Dagur - 06.08.1981, Page 4

Útgefandi: ÚTGAFUFÉLAG DAGS
Skrifstofur: Hafnarstræti 90, Akureyri
Ritstjórnarsimar: 24166 og 21180
Sími auglýsingaog afgreiðslu: 24167
Ritstjóri (ábm.): HERMANN SVEINBJÖRNSSON
Blaðamenn: Áskell Þórisson,
Gylfi Kristjánsson
Augl. og afgr.: JÓHANN KARL SIGURÐSSON
Prentun: Prentverk Odds Björnssonar hf.
Átaks er þörf
Nú þegar mest ferðahelgi ársins,
verslunarmannahelgin, er nýlega
liðin og margir hafa ekið langar
vegalengdir um sveitir landsins,
er ýmsum eflaust ofarlega í huga
vegakerfi okkar fslendinga.
Einnig eru þeir eflaust margir sem
á þessu sumri hafa ferðast er-
lendis og bera þá gjarnan er heim
kemur saman þá vegi sem þeir
óku á í öðrum löndum við þá vegi
sem við búum við hér heima. Sá
samanburður er tæplega okkar
vegum í vil.
Vissulega er það rétt að við Is-
lendingar höfum á undanförnum
tveim áratugum dregist verulega
aftur úr nágrannalöndum okkar í
vegagerð. Sumir segja meira að
segja að við íslendingar búum við
jafn slæmt vegakerfi ef ekki verra
en þekkist víða í frumbýlustu
löndum veraldar. En betur má ef
duga skal. Með þeirri vegaáætlun
sem samþykkt var á Alþingi í vor,
og er til þriggja ára, er stigið fyrsta
skrefið í átt til verulegra úrbóta á
vegakerfi fslendinga. f þessari
vegaáætlun er stórhugur sem
sýnir að ráðamenn þessarar þjóð-
ar eru nú ioks farnir að sjá að það
myndi hafa í för með sér stórfellt
tjón fyrir landsmenn ef ekki yrði
gert stór átak í vegamálum á ís-
landi. Þetta átak er þó fyrst og
fremst með því að auka verulega
framkvæmdir við lagningu bund-
ins slitlags allstaðar á landinu. Að
vísu hafði mikill hluti landsmanna
fengið verulegan skerf af bundnu
slitlagi þar sem búið er fyrir
nokkru að leggja bundið slitlag
víða á suð-vesturhorni landsins,
þar sem yfir helmingur lands-
manna býr. Á þessu svæði hefur
verið unnið vel að þessum málum,
en nú þurfa fleiri svæði á þessu að
halda. Því þarf að leggja kapp á að
sett verði bundið slitlag á vegi
sem víðast um landið svo sem
flestir geti fengið að njóta þeirrá
hlunninda sem það vissulega er
að hafa góða vegi. Það má ekki
gleymast að það er ekki einvörð-
ungu hlunnindi að geta ekið á sem
þægilegastan máta og látið sér
líða vel við aksturinn. Heldur er
það ef til vill meira atriði að með
þessu erum við að spara stór-
felldar upphæðir sem liggja í
minna sliti á bifreiðunum sem ek-
ið er um vegina.
En þó svo að þessi vegaáætlun
boði betri tíð eru þó þeir til sem af
undarlegum hvötum leggjast á
óbeinan hátt gegn þessum fram-
kvæmdum strax í upphafi. Það eru
þeir menn sem sífellt erum með tal
um að draga þurfi verulega úr út-
gjöldum ríkisins hvað sem það
kostar, jafnvel þó það kosti að
draga verður úr framkvæmdum
sem þessum. Fái þessir menn
tækifæri til að ráða ferðinni er
hætt við að minna verði úr því
stóra átaki en vonast hafði verið til
í upphafi. S.F.
( \
I
I
I
I
■
I
I
I
I
I
I
I
I
g
i
i
i
i
i
i
i
i
I
■
i
i
i
Aðalstræti 6 fremst. Þá Uemur Lækjargata 2a „Frökenarhús“. Hornhúsið er Lækjargata 2.
