sinni eigin
reglu um fjölda gesta á staðn-
um. Vonandi mun gróðahyggj-
an ekki standa í vegi fyrir að
úrbætur verði gerðar hér á.
Ekki er að orðlengja, að hinir
vestur-íslensku gestir okkar
munu lengi minnast þessarar
heimsóknar í Sjálfstæðishúsið á
Akureyri vegna þess stirðbusa-
háttar og dónaskapar, sem þar
viðgekkst og hefur stofnunin
þarna stuðlað að heldur
óskemmtilegri landkynningu,
svo ekki sé meira sagt.
Skrifað í von um, að Sjálf-
stæðishúsið á Akureyri færi
. áðurnefnd atriði til betri vegar
og aðrir staðir, sem líkt er
ástatt um, fylgi eftir góðu for-
dæmi.
Indriði Hallgrímsson,
Sigrún Klara Hannesdóttir,
Jón Hallgrímsson,
Sólveig Guðmundsdóttir.
100 ÁRA ÁFMÆLISGJÖF
í TILEFNI af 100 ára afmæli
Fjórðungssjúkrahússins á Akur
eyri hafa fjórir þjónustuklúbb-
ar á Akureyri, Kiwanisklúbbur-
inn Kaldbakur, Lionsklúbbur
Akureyrar, Lionsklúbburinn
Hængur og Lionsklúbburinn
Huginn, fært sjúkrahúsinu að
gjöf nýja gerð magamyndavél-
ar, sem notuð er við leit að sjúk
dómum í maga, einkanlega
krabbameini á byrjunarstigi.
Kostuðu klúbbarnir einnig ferð
stúlku til Danmerkur til að full-
nema sig í meðferð myndavélar-
innar. Að sögn Gauta Arnþórs-
sonar, er nú notkun vélarinnar
komin í fullan gang og hefir
gengið mjög vel og gefið góða
raun.
Við afhendingu vélarinnar
kom fram eindregin ósk frá gef-
endum um að komið verði á fót
krabbarleitarstöð hér á Akur-
eyri og hefir stjórn Fjórðungs-
sjúkrahússins heitið því að
stuðla að því að komið verði á
fót slíkri stöð til.hóprannsókna.
Meðmylgjandi mynd er tekin
við afhendingu vélarinnar. Frá
vinstri: Gauti Arnþórsson yfir-
læknir, Sólrún Sveinsdóttir
hjúkrunarkona, sem fór til Dan-
merkur til að læra á vélina, og
formenn klúbbanna, Stefán
Gunnlaugsson, Mikael Jónsson,
Torfi Leósson og Aðalsteinn
Júlíusson.
(Fréttatilky nning )
Frá Ungmennasðmbandi
Umf. Reynir sigraði
í hraðkeppni.
Hraðkeppnismót Ums. Eyja-
fjarðar fór fram um míðjan
júní. Fjögur lið tóku þátt í
keppninni. Urslit urðu þau, að
lið Umf. Reynis sigraði.
Heildarúrslit:
Umf. Reynir............ 5 stig
Umf. Ársól og Árroðinn . 4 —
Umf. Dagsbrún...........2 —
Umf. Skriðuhrepps......1 —
Drengjamót UMSE í frjálsum
íþróttum.
Mótið fór fram á Laugalands-
velli 7. júlí og voru keppendur
um 30 frá 8 félögum. Keppt var
í 10 greinum og var árangur
fremur lélegur. Stigahæsti ein-
staklingur mótsins varð Viðar
Hreinsson úr Dalbúanum, hlaut
alls 24(4 stig. Besta afrek móts-
ins vann Vignir Hjaltason úr
Umf. Reyni, hljóp 400 m á 57,6
sek.
Garðræklarféleg
70 ára
Húsavík, 19. júlí. Miðvikudag-
inn 17. júlí var þess minnst á
Húsavík, að Garðræktarfélag
Reykhverfunga varð 70 ára, en
þá var haldinn aðalfundur fé-
lagsins. Félag þetta var stofnað
17. júlí 1904 og hóf starfsemi
sína næsta ár.
