Dagur - 15.04.1982, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
RITSTJÓRNARSlMAR: 24166 OG 24167
SlMI AUGLÝSINGADEILDAR OG AFGREIÐSLU: 24222
RITSTJÓRI OG ÁBYRGÐARM.: HERMANN SVEINBJÖRNSSON
BLAÐAMENN: ÁSKELL ÞÓRISSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT H.F.
Bensínverð og vegagerð
Nú er að koma sá árstími þegar hvað augljós-
ast sést hversu vanþróað vegakerfið er hér á
landi. Frost fer að fara úr jörðu og þá myndast
forarpyttir á vegunum, stórhættulegir öllum
sem um þá fara. Forin er svo viðvarandi fram á
mitt sumar, þrátt fyrir að ekið sé í pyttina gróf-
um malarjarðvegi. Mölin er það eina sem dug-
ar í svaðið, en hún er ekki síður varasöm veg-
farendum og farartækjum þeirra. Þegar svo
loksins er búið að hefla þetta sæmilega niður,
rjúka vegirnir, með öllum sínum fína ofaní-
burði, burt í rykmekki.
Þetta er ófögur lýsing, en á því miður við
stærstan hluta þjóðvegakerfis okkar. Mikið
hefur áunnist í varanlegri vegagerð á síðustu
árum og aldrei eins mikið verið framkvæmt, en
betur má ef duga skal. Framsóknarmenn hafa
því lagt til að tekjur hins opinbera af bensín-
sölu renni óskiptar til uppbyggingar vega og
lagningar bundins slitlags. Þetta kom m.a.
fram í einni af ályktunum aðalfundar mið-
stjórnar Framsóknarflokksins, sem haldinn
var nýlega. Þar sagði einnig, að mikið átak hafi
verið gert í samgöngumálum og að nauðsyn-
legt sé að fylgja þeim áætlunum eftir í hví-
vetna, sem gerðar hafa verið. Þetta hefur lengi
verið eitt aðal baráttumál forsvarsmanna Fé-
lags íslenskra bifreiðaeigenda og vonandi er,
að skilningur á mikilvægi góðra og öruggra
samgangna fari að aukast, svo koma megi
vegakerfinu í viðunandi horf.
Bensínverð er hátt hér á landi, en menn sjá
ekki eftir þeim peningum sem þeir greiða fyrir
bensínið, ef tryggt er að þeir fari í að lagfæra
þjóðvegakerfið út um landið. Góðar samgöng-
ur á landi eru eitt brýnasta hagsmunamál
landsbyggðarinnar og þar með þjóðarinnar
allrar.
Heildarstefna í
menningarmálum
Á aðalfundi miðstjórnar Framsóknarflokksins
var ályktað um menningarmál og í þeirri álykt-
un kom m.a. fram, að miðstjórn leggur áherslu
á að mótuð verði heildarstefna í menningar-
málum, þar sem verkefnum og viðfangsefnum
verði raðað í forgangsröð. Við mótun slíkrar
stefnu verði haft í huga hvernig skipta skuli
verkefnum milli ríkis, sveitarfélaga, félags-
samtaka og einstaklinga.
„Störf að menningarmálum eru mikilvægur
þáttur á atvinnulífi landsmanna, jafnframt því
sem þau auðga og bæta þjóðlíf allt. Styðja ber
starfsemi áhugafólks á þessum sviði,“ segir
m.a. á ályktuninni. Þá segir enn fremur:
Aðalfundurinn telur að við endurskoðun út-
varpslaganna sé óhjákvæmilegt, úr því sem
komið er, að einkaréttur Ríkisútvarpsins verði
takmarkaður að einhverju leyti. Valda því
einkum ný viðhorf og ný tækni til fjölmiðlunar
á sviði útvarps og sjónvarps. Fundurinn telur
brýnt að Ríkisútvarpið verði eflt og þvi gert
fært að sinna betur en nú er, margþættu upp-
lýsinga- og afþreyingarstarfi. “
Starfsfólk Fræðslustjóra Norðurlandsumdæmis eystra.
