Dagur - 03.03.1981, Page 4

HMGUR
Útgefandi: ÚTGÁFUFÉLAG DAGS
Skrifstofur: Tryggvabraut 12, Akureyri
Ritstjórnarsímar: 24166 og 23207
Sími auglýsinga og afgreiðslu: 24167
Ritstjóri (ábm.): HERMANN SVEINBJÖRNSSON
Blaöamaður: ÁSKELL ÞÓRISSON .
Augl. og afgr.: JOHANN KARL SIGURÐSSON
Prentun: Prentverk Odds Björnssonar hf.
Opinber
heimsókn
Vigdís Finnbogadóttir hefur nú farið í
sína fyrstu opinberu heimsókn sem
forseti íslands. Sjaldan eða aldrei
hafa íslendingar orðið þess eins
áþreifaniega varir, hvert gildi slíkar
heimsóknir geta haft. Kosning Vig-
dísar var á sínum tíma geysileg land-
kynning, en heimsóknin til stallsystur
hennar í Danaveldi var jafnvel ennþá
meiri og betri landkynning. Stafar það
fyrst og fremst af persónutöfrum og
heillandi framkomu Vigdísar. Ekki
sakaði heldur að hún hafði góðan
mótieikara, ef svo má að orði komast,
sem var Margrét Danadrottning.
Margir íslendingar hafa hingað til
a.m.k. litið Dani hálfgerðu hornauga.
Þeir voru jú einu sinni herraþjóð, sem
með nýlendustefnu sinni og einokun
gerðu sitt til að auka á erfiðleika
landsins. íslandssagan greinir frá
þessu og henni kynnast allir strax á
skólaskyldualdri. Því hefur andað
svolítið köldu frá íslendingum til Dana
og margir hafa ætlað að svipað væri
uppi á teningnum hvað varðar viðhorf
Dana til íslendinga. Það má mikið
vera ef Vigdísi og Margréti hefur ekki í
sameiningu tekist að eyða þessari
tortryggni með öllu.
Oft hefur verið efast um gildi opin-
berra heimsókna, en heimsókn Vig-
dísar tíl Danmerkur tekur af öll tví-
mæli um það, að þær geta verið mjög
gagnlegar. íslendingar hafa verið svo
lánsamir að eignast þjóðhöfðingja
sem með látlausri og einlægri fram-
komu tekst að auka virðingu l'slend-
inga meðal erlendra þjóða og þá ekki
síður, — tekst að auka virðingu ís-
lendinga fyrir sjálfum sér.
Skrefagjaldið
í umræðum um skrefagjaidið svo-
kallaða, sem fyrirhugað er að setja á
síma á höfuðborgarsvæðinu og síðar
á öðrum þéttbýlisstöðum á landinu,
hefur berlega komið í Ijós það viðhorf,
að ísland sé staðsett á suðvestur-
horni landsins. Eigi eitthvað að gera
til að bæta hag allra landsmanna ætl-
ar alit af göflunum að ganga í Reykja-
vík og nágrenni. Þá vill það t.d.
gleymast að það býr gamalt fólk víðar
en á Reykjavíkursvæðinu, sem jafnvei
vill geta talað við ættingja og vini í
öðrum landshlutum, án þess að þurfa
að verða fyrir stórkostlegum fjárútlát-
um. Þá vill það einnig gleymast að
það er aðeins á Reykjavíkursvæðinu
sem sama símagjald gildír innan
sama svæðis.
Landsbyggðarfólk viðurkennir fús-
lega að Reykavík er höfuðstaður
landsins. Eftir höfðinu dansa limirnir,
en án lima er ekkert höfuð. Höfuð-
borgarbúar ættu að reyna að átta sig á
þessari staðreynd og skyggnast örlít-
ið lengra en nef þeirra nær.