Svipast um
í Innbænum
Gamli innbærinn á Akurcyri hefur
lungum verið eitt helsta stolt bæj-
arins. Á þeim slóðum má finna
einhver fallegustu hús bæjarins og
þarna hafa ýmsir andans- og
framkvæmdanna menn búið i
gegnum árin. Yfirbragð innbæjar-
ins hefur tekið nokkrum stakka-
skiptum á umliðnum árum, en ein
mesta breytingin var að sjálf-
sögðu lagning „Drottningar-
brautar“ og lónið sem myndað var
á sama tíma. Sé hverfið skoðað
sem ein heild er því ekki að neita
að yfirbragð þess mætti vera mun
betra. Of margir eigendur gamalla
húsa hafa látið undir höfuð
leggjast — af ýmsum ástæðum —
að sinna nauðsynlegu viðhaldi og
því eru húsin i hrörlegra lagi. En
eflaust standa þessi mál til bóta
og í því sambandi binda menn
miklar vonir við væntanlegt deili-
skipulag af innbænum. Það átti
hins vegar ekki að kasta til hönd-
unum við gerð skipulagsins og þvi
voru þeir Hjörleifur Stefánsson
og Peter Ottoson, arkitektar,
fengnir til þess að gera nákvæma
úttekt á innbænum svo hægt yrði
að byggja frekari ákvarðanatöku
á traustum grunni.
Þar stóðu hestar
við stall
Það er oft sagt um gömul hús
að þau hafi sál. Sé þessi fullyrðing
rétt hljóta gömlu húsin í fjörunni
að hafa sál því flest ef ekki öll
hafa notið eiganda — fyrr og nú
— sem markað hafa spor í sögu
bæjarfélagsins og þótt víðar væri
leitað. í görðum sumra þessara
húsa hafa verið haldnar veglegar
danskar garðveislur og í öðrum
hafa hestar staðið við stall.
„Á sínum tíma var tekin
ákvörðun um að gert yrði deili-
skipulag af fjörunni og innbæn-
um þar sem gerðar yrðu tillögur
um það að hve miklu leyti ætti að
varðveita byggðina, að hve miklu
leyti ætti að leyfa breytingar á
húsum, hvar ætti að leyfa
nýbyggingar og hvernig þær ættu
þá að vera. Fyrsti þátturinn í
þessari vinnu er gagnasöfnun.
Hún tekur til alls þess sem máli
skiptir s.s. eignarhalds á lóðum,
lagnir í götum, gróðurs, ástands
húsa og ýmislegs fleira. Fram að
þessu hefur vinnan einkum verið
fólgin í gagnasöfnum í sambandi
við húsin — þ.e. fyrstu gerð
þeirra, hverjir eigendurnir hafa
verið og hvernig þau hafa breyst í
gegnum tíðina." Það er Hjörleifur
Stefánsson sem hefur orðið. Við
sitjum á skrifstofu hans í Aðal-
stræti 16, en það hús var byggt
árið 1901. Það fer vel á að tala um
gömul hús í gömlu húsi.
Það forvitnilegasta á
prent
Hjörleifur sagði að þeir félagar,
ásamt tveimur nemum í arkitekt-
úr, þeim Júlíönnu Gottskálks-
dóttur og Jónu Sigþórsdóttur,
væru búnir að safna upplýsingum
um öll hús L Aðalstræti og langt
komnir með hús í Hafnarstræti.
Eftir eru hús við Lækjargötu og
Spítalaveg. „Ætlunin er að þess-
ari vinnu ljúki í haust og ég reikna
með að þá verði forvitnilegustu
upplýsingamar um húsin settar á
Sömu hús fyrir aldamót. Frá vinstri má sjá Henrik Schiöth og Odd Thorarensen lyfsala. Konan á hestinum lengst til hægri er Anna Schiöth.
prent og gefnar út í bókarformi.
Slík bók ætti að geta orðið fróðleg
fyrir þá sem búa við umræddar
götur, s.s. til ábendingar um þau
verðmæti sem í húsunum liggja.
Auk þess sem saga húsanna
verður rakin verða í bókinni
gamlar og nýjar ljósmyndir af
húsunum.", sagði Hjörleifur.
Og Hjörleifur sýndi tíðinda-
manni Dags handrit af sögu
nokkurra húsa í innbænum. Þar
má sjá ýmis kunnugleg nöfn og
Hjörleifur sagði að saga sumra
húsanna væri athyglisverð svo
ekki væri fastar að orði kveðið.
