Dagur - 24.11.1981, Blaðsíða 5

Útgefandi: ÚTGÁFUFÉLAG DAGS
Skrifíitofur: Hafnarstræti 90, Akureyri
Ritstjórnarsímar: 24166 og 21180
Sími,auglýsinga og afgreiðslu: 24167
Ritstjóri (ábm.): HERMANN SVEINBJÖRNSSON
Blaðamenn: Áskell Þórisson,
Gylfi Kristjánsson
Augl. og afgr.: JÖHANN KARL SIGURÐSSON
Prentun: Prentverk Odds Björnssonar hf.
Atvinnumál
íbrennidepli
Atvinnumálin voru efst á baugi á
Kjördæmisþingi framsóknar-
manna á Norðurlandi eystra, sem
haldið var á Akureyri 13. og 14.
nóvember s.l. og segja má að
heildarniðurstaða þess máls hafi
verið sú, að fyrst og fremst yrði
tryggt atvinnuástandið í kjör-
dæminu og þær atvinnugreinar
sem fyrir hendi eru, en samhliða
yrðu kannaðar nýjar leiðir, s.s.
hagkvæmni meðalstórra orku-
frekra iðjuvera. Framsóknarmenn
í Norðurlandskjördæmi eystra eru
ekki tilbúnir til að taka við hverju
því sem að þeim kann að verða
rétt í stóriðjumálum og leggja
mikla áherslu á verndun lífríkis
lands og sjávar og hafa alla fyrir-
vara á varðandi eignaraðild slíkra
fyrirtækja. Framsóknarflokkurinn
er stærsta stjórnmálaaflið í kjör-
dæminu og því hljóta sjónarmiðin
sem fram komu á kjördæmisþing-
inu að vega þungt.
Þingið minnti á þau ákvæði í
stjórnarsáttmálanum sem kveða á
um að fylgst verði náið með at-
vinnuástandi í landinu, svo hægt
sé í tæka tíð að koma í veg fyrir
atvinnuleysi eða ofþenslu á af-
mörkuðum svæðum. Að gefnu til-
efni lagði þingið ríka áherslu á að
faríð verði eftir þessu ákvæði og
að þau byggðarlög sem iakast
standa í atvinnulegu tilliti sitji fyrir
atvinnuuppbyggingu án allra und-
anbragða.
Þingið lagði sérstaka áherslu á
að stjórnvöld leiti nú þegar leiða til
að leysa til frambúðar þann vanda,
sem atvinnuvegir landsmanna
eiga við að stríða. Var í því sam-
bandi bent á erfiðlelka f iðnrekstri
samvinnumanna á Akureyri og í
atvinnumálum N-Þingeyinga, sem
krefjast skjótra úrlausna. Þingið
gerði þá kröfu, að ullar- og
skinnaiðnaðurinn fái a.m.k. sam-
bærileg rekstrarskilyrði og að-
stöðu og orkufrekur iðnaður.
Vegna fyrirsjáanlegrar aukn-
ingar á vinnuafli í kjördæminu er
nauðsyn á að efla að mun at-
vinnulíf í fjórðungnum og taldi
kjördæmisþingið að samhliða því
að leita lausnar á núverandi vanda
væri tímabært að kanna hag-
kvæmni nýiðnaðar, m.a. orkufreks
iðnaðar, s.s. kísilmálmverksmiðju
og eldsneytisverksmiðju í tengsl-
um við hana. Þingið lagði áherslu
á að slík fyrirtæki væru að meiri-
hluta í eigu fslendinga og lyti í
hvívetna íslenskum lögum. Vand-
lega verði könnuð áhrif slíkra
fyrirtækja á náttúru og félagslegt
umhverfi. Ennfremur var á þinginu
bent á nýjar leiðir og aukin tæki-
færi í tengslum við hefðbundnar
atvinnugreinar okkar og lögð
áhersla á að samstaða næðist um
virkjun Blöndu.
PRESTKOSNINGAR A AKUREYRI
Eins og kunnugt er af fréttum standa nú fyrir dyrum prestkosningar á Akureyri, og verða kjörnir í
almennum kosningum í bænum þann 6. desember tveir nýir sóknarprestar fyrir bæjarbúa.
