Dagur - 06.05.1986, Side 2
2-DAGUR-6. maí 1986
viðtal dagsins.
DAÖUI
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, GESTUR KRISTINSSON (Blönduósi),
INGIBJÖRG MAGNÚSDÓTTIR (Húsavik), YNGVI KJARTANSSON,
KRISTJÁN G. ARNGRlMSSON, KRISTJÁN KRISTJÁNSSON,
MARGRÉT Þ. ÞÓRSDÓTTIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari.________________________
Styrk staða
Landsvirkjunar
Rekstrarhagnaður Landsvirkjunar í fyrra nam
rúmlega 253 milljónum króna og er þetta ann-
að árið í röð sem hagnaður verður af rekstri
fyrirtækisins. í tuttugu ára sögu fyrirtækisins
hafa skipst á skin og skúrir. Fyrirtækið hefur
ráðist í gífurlegar orkuframkvæmdir á síðustu
árum og þannig skapað óteljandi atvinnu-
tækifæri og gert það að verkum að íslending-
ar geta að verulegu leyti treyst á innlenda
orkuframleiðslu. En til að standa undir þess-
um miklu framkvæmdum hefur þurft að taka
mörg erlend lán og sum þeirra hafa reynst
dýr vegna óhagstæðrar gengisþróunar og
fleiri þátta. Landsvirkjun hefur gengið í gegn
um mörg erfiðleikatímabil og hámarkinu var
vonandi náð árið 1982 en þá nam rekstrar-
hallinn 28% af rekstrartekjum. Fyrirtækinu
hefur tekist að vinna sig fram úr erfiðleikun-
um og eins og málum er komið er ljóst að
staðan er mjög styrk. Skuldir fyrirtækisins
fara minnkandi og ef ekki verður lagt í nýjar
fjárfestingar er útlit fyrir að Landsvirkjun geti
greitt skuldir sínar fyrir aldamót, jafnframt
því sem haldið verður áfram að lækka raf-
magnstaxtana.
Rekstrarafkoma síðustu ára sýnir að hér er
um mjög traust fyrirtæki að ræða. Landsvirkj-
un er í eigu þriggja aðila, ríkisins, Reykjavík-
urborgar og Akureyrar. Eignariðild þessara
aðila felur í sér viðurkenningu á forystuhlut-
verki þeirra í rafmagnsmálum landsmanna.
Með þátttöku sinni hefur Akureyri tryggt að
Landsvirkjun standi undir nafni sem raun-
verulegt landsfyrirtæki en sé ekki einungis í
eigu ríkisins og aðila á suðvesturhorninu. Um
leið hefur það verið tryggt að heildsöluverð
raforku frá Landsvirkjun verði það sama á öll-
um afhendingarstöðum hringinn í kring um
landið.
Með hliðsjón af þessari hagstæðu aflíomu
var ákveðið að greiða eigendum Lands-
virkjunar arð sem nemur um 6% af framreikn-
uðum eignarfjárframlögum þeirra. Þetta er í
fyrsta sinn sem afkoma Landsvirkjunar er
það góð að mögulegt hefur reynst að greiða
hluthöfum arð. Arðgreiðslur til Akureyrarbæj-
ar námu 2,5 milljónum króna á þessu ári. En
jafnhliða þessari góðu afkomu hefur Lands-
virkjun lækkað rafmagnstaxtana verulega frá
því þegar þeir voru hæstir í ágúst 1983. Þessi
lækkun nemur 20-30% á föstu verðlagi og
útlit er fyrir að hægt verði að lækka gjald-
skrána enn frekar, öllum landsmönnum til
hagsbóta. BB.
„Eg hef
alltaf haft
áhuga á
flölmiölum"
- segir Þórhallur Ásmundsson blaðamaður Dags á Sauðárkróki
Dagur færir stöðugt út kvíarn-
ar. Nú hefur verið gengið frá
ráðningu blaðamanna Dags á
Blönduósi og á Sauðárkróki og
blaðamaður hefur verið starf-
andi á Húsavík í vetur. Við
höfum þegar kynnt blaðamenn
Dags á Húsavík og á Blöndu-
ósi og þá er komið að Þórhalli
Ásmundssyni blaðamanni á
Sauðárkróki. Þórhallur mun
byrja í fullu starfi í næsta mán-
uði.
Þórhallur er úr Fljótunum,
„fæddur og uppalinn á Austara-
■hóli í Flókadal, einn af átta'
systkinum.
,.Það fór snemma að bera á
fjölmiðlaáhuganum hjá mér og
fjölmiðlar urðu snemma virkur
þáttur í lífi mínu. Ég var bara
smápolli þegar ég hóf að skrifa
blað heima í sveitinni. Tíminn
var auðvitað keyptur víða og ég
hafði heyrt getið um stórblaðið
New York Times, þannig að ég
kallaði blaðið mitt Nútímann. Ég
fór heldur leynt með Nútímann
minn. Systkinum mínum fannst
þetta ósköp hallærislegt og létu
mig óspart heyra það, þannig að
ég brenndi blaðið mitt jafnóðum
og það var tilbúið.“
- Fæddur og uppalinn í sveit,
þú hefur ekki stefnt að því að
gerast bóndi?