Vilberg Alexandersson, skólastjóri:
Um sundlaug
í Glerárhverfi
Nokkur undanfarin ár hefur verið
mikill áhugi hjá íbúum Glerár-
hverfis að fá sundlaug í hverfið. Á
almennum fundum Foreldrafélags
Glerárskóla hafa komið fram fyr-
irspurnir um þetta mál og á fundi
skólanefndar með nemendum og
kennurum í mars 1979 í tilefni
barnaárs SÞ var mikið spurt um
byggingu sundlaugar í tengslum
við Glerárskóla. í fyrra komst mikil
hreyfing á þetta mál m.a. vegna
fjölda áskorana frá íbúum Glerár-
Æskulýðsheimiiið Dynheimar
hóf starfsemi sína árið 1972.
Húsið er mikið notað á kvöldin
yfir vetrarmánuðina en lítið á
daginn, þó hefur starfsemi auk-
ist milli kl. 17 og 20. Aðalstarf-
semi á vegum hússins eru disk-
ótek, opin hús og barnaböli.
Nokkrir klúbbar og félög hafa
aðsetur í Dynheimum, t.d. leik-
klúbburinn Saga og Gömlu-
dansaklúbburinn Sporið. Þá er
einnig töluvert um kvöldvökur,
fundi og bekkjarkvöld. Á sumrin
hefur Leikja- og íþróttanám-
skeið Æskuiýðsráðs haft að-
stöðu í Dynheimum.
Diskótek, opin hús og barnaböll
eru haldin reglulega allt árið.
Diskótek eru einu sinni í viku,
annað hvort á föstudags- eða laug-
ardagskvöldum og standa til kl. I
eða 2 e.m. Aldurstakmark er 14 ára
(á árinu). Einnig eru yfir vetrar-
tímann nokkurdiskótek fyrir lóára
og eldri. Diskótek þessi hafa yfir-
leitt verið vel sótt, þó dró verulega
úr aðsókn síðustu þrjá mánuðina
1980 og var húsinu lokað urn tíma.
Nú er aðsókn góð.
Opið hús er einu sinni í viku á
miðvikudagskvöldum kl. 20.30-
23.00. Er þá oftast spiluð músík
(diskólek). Stundum er svokallað
Gamlotek (2ja-10 ára lög). Alltaf
hverfis. Þessar áskoranir báru þann
ávöxt að yfirvöld bæjarins ákváðu
að byggð skyldi sundlaug í Glerár-
hverfi. Húsameistara Akureyrar-
bæjar, Ágústi Berg, var falið að
velja lauginni stað og gera tillögu-
teikningar og kostnaðaráætlun.
Þetta verk fórst Ágústi vel úr hendi
og nú liggja fyrir tillöguteikningar
af 25 m. sundlaug með búnings-
herbergjum og hreinsitækjum og
kostnaður hljóðar upp á 71 millj.
gkr. Lauginni er valinn staður
hefur verið góð aðsókn á opin hús.
Aðgangur er ókeypis.
Barnaböll eru annanhvern laug-
ardag yfir vetrarmánuðina kl. 15-
17. Ekkert aldurstakmark er og að-
gangur ókeypis.
Á síðustu árum hafa unglingar
farið að vinna mikið við húsið.
Bæði við rekstur (diskótek, opin
hús o.fl.) og einnig við skreytingar á
húsinu að innan. Á 3-4 mán. fresti
er salurinn skreyttur með nýju
„dóti“. Efnið í skreytingarnar er
alltaf mjög ódýrt en oft er mikil
vinna við þetta verk.
Neysla áfengis og annarra vímu-
gjafa er bönnuð í húsinu, en ekki
reykingar.
Aðgangseyrir á diskótek er kr.
35.00 en kr. 25.00 fyrir þá sem eiga
Dynheimaskírteini. Dynheima-
skírteini geta allir fengið og kosta
þau ekkert nema 2 myndir. Með
tilkomu Dynheimaskírteina varð til
spjaldskrá yfir flesta fastagesti
Dynheima.
Dynheimar hafa einn fastráðinn
starfsmann og lausráðið fólk eftir
þörfum fyrir rúmlega eins manns
laun.
Mikið baráttumál fyrir Dyn-
heima undanfarin ár hefur verið að
eignast neðri hæð hússins. KEA er
núverandi eigandi þess húsnæðis
og hefur ekki ennþá séð sér fært að
flylja þá starfsemi burt sem þar er
nú.
norðan við íþróttahús Glerárskóla.