Aðalfundurinn var haldinn á
Hótel Húsavík og að honum
loknum var veisla í tilefni af-
mælisins. Veislustjóri var Finn-
ur Kristjánsson, en ræðumenn
Hrólfur Árnason, formaður fé-
lagsstjórnar frá 1935, Jakob Frí-
mannsson, Atli Baldvinsson,
framkvæmdastjóri félagsins,
Valur Arnþórsson, er færði
stjórninni málverk Sveins Þór-
arinssonar að gjöf, Jón H. Þor-
bergsson, Jóhann Skaptason og
Snorri Gunnlaugsson flutti
kvæði. Frú Helga Alfreðsdóttir
og Eiríkur Stefánsson sungu við
undirleik Áskels Jónssonar.
Sérstaklega var minnst Árna
Sigurpálssonar, Skógum, sem er
96 ára og hefur setið alla aðal-
fundi félagsstjórnar, nema einn,
en þá var mikill heyþurrkur.
Árni er einn þriggja stofnenda
félagsins, sem enn eru á lífi, en
hinir eru Sigtryggur Hallgríms-
son, Reykjum og Jón Jónsson
frá Kaldbak. Voru þeir síðar-
töldu gerðir heiðursfélagar, en
Árni var það áður.
Stærstu hluthafar Garðrækt-
arfélagsins eru Kaupfélag Ey-
firðinga með rúmlega 50%
hlutafjár, þá Kaupfélag Þing-
eyinga og hjónin Steinunn
Ólafsdóttir og Atli Baldvinsson,
Hveravöllum. Fjárhagur félags-
ins er mjög góður og fengu hlut
hafar 10% arð, en reksturshagn-
aður varð sl. ár 650 þúsund
krónur, en þess utan ágóði af
sölu heita vatnsins frá Baðstofu
hver, 526 þúsurid kr., sem Húsa-
víkurbær - er hitaður með. í
landi félagsins eru nokkrir
hverir, þeirra þekktastir eru
Baðstofuhver og Uxahver.
S t j ó r n Garðræktarfélags
Reykhverfunga skipa: Hrólíur
Árnason, - formaður, Finnur
Kristjánsson, Atli Baldvinsson,
Sigurður O. Björnsson og Valur
Arnþórsson.
Félagið stundaði fyrst kart-
öflurækt en síðan gróðurhúsa-
rækt og er flatarmál gróðurhús-
anna yfir 3 þús. fermetrar og
aðalfundurinn samþykkti að
veita stjórninni heimild til að
reisa 800 fermetra gróðurhús til
viðbótar. Þ. J.
Heildarstig félaganna:
Bindindisfél. Dalbúinn . 28 stig
Umf. Ársól og Árroðinn 28 —
Umf. Reynir .......... 26 —
Umf. Öxndæla.......... 17 —
Umf. Svarfdæla ........ 10 —
Umf. Möðruvallasóknar 4 —
Umf. Framtíð............ 2 —
Umf. Svarfdæla vann.
Hið árlega kvennamót í frjáls
um íþróttum var haldið á Lauga
landsvelli 7. júlí. Keppt var í 8
greinum og voru keppendur um
20 frá 7 félögum. Besta afrek
mótsins vann Sigurlína Hreið-
arsdóttir, Umf. Ársól, kastaði
kúlu 9,74 m, en í heild náðist
ekki góður árangur á mótinu.
Svanhildur Karlsdóttir, Umf.
Svarfdæla, hlaut flest stig ein-
staklinga á mótínu, alls 16(4
stig.
Heildarstig félagánna:
Umf. Svarfdæla .........48 stig
Umf. Ársól og Árroðinn 15 —
Umf. Skriðuhrepps .... 11 —
Umf. Reynir ............ 8 —
Umf. Æskan.............. 7 —
Umf. Dagsbrún........... 4 —
Umf. Narfi sigraði á sundniófi
UMSE.
