Dagur - 10.03.1987, Síða 3

10. mars 1987-DAGUR-3
- Var erfitt að ákveða til
hvaða lands þú ættir að fara?
„Nei, það komu bara tvö lönd
til greina, Pólland og Tékkósló-
vakía. Ég fór í tékkneska sendi-
ráðið haustið 1979 til að fá vega-
bréfsáritun til Tékkóslóvakíu í
þeim tilgangi að dveljast þar í
landi í langan tíma en það gekk
engan veginn, dvalarleyfi í land-
inu lágu ekki á lausu. Þá var mér
sagt á bakvið tjöldin að ég fengi
aldrei dvalarleyfi með þessum
hætti og best væri fyrir mig að
fara út sem ferðamaður og bjarga
málinu þegar út væri komið.
Ég dreif mig svo til Tékkósló-
vakíu og barðist við kerfið til að
fá dvalarleyfi en það gekk
ekkert. Þá var það á jóladag 1979
að ég var að fara í mat á hótelinu
sem ég dvaldist á að ég hitti mann
sem var framarlega í íþróttamál-
um Tékka. Ég kynntist þessum
manni og hann reyndist mér vel
því hann vísaði mér á háttsettan
mann sem hann þekkti. Sá maður
kynnti mig fyrir þjálfara tékk-
neska tvíkeppnislandsliðsins í
göngu og stökki og útvegaði mér
aðstöðu til að dvelja þarna. Dval-
arleyfið var runnið út og ég fékk
óopinbert leyfi til að dvelja í
landinu en þessir menn sögðu
líka að þeir ábyrgðust mig ekki ef
upp kæmist að ég væri ekki með
stimpilinn. Á meðan var unnið
að því að útvega mér öll lögleg
gögn til dvalarinnar og þau fékk
ég hálfum mánuði síðar.“
- Hvernig fannst þér að vera
þarna?
„Þetta kom nákvæmlega eins
út og ég hafði gert mér í hugar-
lund og aginn var alveg svakaleg-
ur. Ég get sagt þér sem dæmi að
eitt kvöldið fóru tveir menn úr
landsliðinu í heimsókn til for-
eldra sinna sem bjuggu í litlu
þorpi í 15 km fjarlægð. Þeir
koniu aftur um nóttina og skriðu
inn um glugga því þeir höfðu
ekki fengið leyfi til að fara af
svæðinu. Þessir menn voru læstir
inni í fangelsi í fjóra daga fyrir
þetta brot.“
- Hvað stökkstu langt þarna
úti?
„Við stukkum þetta frá 30 og
upp í 80 metra. Þegar maður er
búinn að stökkva 150-200 stökk í
70 metra braut þá fer maður
ósjálfrátt 70 metra. Með góðri
þjálfun fara menn yíir 95-100
metra án þess að blikka augunum.
Ég var þjálfaður sem tvíkeppnis-
maður og gekk og stökk til skiptis
þannig að ég fékk 'A af þeirn
stökkafjölda sem sérhæfður
skíðastökkvari hefði fengið. Ég
stefndi á heimsmeistaramótið í
Osló í tvíkeppni og það voru mér
geysileg vonbrigði að komast
ekki á það mót. Skíðasamband
íslands skrúfaði fyrir þann mögu-
leika án þess að ég hafi nokkurn
tíma fengið skýringu á því þar
sem ég var tvímælalaust í hópi
bestu skíðamanna íslands á þeim
tíma, 1982. Ég var t.d. kominn
fram úr bestu tvíkeppnismönnum
landsliðs Tékka í skíðagöngu
þetta ár og það hefur enginn
Islendingur stokkið eins oft og ég
af 70 metra pöllum. Ég er líka
eini íslendingurinn sem hefur æft
skíðastökk í plastbrautum."
- Hver voru svo aðaláhugamál
þín eftir að þú komst aftur heim?
„Ég þjálfaði frjálsíþróttafólk á
sumrin og kenndi á veturna. Við
bróðir minn höfum í nokkur ár
haft áhuga fyrir að kaupa svo-
nefnt skíðaskip, en það er skip
sem er á skíðum og getur lyft sér
upp yfir sjóinn þegar það nær
ferð. Við athuguðum marga
möguleika í þessu sambandi og
sóttum t.d. um bæjarábyrgð til
kaupanna en bæjarstjórn Akur-
eyrar setti okkur slíka ofurskil-
mála að við gátum ekki gengið að
þeim. Hugmyndin var sú að láta
skipið ganga milli hafnanna hér
við Eyjafjörð og út í Grímsey á
sumrin með ferðamenn en milli
Akraness og Reykjavíkur á vet-
urna. Því miður sjáum við ekki
hvernig við getum fjármagnað
þetta fyrirtæki úr þvf sem komið
er.