Fjárveitingavaldið hefur gefið leyfi
fyrir sitt leyti til að byrja fram-
kvæmdir.
Þegar hér var komið sögu urðu
margir glaðir, ég segi allt að því
hamingjusamir, yfir svona góðri
byrjun og sjáandi fram á að fá stóra
sundlaug eftir eitt eða tvö ár.
En það er hlaupin snurða á
þráðinn. fþróttaráð Akureyrar
leggst gegn því að byggð verði opin
laug af þessari stærð i Glerárhverfi
og finnur því flest til foráttu. Þau
veigamiklu rök að bygging sund-
laugar er okkur hjartans mál og að
yfirvöld bæjarins hafa samþykkt
byggingu hennar, lætur íþróttaráð
sig engu skipta.
Mér finnst merkilegt að íþrótta-
ráð skuli senda frá sér þetta álit
einmitt núna, þegar framkvæmdir
eru ákveðnar og aðeins eftir að
reka smiðshöggið á teikningar.
Hvers vegna ekki, þegar málið var
til umræðu eða var samþykkt hjá
bæjarráði? Var ekki eðlilegast að
kveða þessa sundlaugarbyggingu
niður strax fyrst hún er svona
óhagstæð, dýr, á röngum stað o. fl.
o. fl.? Á vori komanda er reiknað
með að Sjálfsbjörg byrji á sund-
laugarbyggingu í tengslum við æf-
ingastöð sína að Bugðusíðu I. Það
er vissulega lofsvert framtak, sem
ber að styðja með ráðum og dáð, en
það kemur ekki að mínu viti neitt
við byggingu almenningssund-
laugar í Glerárhverfi.
Sú hugmynd að senda nemendur
úr Glerárskóla í skyldusund í laug
Sjálfsbjargar hefur ýmsa annmarka
í för með sér. Þessi laug er of langt
frá skólanum til að tímar geti fallið
inn í stundaskrá og svo er ekki
ósennilegt, að skólanum yrði út-
hlutað tímum eftir að félagið hefur
fullnægt sinni þörf og þá er ekki
víst að okkar sundtímar yrðu á
mjög þægilegum tíma fyrir nem-
endur. Mér eru nefnilega minnis-
stæðir leikfimitímarnir í Skemm-
unni hérna á árunum. Við urðum
að haga okkar stundaskrá eftir
þeim tímum, sem okkur voru
skammtaðir, burtséð frá því hvort
þeir væru hentugir fyrir nemendur
eða ekki. Hitt er svo annað mál, að
Sjálfsbjörg gæti haft einhverjar
tekjur af að leigja skólanum tíma í
lauginni. — Annars er allt tal um
sundtíma fyrir nemendur Glerár-
skóla í fyrirhugaðri sundlaug
Sjálfsbjargar út í loftið. Ég hef það
eftir áreiðanlegum heimildum, að
notkun innilaugarinnar verði svo
mikil að þar verði hver tími
fullnýttur af félagsmönnum — og
það ekki eingöngu félagsmönnum
á Akureyri heldur úr nágranna-
byggðum einnig. Þá segir það sig
sjálft að ekki eru eftir þær 24
stundir á viku, sem við þurfum á að
halda til sundkennslu í dag, og
nemendafjöldi fer ört vaxandi.
Útisundlaug í Glerárhverfi er
tímabær og mikil nauðsyn og stað-
urinn undir hana er við Glerár-
skóla. Ég er ekki í nokkrum vafa
um að þegar hún er komin flykkist
fólk í hana á öllum tímum árs. Þeir
íbúar Glerárhverfis, sem ekki eiga
bíl, fara sjaldan inn í Sundlaug
Akureyrar en mundu geta farið
fótgangandi með börn sín í laug við
Glerárskóla. Aðsókn að Sundlaug
Akureyrar er þegar of mikil og því
ætti að vera ávinningur fyrir alla
íþróttahús Glerárskóla er í horninu til hægri. Norðan við það hefur verið rætt um að
hyggja sundlaug.
