Dagur - 30.11.1977, Blaðsíða 4

Útgcfandi: ÚTGÁFUFÉLAG DAGS
Skrifstofur Hafnarstræti 90, Akureyri
Simar: Ritstjóm 11166, Augl. og afgreiðsla 11167
Ritstj. og ábyrgðarm.: ERLINGUR DAVÍÐSSON
Augl. og afgr.: JÓHANN KARL SIGURÐSSON
Prcntun: Prentverk Odds Bjömssonar hf.
Einkaframtakið
hefur brugðist
I ræðu sem borfrarstjórinn í Reykja-
vík flutti í haust í tilefni iðnkynn-
ingar, taldi hann, að Reykvíkingar
hefðu verið afskipitr með fjármagn
síðustu árin og jjar væri að finna
skýringuna á því, að atvinnuupp-
bygging hefði ekki þróast með sama
hætti og annars staðar á landinu.
Sé þessi staðhæfing borgarstjórans
athuguð kemur í ljós, að þessu er
alveg tifugt farið. Þrátt fyrir stuðn-
ing Byggðasjóðs við framkvæmdir út
um landið, vantar enn mikið á það,
að landsbyggðin, utan Faxaflóasvæð-
isins, hafi fengið sinn hlut af fjár-
magninu til framkvæmda. Hitt er
svo annað mál, að því takmarkaða
fjármagni, sem J>ar hefur verið til
ráðstöfunar, hefur fyrst og fremst
verið varið til atvinnuuppbyggingar
og það gerir gæfumuninn.
Einkaframtakið I höfuðborginni
hefur notað fjármagnið á annan hátt.
Ekki Jjarf annað en að skoða höfuð-
borgina til að sannfærast um það,
enda sjón sagna best. Byggingar hafa
risið þar í svo miklum mæli, að með
ólíkindum er. Ber þar mest á stór-
byggingum fyrir verslun, skrifstofur
og iðnað, sem í verulegum mæli
stendur ónotað. Þessi mörgu stórhýs'
bera J>að með sér, að þar hefur ekki
skort fjármagn. Hin mikla verðbólga
á undanfömum árum hefur ýtt undir
gróðaöflin í landinu á þann veg að
koma f jármagninu í steinsteypu. Þess
ber Reykjavík og nágienni hennar
glöggt merki. Þessi leið hefur líka
reynst eigendum ábatasöm og afleið-
ingin er sú, að á höfuðborgarsvæðinu
hefur verið kapphlaup um að fjár-
festa sem mest í alls konar bygging-
um. í mörgum tilfellum hefur fram-
kvæmdaaðilinn ekki haft neinar
áætlanir um til hvers ætti að nota það
húsnæði, sem J>eir stóðu að að byggja.
Hugmyndin e. t. v. einungis sú að
leigja það eða selja. Vonin um skyndi
hagnað ræður þar oftast ferðinni.
Þannig hefur fjármagnið farið í
allt annað en að undirbygeja fram-
leiðsluna á höfuðborgarsvæðinu. En
hvernig hefur verið staðið að þess-
um málum hér norðanlands? Hér
hefur allt kapp verið lagt á að byggja
upp og tryggja framleiðsluna og J>að
hefur verið gert að mestu leyti á fé-
lagslegum grunni. Hér hafa sam-
vinnufélögin verið í fararbroddi í at-
vinnuuppbyggingu, ýmist ein eða í
samvinnu við sveitarfélögin á við-
komandi stað. Þar sem samvinnufé-
lögin hafa ekki sjálf veríð nægilega
sterk fjárhagslega, hafa sveitarfélögin
annast uppbyggingu og rekstur. Hér
hafa gróðasjónarmiðin ekki ráðið
ferðinni í fjárfestingu og atvinnuupp
byggingu, nema í undantekningum
og því hefur framleiðslan stóraukist,
öfugt við höfuðborgarsvæðið, — J>ar
sem einkaframtakið brást.