Fræðsluskrifstofan
í nýtt húsnæði
„Það er flestra manna mat að
það hafí verið framfaraspor
þegar fræðsluskrifstofurnar
voru stofnaðar út um land, og
það er mikils um vert að þær
fái að þróast og eflast, að þar
sé sköpuð aðstaða til sjálf-
stæðrar starfsemi og að það sé
ávallt góð samvinna milli
heimaaðila og stjórnar
mennta- og menningarmála,“
sagði Sigurður Óli Brynjólfs-
son, formaður fræðsluráðs í
hófí sem haldið var í tilefni
þess að Fræðsluskrifstofa
Norðurlandsumdæmis eystra
hefur nú flutt í ný húsakynni.
Samið var við Rafnaust h.f.
um leigu á tæplega 500 fm
húsnæði að Furuvöllum 13, á
Akureyri. Leigusamningur-
inn er til 10 ára. í húsnæði
þessu var áður byggingavöru-
verslun Skapta h.f. Nú hefur
húsnæðið verið innréttað sem
skrifstofuhúsnæði, og eftir
þörfum Fræðsluskrifstofunn-
ar.
„Sá þáttur sem nú þyrfti einna
helst að efla er kennslufræðilegt
leiðbeiningarstarf, sem m.a.
gæti verið í formi námskeiða til
kynningar á nýjungum í
kennaranámi og stofnun náms-
gagnamiðstöðvar, þarsem ávallt
væri úrval bóka og kennslu-
gagna. Með þessu húsnæði þá
vonumst við til að hægt verði að
veita skólunum í Norðurlandi
eystra aukna og bætta þjón-
ustu,“ sagði Sigurður.
Ingólfur Ármannsson,
fræðslustjóri sagði um starfið
framundan, að í fyrsta lagi yrði
að tryggja að sú þjónusta sem nú
þegar er fyrir hendi, nýtist sem
best fyrir skólastarfið í umdæm-
inu. I öðru iagi sagði fræðslu-
stjóri, eru í mótun ýmsir þjón-
ustuþættir fyrir svæðisstjórn í
málefnum þroskaheftra og í
þriðja lagi, að húnæði sem enn
er ófrágengið í vesturhluta
hússins, verði námsgagnaþjón-
usta fyrir umdæmið. „Við höf-
um verið svo lánssöm að fá hing-
að til starfa fólk með fjölþætta
menntun og margvíslega starfs-
reynslu, og ekki skiptir minna
máli að hópurinn er áhugasamur
og samstilltur um að skila mark-
vissu og árangursríku starfi. Það
er því von mín að takast megi að
halda þessu ágæta starfsfólki,
þannig að Fræðsluskrifstofan
verði í raun sá virki þjónustuað-
ili, sem henni var ætlað. Til þess
er örugglega mikilvægt að hafa
jafn ágæta starfsaðstöðu og við
erum búnir að fá hér,“ sagði Ing-
ólfur Ármannsson.
Það kemur fram í fréttatil-
kynningu að í nýja húsnæðinu sé
rúmgóð aðstaða fyrir starfsemi
Fræðsluskrifstofunnar, sem
skipta má í eftirtalda megin-
þætti: 1. Almenna skrifstofu
sem annast afgreiðslu á ýmsum
rekstrarþáttum grunnskóla á
svæðinu, í umboði menntamála-
ráðuneytisins. 2. Ráðgjafa- og
sálfræðiþjónustu fyrir grunn-
skólana. Þar starfa sálfræðingar,
félagsráðgjafi, sérkennarar og
talkennari. 3. Þjónustu fyrir
þroskahefta á svæðinu, sem
sinnt er af sérfræðingum ráð-
gjafar- og sálfræðiþjónustunnar
og starfsemi Gullasafnsins, sem
að mestu leyti sinnir þroskaheft-
um.
Á Fræðsluskrifstofunni starfa
nú 10 manns og að auki tveir
sérkennarar með aðsetri á Húsa-
vík og í Hafralækjarskóla.
Þess skal getið að í hófinu
tóku einnig til máls þeir Bjarni
Kristjánsson, forstöðumaður
Sólborgar, og Áskell Örn Kára-
son, sálfræðingur.
Fræðsluráð Norðurlandsumdæmis eystra.
Myndir: áþ
'A -i DAG U R - ,1;5>. aprij,) 9ft2