Sundmót UMSE fór fram í
Sundlaug Hríseyjar laugardag-
inn 13. júlí. Þátttaka var mikil
frá Umf. Narfa í Hrísey, en nær
engin frá öðrum félögum. Narfi
sigraði með miklum yfirburð-
um, hlaut alls 114 stig, og vann
annað árið í röð sundbikar
þann, sem Kaupfélag Svalbarðs
eyrar gaf á síðasta ári. Keppt
var í 5 kvennagreinum og 5
karlagreinum. Fjóla Ottósdóttir
hlaut flest stig í kvennagreinum
og Sigurjón Sigurbjörnsson í
karlagreinum. Þau eru bæði úr
Umf. Narfa.
Áður en sundkeppnin hófst
fór fram skemmtileg fimleika-
sýning ungra stúlkna úr Hrísey,
undir stjórn Matthíasar Ásgeirs
sonar íþróttakennara, sem verið
hefur í Hrísey um mánaðar-
skeið við íþróttakennslu.
Úrdráffur úr nýúfkominni ska
rðyrlandsumdæmis
SKATTSKRÁ Norðurlandsum-
dæmis eystra 1974 hefur verið
lögð fram og koma þar fram
m. a. eftirfarandi upplýsingar:
Heildarfjárhæð álagðra gjalda
í umdæminu er kr. 1.046.470.096
hjá 11.157 einstaklingum og 631
félagi og sundurliðast þannig í
höíuðdráttum:
Tekjuskattur kr. 467.357.284,
gjaldendur 5.286.
Eignarskattur kr. 29.598.181,
gjaldendur 2.442.
Aðstöðugjöld kr. 76.180.400,
gjaldendur 1.641.
Utsvör í 3 kaupstöðum og 12
hreppum kr. 350.067.500, gjald-
endur 6.995.
Atvinnurekstrargjald o. fl. kr.
123.266.731.
Nettó skattafsláttur í um-
dæminu er kr. 61.775.074.
Hæstu gjaldendur í umdæm-
inu eru:
Einstaklingar: Tekju- skattur Útsvar Eignar- skattur Aðstöðu- gjald Samtals
Pétur Stefánsson, skipstjóri, Húsavík 1.304.828 395.000 76.760 89.500 1.866.088
Baldvin Þorsteinsson, skipstjóri, Akureyri . 1.161.394 392.300 22.098 1.575.792
Hjörtur Fjeldsted, forstjóri, Akureyri 1.069.969 323.100 16.311 124.100 1.533.480
Pálmi G. Jónsson, bifreiðastjóri, Akureyri . 1.076.729 293.300 39.076 153.000 1.484.105
Gunnar Arason, skipstjóri, Dalvík 960.874 358.300 169 1.393.343
Gunnar Óskarsson, múrarameistari, Ak. . . 759.697 259.900 41.702 125.100 1.186.399
Hörður Þorleifsson, tannlæknir, Akureyri . 706.274 300.100 78.600 1.084.974
Tryggvi Helgason, flugmaður, Akureyri . . . 700.280 240.000 53.530 33.000 1.026.810
Ólafur Ólafsson, lyfsali, Húsavík 633.339 226.200 22.310 129.800 1.011.649
Snorri Ólafsson, yfirlæknir, Hrafnagilshr. . 731.162 .242.800 28.704 1.002.630
Þorsteinn Ágústsson, útg.m., Grýtubakkahr. 703.326 249.800 4.938 22.500 980.564
Sigurður Sigurðsson, skipstjóri, Húsavík . . 658.210 269.200 19.826 947.236
Ulfur Ragnarsson, læknir, Þórshöfn 658.495 • 247.200 13.069 2.700 921.464
Sigurður Ólason, læknir, Akureyri 674.574 227.900 12.463 2.900 917.837
Jóhann Ingimarsson, kaupm., Akureyri . . . 520.731 205.200 27.532 120.300 873.763
Félög á Akureyri: ^ekju- Eignár- Aðstöðu- skattur skattur gjald Önnur gjöld Samtals
Umf. Reynir með flest stig.
í F-riðli íslandsmótsins í
knattspyrnu, 3. deild, er fyrri
umferð lokið. Aðeins þrjú lið
eru í riðlinum og hefur Umf.
Reynir hlotið flest stig, alls 4,
UMSE er með 2 stig og Umf.