Þingræði og lýðræði
Eftirfarandi grein er hluti af
ræðu, sem ég flutti í neðri deild
Alþingis, þegar til umræðu var
frumvarp Jóns Skaftasonar um
breyting á lögum um kosningar
til Alþingis. Frumvarp Jóns er
þess efnis að frambjóðendum
skuli raðað í stafrófsröð á fram-
boðslista til Alþingis, en kjós-
endur megi síðan raða þeim í
töluröð. Þessi hugmynd sýnist
í fljótu bragði öðrum fremur
lýðræðisleg, en hún sætti eigi
að síður gagnrýni margra
þeirra, sem til máls tóku um
frumvarpið. M.a. gagnrýndu Ól-
afur Jóhannesson og Lúðvík
Jósepsson frumvarpið og ýmsir
fleiri.
Sá kafli ræðu minnar sem hér
birtist fjallar um mikilvægi
stjórnmálaflokka í lýðræðis-
landi.
Gagnrýni á flokkana.
Ég vona að sem flestir átti sig
á því, að stjórnmálaflokkar eru
frjáls, félagsleg samtök, sem
eru ómissandi í lýræðis- og
þingræðislandi. Það er a. m. k.
víst, að margt væri á annan výg
og örðugra, ef ekki væru í land-
inu þau skipulögðu fjöldasam-
tök_ sem nefnast stjórnmála-
flokkar. Þó er því ekki að leyna,
að oft gætir misskilnings og mis-
túlkunar að því er varðar störf
og stöðu stjórnmálaflokkanna.
Ég er ekki frá því að afflutn-
ingur á mikilvægi stjórnmála-
flokka sé meiri og tíðari hér á
landi en annars staðar í nálæg-
um lýðræðislöndum. Má með
nokkrum sanni segia, að um
skeið hafi flætt yfir landið
linnulaus áróður gegn stjórn-
málaflokkum og stjórnmála-
mönnum, og þessi áróður hefur
jafnvel gengið út yfir Alþingi
sem stofnun, að ekki sé minnst
á alþingismenn sem einstakl-
inga. Þessi áróður hefur verið
mjög neikvæður og þjónar ekki
góðum tilgangi. Og eins og yfir-
leitt er um neikvæðan áróður
þá hefur þessi gagnrýni á stjórn-
málaflokkana verið lýðskrums-
kennd og yfirborðsleg, m. a.
„persónuleg“ í vondri merkingu
þess orðs.
Frumskógahernaður.
Að sjálfsögðu er ekkert vit í
því að frábiðja stjórnmálaflokk-
ana gagnrýni. Þá ber að gagn-
rýna og þeir verða alltaf gagn-
rýndir. Eigi að síður verða
menn að átta sig á því, að
stjórnmálaflokkarnir eru aðal-
máttarstólpar lýðræðis og grund
völlur þingræðis. Ef ekki væru
stjórnmálaflokkar, þá myndi öll
stjórnmálastarfsemi leysast upp
í eins konar frumskógahernað,
skipulagslausa klíkustarfsemi,
lýðskrum og atkvæðaveiðar af
verstu tegund. Ef það er þess
konar pólitík sem menn óska
eftir, þá er auðvitað ráðið að
halda áfram að jaga stjórnmála-
flokkana og veikja álit þeirra
meðal almennings.
En að mínum dómi er slíkt
hið mesta óþurftarverk. Ég tel
að best fari á því að framboð
séu á vegum stjórnmálasam-
taka. Og í því sambandi hlýt ég
að leggia á það sérstaka áherslu,
að ég álít að ekki komi annað
til greina en að röðun framboðs-
lista sé ákveðin af stjórnmála-
samtökum um leið og ég tek
það fram að k'ósendur eiga að
hafa rétt til þess að breyta
þeirri röð, — eins og kosninga-
lög raunar gera ráð fyrir. E. t. v.
er hægt að rýmka um mögu-
leika kjósenda í þessu efni, og
er eðlilegt að ræða það mál sér-
staklega, en það frjálsræði sem
gert er ráð fyrir í frumvarpi
Jóns Skaftasonar yrði ekki til
bóta, heldur yrði það til þess
að auka pólitískan glundroða
og magna upp lýðskrumsað-
ferðir, sem alltaf er hægt að
eiga von á á vettvangi stjórn-
Ingvar Gíslason alþm.
