Dagur - 13.02.1984, Blaðsíða 2

2 - DAGUR -13. febrúar 1984
Hvað er skemmti-
legast að gera?
(Spurt á Besta bæ
á Húsavík)
Sirrý Kata, 4 ára:
Róla og vega salt.
Þórunn Hilda, 5 ára:
Vcit ekki. Kannski aö pússla.
Jóna Björk, 5 ára:
Að vera heima og sofa.
Eyrún Ýr, 5 ára:
Sofa og leika mér þegar ég er
ekki sofandi.
Kristján, 5 ára:
Leika mér inni.
I).
99*M a fOIÍ BKKI ð vera
me ð neinn
væ iugang“
— segir Gústaf Baldvinsson sem
þjálfar 1. deildar lið KA í sumar
„Það er alveg óhjá-
kvæmilegt að það verði
einhver breyting með
nýjum þjálfara. Eg hygg
að KA-Iiðið verði grimm-
ara lið en verið hefur,
meira baráttulið sem
mun spila stíft upp á
sigur í hverjum leik,“
segir Gústaf Baldvins-
son. Gústaf sem kemur
frá Vestmannaeyjum
hefur verið ráðinn þjálf-
ari KA í sumar og hann
hóf æfingar með liðinu
fyrir helgina.
Gústaf á glæsilegan feril að
baki þótt ungur sé að árum.
Hann var í sigursælum liðum í
yngri flokkum í Eyjum, liðum
sem urðu íslandsmeistarar í 5., 3.
og 2. flokki, hann hefur orðið
bikarmeistari í 2. flokki og með
meistaraflokki ÍBV hefur hann
unnið alla helstu titla íslenskrar
knattspyrnu, en hann lék með
ÍBV frá 1976 og þar til hann hélt
upp á land í fyrra.
Og hann fór ungur að fást við
þjálfun. - „Ég held ég hafi ekki
verið nema 14 ára þegar ég fór að
þjálfa yngstu strákana heima í
Eyjum og í þrjú sumur gerði ég
ekkert annað en þjálfa Tý, en ég
hef alltaf verið Týrari.“
Sl. sumar kom svo frumraunin
sem þjálfari meistaraflokks en
þá stýrði hann liði Einherja frá
Vopnafirði í 2. deild sem leik-
maður og þjálfari. Og óhætt mun
að segja að Einherjarnir hafi
komið mjög á óvart undir hans
stjórn.
„Ég held að árangur Einherja
hafi verið betri en menn áttu von
á, að minnsta kosti voru allir
mjög ánægðir á Vopnafirði með
frammistöðuna. Það var að vísu
ekki mjög stór hópur sem æfði og
ekki mikil breidd í liðinu en
.strákarnir lögðu sig alla fram og
trúðu á allt sem fyrir þá var lagt.“
- Ég hef heyrt haft eftir þér að
þér hafi fundist kæruleysi ein-
kenna KA-liðið undanfarin ár, er
þetta rétt?
„Þetta er alveg rétt eftir haft,
mér hefur fundist þetta í öll þau
ár sem ég hef leikið gegn KA. Ég
held að í KA-liðinu hafi ekki ver-
ið ábyrgðarfullir leikmenn og
þeir hafa t.d. alltaf „dekkað“
mjög illa upp. Ég get nefnt dæmi
Þegar Einherji spilaði gegn KA i
fyrra var KA 2:0 yfir eftir 2 mín-
útur. í hálfleik sáum við að
eitthvað varð að gera og ég
breytti „taktikinni“ þannig að ég
setti einn varnarmanninn inn á
miðjuna.
Hann fékk að valsa um allan
síðari hálfleikinn án þess að vera
valdaður. Við jöfnuðum 2:2 og
hann átti síðustu sendingu í báð-
um mörkunum. Þeir höfðu engar
áhyggjur af þessum manni. Ég er
búinn að spila flestar stöður á
móti KA og hef alltaf þótt það
frekar þægilegt. Þeir hafa hvorki
verið grimmir í „tæklingum" eða
dekkað stíft upp. Ég held að
margir andstæðingar KA geti
verið sammála þessu.“
- Nú verða miklar breytingar
Gústaf Baldvinsson.
hjá KA, leikreyndir menn fara og
nýir koma í staðinn. Verður
þetta ekki erfitt?
