Dagur - 01.04.1982, Blaðsíða 1
MIKIÐ
ÚRVAL
FERMINGAR
GJAFA
GULLSMIDIR
SIGTRYGGUR & PÉTUR
AKUREYRI
65. árgangur
Akureyri, fimmtudagur 1. aprfl 1982
37. tölublað
Stuðningur
við stein-
ullarverk-
smiðju á
Sauðárkróki
Á sameiginlegum fundi stjóma
allra stéttarfélaga í Austur-
Húnavatnssýslu, sem haldinn
var á Skagaströnd 24. mars sl.
var samþykkt ályktun, þar sem
fagnað var frumvarpi um stein-
ullarverksmiðju á Sauðárkróki
og var skorað á ríkisstjórn og
Alþingi að veita því stuðning.
I ályktuninni er bent á, að
staðsetning verksmiðjunnar á
Sauðárkróki henti mjög vel, mið-
að við framleiðslu og innanlands-
markað, ef tekið sé mið af mann-
aflaþörf verksmiðjunnar. Þá er
bent á að undirstöðuhráefnið,
basalt, sé eina nýtilega hráefnið í
Skagafirði sem vitað sé um, en
Suðurland hafi ótal möguleika
hvað nýtanleg jarðefni snertir.
Loks segir í ályktun stjórna
verkaiýðsfélaganna: „í þriðja lagi
lýsir fundurinn yfir miklum
áhyggjum vegna óheillaþróunnar
að margar nýjar hugmyndir um
atvinnuuppbyggingu á Norður-
landi, sem kostað hafa mikið fé og
fyrirhöfn, skuli að frumhönnun
lokinni teknar upp og jafnvel
nýttar af öðrum.“
IÐUNN:
Næg
verkefni
Allverulegar skipulagsbreyt-
ingar hafa verið gerðar hjá
Skóverksmiðjunni Iðunni á
Akureyri. Á sínum tíma var
gerð áætlun um endurskipu-
lagningu verksmiðjunnar á síð-
asta ári þegar Ijóst lá fyrir að
hún myndi starfa áfram. í sam-
ræmi við þessa áætlun hefur
vélakostur verið endurnýjaður,
og reynt hefur verið að bæta
framleiðslu-og stjórnunarað-
ferðir. Þessar aðgerðir eru nú
að komast í framkvæmd, og nýr
vélakostur er sem óðast að ber-
ast til verksmiðjunnar.
í framtíðinni er stefnt að því að
um 75% af framleiðslu verksmiðj-
unnar verði kuldaskór, og eru
ýmsar nýjungar þar í undirbún-
ingi, svo sem kuldaskór úr vatns-
þéttu leðri. Aðaláherslan verður
lögð á að framleiða sterka og
endingargóða skó sem henta ís-
lenskum aðstæðum. Auk þess er
stefnt að því að koma fram með
nýja línu í kven- og karlmanna-
skóm á hverju vori, og nú er sú
fyrsta reyndar þegar komin fram.
Eins og stendur eru verkefni
skóverksmiðjunnar þVí næg.
Rekstrargrundvöllur hennar fer
mjög batnandi, og má reyndar
teljast vera orðinn nokkuð góður.
Mjög lítill afli berst til norðlenskra verstöðva:
Bátarnir sigla suður
í von um meiri afla
— segir Angantýr Jóhannsson
„Mars hefur gjörsamlega
brugðist,“ sagði Angantýr Jó-
hannsson erindreki Fiskifélags
íslands á Norðurlandi. „Eg
held að þessi mánuður hafi ekki
verið jafn lélegur áður. Þetta
hefur orðið til þess að margir
bátar hafa leitað suður í von um
meiri afla.“
Angantýr sagði að sjór væri uú
óvenju kaldur og lítið um átu í
honum. Fiskur stoppaði lítið á
miðunum og það væri einna helst
að menn fyndu rækju í honum.
Aðspurður sagði Ángantýr að
það væri sama hvaða útgerðar-
stöð væri nefnd á Norðurlandi,
það væri allsstaðar jafn lítill afli.
„Þeir hafa komist ofan í það að
fá einn fisk í net og það þykir
heldur lítið eins og vonlegt er,“
sagði Angantýr, og bætti því við
að allir stærri bátar á Norðurlandi
væru komnir suður. „Ég held að
það séu þrír stærri bátar eftir á
Dalvík, allir stærri bátarnir á
Grenivík eru komnir suður, frá
Hrísey líka, og einn bátur frá
Hauganesi, svo dæmi séu nefnd.