Merkt hús: Gamli
barnaskólinn
Gamli barnaskólinn, sem er
næsta hús sunnan við Samkomu-
húsið, er ein þeirra bygginga sem
vert er að muna eftir. Því miður
hefur húsið drabbast niður síð-
asta hálfa árið eða svo, en Hjör-
leifur sagði að raunverulegt á-
stand hússins væri ekki eins
slæmt og útlitið gæfi til kynna.
Barnaskólinn á Akureyri er
stofnaður árið 1870 og fyrstu árin
var skólinn í gömlu lyfjabúðinni,
sem nú er horfin, en hún stóð rétt
vestan við núverandi Tuliníusar-
hús. Um tíma varskólinn haldinn
i húsi Jóhanns Halldórssonar
kennara. Hann bjó í húsi sem nú
er Aðalstræti 2. Árið 1872 keypti
Akureyrarbær hús Indriða Þor-
steinssonar gullsmiðs (Aðalstræti
66). Auk þess að vera notað sem
skólahús, bjuggu þar þurftamenn
bæjarins. Þegar Akureyrarbær
keypti gamla verslunarhús Haf-
steinsverslunarinnar 1877 (það
hús stóðu þar sem nú er Hafnar-
stræti 5) var því breytt nokkuð og
þar var skólinn þar til nýi barna-
skólinn við Hafnarstræti hr. 55
var byggður um aldamót.
Bygging hússins gekk i ekki
hljóðalaust fyrir sig. Deilur voru
milli innbæinga og Oddeyringa
um það hvar skólinn skyldi vera.
Páll Briem amtmaður, seni átti
sæti í byggingarnefnd lagði þá til
að vegalengd milli syðsta hússins
í innbænum og nyrsta hússins á
Oddeyri skyldi mæld og skólan-
um valinn staður mitt á milli. Að
sjálfsögðu féllust menn á þennan
Salomonsdóm. Guðmundur
Hannesson, síðar prófessor, lagði
á ráðin um „heilsufræði hússins".
M.a. var ákveðið að 100 kúbikfet
lofts skyldu vera fyrir hvert barn í
skólanum og fullkomið loft-
hreinsikerfi var í honum. Undir
gólfinu voru loftstokkar og kola-
ofn var í hverri stofu. Þegar stofan
var hituð upp kom hreint loft eftir
stokkunum, og annað sogaðist út
í gegnum ofninn. Gluggar voru
stórir og tvöfaldir þar að auki.
Húsið var talið eitt vandaðasta
skólahús landsins þegar það var
tekið í notkun. Barnaskólinn
flutti í núverandi húsnæði
Barnaskóla Akureyrar árið 1929.
Fjallagrasalímonaði
Nokkru áður en skólinn flútti
var í kjallaranum gosdryjckja-
verksmiðja sem framleiddi m.a.
Fjallagrasalímonaði og -.■> ger-
púlver. Tíminn leið og í húsinu var
m.a. bókasafn bæjarins og þar
Aðalstræti 4, gamla apótckið.
Sama hús fyrir aldamót. Fjölskyldan situr úti í garði.
starfaði Davíð Stefánsson frá
Fagraskógi.
Það er af nógu að taka þegar
; :rætt er um gömul hús.Við gætum
sjálfsagt fyllt opnu blaðsins með
i sögu Hafnarstrætis 55 og haft
langt mál um saumastofu sem
Akureyrarbær rak í húsinu, en út
í þá sálma verður ekki farið hér.
Við skulum frekar líta á húsa-
þyrpingu, sem stendur á horni
Lækjargötu og Aðalstrætis. Hvað
hefur Hjörleifur um hana að
segja? „í þessari þyrpingu er
sennilega annað elsta húsið á
Akureyri, sem er Lækjargata 2a.
Lengi vel var húsið kallað
„Frökenarhús" eftir Margréti
Thorarenssen, dóttur Stefáns
amtsmanns á Möðruvöllum, en
eftir lát Stefáns flutti ekkjan með
dóttur sína í húsið. Margrét giftist
aldrei og því bar húsið þetta nafn.
Sennilega komu þær mæðgur í
húsið árið 1823. Aðalstræti 6 er að
öllum líkindum byggt fyrir 1857
og lengi bjó þar Grímur Laxdal
bókbandsmeistari. Undir reyk-
háfnum í Aðalstræti 6 má finna
peningaskáp Henriks Schiöth,
kaupmanns, sem bjó í húsinu.