Stjómvöid hafa nú ákveðið að prestum á Akureyri verði fjölgað um einn, úr tveimur í þrjá. Verða
tveir prestar i Akureyrarprestakalii, en einn f hinu nýja Glerárprestakalli.
Það var eitt af fyrstu verkefnum herra Péturs Sigurgeirssonar eftir að hann varð biskup yfir
ísiandi að fylgja því máli í höfn að prestum í höfuðstað Norðurlands yrði fjölgað í samræmi við
almennar reglur og lög þar um, en íbúafjöldi bæjarins er orðinn það mikill að samkvæmt lögum eiga
að vera hér þrir prestar. Þótti tilvalið að nota það tækifæri er Pétur Sigurgeirsson lét af störfum
prests á Akureyri að þessi fjölgun ætti sér stað.
Umsækjendur um prestsembættin tvö sem laus eru á Akureyri em fjórir talsins, tveir um hvort
þeirra. Um Akureyrarprestakall sækja séra Jón A. Baldvinsson sóknarprestur að Staðarfelli og séra
Þórhallur Höskuldsson sóknarprestur að Möðruvöllum.
Um Glerárprestakalh sækja þeir séra Pálmi Matthiasson sóknarprestur við Melstaðaprófasts-
dæmi og séra Gylfi Jónsson sóknarprestur i Bjamanesprestakalli i Homafirði.
Það kom skýrt fram í samtölum Dags við umsækjendurna að þeir biðja þess að engin átök verði
hjá stuðningsmönnum sinum fyrir þessar kosningar. Þeir fara þess á leit við stuðningsmenn sína að
kynning fyrir kosningar verði á þann hátt að allt fari sómasamlega fram þannig að allir geti vel við
unað. Það hefur á stundum viljað brenna við að kosningabarátta fyrir prestkosningar hér á landi
hafi verið óeðlilega hörð og óvægin, og jafnvel hafa verið sagðir hlutir og gerðir sem mönnum hefur
sviðið undan. Frambjóðendur fyrir prestkosningarnar á Akureyri 6. desember vilja allir forðast slfk
átök.
Hér að neðan er stutt spjall við umsækjendurna fjóra, og er því ætlað að vera stutt kynning.
Fólki er síðan ráðlagt að fylgjast með auglýsingum um það hvenær umsækjendurnir kynna sig með
guöþjónustum.
Jón A. Baldvinsson
Þórhallur Höskuldsson
Jón A. Baldvinsson, annar um-
sækjanda um Akureyrarprestakall
er fæddur 1946 að Ófeigsstöðum í
Ljósavatnshreppi, sonur hjónanna
Baldvins Baldurssonar og Sigrúnar
Jónsdóttur. Hann er elstur 5 syst-
kina. Jón óist upp að Ófeigsstöðum
en lauk stúdentsprófi frá Mennta-
skólanum á Akureyri 1968. Þaðan
lá leiðin i Guðfræðideild Háskóla
íslands og 1974 útskrifaðist hann
þaðan og varð sóknarprestur að
Staðarfelli það sama ár. Þar hefur
hann þjónað síðan, ef undan er
skilið eitt ár sem Jón stundaði nám
í sálgæslu við Edinborgarháskóla.
„Ég hef að sjálfsögðu verið með í
unglingastarfi í mínu prestakalli þótt
ég geti ekki hrósað mér að því að hafa
lagt sérstaka áherslu á það í mínu
starfi. Ég hef litið þannig á að það ætti
síður að skipta fólki eftir aldri og t.d. í
sambandi við guðþjónustur hef ég ekki
lagt mikið upp úr því að hafa sérstakar
barnaguðþjónustur, heldur hef ég vilj-
að að fjölskyldan kæmi saman til
kirkju. Annars má segja að það sé ólíkt
í dreifbýlinu miðað við bæina að þar
kemur fólkið til kirkju ef það mögu-
lega getur.