„Það eru fimm leikmenn farnir
frá KA og af þeim eru fjórir sem
hafa verið fastir „póstar" í liðinu.
En það koma leikmenn í staðinn.
Njáll Eiðsson er mjög sterkur
leikmaður. Hafþór Kolbeinsson
spilaði vel í 2. deildinni er hlýtur
að vera spurningarmerki í 1.
deild. Bjarni Jóhannesson kemur
frá ÍBV og Birkir markvörður
sem lék með Einherja í fyrra. Þá
ætla ég að spila með liðinu þótt
ég líti fyrst og fremst á mig sem
þjálfara.
Ég held að ef við lítum á þetta,
þá séu skiptin KA í óhag, þeir
nýju fylli ekki skörðin sem hinir
skilja eftir sig, því miður. Það
hefði verið auðveídara fyrir mig
sem þjálfara að koma að hópi þar
sem enginn væri nýr og allt í
föstum skorðum. Það eru margir
endar lausir, en við þessu er ekk-
ert að gera. En auðvitað hjálpar
að leikmenn og stjórn deildarinn-
ar gera sér grein fyrir þessu. Við
þurfum að spila mikið fyrir ís-
landsmótið til að fá samæfingu
því lið sem kernur úr 2. deild þarf
að fá styrk, en KA missir fimm
menn þegar 1. deildin bíður og
það menn sem hafa reynslu í 1.
deild.“
- Snúum okkur aðeins frá
knattspyrnunni. Unnusta þín,
Anna Gunnlaugsdóttir sem er flutt
hingað norður með þér er þekkt
skíðagöngukona, ekki rétt?
„Já, hún varð íslandsmeistari í
skíðagöngu tvö ár í röð og hún
kann því vel að flytja hingað
enda á hún skyldfólk hér. En ég
held að hún ætli sér ekkert að
keppa á skíðum í vetur.
- Og að lokum, hvernig leggst
svo sumarið í þig hvaö varðar
KA og 1. deildina?
„Eigum við ekki að segja að
það leggist þokkalega í mig, það
þýðir ekki að vera með neinn
vælugang. Það hafa orðið miklar
breytingar hjá öllum liðum nema
KR og Skagamönnum svo það
getur ýmislegt gerst.“ gk-.
Leggjum bónusinn niður
- og fáum atvinnu fyrir alla
að vinna. Mér finnst að vinnu- einn dag og halda fund út af komulagi á að allir fengju vinnu
veitendur ættu að koma saman þessu og reyna að koma því sam- sem vildu.
Merkið bílastæðið
Magnea skrifar:
Mikið er það slæmt að svona
margt fólk skuli vera atvinnulaust
hérna í bænum. Mér finnst ekki
réttlátt að sumir fái vinnu átta til
tíu tíma á dag en hinum sé neit-
að.
Væri ekki miklu réttara að
leyfa fólkinu að vinna? Annar
hópurinn gæti unnið fyrri partinn
og hinn hópurinn seinni partinn.
Svo er það þetta helvítis
bónuskerfi sem er að gera alla
þjóðina snarvitlausa með alltof
miklum hraða og ólátum. Ég
held að það væri nær að leggja
bónusinn niður og leyfa fólkinu
Ökumaður hafði samband við
blaðið:
Ég get ekki lengur orða bundist
yfir því hvernig menn leggja bíl-
um sínum á bílastæðinu norðan
biðskýlisins í miðbænum. í hvert
einasta sinn sem ég á leið þarna
um þá er aðeins ein röð bíla á
bílastæðinu. Allir eru úti við götu
og það er lagt í hugsanlegar inn-
og útkeyrslur. Innan við þessa
bílaröð er bílastæðið autt.
Ég ræddi við einn ökumann
sem lagði þarna í innkeyrslu á
dögunum og spurði hann hvort
honum fyndist þetta eðlilega
lagt. Hann svaraði því til að hinir
gætu bara lagt á einhverjum
öðrum stað.
Nú er þetta ekki bara sök öku-
mannanna. Kannski eru margir
hræddir um að lokast inni á stæð-
inu ef þeir leggja eins og menn og
eina leiðin sem ég sé til úrbóta er
sú að umferðarnefnd beiti sér fyr-
ir því að stæðið verði merkt
skikkanlega og lögreglan sjái um
að fjarlægja þá bíla sem þá leggja
ólöglega.