Dagur - 01.04.1982, Side 8

Akureyri, fímmtudagur 1. apríl 1982
RAFGEYMAR
í BlLINN, bátinn, vinnuvélina
VEUIÐ RÉTT
MERKI
Kaupmanna-
hafnarfarar
hittast
„Við höfum ákveðið að hóa
saman Kaupmannahafnarför-
um sem fóru í „beina þotufíug-
ið“ á dögunum, og stefnum
þeim öllum hér með á Hótel
KEA n.k. laugardagskvöld kl.
19.30,“ sagði Gísli Jónsson for-
stjóri Ferðaskrifstofu Akureyr-
ar er hann hafði samband við
okkur í gær.
„Okkur finnst tilvaliö að koma
saman og endurnýja kynnin um
leið og menn geta rif jað upp ferð-
ina og spjallað saman. Þá væri það
aldeilis frábært ef sem flestir gætu
mætt með myndir scm þeir tóku í
ferðinni."
Dalvík:
Nýr veitu-
stjóri
Dalvík 30. mars
Nýlega var gerð breyting á stjórn
hita- og vatnsveitumála á Dalvík.
Aöur voru málefni hitaveitunnar
undir stjórn hitaveitustjóra og
vatnsveitan undir stjórn bæjar-
verkstjóra. Nú hefur þetta verið
samcinað. Þórir Stefánsson, hef-
ur látið af starfi hitaveitustjóra,
en Valur Harðarson hefur verið
ráðinn veitustjóri. þórir mun þó
starfa áfram með Val. Þessir tveir
menn munu sjá um framkvæmdir
og eftirlit vatns- og hitaveitumála.
Að sögn Valdimars Braga-
sonar, bæjarstjóra, mun bæjar-
verkstjóri hér eftir annast gröft
fyrir hita- og vatnslagnir fyrir veit-
una. Valur Harðarson hefurstarf-
að sjálfstætt við ýmiskonar pípu-
lagnir um skeið. Hann tekur við
hinu nýja embætti innan tíðar.
AG.
Kúttmaga-
kvöld
Hið árlega kúttmagakvöld Lions-
klúbbsins Hugins verður Italdið
n.k. föstudagskvöld, þann 2. apríl
að Hótel KEA og hel'st kl. 19.30.
Að venju vcrða fram bornir
sjávarréttir í miklu úrvali og
sumir sjaldgæfir. Ræðumaöur
verður Steindór Steindórsson fv.
skólamcistari frá Hlöðum.
Ýmislegt verður til skemmtun-
ar m.a. hið rómaða bögglaupp-
boð.
Allir karlmenn eru velkomnir.
Miðasala er við innganginn.
Nýstárleg kvikmynd

Fyndið fólk á Akureyrí
— mynd tekin með „falinni“ myndavél
ít
Hver man ekki eftir kvikmynd-
inni „Funny PeopIe“, sem sýnd
var í Borgarbíói ekki alls fyrir
löngu. Myndin var byggð upp
af mörgum stuttum atriðum,
sem tekin voru með falinni
myndavél. Akureyringar hafa
nú eignast sína eigin mynd um
„Fyndið fólk“, tekna af fólki
við ýmsar aðstæður án þess að
það vissi af því.
Mynd þessa hefur Steindór G.
Steindórsson vélsmiður gert, en
hann er sem kunnugt er kvik-
myndatökumaður sjónvarpsins á
Akureyri. Þar sem hljóðupptöku
varð við komið sá Sigurður Hlöð-
versson um þá hlið málsins.
„Það er oft þannig, þegar unnið
er við sjónvarpsupptökur, að ekki
er allt notað af því sem sent er
suður á fréttastofu. Oftast er um
að ræða tökur fyrir og eftir sjálfa
atburðina sem mynda á, eins og
t.d. áður en menn setja sig í ræðu-
stellingarnar. Ég get nefnt t.d.
mjög fyndinn atburð þegar verið
var að hleypa skipi af stokkunum í
Slippstöðinni. Einnig þegar verið
var að taka skóflustungu að nýja
verkmenntaskólanum. Það sem
fram fer bak við tjöldin er oft
bráðsniðugt og ég á nokkur svo-
leiðis „skot“ úr Leikhúsinu. Oft-
ast hefur fólk ekki hugmund um
að verið er að mynda og þær
myndir eru lang skemmtilegastar.