Síðar var byggt við bæði þessi
hús. Lækjargata 2a var lengd til
suðurs með einnar hæðar bygg-
ingu og síðar var byggð önnur
hæð ofan á það hús og mæninum
snúið í austur-vestur. Aðalstræti 6
var einnig lengt til suðurs svo
þessi hús mynda nú eina sam-
fellda lengju. Lækjargata 2b var
hins vegar upphaflega heyhlaða.
Lækjargata 4 var einnig útihús til
að byrja með. Síðar þjónaði húsið
sem verslun og hæð var byggð
ofan á það og hún notuð sem
geymsla. Þessi húsþyrping, ásamt
Aðalstræti 4, er að mínu mati
ákaflega merkileg. Gamla
apótekið, eða Aðalstræti 4. var
byggt 1895. Húsið þótti lengi
fallegasta húsið á Akureyri, enda
var það skrautlegt og stærra en
önnur hús. Apótekið var þar til
1930 og um 1950 var það forskal-
að að utan og svipt öllu
skrautinu."
Búið að friða 9 hús
Hjörleifur og samstarfsfólk
hans hafa með höndum húsin í
innbænum frá og með Sam-
komuhúsinu. Á þessu svæði eru 9
friðuð hús, þ.e. talið frá suðri
Nonnahús, Aðalstræti 52, 50. 46
(Friðbjarnarhús), Gamli spítal-
inn (Gudmandsminde), Laxdals-
hús, Tuliníusarhús, Höphner og
Samkomuhúsið. Líklegt má telja
að fleiri hús verði friðuð þegar
deiliskipulagið verður endanlega
ákveðið.
En við skulum víkja ögn að
umhverfinu í innbænum. og gef-
um Hjörleifi orðið. „Það skipu-
lag, sem gert verður í framhaldi af
vinnu okkar núna á að ná til
byggðarinnar og landnotkunar
yfirleitt í innbænum þ.m.t.
fyllingarinnar austan við Aðal-
stræti og umhverfi tjarnarinnar.
Tekin verður ákvörðun um
hvernig þetta land verði mótað
hvernig það verður ræktað upp
og hvernig það verður notað.
Uppi eru hugmyndir um að
Skautafélagið fái aðstöðu í inn-
bænum og nefndar hafa verið
framkvæmdir til að stuðla að
auknu fuglalífi á tjörninni. Einnig
hefur verið rætt um að hafa þar
aðstöðu fyrir þá sem vilja leika
sér á smábátum á tjörninni og
garðyrkjustjóri hefur áhuga á að
austurbakkinn verði græddur
upp.
Hús þurfa að þola
breytingar
Mun Hjörleifur leggjast gegn
breytingum á gömlu húsunum?
„Mörg húsanna eru byggð af
vanefnum og þau eru minni en
nútímaíbúðir þurfa að vera. Ég
held að við verðum að líta á það
sem sjálfsagðan hlut að húsum
verði breytt. Hús þurfa að þola
breytingar og þau þurfa að geta
tekið á móti breyttum lifnaðar-
háttum og það er því eðlilegt að
þau séu endurbætt. Við höfum
hins vegar áhuga á að slíkar
breytingar verði gerðar með
skilningi á sögulegu gildi og
upphaflegri gerð.“
— Að lokum Hjörleifur. Það
er Ijóst að sú vinna sem þið hafið
innt af hendi er dýr fyrir bæjar-
félagið. Er svona undirbúnings-
vinna nauðsynleg áður en
ákvörðun er tekin um framtíð
umrædds bæjarhluta?
„Að rnínu mati er þetta nauð-
synleg forsenda fyrir því að tekn-
ar verði skynsamlegar og réttar
ákvarðanir um framtíð þessa
bæjarhluta — að það sé hægt að
taka ákvarðanir sem grundvall-
aðar eru á vitneskju um sögu
húsanna, gildi þeirra og ástand.
Gamli bæjarhlutinn á Akureyri
er einhver merkilegasti sinnar
tegundar á landinu. Byggðin er
heilsteypt og einstök að því leyti,"
sagði Hjörleifur að lokum.