Sífellt eitthvað að
gerast í Dynheimum
4 -DAGUR
Vilberg Alexandersson.
bæjarbúa að önnur sundlaug verði
byggð sem fyrst. Iðkun sunds yrði
almennari en hún er í dag t.d. fer
mikill hluti nemenda í Glerárskóla
ekki í sund utan skyldutíma vegna
þess, hve langt er fyrir þá í Sund-
laug Akureyrar. Það er sannfæring
mín að fengjum við sundlaug héma
við skólann mundi sundiðkun og
kunnátta stóraukast hjá þessu fólki.
Mér kemur vægast sagt spánskt
fyrir sjónir að íþróttaráð skuli vera
á móti sundlaugarbyggingu við
Glerárskóla. Norður af skólanum
eru góðir knattspyrnuvellir bæði
gras og malar í eigu íþróttafélagsins
Þórs, íþróttahús Glerárskóla er
eitthvert hið glæsilegasta og best
útbúna íþróttahús, sem sögum fer
af. Það væri því rökrétt að bæta
einu íþróttamannvikinu við — sem
sé almenningssundlaug.
íbúar Glerárhverfis geta ekki
afsalað sér þeim rétti að t'á sund-
laug samkvæmt samþykkt bæjar-
yfirvalda og ég trúi því ekki að þau
hundsi vilja meirihluta fólks í einu
stærsta hverfi bæjarins.
Það er von mín, að bæjaryfirvöld
standi við gerða samþykkt í þessu
sundlaugarmáli og blandi ekki
saman byggingu sundlaugar við
Glerárskóla og byggingu sund-
laugar Sjálfsbjargar hvað sem öll
ráð hafa til málanna að leggja og
ýmsir úrtölumenn kunna að segja
um málið. Að blanda saman þessu
tvennu er aðeins til að tefja fram-
kvæmdir og spilla fyrir þeirri und-
irbúningsvinnu, sem þegar hefur
verið unnin.
Vilberg A lexandersson.
Alþjóðlegur
bænadagur
kvenna
Fastan er að hefjast í þessari viku.
Þennan tíma notum við til þess að
þekkja kærleika Guðs, sem Jesús
birti okkur á göngu sinni út á
krossinn. Kærleikann getum við
aðeins þekkt af því, sem hann á
sig leggur. Um það vitnar heilög
ritning: „Af því þekkjum vér
kærleikann, að hann lét lífið fyrir
oss.“ (1. Jóh. 3,16).
Það er hollt fyrir okkur í hörð-
um og köldum heimi að hugsa
um kærleika Guðs, sem að okkur
snýr. Föstumessunum er einkum
ætlað það hlutverk, og nú er
fyrsta föstumessan á miðviku-
daginn 4. mars í Akureyrarkirkju
kl. 8,30. Þangað eru allir vel-
komnir og sumir hafa þann sið að
sækja þessar föstuguðsþjónustur,
sem eru á hverju miðvikudags-
kvöldi út föstutímabilið. Það ættu
sem flestir að gera.
Þá vil ég benda á annan dag í
þessari viku, föstudaginn 6. mars.
Það er alþjóðlegur bænadagur
kvenna. Þá verður samkoma í
kapellu Akureyrarkirkju kl. 8,30
e.h. Þessar alþjóðasamkomur
kvenna hafa verið undanfarin ár í
Hjálpræðishernum, í Zion og á
Sjónarhæð, — og þá hafa konur
kristinna safnaða á Akureyri
sameinast í bæn.
Alþjóðlegur bænadagur
kvenna er vaxinn upp úr litlum
bænahópum í alheimshreyfingu.
Hreyfing þessi á upptök sín í
Ameríku. Árið 1887 sendu for-
ustukonur ýmsra trúflokka hinn-
ar kristnu kirkju ákall um bæn,
hver til kvenna í sinni kirkju og
báðu þær að helga einn dag sér-
staklega bæn fyrir öllu kristni-
boðsstarfi heima og erlendis. Þá
var fyrsti föstudagur í föstunni
valinn, en nú er bænadagurinn
alltaf fyrsta föstudaginn í mars.
Árið 1936 tóku konur í 50 löndum
þátt í bænadeginum, en 1972
voru þátttökulöndin orðin 150.