skrifar um stjómmála-
flokkana og lýðræðið.
mála, og ekki síst þegar mönn-
um hitnar í hamsi í kosninga-
bardaga og í hlut eiga menn,
sem hættir til að beita ofur-
kappi. Sú aðferð, sem stungið
er upp á í frumvarpinu, mundi
verða til þess að draga úr mála-
efnalegri stjórnmálabaráttu, en
magna upp neikvæða persónu-
og eiginhagsmunastreitu. Þessi
aðferð getur aldrei leitt til ann-
ars. Með þessari aðferð er verið
að efna til innbyrðis sundrung-
ar manna, sem eiga að vera sam-
herjar og málsvarar sameigin-
legrar stjórnmálastefnu.
Hver á að vera í forystu
og málsvari?
Og ég vil einmitt spyrja:
Hver eða hverjir eiga að vera
málsvarar framboðslista, þar
sem mönnum er raðað hlutlaust
í stafsrófsröð?
Hafa menn leitt hugann að
því hvaða praktísk vandamál
fylgja slíku fyrirkomulagi?
Eða er það kannski ætlunin
að sleppa algerlega þeim þætti
úr, að frambjóðendur á sama
lista berjist undir sama merki,
hafi sameiginlega kosninga-
stefnuskrá? Ef svo er, þá ætti
að stíga skrefið til fulls og
leggja niður stjórnmálaflokka í
núverandi mynd og láta það
ráðast hverjir bjóða sig fram
til þings, eða öllu heldur þa?
ætti ekki að hafa nein fram-
boð, heldur ætti að haga kosn-
ingum þannig að hver kjósandi
leggi fram sinn eiginn lista of
komi honum í atkvæðakassanr
á kjördegi. Þá er líklega „frelsi*
kjósandans fullkomnað; eða er
ekki svo? Þar með er ekki sagt
að lýðræðinu sé gerður mikill
greiði. Ég held raunar að það
væri einnig bjarnargreiði við
kjósendur að taka upp slíkt
skipulag.
Ég hef þá trú, þrátt fyrir allt,
að almenningur í landinu sé yf-
irleitt ekki óánægður með
flokkaskiptinguna eða starfsemi
stjórnmálaflokkanna, og ég
hygg að það sé skoðun alls
þorra manna, að stjórnmála-
flokkarnir eigi að ráða framboð-
um m. a. að raða á lista og
ákveða hverjir skuli vera í
efstu sætum þeirra og þar með
málsvarar og forystumenn list-
ans. Yfirleitt vilja kjósendur
málefnalega stjórnmálabaráttu
og þeir meta stjórnmálamenn
eftir málefnum og hæfni þeirra
til að túlka skoðanir. Og kjós-
endur aðhyllast miklu fremur
sameiginleg baráttumál, þ. e.
flokksstefnu, heldur en að þeir
elti einstakar „persónur11 í al-
gerri blindni. Það eru aðeins
skrumararnir, sem halda öðru
fram en því sem ég er hér að
lýsa. Að vísu eru dæmi um það
að skrumarar hafa náð alllangt
í því að safna um sig fylgi, en
yfirleitt reynast þess háttar
sigrar Pyrrhusarsigrar.
Meira starf flokksfélaga.
Nú munu e. t. v. einhverjir
segja sem svo, að ég sé að boða
þá kenningu að engu þurfi að
breyta og ekkert burfi um þessi
mál að tala yfirleitt.
Það er þó alls ekki mín skoð-
un, og það eru ekki mín orð.
En ég er andvígur því fyrir-
komulagi kosninga, sem stung-
ið er upp á í frumvarpi Jóns
Skaftasonar. Og ég er andvígur
því að dregið sé úr valdi stjórn-
málasamtaka við ákvörðun
framboða og röðun á framboðs-
lista. Þvert á móti álít ég að
það þurfi að efla starfsemi
stjórnmálaflokkanna og fá
fleira fólk til þess að taka virk-
an þátt í starfsemi þeirra. Ég
álít, að það þurfi að trvggia enn
betur en er, að lýtjræðislegt
skipulag stjórnmálaflokkanna
fái notið sín í revnd. Að mínum
dómi verður það best gert með
því að efla starfsemi „grunnein-
inganna“ í skipulagi flokkanna,
þ. e. a. s. staðbundinna flokksfé-
laga og samtaka þeirra í hverju
kjördæmi. Því fleiri sem taka
þátt í störfum stjómmálafélag-
anna þvf lýðræðislegri er starf-
semi þeirra. Og því fleiri sem
taka þátt í umræðum og
ákvörðunum um framboð því
betra er það.