Annars hef ég sjálfur mikinn áhuga
á því að virkja leikmenn innan
kirkjunnar til starfa, ég held að ég leggi
þyngsta áherslu á það því presturinn
einn má sín lítils. Það er hægt að ná
upp geysiöflugu starfi með því að
virkja leikmenn innan safnaðanna, því
kynntist ég þegar ég dvaldi í Skotlandi.
Jón A. Baldvinsson.
— Fari svo að þú náir kosningu sem
sóknarprestur á Akureyri, átt þú þá von
á því að þín biði erfitt og erilsamt starf?
„Já, ég á von á því að þetta sé mikið
starf, og vissulega frábrugðið því sem
ég sinni núna. Það er ekki hvað síst
þess vegna sem ég sækist eftir þessu
starfi að ég vil fá að takast á við eitt-
hvað meira en ég hef haft hér í starf-
inu.“
— Hvernig verður þinni kynningu
háttað hér á Akureyri fyrir þessar
kosningar?
„Það er ekki ljóst enn, því ég hef litið
svo á að það ætti ekki að hefja það starf
fyrr en umsóknarfresturinn væri út-
runninn. Mér finnst það kurteisi
gagnvart meðframbjóðendum, en ég
reikna með því að ég muni auglýsa
eftir þeim sem vilja styðja mig og
mynda starfshóp til þess að hafa í
frammi kynningu."
— Nú er oft talað um það að prest-
kosningar séu harðar og þar sér barist á
banaspjótum ef svo má segja, hvað vilt
þú segja um það?
„Ég treysti því alveg að svo verði
ekki. Ég þekki mótframbjóðanda
minn og veit að það verða ekki af
okkar hálfu nein illindi eða meiðingar.
Ég á von á því að þetta geti farið allt
mjög sómasamlega fram, og legg á það
áherslu að ekkert sé haft í frammi á
annan veg en þann að báðir geti vel við
unað. Hinsvegar má það alveg fylgja
með að ég hef stórar spurningar og hef
verið í hjarta mínu andvígur þessu
kosningafyrirkomulagi. Ég hefði kosið
að safnaðarstjórn réði prest á sama
hátt og skólanefndir ráða kennara. Það
mætti einnig hugsa sér að fleiri en þeir
sem sitja í safnaðarstjórnum kæmu þar
við sögu, t.d. einhverjar kjömefndir
innan safnaðanna.
Það hefur viljað brenna við að
prestkosningar væru harðar, en ég er
sannfærður um að það eru ekki prest-
arnir sjálfir sem stuðla að því heldur
stuðningsmenn þeirra, sem ganga hart
fram og þá geta skapast leiðindi. Það
getur jú verið erfitt að setjast í embætti
ef maður hefur unnið nauman sigur í
kosningu og hefur þá hugsanlega ein-
hverja andstöðu í embættinu, a.m.k. til
að byrja með.“
— Hvað gerir séra Jón A. Baldvins-
son í tómstundum sínum, hver eru hans
áhugamál?
„Þau eru mörg. Ég er mikið fyrir
útilíf, hef mikið stundað stangveiði á
sumrin, íþróttir eftir þörfum og getu á
vetrum mér til ánægju, en ég er enginn
keppnismaður. Ég hef verið geypi-
mikið í félagsstörfum og má segja að
þau hafi tekið mestan tíma hjá mér. Ég
er formaður Ungmennafélagsins
Gaman og alvara og það má segja að
áhugamálin séu fjölbreytileg þótt
félagsmálin beri þar hæst.“
Jón A. Baldvinsson er giftur
Margréti Sigtryggsdóttur frá Akureyri,
og eiga þau tvær dætur.
Þórhallur Höskuldsson, annar um-
sækjanda um Akureyrarprestakall
er fæddur að Skriðu í Hörgárdal
1942, sonur hjónanna Höskuldar
Magnússonar bónda þar og konu
hans Bjargar Steindórsdóttur. Þar
ólst hann upp til 6 ára aldurs en
flutti þá með móður sinni sem var
ekkja, en föður sinn missti Þór-
hallur er hann var liðlega eins árs.
Þórhallur ólst síðan upp á Akureyri
á heimili móður sinnar og seinni
manns hennar Kristjáns Sævalds-
sonar. Þórhallur á eina hálfsystur.