Dagskrá bænadagsins í ár er
komin frá Indíánakonum í
Ameríku og ber heitið: Jörðin
tilheyrir Drottni. (Sálm.
1). í dagskránni er tekið svo til
orða: „Fái Guð ekki að stjórna,
geta vísindi, tækni og þróun leitt
til eyðileggingar og endaloka alls
lífs. Þar við bætist, að ágirnd og
eigingirni breikka það bil, sem
skilur að þjóðir og mannflokka.
Og verst af öllu: manngildið
hverfur, og þar með rétturinn til
lífs, einkum er varðar veika og
ófædda einstaklinga."
Það er því efni þessa bænadags
að biðja Guð um hjálp og misk-
unn öllu mannkyni til handa, —
biðja Guð um að hjálpa mönnum
og þjóðum til friðar og farsældar,
að menn læri að bera virðingu
fyrir mannslífi alls staðar og í öllu
samhengi.
Konur hafa frá öndverðu sýnt
áhuga sinn og fórnfýsi í kristilegu
starfi. Með þessum sameiginlega
bænadegi um víða veröld er það
ekkert vafamál, a þær geta
miklu áorkað. f því felst m.a.
styrkur bænarinnar, að margir
biðji saman. Þess er að vænta að
konur á Akureyri taki höndum
saman með konum annarra landa
til þess að biðja fyrir hrjáðum
heimi, biðja um að augu manna
opnist fyrir því, að jörðin tilheyrir
Drottni, til þess að friður Guðs
megi verða og vilji hans ráða.
Pétur Sigurgeirsson.
Starfsfölk á dagheimilum
Svar til Sverris Leóssonar
í Degi þ. 26. feb. sl. ritar Sverrir
Leósson grein og beinir fyrirspurn
tii mín, vegna blaðaviðtals er
Morgunblaðið átti við mig fyrir
skömmu. Þar vitnar Sverrir í um-
mæli mín, mistúlkar þau alvarlega
og snýr upp á versta veg, þar er ég í
svari mínu til blaðamanns, lýsi
ástandi sem gæti skapast, ef dag-
heimilin yrðu rekin fóstrulaus hér í
bæ. Ástæða er til að ætla út frá
blaðagrein Sverris, að honum finn-
ist sjálfsagt, að ráða í þær stöður er
fóstrur gegna, húsmæður og reka
dagvistarheimili bæjarins án fóstra,
þó svo það stangist á við landslög.
Hann gefur í skyn, að ég í svari
mínu vanmeti starfsfólk sem nú
starfar á dagheimilum og leikskól-
um hér í bæ. Ég minnist ekki einu
Er starfsfólk á dag-
heimilum ekki
starfi sínu vaxið?
Mikið hefur vcnð rctt og ritað um fullyrða, að starfsfólk
launakrðfur fóstra á Akureyri, á dag- og leiksk'otlv V*’
undanfarið. Þegar ég pára þessi orð eyri sé eir; 'vtó'V
á blað (24. febr.) eru dagheimdi og F' ; 4»?,/ ,
leikskólar lokaðir hér á Akureyri k j.sS0’'
vegna kjaradeilu fóstra. I
ekki að tjá mig um réttm--
krafna fóstra, um “ V'
.ntáði við
..ur svo velferö
. -y88ð)
,.ia þó að það starfsfólk cr
. .ulir á dagheimilum og leikskól-
^' um htr 4 Akureyfi °8 ei8* börn'
k ^ gofO -ureyri skapi þeim hlýlegt og gott heimili
vii 6unblaðsins (en ekki bamageymslu). og er þaö
Uug
.ebr. s.l.
a hvort heldur e
orði á umrætt starfsfólk í þessu
blaðaviðtali mínu, en ég get full-
vissað Sverri Leósson um, að það
fólk sem starfar á dagvistarheimil-
um bæjarins og ég þekki til er að
mínu mati fyllilega starfi sínu vax-
ið, ég hef átt það gott samstarf og
við reynum sameiginlega eftir
fremsta megni að skapa þeim
börnum sem hjá okkur dvelja,
þroskandi, hlýtt og gott heimili
með því öryggi sem frekast er hægt
að veita á slíkri stofnun. Ég lýsi
hinsvegar furðu minni á skrifum
Sverris, tel þau hafa lítið upplýs-
ingalegt gildi og einungis geta spillt
þeim góða starfsanda, sem á dag-
vistarheimilum bæjarins ríkir.