Skoðanakönnun og prófkjör
innan flokka.
í því sambandi tel ég mjög
koma til greina að efnt sé til
skoðanakönnunar eða prófkjörs
meðal flokksmanna sem undan-
fari ákvörðunar um framboð.
Enda hygg ég, að flestir stjórn-
málaflokkar í landinu hafi sett
sér reglur um þessi efni og að
þeir beiti þessum aðferðum,
þegar þurfa þykir. Skoðana-
könnun og prófkjör eru að mínu
viti eðlilegur þáttur í flokks-
starfi, sem er því auðveldara að
framkvæma sem flokksstarfið
er virkara og fjörugra. Og að
því þarf að vinna að stjórnmála-
flokkarnir starfi af þrótti, bæði
að almennri stefnumótun og
baráttu fvrir stefnumálum og
einnig að því að kjósa menn til
trúnaðarstarfa, hver sem þau
eru, ekki síst þegar um er að
ræða málsvara í kosningum. —
Þannig er hægt að tryggja mál-
efnalega stjórnmálabaráttu og
manneskjulega umgengni í
pólitík yfirleitt.
4 • DAGUR
Nýjar bækur
Bókaútgáfan Skjaldborg gefur
út sjö nýjar bækur á þessu
hausti. Allar eru bækurnar
prentaðar í Prentsmiðju Björns
Jónssonar hf. Hefur prentsmiðj
an tekið upp nýja tækni við
setningu, svonefnda offset-setn-
ingu, og eru flestar nýju bók-
anna settar með þessari nýju
tækni. Er prentsmiðjan fyrst
akureyrskra prentsmiðja til að
taka upp þessa tækni.
Af bókum útgáfunnar má
fyrst telja Aldnir hafa orðið,
sem Erlingur Davíðsson rit-
stjóri skrásetti. Er þetta 6. bók-
in í þessum flokki. Sagði Björn
Eiríksson, forstjóri Skjaldborg-
ar, að þessar bækur væru sér-
staklega vinsælar. Eru fyrstu
tvö bindin alveg að verða upp-
seld og fást ekki í bókabúðum,
en hægt er að fá þau hjá útgáf-
unni meðan upplagið endist. í
þessu nýja bindi skrásetur Er-
lingur frásagnir sjö karla og
kvenna, en þau eru Guðlaug
Narfadóttir, Guðni Þórðarson,
Hólmsteinn Helgason, Snæ-
björg Aðalmundardóttir, Stefán
Jasonarson, Þorleifur Ágú.sts-
son og Þorkell Bjarnason.
f óljósri mynd heitir nýtt
skáldverk eftir Jón Bjarman,
fangaprest. Sagði Björn Eiríks-
son að þrátt fyrir að höfundur-
inn kallaði þetta skáldverk, þá
gæti ég trúað að margir sem
ólust upp á Akureyri á sama
tíma og Jón kannist við stað-
hætti og jafnvel einhverjar per-
sónur í sögunni. Hér er á ferð-
inni forvitnilegt verk og vel
skrifað.
Varðeldasögur Tryggva Þor-
steinssonar, 2. bindið, er nú
komið út hjá Skjaldborg.
Tryggvi var búinn að ganga frá
handriti bókarinnar þegar hann
lést, en útgáfa bókarinnar hef-
ur dregist þar til nú. Björn Ei-
ríksson sagði að þó þetta væri
ekki sérstök minningarútgáfa,
þá væri þessi bók gefin út í
minningu hins mikla heiðurs-
manns sem Tryggvi var.