Þá hef ég mikinn áhuga á að
setja upp skíðastökkbraut úr
plasti og þjálfa krakka frá sjö ára
aldri og upp úr í stökki því í þess-
um brautum er hægt að stökkva
allt árið. Ég mun ekki gefast upp
fyrr en ég fæ komið þessu í
framkvæmd."
- Hvað er á döfinni hjá þér
núna?
„Ég flutti til Akureyrar með
það í huga að reka skíðaskipið
hér og gera það út en ekkert varð
af því, a.m.k. ekki í bili. Ég kann
vel við ntig hér á Akureyri og ég
held að hér sé réttur vettvangur
til að vinna að áhugamálum mín-
um varðandi íþróttir og ferða-
mannaþjónustu. Mér skilst að
það sé vilji manna að drífa bæinn
upp á sem flestum sviðum og ég
vil gjarnan leggja mitt af mörkum
til þess enda ekki að ástæðulausu
þar sem ég er hálfur Akureyring-
ur.“ EHB
Veiðileyfi fást í áhaldahúsinu
Ókunnugum seni sagt væri að
þessi mynd sé frá Sauðár-
króki mundi sjálfsagt í fyrstu
detta í hug að þarna liðaðist
Sauðáin skemmtilega í gegn-
um bæinn, en svo er aldeilis
ekki. Þetta er gatan Borgar-
flöt við innkeyrsluna í iðnað-
arhverfið að sunnan. Gata
þessi er iðulega eins og stór-
fljót á að líta og sést ekki
nema hluti þess á myndinni.
Er nema von að gárungarnir
hafi brugðið þarna upp skilti
á dögunum þar sem á stóð:
Veiðileyfi fást í áhaldahúsi
bæjarins.
Vegfarandi sem fer þarna um
daglega vinnu sinnar vegna,
sagði að sér leiddist óhemju
þessi pollur og fyndist tími til
kominn að þetta yrði lagað.
Mjög mikið hefur verið kvartað
undan holóttri Skagfirðinga-
brautinni í vetur og vilja margir
halda fram að hún sé stórhættu-
leg heilsu bílanna sem um hana
fara. Gunnar Pétursson bæjar-
verkstjóri sagði einhvern næstu
daga verða farið í að fylla upp í
pollinn á Borgarflöt og gatan
löguð. Hann sagði viðgerð á
Skagfirðingabraut vera á áætlun
í sumar og ekki verði lengur
komist hjá viðgerð á malbikinu.
Reyndar hefði þetta verk verið
ááætluní mörg ár en ætíð verið
skorið af. Annars sagði Gunnar
gatnamálin vera í góðu lagi á
Sauðárkróki miðað við marga
aðra staði, en þessi 2 atriði
Borgarflötin og Skagfirðinga-
brautin væru slæm og þau þyrfti
að laga hið bráðasta. -þá
Vinningstölurnar 7. mars 1987.
Heildarvinningsupphæð 9.469.551.-
1. vinningur 6.001.306-
Skiptist á milli 17 vinningshafa. 353.018.- á mann.
2. vinningur 1.042.800.-
Skiptist á milli 632 vinningshafa kr. 1.650 - á mann.
3. vinningur 2.425.445-
Skiptist á milli 11.605 vinningshafa kr. 209 - hver.
Upplysingasími
91-685111.
Öiyggið ofar öllu
Reykskynjarar kr. 1.035.-
Eldvarnarteppi kr. 915.-
Halon slökkvitæki 1.5 kg. kr. 2.196.-
Halon slökkvitæki 3.5 kg. kr. 6.047.-
11 IIJ EWjörö
Hjatteyrargotu 4 simi 22Z75
*
AÐALFUNDUR
Hf. Eimskipafélags íslands verður haldinn
í Súlnasal Hótel Sögu,
miðuikudaginn 25. mars 1987,
og hefst kl. 14:00.
-------DAGSKRÁ -----
1. Aðalfundarstörf samkvœmt 14. gr.
samþykkta félagsins.
2. Tillögur til breytinga ó samþykktum
félagsins.
3. Önnur mál, löglega upp borin.
Tillögur frá hluthöfum, sem bera á fram
á aðalfundi, skulu vera komnar skriflega
í hendur stjórnarinnar eigi síðar
en sjö dögum fyrir aðalfund.
Aðgöngumiðar að fundinum verða afhentir
hluthöfum og umboðsmönnum hluthafa
á skrifstofu félagsins í Reykjavík
frá 17. mars n.k.
Reykjavík, 14. febrúar 1987.
STJÓRNIN
EIMSKIP
Ökum jafnan á hægri rein
á akreinaskiptum
vegum.
yUMFBKW.