Að heilsa upp á hús
Við gátum ekki fjallað ítarlega
um einstök hús sem lesendur
hefðu ugglaust haft hug á að
kynnast nánar. í bókinni verður
fjallað um sögu þeirra og þá er
tilvalið fyrir fjölskyldur að aka
inn í bæ, draga upp bókina og
ganga milli húsa og kynnast
þeim. Eftir slíka ferð er næsta víst
að ferðalangurinn mun ætíð líta
innbæinn öðrum augum — og
rétt eins og góðir vinir munu
húsin vinka glaðlega til
kunningjanna.
I
I
I
I
I
I
I
I
I
I
I
I
I
I
I
I
I
I
I
I
I
I
■
I
J
I
I
I
I
I
BVarhugavert að
laun ráði því
hverjir geti
setið í bæjarstjórn
□ Margt kemur í hugann, þegar
ræða skal um störf bæjarstjómar,
og verður hér fátt eitt nefnt, en má
ég byrja á svo hversdagslegum, en
samt mikilvægum þætti sem
vinnuskilyrðum, fundartíma,
launakjörum. Hafa allir svipaða
möguleika til þess að stunda þessi
störf, ef hugur stendur til. Fundir
eru að meðtöldum nefndum á veg-
um bæjarstjórnar flestir síðdegis,
oft geta fundir staðið frameftir
kvöldi. Launakjör eru á þann veg,
að greinilega er ráð fyrir því gert,
að þessi störf séu unnin í hjáverk-
um. Það lætur að líkum, að aðstaða
manna til þess arna er ærið misjöfn.
því að ekki eiga allir jafn hægt með
að fara úrsinni aðalvinnu hvenær
sem þurfa þykir og mæta á fundi í
venjulegum vinnutíma. Konureiga
þarna ekki aúðveldan leik fremur
en svo víða annarsstaðar í okkar
þjóðfélagi. Þeim hentar það ekki
vel miðað við þá verkaskiptingu.
sem algengust er á heimilum að
þurfa kannske að hanga á fundi
fram eftir kvöldi og jafnvel lika
obbann af deginum. Kynni þá ein-
hver aðþrengdur heima fyrir að
spyrja sem svo; hvar er maturinn,
og á ekkert að sinna börnunum?
□ Nú er rétt, að fram komi, að
ekki ber að launa svo störf að
stjórnmálum, að þau verði eftir-
sóknarverð þess vegna. Hins vegar
er varhugavert að haga málum á
þann veg, að einungis þeir, sem eru
vel launaðir fyrir og hafa svigrúm
til þess að hafa fleira í takinu, geti
yfirleitt stundað þessi störf. Þetta er
þeim mun tilfinnanlegra sem störf-
in til að mynda innan bæjarstjórnar
Akureyrar eru umfangsmikil. og
það er timafrekt að sinna þeim svo
sem vert er, kynna sér mál af kost-
gæfni og fá yfirsýn yfir alla þá
þætti, sem lúta að stjórnun bæjar-
ins. Þá verður æ ljósari sú nauðsyn.
að bæjarfulltrúar einn eða fleiri
eigi sæti í þeim nefndum, sem
varða mikilvæga þætti í stjórnsýslu
bæjarins, og koma þar til augljós
tengsl við yfirstjórn bæjarmála.
Mér hefur ævinlega virzt, að það sé
ein meginskylda bæjarfulltrúa að
eiga frunikvæði að málum, seni til
heilla horfa fyrir íbúana og standa
að sjálfstæðum málatilbúnaði. en
líta ekki á sig sem bremsu eða
hemil á ýmsum nýmælum og
framfaramálum. sem vilji er fyrir
að hrinda í framkvæmd meðal
íbúanna; gefast síðan upp í fyllingu
tímans, þegar nægilega fast og lengi
er ýtt á. Bæjarstjórn má ekki ein-
skorðast við það að verða af-
greiðslustofnun. sem einfaldlega
„ruslar'* því af. sem upp á borðið
berst hverju sinni utan að frá. Vit-
anlega þarf líka að sinna vel þeim
málum, sem l.úta að afgreiðslu eða
erindum úr ýmsum áttum. en á
frumkvæðisskyldu bæjarfulltrúa
held ég. að ekki verði lögð of þung
áherzla. Þeir eiga að vera á undan. í
fararbroddi.