— Þessi bók er jafnt fyrir
fullorðna sem unglinga. Þarna
geta margir jafnaldrar Tryggva
og yngra fólk þekkt sig, því
flestar persónur bókarinnar
styðjast við raunveruleikann,
þó nöfnum sé breytt. Og ég
þekkti þarna strax marga kunn-
ingja mína, — sagði Björn.
Káputeikningu gerði séra
Bolli Gústavsson í Laufási.
Skjaldborg ýjefur nú út 7.
ljóðabók Braga Sigurjónssonar,
sem ber heitið Sumarauki. Um
Braga sagði Kristján frá Djúpa-
læk m. a.: „Nú ber ég fulla
virðingu fyrir manni hinna fjöl-
breyttu starfa, á vettvangi dægr
anna, en spá mín er sú, að
framtíðin muni lengur muna og
hafa áhuga á ljóðskáldinu
Braga Sigurjónssyni, og afrakst
ur hinna hljóðu stunda í lífi
hans, er hann gekk inn í helgi-
dóm hjarta síns og söng eins og
líkur væru á að enginn heyrði
til.“
Þá kemur út Galdra- og
brandarabók BaldursS og Konna
hjá Skjaldborg. Baldur og
Konni voru kunnir skemmti-
kraftar fyrir nokkrum árum
og í þessari bók er fjöldi brand-
ara sem þeir félagar hafa flutt
á löngum ferli sínum. Þá eru
og ýmsir spilagaldrar í bókinni
sem gaman er að. Bókina til-
einkar höfundur bömum sín-
um.
Skjaldborg gefur út tvær
barna- og unglingabækur. Önn
ur þeirra er Loksins fékk pabbi
að ráða eftir Indriða Úlfsson.
Þetta er 10. bók Indriða, en
hann hefur skipað sér í hóp
bestu og afkastamestu rithöf-
unda sem skrifa bækur fyrir
börn og unglinga. Indriði er
laginn við að skapa skemmti-
legar persónur og tekst að gera
sögur sínar verulega spennandi.
Allar bækur Indriða eru sjálf-
stæðar.
Hin bókin er Káta bjargar
hvolpum, og er hún ætluð fyrir
yngstu lesendurna. Bókin er
þýdd úr þýsku af Magnúsi Krist
inssyni menntaskólakennara.
Báðar bækurnar eru ríkulega
myndskreyttar.
Það kom í Ijós í samtali við
Frá Skákfélagi
Sl. helgi fór Skákfél. Ak. suð-
ur til keppni í 1. deild í skák.
Var keppt við Skákfélag Kefla-
víkur og Taflfél. Mjölni. Úrslit
urðu þessi. Skákfél. Ak. 6 vinn.
Keflavík 2. Skákfél. Ak. 5 vinn.
Mjölnir 3 vinn. Þess má geta að
Mjölnir varð í öðru sæti í deild
arkeppninni í fyrra. Skákfél.
Ak. hefur nú teflt þrisvar í vet-
ur í fyrstu deildinni og sigrað
í öll skiptin.
Haustmótinu er ekki enn lok-
ið að fullu. í efra flokki urðu
Akureyrar
efstir og jafnir Jón Björgvins-
son og Gylfi Þórhallss. með 5%
v. af 7 mögulegum. Munu þeir
há einvígi" um efsta sætið. í
þriðja sæti varð Skúli Torfason
með 5 vinn. 24. 11. var haldið
15 mín. mót 1 í Félagsborg.
Keppendur voru 16 og tefldar
7 umf. eftir Monrad-kerfi. Röð
efstu manna: Nr. 1 Jón Björg-
vinsson 6 vinn., nr. 2 Haraldur
Ólafsson 5V2 vinn., nr. 3—4 Arn
grímur Gunnhallsson og Hólm-
grímur Heiðreksson 5 vinn.
Skákfréttaritari.
HESTAMENN AKUREYRI!
Hestamenn sem eiga hross í högum félagsins,
eru beðnir að taka þau nú þegar.
LÉTTIR.