Magni hefur ekkert stig hlotið.
Næsti leikur verður laugar-
daginn 20. þ. m. milli Reynis og
UMSE að Árskógi. □
Knaffspyrna
Á LAUGARDAGINN léku Ak-
ureyringar og Keflvíkingar hér
á Akureyri, keppnisleik í 1.
deild íslandsmótsins, og sigruðu
þeir síðarnefndu með 2—0.
Bæði mörkin voru skoruð í síð-
ari hálfleik.
Leikurinn var heldur tilþrifa-
lítill, varnarleikurinn áberandi
og lítið um spennandi augna-
blik. Akureyringar eru enn í
fallhæt'tu, en þeir eiga eftir
fjóra leiki og mæta þeir Víking-
um syðra næsta laugardag.
Staðan í 1. deild er þessi: ÍA
16 stig, ÍBK 14, KR 10, ÍBV 9,
Fram, Válúr og ÍBA hafa 8 stig,
en Víkingur hefur 7 stig.
Minningarleikur um Jakob
Jakobsson fór fram á Akureyri
á mánudaginn. Lið heimamanna
lék þá við íslenska landsliðið í
rigningu og kulda. Landsliðið
skoraði fyrsta og eina markið í
leiknum á síðustu mínútu. Q
Kaupfélag Eyfirðinga 6.397.477 5.294.680 11.055.900 9.702.911 32.450.968
Samband ísl. samvinnufélaga 8.612.200 258.366 8.870.566
Slippstöðin h.f 1.916.200 3.794.082 5.710.282
Útgerðarfélag Akureyringa h.f 2.055.400 2.847.978 4.903.378
Kaffibrennsla Akureyrar h.f 1.786,617 156.148 941.100 648.531 3.532.396
Oddi h.f., vélsmiðja 373.853 124.106 946.000 1.473.642 2.917.601
Amaro h.f 495.734 1.133.200 384.618 2.013.552
Aðalgeir og Viðar h.f 269.791 54.636 706.800 828.390 1.859.617
Valgarður Steíánsson h.f 902.034 78.844 698.000 167.777 1.846.655
K. Jónsson & Co. h.f 512.100 1.318.156 1.830.256
Þórshamar h.f 57.535 720.100 893.804 1.671.439
Atli h.f., véla- og plötusmiðja 931.422 85.513 262.300 421.714 1.670.949
Prentverk Odds Björnssonar h.f. . . . 375.727 48.146 472.400 741.332 1.637.605
íspan h.f 1.052.988 54.891 245.700 218.946 1.572.525
Linda h.f 210.021 609.500 725.730 1.545.251
Smári h.f 75.423 10.958 600.000 828.193 1.514.574
Reglur um álagningu útsvara
í hinum ýmsu sveitarfélögum
eru að mestu samhljóða og eru
sem hér segir:
Utsvör eru lögð á samkvæmt
IV. kafla laga nr. 8/1972, um
tekjustofna sveitarfélaga, sbr.
III. kafla reglugerðar nr. 118/
1972, um útsvör.
Samkvæmt 25. gr. nefndra
laga, eru útsvörin reiknuð 10%
af brúttó tekjum samkvæmt
skattframtali með þeim frávik-
um, sem lögin heimila, og sem
hér greinir í meginatriðum:
1. Lagt er á hreinar tekjur af
atvinnurekstri.
2. Eigin húsaleiga og skyldu-
sparnaður eru undanþegin
útsvarsálagningu.
3. Hvers konar endurgreiddur
. kostnaður, sem talinn er til
tekna, er dreginn frá brúttó
tekjum.
4. Veittur er frádráttur fyrir
námskostnaði barna innan 16
ára aldurs, þó ekki hærri en
nemur tekjum barnsins.
5. Notuð er heimild í 4. málsgr.
23. gr. nefndra laga um að
áætla þeim, sem stunda sjálf-
stæða starfsemi,
skyldar tekjur.
útsvars-
Samkvæmt ákvörðun sveitar-
stjórnar, og með heimild í 27.
gr. framangreindra laga, er
veittur frádráttur á öllum bót-
um samkv. II. kafla laga nr.