Sigríður Gisladóttir, fóstra.
Athugasemd frá fóstrum í Árholti
Athugasemd við grein Sverris
Leóssonar í Degi 26. 02 þar sem
hann varpar fram þeirri spurningu
hvort starfsfólk á dagheimilum sé
ekki starfi sínu vaxið? Okkur finnst
ýmislegt í þessari grein þurfa leið-
réttingar við, virðist þar skrifað af
fljótfærni og lítt hugsuðu máli.
Þessi orð Sigríðar um barna-
geymslu í stað uppeldisstofnunar
virðist fara mjög fyrir brjóstið á
Sverri, álítum við á engan hátt sé
verið að vanmeta það 1 starfsfólk
sem nú starfar á dagvistarheimilum
bæjarins heldur sé átt við það
ástand er skapaðist ef ráðið hefði
verið í skyndi í störf fóstra, ein-
göngu til að halda starfseminni
gangandi.
Við viljum taka það skýrt fram
að það starfsfólk sem við vinnum
með er fyllilega starfi sínu vaxið og
getum við fóstrur ekki verið án
starfsstúlkna frekar en þær án okk-
ar. Einnig viljum við benda Sverri
Leóssyni á að fóstra kemur aldrei í
stað móður heldur reynir að búa
barninu sem best skilyrði meðan
það dvelur í umsjá hennar. Til þess
að svo megi verða þarf einhugur að
ríkja inn á heimilunum svo gott
samband náist við börn og foreldra.
Jafn fráleitt þykir okkur að gera út
skip án skipstjórnarmanna með
réttindi og að reka dagvistarheimili
án fóstra. Með þessum orðum von-
umst við til að allur misskilningur
sé úr sögunni.
Fóstrur á Árholti.
Fjórir piltar úr MA hafa verið valdir í landslið fslands í blaki, 19 ára og yngri. Þeir eiga að keppa landsleiki við
Færeyinga nú í velur. Þcir eru taldir frá vinstri. Kristján Sigurðsson frá Laugum í Reykjadal, Jón Rafn
Pétursson Akureyri, Þorvarður Sigfússon Laugabakka Miðfirði, og Karl Valtýsson frá Nesi í Fnjóskadal. Mynd: Ó.Á.
KA á enn möguleika
á sæti í fyrstu deild
Á föstudaginn léku í annarri
deild í handbolta Þór og KA
og var þetta síðari leikur
þessara iiða í dcildinni. Leik-
ur þessi var einskis virði fyrir
Þór, þar eð liðið er fallið,
nema þá ef vera skildi til að
stríða KA mönnum sem
ennþá berjast í toppbaráttu
deildarinnar. Sú barátta er
hins vegar mjög jöfn og erfið,
þar eð öli liðin, að Þór og
Ármanni undanskildum, geta
lent í tveimur fyrstu sætum
deildarinnar og þar með
komist í fyrstu deild.
í þessum leik sigraði KA
nokkuð örugglega með 25
mörkum gegn 18, og eins og
áður segir eiga þeir ennþá
„fyrstu deildar möguleika", en
þó aðeins ef þeir leika betur en
þeir gerðu í þessum leik og þeim
síðustu.
Það var Friðjón sem gerði
fyrsta markið og gaf KA mönn-
um tóninn, en Sigtryggur svar-
aði fyrir Þór með tveimur
mörkum. Þá komu tvö víti á Þór
og Gunnar Gíslason skoraði úr
báðum. Þá gerir Sigtryggur
mark úr víti fyrir Þór og Árni
Stefánsson annað og kemur Þór
yfir 5—4. Þorleifur jafnar síðan
Námskeiö
í göngu
í næstu viku kemur til bæjarins
finnski skiðakcnnarinn Jouko
Parviainen, en hann var hér
einnig á siðasta ári.