Björn Eiríksson, forstj. Skjald-
borgar, að útgáfan verður 10 ára
á næsta ári. — Og allan þenn-
an tíma, sagði Björn, hefur
hún leitast við að gefa út bæk-
ur eftir norðlenska höfunda og
tekist það vel að mínu mati. —
— GM
NÝKOMIÐ
Káþur, ullar og terylenel
Frúarkjólar, st. 38—48.
Tækifærisföt, sokkar,
mussur og buxur.
Töskur og skinnhanskar.
Seðlaveskin, rauðu,
grænu og brúnu, þrjár
stærðir, komin aftur.
Meira af nýjum vörum
væntanlegt næstu daga.
MARKAÐURINN
NÝ SENDING
Flauelsbuxur,
stærðir 5—16.
Drengjaskyrtur,
stærðir 2—15,
margar gerðir.
Flauelskápur,
stærðir 8—16.
Köflóttir ullarjakkar,
stærðir 8—16.
VERSL. ÁSBYRGI
miðnœtti
k Skaldsaga eltir
' ‘ SiíhiL'y Shcltlon
Vel skriluð. hispurslaus
og berorð aslarsaga
tesandinn slendur þvi
sem næsl a ondmm /
* pegar hamarkmu /
Jafntefli hjá KA mönnum
KA og HK, eða nýstofnað
Handknattleiksfélag Kópa-
vogs, léku sinni fyrri leik í
íslandsmótinu i handbolta á
laugardaginn. HK hafði komið
mjög á óvart í vetur, en þeir
eru nýliðar í deildinni. í liði
þeirra eru nokkrir gamal-
reyndir kappar svo sem Karl
Jóhannsson og Björn Blöndal,
að ógleymdum golfmeistaran-
um Ragnari Ólafssvni. Þá eru
einnig margir ungir og efni-
legir menn í liðinu. Leikurinn
var mjög spennandi og skildu
aldrei nema mesta lagi tvö
mörk liðin af. í hálfleik var
staðan 12 gegn 11 fyrir HK.
Áfram hélst síðan spenning-
urinn en á 19. mín. síðari hálf-
leiks var staðan orðin 18 gegn
1 6fyrir KA, en þá kom léleg-
ur kafli hjá þeim og HK gerði
þrjú mörk í röð og var þá stað-
an orðin 19—18 fyrir þá. Þá
nær Ármann Sverrisson að
jafna fyrir KA, en HK komst
aftur yfir 19—20. Sigurður Sig-
urðsson átti svo síðasta orðið
og jafnaði 20—20, og þannig
lauk leiknum með sanngjörnu
jafntefli. KA hefur nú tapað
fimm stigum í deildinni en
trjónar samt á toppnum. Mörg
lið hafa tapað fjórum stigum.
þannig að keppnin kemur til
með að verða mjög jöfn. Flest
mörk KA skoraði Sigurður
Ág. Sigurðsson 6, Jón Hauks-
son 4 (1 úr víti), Ármann 3,
Jón Árni og Þorleifur 2, og
Alfreð Jóhann og Sigurður
Sig. eitt hver. Flest mörk HK
gerði Karl Jóh. 6.
Konur
Bæði Þór og KA léku { 1. og
2. deild í kvennaflokki um
helgina. Þórsarar léku í 1.
deild tvo leiki í Rvík og töp-
uðu báðum. Á Akureyri
keppit KA í annarri deild við
Þrótt. KA sigraði með 16
mörkum gegn 8. Flest mörk
hjá KA gerði Auður Skúla-
dóttir 6, Eva 4, Björg 2, Ásta 1
og Unnur 2.
Reynir 70 ára
Fyrr á þessu ári varð ungmenna
félagið Reynir á Árskógsströnd
70 ára. Þess á nú að minnast í
Árskógi á laugardaginn og eru
sveitungar og brottfluttir sveit-
ungar boðnir velkomnir til hófs
ins, sem hefst klukkan 3 sd.
Megin verkefni Reynis hin
síðustu ár er íþróttavöllurinn
við skóla og félagsheimili sveit-
arinnar, sem nú mun fullgerð-
ur og svo þátttaka í sundlaug-
arbyggingu. En saga félagsins
er hin merkasta og verður hún
eflaust rakin á þessum tíma-
mótum.
Auglýsing er á öðrum stað.