„Nei, ég hafði aldrei áhuga á
að gerast bóndi. Flef alla tíð haft
ákaflega lítinn áhuga fyrir
búskap og það kom aldrei til
greina að verða bóndi.“
- Skólaganga?
„Ég fór í gegnum barna- og
gagnfræðaskóla án þess að vera
of mikið að stressa mig á að lesa
heima. Nú, ég fór í landspróf og
ætlaði að hafa sama háttinn á, en
það gekk ekki upp. Þannig að ég
fór í fjórða bekk og lauk gagn-
fræðaprófi. Ætlaði í framhalds-
deild, en það fórst einhvern veg-
inn fyrir.“
Á árunum 1972-73 dvaldi Þór-
hallur á Húsavík. „Ég vildi fara
að setja mig niður einhvers
staðar, en mér bara leiddist alltaf
á Húsavík. Þannig að ég flutti til
Sauðárkróks. Nær mínum heima-
högum.“
Á Húsavík hóf Þórhallur að
læra húsasmíði og hefur hann frá
því námi lauk unnið við það. Þór-
hallur er maður kvæntur og á
hann tvö börn, tíu ára strák og
sex ára stelpu.
- Áhugamál?
„Ég hef alltaf haft geysimikinn
áhuga á íþróttum, sérstaklega
fótbolta. Fótboltinn var áhuga-
mál númer eitt og um hann snér-
ist allt líf manns á tímabili. Auð-
vitað dreymdi mig um að verða
snillingur, rétt eins og Þórólfur
Beck og þessir kallar. Mér leidd-
ust yfirleitt sveitaverk, en þau
varð að vinna og ég reyndi að
gera þau skemmtilegri með því
Þórhallur Ásmundsson.
að tengja þau fótboltanum. Eitt-
hvert leiðinlegasta verk sem ég
gat hugsað mér, var að bera vatn
í kýrnar. Ég tók á það ráð, að
skíra allar kýrnar eftir fótbolta-
.liðum, hélt sjálfur með KR á þess-
um tíma og sú kýrin sem dugleg-
ust var að fá sér vatn hét auðvitað
KR. Ég lét kýrnar berjast dálítið
um vatnið, til að gera þetta meira
spennandi."
- Ertu ennþá að spila fót-
bolta?
„Já, maður er eitthvað að
reyna að sparka ennþá. Ég spila
með Tindastóli hér á Sauðár-
króki, en liðið er í þriðju deild-
inni.“
- Fer ekki mikill tími í fótbolt-
ann?
„Jú, mjög mikill. Og ég er allt-
af að hugleiða að hætta. Ætlaði
að hætta síðasta sumar, en það er
eitthvað við þetta. Eftir því sem
maður eldist dregur úr áhugan-
um. Þetta er bara orðið tíma-
spursmál.“
- Hvað kom til, Þórhallur, að
þú ákvaðst að leggja hamar og
nagla á hilluna og taka upp
pennann?
„Ætli það sé ekki ár síðan ég
fór að hugsa um það alvarlega,
að ég væri ekki nógu ánægður í
mínu starfi. Nú, ég hef í rauninni
alltaf haft áhuga á fjölmiðlum og
langað til að starfa á því sviði. En
datt varla í hug að ég ætti mögu-
leika á'að komast að. Að minnsta
kosti ekki á hinum harða mark-
aði sem ríkir fyrir sunnan.
En ég fór að skrifa um íþróttir
í Feyki. Mest almenna pistla í
léttum dúr. Og þeir fengu mjög
góðar viðtökur, menn viku sér að
mér á götu og sögðust hafa gam-
an af. Þannig að þetta varð mér
mikil hvatning. Nú, síðan gerist
það að ég sæki um á Degi síðast-
liðið haust og fór að skrifa dálítið
í vetur.“
- Og hvernig finnst þér?
»Ég er mjög hamingjusamur
með þetta starf. Ég hef ekki orð-
ið var við annað en jákvæð við-
brögð hjá lesendum hér um
slóðir. En við verðum að stefna
að því að fjölga áskrifendum á
svæðinu og þá skiptir miklu máli
að flytja fréttir héðan. Það er
bara um að gera að standa sig.
Það er af nógu að taka, má
segja að hér sé óplægður akur,
þannig að ég kvíði ekki verkefna-
leysinu."
- Samkeppni við Feyki. . .
„Ég reikna nú ekki með að
verða í beinni samkeppni við
Feyki. En það er hins vegar
staðreynd með blaðamenn að
þeir vilja alltaf vera fyrstir með
fréttirnar. Og líka að koma með
eitthvað nýtt. En eins og ég segi,
um beina samkeppni verður lík-
lega ekki að ræða. Ég vildi frekar
kalla það aðhald. Hér er góður
andi og ég hef ekki trú á öðru en
að okkur semji vel,“ sagði Þór-
hallur Ásmundsson blaðamaður
Dags á Sauðárkróki.