Mér sýnist vera vá fyrir dyrum
ef ástandið versnar frá því sem nú
er. Hitt er svo aftur annað mál, að
hvað varðar vinnu í landi, þá hafa
togararnir bjargað miklu. Þeir
hafa aflað svipað að undanförnu
og á sama tíma í fyrra.“
I lok samtalsins við Angantý
kom fram, að aflinn á þessari ver-
tíð er um það bil helmingi minni
en á sama tíma í fyrra. Þess skal
þó getið að Angantý höfðu ekki
borist aflatölur fyrir marsmánuð.
„Á Dalvík hafa þeir ekki nema
einn þriðja af því sem þeir höfðu í
fyrra," sagði Ángantýr. „Kannski
skánar þetta þegar kemur fram á.
Það eru margir sem halda í þá
von, það er óhætt að segja það.“
Vélsleða-
keppni í
Mývatnssveit
Á laugardaginn verður haldin
vélsleðakeppni við Mývatn á
vegum Björgunarsveitarinnar
Stefáns, og íþróttafélagsins Ei-
lífs. Keppt verður í alhliða-
keppnisbraut með hæfnis-
þrautum og hraðakstursþraut.
Búist er við keppendum víða
að.
Kísiliðjan:
Nýjar teg-
undir hafa
bætt sölu-
möguleikana
„Já, undanfarna mánuði hefur
salan gengið nokkuð vel og lag-
erinn er lítill,“ sagði Hákon
Björnsson framkvæmdastjóri
Kísiliðjunnar, í samtali við
Dag. „Á síðasta ári komum við
fram með þrjár nýjar tegundir
af kísilgúr, og þær hafa gert sitt
til þess að við höfum getað selt
framleiðsluna.“
Fyrir nokkrum árum varð
mikill samdráttur í sölu á kísilgúr
og þá var farið að huga að nýjum
tegundum. Árið 1980 seldi Kísil-
iðjan 18.700 tonn, en salan jókst
árið eftir upp í 20.200 tonn. Sam-
kvæmt áætlun fyrir 1982 er gert
ráð fyrir að selja 22 til 23 þúsund
tonn. „Sé magnið liaft í huga þá
getum við vel við unað,“ sagði
Hákon, „en miðað við þróun á
framleiðslukostnaði þá er verðiö
ekki nógu hagstætt. Gengisfell-
ingin í janúar bætti stöðuna og
tapið varð minna, en síðan hafa
verðhækkanir haldið áfram
innanlands og verðbólgan lætur
ekki staðar numið.“
Dæling úr Mývatni hefst vænt-
anlega í byrjun mái.
Hluti þeirra sem komu norður til að athuga hugsanlegt stæði fyrir álverksmiðju. Næst okkur á myndinni er Finnbogi
Jónsson deildarstjóri í Iðnaðarráðuneytinu, en lengst til vinstri er einn Norðmannanna. Mynd: áþ.
Álversathuganir
við Eyjafjörð
Um hádegi í gær kom til Akur-
eyrar 10 manna hópur manna á
vegum iðnaðarráðuneytisins til
að kanna aðstæður fyrir hugs-
anlegt álver við Eyjafjörð. Að
sögn Finnboga Jónssonar hjá
iðnaðarráðuneytinu er þessi
ferð liður í hagkvæmnisathug-
un sem fram fer á þeim stöðum,
þar sem talið er að helst sé hægt
að reisa stórt iðjuver.
í hópnum voru meðal annars
þrír norskir sérfræðingar frá
Árdal og Sundal, sem er ríkisfyr-
irtæki í Noregi og rekur m.a. þrjú
álver. Þessir aðilar ásamt Verk-
fræðistofu Sigurðar Thoroddsen
vinna að þessari hagkvæmnisat-
hugun í tengslum við sérstaka
nefnd sem iðnaðarráðherra skip-
aði til að kanna hagkvæmni áliðn-
aðar á íslandi. Auk Norðmann-
anna voru nefndarmenn í áður-
greindri nefnd með í för og einnig
menn frá Staðarvalsnefnd, sem
skipuð var af iðnaðarráðherra.
Finnbogi sagði að skoðuð yrðu
svæði í Arnarneshreppi, þ.e.
svæðið frá Hörgárósum að Hjalt-
eyri. Aðspurður um það hvort
utanvert Arnarnes kæmi til greina
varðandi staðsetningu álvers, þ.e.
skammt frá Fagraskógi, sagði
hann að það væri Staðarvals-
nefndar að svara til um það.
Eftrr skoðunarferðina fór sendi-
nefndin á fund með Iðnþróunar-
nefnd Eyjafjarðar, þar sem menn
gerðu grein fyrir sínum sjónar-
miðum,en sú nefnd var einnig
skipuð af iðnaðarráðherra og
formaður hennar er Helgi Guð-
mundsson bæjarfulltrúi.