Dagur sendir Reyni kveðjur
sínar og árnaðaróskir á þessum
tímamótum.
Fyrsti sigur Þórs
Á sunnudagskvöld kepptu í
Reykjavík Þór og Ármann í
1. deild í körfubolta. Þórsarar
sigruðu í leiknu mmeð 80 stig-
um gegn 69. Þegar þetta er
ritað hafði ekki tekist að ná í
neinn af leikmönnum Þórs til
að fá frekrai upplýsingar um
leikinn, en Þórsrar hlutu nú
sín fyrstu stig í deildinni. Áð-
ur höfðu þeir tapað tveimur
leikjum og báðum með fjórum
stigum. Um næstu helgi verð-
ur stórleikur í körfubolta hér
á Akureyri, en þá keppa KR-
ingar við Þór bæði í karla- og
kvennaflokki. KR ingar hafa
á að skipa mjög sterku liði,
en Þórsarar ætla að selja sig
dýrt í þessum leik, og eru
staðráðnir í að standa í KR. —
Áhorfendur eru hvattir til að
mæta í Skemmuna og hvetja
Þór til sigurs.
Þór tapar naumlega
Þór lék síðan við HK á sunnu-
dag, einnig í fyrri umferð. HK
byrjaði mjög vel og þegar á 6.
mín. var staðan orðin 5—1 fyr-
ir þá. Þá tóku Þórsarar við sér
og skoruðu nú hvert markið á
fætur öðru og þegar flautað
var til hálfleiks var staðan
orðin 14—13 fyrir HK. í byrj-
un síðari hálfleiks gekk allt á
afturfótunum hjá Þór, en allt
upp hjá HK, sem gerðu mörg
mörk. Þórsurum tókst mun
betur upp þegar á hálfleikinn
leið og minnkuðu muninn
en þegar flautað var til leiks-
loka var staðan 26 gegn 23
fyrir HK sem fór með 3 stig
frá Akureyri í þessari ferð, og
er það það mesta sem utan-
bæjarfélag hefur sótt í greipar
Akureyringa í handbolta í
vetur. HK er tvímælalaust
besta lið sem hingað hefur
komið í vetur og eiga þeir
eflaust eftir að hala inn mikið
af stigum í mótinu. Bestur í
liði Þórs var Einar Björnsson
en hann gerði 7 mörk. Sig-
tryggur gerði 6, Árni 3, Gunn-
ar og Jón Sig. 2 hver og Odd-
ur Valur og Rögnvaldur eitt
hvor. Ragnar Ólafsson gerði
flest mörk HK eða 8, og Stefán
Halldórsson 7. Tveir af aðal-
mönnum Þórs léku ekki með
að þessu sinni vegna meiðsla,
þeir Ragnar Sverrisson og Að-
alsteinn Sigurgeirsson.
Um næstu helgi fara Þórs-
arar suður og leika tvo leiki,
við Leiknir og Gróttu.
Ávarp
til bæjarbúa
Verið varkár, varist slysin, eru kjörorð Slysavamafélags fs-
lands. Vegna stóraukinna umferðaslysa á Akureyri og ná
grenni vill kvennadeild Slysavamafélagsins á Akureyri
hvetja alla bæjarbúa til að standa saman um aukna aðgæslu
og tillitssemi í umferðinni.
Gangandi fólk, sýnið, gætni, ekki síst þegar þið farið yfir
akbrautir. Við, hin fullorðnu, verðum að hafa það í huga, að
börnin hafa okkur til fyrirmyndar.
Notið endurskinsmerki og setjið þau einnig á barnavagna,
kerrur og sleða.
Okumenn! Farið eftir settum reglum í umferðinni. Dragið
úr hraðanum, og notið ökuljós þegar skyggni er slæmt.
Við vitum það öll, að slys og óhöpp gera ekki boð á undan
sér og oft óviðráðanlegt að koma í veg fyrir þau.
En með aukinni aðgæslu og tillitssemi má örugglega fækka
þeim.
Stefnum að slysalausri umferð nú í skammdeginu, svo að
við getum öll átt friðsæla og hamingjuríka jólahátíð.
DAGUR•5