Á Akureyri stundaði Þórhallur
skólagöngu og lauk stúdentsprófi
frá Menntaskólanum á Akureyri
1962. Þaðan lá leiðin í guðfræöi-
deild Háskóía íslands og lauk Þór-
hallur guðfræðiprófi 1968. Auk
þess nam hann uppeldis- og sálar-
fræði við heimspekideild 1966 og
1967. Eftir nám vígðist Þórhallur
að Möðruvöllum í Hörgárdal þar
sem hann hefur þjónað siðan.
„Þetta hefur verið alhliða preststarf
eins og hjá öðrum, en ég hef stundað
auk míns prestskapar bæði kennslu-
störf töluvert og búskap hef ég verið
með öll þessi ár. Ég hef haft ýmis
verkefni önnur í sambandi við félags-
mál, hef verið með bama- og æsku-
lýðsstarf eins og aðrir eftir þvi sem að-
stæður hafa leyft.“
— Fari svo að þú hljótir kosningu á
Akureyri, átt þú þá von á miklum
breytingum á þínum högum og á eril-
sömu embœtti?
Þórhallur Höskuldsson.
„Það má gera ráð fyrir að þetta sé
talsvert ólíkt starfi prests í sveit. Hér
hef ég t.d. starfað þannig að ég hef
messað á fimm stöðum, í fjórum
kirkjum og elliheimilinu í Skjaldarvík.
Hér eru starfseiningarnar margar en
smáar. Akureyrarsöfnuður er mun
fjölmennari og að sjálfsögðu býður
það upp á meira starf og öðruvísi
verkahring. Ég hugsa gott til samstarfs
við ágætt fólk, bæði sóknarprest og
söfnuð sem ég hefi þegar góð kynni af.
Að öðru leyti hef ég mikinn áhuga á
aukinni þátttöku safnaðarins í kirkju-
starfinu og er talsmaður þess að leik-
menn séu fengnir til beinnar þátttöku
t.d. við bama- og æskulýðsstarf og
einnig meðal sjúkra og aldraðra. Þetta
er mér ofarlega í huga, en verkefnin
eru mörg og áhugavekjandi.“
— Hvernig verður þinni kynningu
háttað hér á Akureyri fyrir þessar
kosningar?
„Ég legg áherslu á að ég er ekki að
leggja út í kosningabaráttu, heldur fyrst
og fremst að gefa kost á mér til starfa í
þessum söfnuði. Ekki hefur verið
skipulagt hvernig að kynningu verður
staðið. Ég reikna með að taka þátt í
messugjörðum eins og aðrir og vera til
taks þar sem eftir því verður leitað. Ég
sé mér ekki fært að ganga í hús, en
mun treysta á stuðning kunningja
minna og velunnara."
— Prestkosningar eru oft harðar og
ýmislegt gerist í þeirri baráttu sem þeim
fylgir. Hvað vilt þú segja um þetta?
„Það er öllum kunnugt að prest-
kosningar eru viðkvæmar kosningar,
þær eru persónulegar kosningar en
það er einlæg von mín að þær fari fram
með fullri virðingu og rósemi. Ég vil
undirstrika það að við erum ekki
keppinautar eða fulltrúar andstæðra
sjónarmiða. Við erum fulltrúar sama
málstaðar og starfsmenn sömu stofn-
unar sem lúta einum og sama hús-
bóndanum."
„I sjálfu sér er ég ekki sáttur við það
fyrirkomulag sem viðhaft er í prest-
kosningum, mér finnst þær hafa svo
augljósa annmarka að ég hef átt þátt í
því að gera tillögur um aðrar leiðir og
er eindregið þeirrar skoðunar að það
samrýmist betur eðli þessa starfs. Þar
sem við búum við þjóðkirkjuskipulag
teldi ég eðlilegra að taka upp beina
veitingu að fengnum umsögnum við-
urkenndra umsagnaraðila."
— Hvað gerir sr. Þórhallur Hösk-
uldsson í frístundum sinum?