□ Oft er á það minnz.t og réttilega.
að „kerfið" er þungt í vöfuni og
seinlegt. F.kki er ævinlega ratljóst
um leiðir þess þeim. sem ekki eru
þar hagvanir. Það skiplir mikln
hvernig búið er að þeim embættis-
mönnurn. sem eiga að framkvæma
það. sem kjörnir fulltrúar eru ein-
lægt að samþykkja. að gert skuli að
ógleymdu hæfilegu aðhaldi. Oft er
vandséð hvernig finna niegi sem
greiðasta leið gegnum niargnefnt
kerfi.
□ Hvað stoðar það. þótt kjörnir
fulltrúar samþykki eiti og annað
meira og minna gagnlegt. ef allt
•itendur fast. og hlutirnir fást ekki
framkvæmdir? Það eru kjörnir
fulltrúar, en ekki embættismenn,
sem eru dregnir til ábyrgðar og eiga
að standa skil gerða sinna eða öllu
fremur þess sem ekki var gert, þeg-
ar upp er staðið við lok kjörtímabils
og oft endranær.
□ Eitt hið fyrsta sem blasir við
þeim, sem koma til starfa að sveit-
arstjórnarmálum, er sú staðreynd
hve mjög þau einkennast af vissri
fjármálalegri togstreitu við ríkis-
valdið. Skilin á milli ríkis og sveit-
arfélaga að því leyti er tekur til
kostnaðar og verkaskiptingar eru á
sumum sviðum full óljós. en á öðr-
um sviðum eru þessi skipting sveit-
arfélögum mjög óhagstæð miðað
við tekjustofna þeirra og nauðsyn á
framgangi mikilvægra úrlausnar-
efna. Sveitarfélögum eru ætluð
fleiri. verkefni og umfangsmeiri en
þau hafa tekjustofna til að risa
undir með sæmilegu móti. Ríkis-
framlög til ýmissa framkvæmda
koma seint og siðar meir. sem
veldur því augljósa óhagræði. að
sveitarfélög þurfa að fjármagna
byrjunarframkvæmdir og oftlega á
góðan rekspöl. Það jafngiidir því.
að þau láni ríkinu stórar fjárupp-
hæðir um lengri eða skenimri tíma
hvenær sem ráðizt er í fjárfrekar
framkvæmdir. vitanlega vaxtalaust
á þessum hávaxtatímum. Þessar
aðstæður með öðru valda því. að
raunverulegl athafnarými sveitar-
félaga skerðist til muna. Fast-
bundnir rekstrarliðir vaxta í sífellu
að öllu umfangi, og það er minna
og minna sem sveitarfélögum er
eftir skilið til ákvarðana urn ný-
framkvæmdir og þjónustu við ibú-
ana. Fjárhagsáætlanir sveitarfélaga
bera þessum aðstæðum glöggt
vitni. og það eru síminnkandi fjár-
niunir. sem raunverulega er tekiz.i á
um til ráðstöfunar við gerð fjár-
hagsáætlana. Hér vegur þungt. að
fjölmörg sveitarfélög eru alltof
smáar stjórnunareiningar. og fjár-
hagslegt bolmagn þeirra er ekki
slíkt. að þau fái risið undir þeim
kröfum. seni eðlilega eru til þeirra
gerðar i nútima þjóðfélagi. Hug-
myndir uni sameiningu sveitar-
félaga hafa mætt andspyrnu. og þvi
miður virðast þau mál vera i sjálf-
heldu. þótt umræður þar um liafi
staðið um árabil.
□ Störf að sveitarstjórnarmálum
eru rétt eins og önnur stjórnmála-
störf fyrst og fremst daglegt erfiði.
sem enginn sérstakur Ijómi stendur
af. og svnist ekki alltaf draga langt
áleiðis.
□ Margur kynni að spvrja hvað
menn vilji með því að takast þessi
störf á hendur. Þar held ég. að
niestu ráði möguleikinn á þvi að
hafa áhrif á umhverfi sitt. erja sinn
akur þannig. að sveitin eða bærinn.
sem við búum i. verði betri og
bvggilegri og franifarir eflist i öll-
um skilningi. Þau viðhorf verður
hver og einn að hafa að leiðarljósi.
sem starfar að stjórnmálum. þótt
ekki sé útmældur stærri skiki en sá.
sem hevrir undir bæjarstjórn
Akureyrar.
Soffía Giiðmundsdóttir.
4 - DAGUR - 6. ágúst 1981
6. ágúst 1981 - DAGUR • 5