Ég get einnig nefnt myndir sem
teknar voru í fyrrasumar við
Sundlaugina og í Kjarnaskógi og
Sjónvarpinu fannst ekki viðeig-
andi að sýna, myndir af fólki í
miðbænum og fleira. Einnig er ég
með sniðugar myndir af móttöku
Vigdísar forseta í grenjandi rign-
ingu uppi í Lystigarði. Þar koma
blaðamenn svolítið við sögu.
Þá má líka geta bráðsmellinna
mynda af lyftingamönnum fyrir
keppni og tilfæringunum sem þar
eru viðhafðar og aldrei eru sýndar
í sjónvarpinu. Eg á líka myndir af
gömlum íþróttakappleikjum, sem
ég ætla að láta fljóta með, m.a. af
mörgum hasarnum milli leik-
manna í leikhléum, sem almenn-
ingur sér sjaldnast.
Þeir á Sjónvarpinu hafa verið
liðlegir við að senda mér þessa
búta, þegar þeir hafa ekki notað
þá, og nú er ég kominn með efni
upp á eina tvo tíma, sem ég hef
verið að hamast við að klippa
niður og stytta. Ég ætla að hafa
eins konar frumsýningu eða öllu
heldur „generalprufu“ á þessu í
félagsmiðstöðinni í Lundarskóla í
kvöld klukkan níu, svona mest til
að kanna hvernig undirtektir
■þetta fær. Ef vel tekst til, verður
væntanlega settur á þetta skýring-
artexti, þar sem hljóðupptökur
vantar. Ég útskýri það sem þarf
sjálfur í kvöld, en flest skýrir sig
sjálft,“ sagði Steindór að lokum.
Eins og áður sagði verður
myndin sýnd í félagsmiðstöðinni í
Lundarskóla kl. 21 í kvöld og er
öllum heimill aðgangur, en
Steindór Steindórsson hefur haft
umsjón með þeirri starfrækslu,
sem þar fer fram.
Steindór Steindórsson og Sigurður Hlöðversson vinna að klippingu myndarinnar, sem tekin var með „falinni“ mynda-
vél og sýnir marga kostulega hluti. Myndin verður sýnd almenningi í Félagsmiðstöðinni í Lundarskóla kl. 21 í kvöld.
Mynd H.Sv.
Sveit Stefáns
kom á óvarl
Einn af fjórum riðlum í undan-
úrslitum íslandsmótsins í sveit-
arkeppni í bridge var haldinn á
Akureyri um helgina, og mættu
þar 6 sveitir til leiks, tvær frá
Akureyri, ein úr Hafnarfírði og
þrjár úr Reykjavík.
Óhætt er að segja að úrslitin í
keppninni hafi komið nokkuð á
óvart, en sveit Stefáns Ragnars-
sonar frá Akureyri gerði sér lítið
fyrir og sigraði, og tryggði sér þar
með rétt til þess að leika í úrslita-
keppninni sem fram fer í Reykja-
vík um páskana, en þar spila 8
sveitir um Islandsmeistaratitilinn.
í sveit Stefáns eru auk hans þeir
Pétur Guðjónsson, Þórarinn B.
Jónsson, Páll Jónsson og Þormóð-
ur Einarsson. Þessir spilarar
héldu svo sannarlega vel á spilun-
um um heígina., og þeir skutu
m.a. afturfyrir sig sveit Þórarins
Sigþórssonar sem hefur verið í
fremstu röð hérlendis ög oft í bar-
áttu um íslandsmeistaratitilinn.
Keppnin um efstu sætin var
geysihörð, en tvær sveitir komust
áfram í úrslitakeppnina. Þegar
upp var staðið hafði sveit Stefáns
Ragnarssonar 63 stig, Þórarinn
Sigþórsson 56, Sigurður B. Þor-
steinsson 55 stig, Aðalsteinn Jörg-
ensen 55, Sigfús Örn 41 og sveit
Jóns Stefánssonar rak lestina með
23 stig.