„Sannast sagna hef ég verið svo
störfum hlaðinn að frístundir hafa
verið færri en skyldi. En ég hef mikinn
áhuga á lestri og les mikið þegar tæki-
færi gefast. Þá hef ég starfað mikið að
félagsmálum, bæði innan prestakalls-
ins sem utan.“
— Þórhallur er giftur Þóru Stein-
unni Gísladóttur frá Siglufirði og eiga
þau þrjú börn.
Gylfi Jónsson
Gylfi Jónsson, annar umsækj-
andanna um Glerárprestakall er
fæddur á Akureyri 1945, sonur
hjónanna Jóns Helgasonar og
Petrónellu Pétursdóttur, og er
hann einbimi. Hann ólst upp á Ak-
ureyri og lauk stúdentsprófi frá
Menntaskólanum á Akureyri 1965.
Eftir það innritaðist hann í guð-
fræðideild Háskóla Islands og
Kennaraskóla fslands. Hann lauk
kennaraprófi árið eftir en guð-
fræðiprófi lauk hann 1973. Það
sama ár var Gylfi vígður og var það
sumar prestur í Staðarfellspresta-
kalli. Haustið 1973 hélt Gylfi til
Svíþjóðar og stundaði þar fram-
haldsnám sem fjallaði um trúar-
tjáningu í nútimanum, en auk þess
starfaði hann sem prestur sænsku
kirkjunnar og sem prestur á stóru
geðsjúkrahúsi. 1974 var Gylfi kjör-
inn prestur í Bjarnanesprestakalli í
Hornafirði og í Bjarnanesi hefur
hann búið siðan.
„Á Höfn búa núna um 1600 manns
og mikið af því er ungt fólk og böm svo
að það gaf auga leið að það starf sem
þar blasti fyrst og fremst við var barna-
og æskulýðsstarf og það hef ég lagt
megináherslu á þama fyrir austan þau
sjö ár sem ég hef verið þar prestur.
Auðvitað fylgir prestsstarfinu mikið af
öðru eins og fastar heimsóknir á elli-
og hjúkrunarheimili sem þarna er.
— Munt þú þá einbeita þér að barna-
og æskulýðsstarfi fari svo að þú náir
kosningu í Glerárprestakalli?
„Mér finnst það liggja nokkuð í
augum uppi að það er tvennt sem
blasir við í Glerárhverfi, annarsvegar
að vinna að æskulýðsstarfi og barna-
starfi og hinsvegar að því að gera guð-
þjónustuna þannig úr garði að þetta
unga fólk í söfnuðinum hafi ánægju af
því að koma til messu. Þetta segi ég
vegna þess að ég hef verið organisti af
og til hjá sjálfum mér austur á Horna-
firði og verið að gera tilraunir með
messuna, tekið inn létta sálma og létt-
Gylfi Jónsson.
ari söng, verið að létta messuna og
þetta hefur haft þau áhrif að fólki
finnst messan léttari. Ég held að það
væri mjög spennandi að halda áfram
þeim tilraunum sem ég hef verið með
fyrir austan.“
— Hvernig verður þinni kynningu
háttað?
„Minni kynningu verður þannig
háttað að stuðningsmenn mínir munu
gefa út lítinn kynningarbækling þar
sem sagt verður frá því sem ég hef
verið að gera og helstu atriðum varð-
andi mig. Það er óráðið ennþá hvort ég
eða mínir stuðningsmenn munu verða
með kosningaskrifstofu. Ég reikna
með að ég muni eitthvað gera af því að
ganga í hús vegna þess að það er að
sumu leyti nauðsynlegt svo að fólkið
hafi einhver tök á því að velja á milli
manna sem það hefur þá heyrt og séð.“
„Almennt talað er ég á móti prest-
kosningum. Ástæðan fyrir því er fyrst
og fremst sú að mér finnst að það eigi
að skipa presta eins og aðra embættis-
menn. Ef að við værum kosnir til
ákveðins tíma svo ég taki dæmi um
annað fyrirkomulag þá mætti ímynda
sér að kjósa okkur. Þetta fyrirkomulag
sem er viðhaft er einnig slæmt fyrir
kirkjuna sem stofnun að hafa þessa
baráttu. Sumstaðar er hún reyndar
hógvær og góð sem ég vona að hún
verði þama ytra, ég vil mjög gjaman
að það komi fram en því miður hefur
það komið fyrir að hún hefur orðið all
hatrömm á köflum og það er mjög leitt
fyrir kirkjuna sem stofnun og máls-
staðinn."