Kenndi hann þá notkun
gönguskíða við Skiðahótelið og
mun svo einnig verða I ár. Nám-
skeiðin I ár hefjast 9. mars og er
innritun og nánari upplýsingar i
Skíðastöðum.
Þetta er kærkomið tækifæri
fyrir „trimmara" að öðlast frek-
ari þckkingu á notkun göngu-
skiðanna.
fyrir KA um miðjan fyrri hálf-
leik, en Árni Gunnarsson kem-
ur Þór yfir. Þá var komið að
Erlingi að jafna, en Sigtryggur
kemur Þór yfir með marki úr
víti. Á 24. mín. jafnar Friðjón,
en Þórsarar komust enn á ný
yfir með marki frá Sigurði. Þá
komu þrjú KA mörk í röð og
eftir það var aldrei spurning um
hvaða lið mundi sigra í leikn-
um.
í hálfleik var staðan 10 gegn
8, KA í vil, og í byrjun siðari
hálfleiks gerðu KA menn þrjú
mörk í röð, og var KA þá komið
með fimm marka forustu.
Flest mörk KA gerðu Gunn-
ar Gíslason ((4 úr víti), Þorleif-
ur og Erlingur 4 hvor, Jóhann
Einarsson og Friðjón 3 hver,
Guðmundur 2 og Magnús G. 1.
Sigtryggur var markahæstur
hjá Þór með 5 mörk, Sigurður 4,
Árni Stefánsson 3, Oddur og
Árni Gunnarsson 2 hver og
Sigurður Pálsson og Gunnar
Gunnarsson 1 hver.
Dómarar voru Björn
Kristjánsson og Rögnvaldur
Erlingsson og sluppu þeir
sæmilega frá því hlutverki.
Áhorfendur voru frekar fáir, en
ástæða er til að minna menn á
að mótið er ekki búið, og ekki
veitir heldur þeim, sem um
stjórnvölinn halda í deildunum
af þeim aurum sem aðgangs-
eyririnn gefur.
Þór og
Grindavík:
Furðuleg
málsmeðferð
Eins og fram hefur komið í
blöðum kærðu Grindvíkingar
leika sinn gegn Þór í fyrstu
deild í körfubolta sem leikinn
var í haust, en þann leik unnu
Þórarar. Grindvíkingar töldu
að Gary Schwarts hefðu ekki
verið orðinn löglegur leik-
maður með Þór.
í máli þessu var dæmt hér i
héraði og féll sá dómur Þór í
hag. Grindvíkingar áfrýjuðu til
KKÍ, og felldu þeir dóm nú
fyrir skömmu Þór i óhag, eða að
þeim yrði þessi leikur dæmdur
tapaður. Meðferð þessa máls
mun hafa verið eitthvað furðu-
legt, en Þórsurum var ekki
boðið að senda greinargerð um
það til dómstóls KKÍ eins og
Grindvíkingar fengu að gera, og
vissu þeir lítið sem ekkert um
málið fyrr en en þeir fengu til-
kynningu um að leikurinn hefði
verið dæmdur þeim tapaður.
Árni Pálsson, formaður Körfu-
knatlleiksdeildar Þórs, sagði að
Þórsarar væru að hugsa um að
áfrýja þessum dómi til dómstóls
ÍSÍ, en sá dómstóll er nokkurs-
konar hæstiréttur. Ef Þór er
dæmdur þessi leikur tapaður,
verður verða þeir að leika
aukaleik um fallið í deildinni.
og þá sennilega án Garys, en
hann þurfti skyndilega að fara
heim til Bandaríkjanna vegna
andláts tengdaföður síns . Árni
sagði að það væri mjög dýrt að
fá Gary upp, fyrir þennan leik,
en fjárhagur deildarinnar væri
mjög slæmur. Það getur því
verið að Þór þurfi að leika
þennan aukaleik án hans eins
og áður sagði.
Áhugasamir Þórsarar um
körfubolta ættu því að létta
undir með deildinni og greiða
farseðil hingað upp fyrir Gary,
ef Þór þarf að leika þennan leik.
Ef liðið fellur verður vart
körfubolti leikinn hér á Akur-
eyri af nokkurri reisn næstu
árin.
Landsliðsmenn ÍMA
DAGUR.5