I
Flytur Stefnir
Glerárhverfi?
Eigendur bifreiðastöðvarinnar
Stefnis velta því nú fyrir sér
hvort þeir geti fjármagnað
kaup á nýlegu húsi á Oseyri.
Að sögn Stefáns Arnasonar
framkvæmdastjóra Stefnis, er
iíklegt að af kaupunum verði,
en þeir Stefnismenn hafa frest
til 15. apríl nk. til að kaupa
húsið, sem er nr. 1 við Óseyri.
Húsinu er skipt í tvo hluta. í
þeim syðri er fyrirtækið Ako-
pokinn.
Stefán Árnason sagði að hús-
næðið væri tvær hæðir, samtals
1000 fermetrar að stærð. „Þetta
húsnæði hentar okkur ágætlega,"
sagði Stefán, „en svo gæti farið að
við myndum leigja út hluta af
því."
Ef af kaupunum verður má bú-
ast við að Bifreiðastöðin Stefnir
flyti úr Glerárgötunni út í Glerár-
hverfi næsta haust. Alls eru nú 38
til 42 vörubílar á Stefni og sjö
vöruflutningabílar, sem aka milli
Akureyrar og Reykjavíkur. Stef-
án sagði að samkeppnin við Ríkis-
skip hefði haft þau áhrif að flutn-
ingar milli umræddra staða hefðu
dregist saman. „Það virðist ekki
skipta það félag nokkru máli
hvort útgerðin er gerð upp með
bullandi tapi eða hvort hún stend-
ur undir sér,“ sagði Stefán.
la
0 Enn um Jökul
í forsíðufrétt sl. þriðjudag féll
niður hluti úr málsgrein, en
þar kom fram að meirihluti
hreppsnefndar Raufarhafnar-
hrepps er skipaður mönnum
úr Framsóknarflokknum . og
Alþýðubandalaginu. Þeir eru
hins vegar í minnihluta í
stjórn Jökuls hf.
0 Mötuneyti
Stutt klausa í S&S í síðasta
blaði virðist hafa farið fyrir
brjóstið á ýmsum sómakær-
um bæjarbúum. í þessari
klausu var fjallað um verð á
kjötmáltíð í opinberu mötu-
neyti og kom fram hún kost-
aði 14 krónur. Þessi mötu-
neyti eru þarfaþing og matur
oft afbragðsgóður. Kunningi
S&S nefndi því til sönnunar
að eitt sinn var hann staddur
um hádegisbil í húsi einu hér i
bæ. Húsbóndinn var heima,
en fór fljótt upp úr tólf. Eftir 20
mínútur kom hann heim á ný
og sagði kunningja S&S að
hann hefði farið að eta í mötu-
neyti síns fyrirtækis, það væri
mun ódýrara en að borða
heima. Til að fyrirbyggja mis-
skilning skal það tekið fram
að húsbóndinn hefði getað
fengið góða máltíð í sínum
eigin húsum.
mm
0 í skemmtiferð
til Nýju-
Jórvíkur
Um næstu helgi mun starfs-
fólk bæjarfógetaembættisins
halda sem leið liggur til New
York. Samkvæmt upplýsing-
um S&S mun fargjaldið ekki
fara illa með pyngjur starfs-
mannanna, því meirihluti
þess er greiddur með „votta-
gjöldunum“ svokölluðu.
Sami heimildarmaður gat
þess að framtíðin væri ekki
björt í þessum efnum. Bankar
eru nær hættir að afsegja
víxla og þar með missa starfs-
menn fógeta spón úr aski
sínum, en hver veit nema svo
mikið verði í sjóðnum á næsta
ári, að það næti fyrir skemmti-
ferð til Hríseyjar.
0 Ferða-
getraunin
Gleymið ekki að koma í póst
svörum í ferðagetraun Dags
og Samvinnuferða - Land-
sýnar. Heimilisfang Dags er
Strandgata 31, Pósthólf 58,
602 Akureyri. Bæjarbúum er
bent á að við útidyr Dags er
bréfrifa og þar geta þeir sett
svör sin á kvöldin og um
helgar, en komið þeim annars
á afgreiðslu Dags, sem er
opin á venjulegum skrifstofu-
tíma.