Einhverjar tómstundir hljóta prestar
að hafa eins og annað fólk, hvernig ver
sr. Gylfi Jónsson sínum tómstundum?
„Mín áhugamál hafa að mestu leyti
snúist um tónlist. f haust hef ég verið
að þjálfa og æfa kirkjukórinn á Höfn í
Hornafirði fyrir stóra tónleika sem
voru á Egilsstöðum með öllum kirkju-
kórum á Austurlandi. Ég hef sungið í
karlakór þarna fyrir austan. Nú, auk
þess hef ég starfað mikið innan Lions-
hreyfingarinnar og var á sínum tíma
umdæmisstjóri Lions. Ég held að
þetta séu nú aðal áhugamálin."
„Annars er það þannig í preststarf-
inu að það gefur elcki svo miklar tóm-
stundir, þetta er meira en 40 stunda
vinnuvika og á öllum tímum. En það
má segja að það sé aðallega tónlistin
sem á huga minn í tómstundum. Ég
stuðlaði að því að við stofnuðum Tón-
listarskóla Austur-Skaftafellssýslu og
hef kennt dálítið við þann skóla.“
Gylfi er giftur Þorgerði Sigurðar-
dóttur og eiga þau einn son. Þorgerður
er dóttir sr. Sigurðar Guðmundssonar
vígslubiskups á Grenjaðarstað og
Aðalbjargar Halldórsdóttur.
Matthíasson
Pálmi
Pálmi Matthiasson, annar um-
sækjanda um Glerárprestakall er
fæddur 1951 á Akureyri, sonur
Jóhönnu Mariu Pálmadóttur og
Matthfasar Einarssonar, og er
hann elstur þriggja bræðra. Hann
ólst upp á Akureyri og lauk
stúdentsprófi frá Menntaskólanum
á Akureyri 1971 og þá lá leiðin í
Guðfræðideild Háskóla fslands, en
þaðan lauk Pálmi prófi 1977. Það
sumar, sem og þau sumur á meðan
Pálmi stundaði nám, starfaði hann
sem lögregluþjónn, en um haustið
varð hann sóknarprestur við Mel-
staðaprestakall í Húnavatns-
prófastsdæmi þar sem hann hefur
þjónað síðan með aðsetri á
Hvammstanga.
„Ég hef verið í stjóm Ungmenna-
sambandsins og Ungmennafélagsins á
Hvammstanga, en hef ekki farið út í
það að stofna sérstakt æskulýðsfélag,
heldur reynt að starfa með þeim
félögum sem fyrir eru á staðnum og
styrkja þau. Þá hef ég verið með
bamastarf fyrir þau yngstu en það
vantar alltaf hendur til að leggja lið
svona starfsemi. Ég hef verið formaður
Vorvökunefndar, en Vorvakan er
haldin um bænadagana og hefur þetta
þótt góður menningarauki í V.-Húna-
vatnssýslu."
Fari svo að þú náir kosningu á Ak-
ureyri, munt þú þá beita þér fyrst og
fremst að œskulýðsstarfi?
„Mér finnst það vera sá akur er fyrst
verður að hugsa um jafnhliða því að
byggja yfir söfnuðinn. Það verður að
koma upp starfi fyrir böm og unglinga
og ég myndi gjaman vilja gera það í
samstarfi við þau félög sem fyrir eru.
öllum þarf að vera ljóst að æskulýðs-
starf verður aldrei unnið nema á
breiðum grundvelli og þar þurfa
heimili, skóli og félagasamtök að
standa saman sem einn maður eigi að
beina börnum og unglingum á þær
brautir sem við teljum að verði þeim til
gæfu og blessunar. Ég er sannfærður
um það að hefði ég ekki notið kristilegs
æskulýðsstarfs, sem ég átti kost á hér á
Akureyri sem unglingur, þá væri ég
ekki í því starfi sem ég gegni í dag. Ég
veit af reynslu að slíkt starf verður
ungu fólki til góðs.“
Pálmi Matthiasson
— Hvernig verður þinni kynningu
háttað hér áAkureyri og íprestakallinu
fyrir þessar kosningar?