67/1971. Einnig er veittur frá-
dráttur fyrir kostnaði vegna
veikinda, slysa eða dauðsfalla,
sem á gjaldendur hefur fallið,
ef verulegan má telja, eða
skerða gjaldgetu þeirra veru-
lega. Veittur er frádráttur fyrir
námskostnaði þeirra, sem stund
að höfðu nám í skóla í sex mán-
uði eða lengur á sl. ári, eftir
sömu reglum og við álagningu
tekjuskatts.
Reiknuð útsvör, samkvæmt
framansögðu, eru lækkuð sem
hér segir:
Hjá hjónum og einstæðum
foreldrum, sem hafa fyrir heim-
ili að sjá, um kr. 7.000.
Hjá einstaklingum um kr.
5.000, og vegna barna innan 16
ára aldurs um kr. 1.000. Hafi
gjaldandi fleiri börn en þrjú
innan 16 ára aldurs á framfæri
sínu, er útsvar hans ennfremur
lækkað um kr. 2.000 fyrir hvert
barn umfram þrjú.
TILRAUNUM GEIRS LOKIÐ?
(Framhald af blaðsíðu 1)
ætla, að Framsóknarflokkur, A1
þýðubandalag, Alþýðuflokkur
og Samtök frjálslyndra og
vinstri manna séu reiðubúin að
hefja viðræður um myndun
ríkisstjórnar, er hafi stuðning
þessara flokka.
Framsóknarflokkurinn telur
eðlilegt, að þessir flokkar fái
tækifæri til að kanna möguleika
á myndun slíkrar ríkisstjórnar
og getur því ekki orðið við til-
mælum yðar um stjórnarmynd-
unarviðræður þær, er þér sting-
ið upp á.
Virðingarfyllst,
Ólafur Jóhannesson.“ '
Samkvæmt þessu virðast til-
raunir Geirs við stjórnarmynd-
un ekki bera árangur, og hlýtur
þá að koma til kasta Ólafs
J óhannessonar.
Björgvin varð Akureyrarmeistari
HÉR SKAL ÉG TJALDA
BJÖRGVIN Þorsteinsson varð
Akureyrarmeistari í golfi á 292
höggum, sem er par vallar og
jafnframt vallarmet. Hann setti
einnig vallarmet á 18 holum, 72
högg, sem stóð eina klukku-
stund, þar til Gunnar Þórðar-
son setti þar nýtt með 71 höggi.
Ðaginn eftir setti Björgvin
annað vallarmet með 70 högg-
um.
Björgvin varð efstur í meist-
araflokki, þá Gunnar Þórðarson
en þriðji varð Árni Jónsson.
í fyrsta flokki sigraði Eggert
Eggertsson, næstur Hafliði Guð
mundsson og þriðji Sigurður
Ringsteð.
í öðrum flokki sigraði Sig. H.
Ringsteð, og í kvennaflokki
Karólína Guðmundsdóttir. □
í SKAFTAFELLI bar það við
fyrir fáum dögum, að hópferða-
fólk stóð hjá tjöldum sínum.
Það heyrði og sá eftirfarandi:
Fólksbíl bar að og forsjá fjöl-
skyldunnar hugðist einnig slá
þar tjaldi. Umsjónarmanninn
bar þar einnig að og tjáði hin-
um nýja gesti, að hér fengi að-
eins hópferðafólk að tjalda og
vísaði honum á annan stað.
Maðurinn sagðist hvergi fara
og tjalda hér, hvað sem hver
segði. Umsjónarmaðurinn sagði
menn verða að fara að settum
reglum, er hann sæi um að fram
fylgja. Sagðist gesturinn álíta,
að til þess að reka sig af þessum
stað yrði hann að fá nokkurn
liðstyrk. Ekki áleit umsjónar-
maður það og hóf stafprik sitt
á loft. Komu þá farþegar út úr
bílnum, báðu afsökunar og sögð
ust yfirgefa staðinn. Ekki var
laust við, a, hópferðafólkið héfði
gaman af þessum orðræðum. „
>
►
t