Dagur - 26.02.1987, Blaðsíða 13

26^éöf‘úéf'tÖ»7--D
Ályktun SUF um
fjölskyldumál
Samband ungra framsóknar-
manna telur að efla þurfi stöðu
fjölskyldunnar í þjóðlífinu.
Mikilvægt er að stuðla að því að
fjölskyldan geti átt fleiri og lengri
samverustundir en nú er.
Þýðingarmikið í þessu skyni er að
stytta vinnutíma foreldra. Þess
vegna þarf á næstu árum að
leggja höfuðáherslu á aukna
framleiðni í öllum atvinnu-
greinum landsmanna. Það er
forsendan fyrir hærri launum og
meiri kaupmætti sem gerir auka-
vinnu óþarfa til að framfleyta
fjölskyldunni. Einnig þarf að
skipuleggja vinnutíma þannig að
fjölskyldan geti verið meira
saman.
SUF telur að eitt af því sem
skipti hvað mestu máli fyrir
örugga afkomu fjölskyldunnar er
tryggt húsnæði á viðunandi
kjörum. Á því kjörtímabili sem
er senn á enda hefur verið stigið
mjög stórt skref í þá átt að gera
fjölskyldum kleift að komast yfir
eigið húsnæði á viðráðanlegum
kjörum.
SUF telur að gera þurfi betur
og auka valkostina innan kerfis-
ins, t.d. að auka framboð leigu-
húsnæðis og íbúða á félagslegum
grundvelli. Koma þarf á
húsaleigustyrkjum til að jafna
húsnæðiskostnað og minnka
útgjöld fjölskyldunnar. Tekið
verði tillit til mismunandi fjöl-
skyldugerða við hönnun hús-
næðis. Skapa þarf skilyrði fyrir
gott uppeldi barna og unglinga og
félagslegt öryggi fjölskyldna með
börn. Byggja þarf upp útivistar-
svæði þar sem tekið er tillit til
þarfa allra aldurshópa.
Tryggt verði öryggi og vellíðan
barna meðan foreldrar vinna úti
með byggingu og rekstri dag-
vistunarheimila fyrir öll börn sem
verði foreldrum til aðstoðar og
eðlileg viðbót við uppeldi á hei-
milum. Komið verði á fjölskyldu-
launum til foreldra sem eiga börn
á dagheimilaaldri. Á þann hátt
verði foreldrum veittir valkostir
um á hvaða hátt þeir kjósa að
hafa á gæslu barna. Fjölskyldu-
laun verði greidd beint til for-
Eiríkur Valsson, kosningastjóri B-listans í Reykjavík, fjallar um kosninga-
undirbúninginn í sínu kjördæmi.
íþrótta- og æskulýðsmál í
höndum frjálsra félaga
SUF telur að íþrótta- oog æsku-
lýðsstarf eigi að vera sem mest í
höndum frjálsra félaga og sam-
taka þeirra. Auka ber samvinnu
þeirra aðila sem að íþrótta-,
æskulýðs- og tómstundamálum
vinna.
Meiri félagsstarfsemi og
félagsmálafræðslu í skóla
- Aukum samnýtingu
skólahúsnæðis
SUF telur að brýnt sé að auka
félagsstarfsemi og félagsmála-
fræðslu í skólum. Leggja þarf
áhérslu á samnýtingu skólahús-
næðis og annarra opinberra bygg-
inga sem ætlaðar eru til tóm-
stundastarfa og tryggja þarf afnot
félagasamtaka og einstaklinga af
þessu húsnæði sem kostur er.
i
Iþróttir fyrir alla aldurshópa
og ekki síst aldraða
Byggja þarf upp íþróttastarf fyrir
fullorðna og sá hópur mun fara
stækkandi á næstu áratugum, og
hann má alls ekki gleymast við
skipulagningu íþrótta- og tóm-
stundastarfs.
íþrótta- og tómstundamál
fatlaðra
SUF leggur áherslu á áframhald-
andi uppbyggingu á starfsemi
fatlaðra í íþróttum og tómstund-
um. Áríðandi er samheldni og
hópvinna fatlaðra sem eru að
mörgu leyti afskiptari en gerist og
gengur í þjóðfélaginu. íþróttir og
tómstundir eru einmitt samein-
ingartákn þeirra eins og annarra
þegna.
Sveitarstjórnir sinni íþrótta-,
æskulýðs- og tómstundamálum
Hvetja þarf sveitarstjórnir til að
sinna íþrótta-, æskulýðs- og tóm-
stundamálum meir en nú er. Tal-
ið er að i því felist öflugasta tæk-
ið sem völ er á í báráttunni gegn
fíknefnavandanum. Rekstur
æskulýðsmiðstöðva er mikilvæg-
ur í þessum efnum, enda þjóna
þær m.a. þeim hópum unglinga
sem ekki taka þátt í starfi íþrótta-
félaganna.