„Stuðningsmenn mínir hafa gefið út
bækling þar sem ég er kynntur og mín
fjölskylda. Persónulega er ég á móti
þvi að reka harða baráttu í svona
kosningum og ég mun forðast það í
lengstu lög að fara út í slíkt. Ég held að
kosningaskrifstofur séu oft á tíðum
þeir staðir þar sem mönnum hleypur
kapp í kinn, og geta því hugsanlega
sagt ýmislegt sem þeir geta ekki staðið
við. Þess vegna held ég að maður eigi
að reyna að forðast það eins og hægt
er. Hinsvegar mun ég reyna að hitta
sem flesta í prestakallinu að máli fyrir
kosningarnar þótt ljóst sé að tíminn
leyfir ekki að ég geti hitt alla.“
— Hvert er álit þitt á því að prestar
séu kjörnir í almennum kosningum?
„Á meðan ekki er bent á neitt ann-
að sem leysir þennan vanda held ég að
við verðum að hafa þetta fyrirkomu-
lag. Það eru skiptar skoðanir innan
prestastéttarinnar um þetta, og meðan
ekki hefur fundist önnur og betri lausn
verður að búa við þetta fyrirkomulag.
En hinsvegar ber að geta þess að viss
mannréttindasvifting er við þessar
kosningar, þvf þeir einir fá að kjósa
sem eru heima á kjördegi. Mér er sér-
staklega hugsað til sjómanna, því þeir
eru oftast að heiman og því undir
hælinn lagt hvort þeir geta tekið þátt í
kosningunni. Einnig má nefna náms-
menn og sjúklinga.“
„Prestkosningar hafa oft dregið dilk
á eftir sér, en þó held ég að við séum
þannig alin upp, að í lýðræðislegu
þjóðfélagi kyngja menn úrslitum
kosninga, þótt tíminn verði stundum
að fá að græða þau sár sem þar kunna
að myndast. Annars bið ég þess í
lengstu lög að það verði engin átök
varðandi þessa kosningu. Ég þekki
mótframbjóðanda minn að góðu einu
og veit að við munum báðir leggja
okkur fram um að láta þetta ganga
friðsamlega fyrir sig.“
— Hver eru áhugamál séra Pálma
Matthiassonar, hvernig ver hann tóm-
stundum sinum?
„Ég hef verið mjög upptekinn í ýmis-
konar félagsstarfi, hef verið í mörg-
um félögum og á áhugamál í sambandi
við æskulýðs- og íþróttamál. Ég hef
tekið þátt í handknattleik, blaki og
frjálsum íþróttum og er mikill íþrótta-
áhugamaður. Félagsleg uppbygging
og æskulýðsstarf f anda kristinnar trú-
ar finnst mér vera það sem máli skiptir.
Þá er ég með veiðidellu, kominn af
sjómönnum í ættir fram og hef mjög
gaman af því að skreppa á sjó eða
renna fyrir lax og silung. Það má ljóst
vera að maður sem hefur mikinn
áhuga á félagsstörfum, útilífi og
íþróttum, hefur nóg að gera í sín-
um tómstundum. Annars er prests-
starfið þannig að það leyfir ekki
markvissar fristundir. Maður þarf að
vera tilbúinn hvenær sem kallað er, og
það er ekki spurt að því hvort þú sért
að fara í frí eða eitthvað annað.“
„Að lokum þetta: Það er ljóst að
aðeins einn kemst að og því bið ég þess
að söfnuðurinn taki við honum af
heilum hug, hvor sem það verður.“
— Pálmi er giftur Unni Ólafsdóttur
frá Reykjavík, og eiga þau eina dóttur.
4 - DAGUR - 25. nóv«mb«r 1981
25. nóvember 1981 - DAGUR - 5