Dagur - 22.11.1979, Síða 3

mörgum að sú áætlun standist og
óttast menn að framkvæmdir við
þjónustubyggingu og tengiálmu
seinki enn í nokkurn tíma.
Eins og nú er ástatt eru þrengsli
í sjúkrahúsinu hvarvetna til
mikils baga og fjötur um fót og
vinnuaðstaða yfirleitt erfið. Hús-
næðisskortur háir sjúkrahúsinu
meira en nokkuð annað, hefir
neikvæð áhrif á starfsemi sjúkra-
hússins, setur henni skorður og
hindrar eðlilega þróun spítalans.
Eins og kunnugt er útheimtir
sjúkrahús nú á tímum fjölda sér-
hæfðs starfsfólks, sérfræðinga,
umfangsmikinn útbúnað og
^Udyakost og mikið vinnurými.
Núverandi spítali er hannaður
fyrir aldarþriðjungi á þeim tím-
um þegar tækjaþróun á sjúkra-
húsum var tillötlulega skammt á
veg komin, legurými hlutfallslega
mikið í þeim, en vinnurými lítið.
Fyrirkomulag sjúkrahússins er
því orðið óhentugt og úrelt auk
þess sem húsrými þess er framar
öðru alltof lítið.
Eins og sakir standa eru þarfir
spítalans einkum tvenns konar,
annars vegar aukið vinnurými og
hins vegar aukið hjúkrunarrými.
Þjónustubyggingin ásamt tengi-
álmu er einmitt að megin hluta
vinnurými. Þegar það verður, að
skurðstofur, slysastofa, gjörgæsla
og röntgendeild flytja í þjónustu-
bygginguna, skapast möguleiki á,
að aðrað deildir spítalans fái
aukið húsrými og hjúkrunardeild
hans stækki.
Líta má svo á, að nú orðið séu
markmið spítalans í byggingar-
málum bæði til skamms tíma og
langs tíma. Skoða má þjónustu-
bygginguna ásamt hluta af tengi-
álmu sem markmið spítalans til
skamms tíma en sérdeildahús
samkvæmt ákvörðun stjórnvalda
frá árinu 1971 sem markmið hans
til langs tíma. Ekki má leggja
markmið spítalans til langs tíma
til hliðar, þó að framkvæmdir við
nýbygginguna hafi dregist úr
hömlu. Eftir sem áður hlýtur
stefnan í málum spítalans að vera
sú, að hér verði komið upp þró-
uðu sérdeilda- og svæðissjúkra-
húsi fyrir Akureyri, Norðurland
og hluta af Austurlandi og sé það
jafnframt varasjúkrahús landsins
í almannavömum þess. Það er
mikilvægt sanngirnis og réttlætis
mál fyrir landsbyggðina, að það
sé eitt þróað svæðissjúkrahús
staðsett utan Reykjavíkur. Akur-
eyri er fyrir margra hluta sakir
eini staðurinn sem þar kemur til
greina vegna legu sinnar, fjar-
lægðar frá Reykjavík og þeirrar
byggðar sem þar er og á Norður-
landi. Það er mál, sem stuðlar að
jafnvægi í byggð landsins og það
er ásamt öðrum málum eitt af
meiriháttar skilyrðum fyrir vexti
og viðgangi Akureyrar og byggð-
ar á Norðurlandi.
Allt um það mega markmið
spítalans til langs tíma ekki verða
á kostnað markmiða hans til
skamms tíma. Eins og nú er
komið málum, hefir það mesta
þýðingu fyrir spítalann að náð
verði markmiðum hans til
skamms tíma. Að svo stöddu
skiptir það meginmáli, að lokið
verði við þjónustubyggingu hans
ásamt hluta af tengiálmu, svo að
unnt verði að flytja í hana og taka
hana í notkun sem fyrst.
Óhætt mun að fullyrða, að það
muni verða þungur róður og ekki
á færi nema málafylgjumanna, að
fá framkvæmdum við þjónustu-
bygginguna flýtt, þannig að hún
verði fullgerð til notkunar áður
en langt um líður. Kæmi þar til
úthlutun árlega á mjög auknum
fjárhæðum úr hendi fjárveitinga-
valdins og líklega viðurkenning á
þjónustubyggingunni sem eins-
konar forgangsverkefni í heil-
brigðisþjónustunni. Þess háttar
tilmæli eða kröfugerð af hálfu
forsvarsmanna sjúkrahússins
væri ekki ósanngjörn, þegar haft
er í huga, hversu sjúkrahúsið
hefir verið sniðgengið og er orðið
illa sett í húsnæðismálum.
Annað sem reyna þarf í bygg-
ingarmálum sjúkrahússins að
fenginni reynslu, er að ná umsjón
með framkvæmd nýbyggingar-
innar úr höndum Innkaupastofn-
unarríkisins og fela hana heima-
mönnum. Til þess þarf leyfi og
samþykki fjármálaráðuneytisins
og meðmæli heilbrigðismála-
ráðuneytisins, en ekki má það
heita vonlaust verk. Fordæmi
fyrir þessháttar umsjón heima-
manna með byggingarfram-
kvæmdum heilbrigðisstofnana
mun vera að finna bæði í
Reykjavík og á Seltjarnarnesi.
Til þess að hreyfing komist á
málið í heild þarf að vekja skiln-
ing og áhuga almennings á því.
Málið þarfnast stuðnings frá fólki
almennt og það þarfnast atfylgis
frá þeim fulltrúum, sem kjörnir
eru af almenningi til að þoka
málum áleiðis í bæjarstjórn og á
Alþingi og leiðrétta það sem af-
laga fer.
Enda þótt helstu vandamál
læknisfræðinnar, svo sem æða-
og hjartasjúkdómar, krabbamein
og geðveiki, séu að meira og
minna leyti óleyst enn sem komið
er, koma nútímalækningar engu
að síður oftlega að gagni, lengja
mannsævina og bjarga mannslíf-
um endrum ogsinnum. Ekki mun
ofmælt að í lækningum er meira í
húfi en margt annað. öll meiri
háttar barátta við sjúkdóma,
bráða og langvinna, er nú orðið
háð inni á sjúkrahúsum, því
verður seint ofmetin sú þýðing
sem stór og þróuð sjúkrahús hafa
fyrir heilsu og velfarnað almenn-
ings.
Nú harðnar í ári í efnahags-
málum þjóðarinnar og boðaður
hefir verið niðurskurður á opin-
berum framkvæmdum meðal
annars spítalabyggingum. Ekki
blæs því byrlega nú í seglin fyrir
framkvæmdir við þjónustubygg-
ingu spítalans. Fjórðungssjúkra-
húsið hefir dregist svo aftur úr og
er orðið svo afskipt í byggingar-
málum að kalla má það homreku
í því tilliti. Það er of mikilvægt
mál og varðar of mikið almenn-
ingsheill til að það sé látið liggja í
þagnargildi til lengdar. Þeir sem
starfa við sjúkrahúsið vænta þess
að fólk í bæ og héraði, sveitar-
stjórnarmenn og alþingismenn
kjördæmisins leggi þessu máfi lið.
Með því móti einu fær sjúkra-
húsið leiðréttingu fyrr en síðar á
því misrétti, sem það hefir orðið
fyrir í byggingarmálum og fær að
þróast á eðlilegan hátt í samræmi
við framfarir í læknisfræði og
kröfur tímans. Það er ábyrgðar-
hluti að hafast ekki að til að bæta
aðstöðu sjúkrahússins

:

■

'
■

:
.
-
Nýr borgari
DAGUR.11