Félögin reisi eigin mannvirki
- Eflum íþróttasjóð og
félagsheimilasjóð
- byggingarstyrki á
byggingartíma
SUF telur að sem flest íþrótta- og
æskulýðsfélög eigi að eiga kost á
uppbyggingu eigin mannvirkja. í
því skyni er brýnt að efla íþrótta-
sjóð ríkisins og að félagsheimila-
sjóður haldi sínum mörkuðu
tekjustofnum. Þessir sjóðir eru
undirstaða uppbyggingarstarfs
þeirra aðila sem vinna að íþrótta-
og tómstundamálum. Efling
þeirra er skilyrði þess að þetta
starf haldi áfram að eflast og
þróast í takt við auknar kröfur
nútímans. Æskilegt er að sjóðir
þessir veiti fjármagn til íþrótta-
mannvirkja og félagsheimila
strax á byggingartíma þeirra.
Jafnframt eru sveitarfélög hvött
til þess að styðja mannvirkjagerð
félaganna á sams konar hátt og
ríkið.
Endurskoðun íþróttalaga
- Fjármögnun íþrótta-
hreyfingarinnar
SUF telur að endurskoða þurfi
íþróttalög. í þeirri endurskoðun
þarf að marka stefnu í fjármögn-
un íþróttahreyfingarinnar, svo að
þeir sem stýra þessu starfi geti
einbeitt sér að öðrum viðfangs-
efnum en fjáröflun.
Stjórn SUF, sem kjörin var á Hrafnagili sl. haust. Efri röð f.v.: Þorsteinn Húnbogason, Yesturlandi, Sigurður
Jónsson, Austurlandi, Bragi V. Bergmann, Norðurlandi eystra, Gissur Pétursson, formaður, Reykjavík, Guð-
mundur Gylfi Guðmundsson, Reykjavík, Hjörtur Bergmann Jónsson, Suðurlandi, Lárus Finnbogason, Reykjavík
og Sveinn Bernódusson, Vestfjörðum. Fremri röð f.v.: Guðrún Sighvatsdóttir, Norðurlandi vestra, Þórunn
Guðmundardóttir, Reykjavík og Guðbjörg Sigurgeirsdóttir, Suðurlandi. Á myndina vantar Hall Magnússon,
Reykjavík og Þórð Ægi Óskarsson, Reykjanesi. Mynd bv.
Alyklun um skattamál
Miðstjórnarfundur SUF fagnar
þeim áfanga sem næst þegar
ríkisstjórn Steingríms Her-
mannssonar kemur á
staðgreiðslukerfi skatta hér á
iandi. Brýnt er að hér verði ekki
látið staðar numið. Vinna þarf
sleitulaust áfram að endurskoðun
skattkerfisins, sérstaklega þeim
þáttum er snúa að fyrirtækjum og
einstaklingum með atvinnu-
rekstur. Brýnt er að rýmka mjög
heimildir skattstjóra til að áætla
tekjur á sjáfstæða atvinnu-
rekendur sem skattar þeirra ráð-
ast af. Miðað verði við að endur-
skoðuninni ljúki fyrir árslok 1987
svo að á árinu 1988 gildi ný skatta-
löggjöf jafnt fyrir einstaklinga
sem og fyrirtæki. Notað verði ann-
að hærra skattþrep fyrir há-
tekjur.
Það skref sem ríkisstjórn
Steingríms Hermannssonar hefur
nú stigið er aðeins fyrsta skrefið í
heildarendurskoðun á tilhögun
beinna skatta og óbeinna, endur-
skoðun er miðar að því að upp-
ræta skattsvik. Skýrsla „skatt-
svikanefndar" verði höfð að
leiðarljósi í áframhaldandi starfi
við að bæta þau göt skattkerfisins
sem skattsvikurum eru ennþá
fær. Skattsvik verði meðhöndluð
í dómskerfinu með sama hætti og
hver önnur sakamál er lúta að
fjársvikum. Bæta verður kjör
þeirra sem við skatteftirlit starfa
svo fjölga rnegi starfsliði þar og
skattstofurnar fái betur þjónað
því hlutverki sem þeim ber við
rannsókn skattsvika.
Myndir & texti: Bragi V. Bergmann
Tveir fulltrúar frá Norðurlandi eystra í þungum þönkum, Þorsteinn Sigurðs-
son og Unnur Pétursdóttir.
eldra frá ríki og miðist við tekjur
og fjölskyldustærð.
Lög um fæðingarorlof verði
endurskoðuð þannig að þau
tryggi öllum foreldrum greiðslu
hjá Tryggingastofnun ríkisins án
tillits til atvinnuþátttöku. Jafn-
framt verði fæðingarorlof lengt.
Heimavinnandi maki fái fullar
tryggingabætur eins og aðrir
launþegar.
Skólatími verði samfelldur og
börn fái málsverð í skólum og
aðstöðu til heimanáms. Aukið
verði samstarf heimila og skóla.
Tryggt verði að fatlaðir
nemendur hafi jafna aðstöðu til
skólanáms og aðrir. Nauðsynlegt
er að starfsfólk í uppeldisstéttum
fái betri kjör einkum kennarar og
fóstrur, þannig að þau störf verði
eftirsóttari en áður. Stóraukin
verði fræðsla um skaðsemi
ávana- og fíkniefna í skólum,
heilsugæslustöðvum og fjöl-
miðlum. Efldur verði stuðningur
við tómstundastörf ungmenna
t.d. þær íþróttagreinar sem eru
vel til þess fallnar að stuðla að
samveru fjölskyldunnar.