Dagur - 31.03.1987, Blaðsíða 3

31. mars 1987 - DAGUR - 3
Akureyrarhöfn:
Fjögurra ára áætlun
unnin á 3 árum
-109 millj. til fiskihafnarinnar
Framsals-
réttur
skertur
- óhagræði í útgerð
Eins og fram hefur komið í
fréttum í Degi voru nýlega
settir veltikilir á togarann
Júlíus Havsteen hjá Slippstöð-
inni á Akureyri, en um leið var
fiskinóttökunni í skipinu breytt
þannig að rými fengist til slæg-
ingar á bolfíski. I fyrravor var
settur frystibúnaður í Júlíus og
síðan hefur skipið einhliða ver-
ið á rækjuveiðum og fryst allan
aflann um borð en bolfískkvóti
skipsins hefur verið framseldur
til togarans Kolbeinseyjar.
Kristján Asgeirsson fram-
kvæmdastjóri Höfða hf. sagði að
þær breytingar sem gerðar hefðu
verið á skipinu væru til þess að
hægt væri að beita því á sem hag-
kvæmastan hátt við veiðarnar.
Grálúða væri t.d. góð markaðs-
vara og takmarkanir væru á
rækjuveiðum, tíu daga hlé bæði
um páska og verslunarmanna-
helgi.
Breytingar hafa verið gerðar á
reglugerð í sambandi við stjórn
fiskveiða. Rækjuveiðiskip héldu
bolfiskkvóta sínum óskertum
1985 en 1986 var framsalsréttur
þeirra skertur um hálft tonn af
bolfiski á móti einu tonni af
rækju og fyrir árið 1987 hefur
framsalsrétturinn verið skertur
um tonn á móti tonni. „Við höf-
um fært yfir á Kolbeinsey það
sem við höfum getað framselt af
Júlíusi og vorum þess vegna mjög
mótfallnir þessari reglugerðar-
breytingu," sagði Kristján.
„Markmiðið með stjórnun fisk-
veiða var tvíþætt, annars vegar
efnahagslegur ávinningur, með
aðgerðum eins og hjá okkur sem
létum bara eitt skip veiða þorsk-
kvótann, og svo líffræðilegur
ávinningur þ.e.a.s. takmarkanir
á veiðum. Við teljum að nú sé
stjórnunin farin að riðlast svolítið
miðað við upphaflegu markmiðin
fyrir það að þau skip sem fengið
hafa framsal frá öðrum skipum
hafa ekki farið á rækju, en með
svona mikilli skerðingu á framsali
getur það leitt af sér að þau hafi
ekki bolfisk til að veiða og verði
að fara á rækju. Þetta teljum við
mjög mikið óhagræði í útgcrð."
IM
Flugfélag
Norðurlands:
Flug um
Ólafsfjörð
fellt niður
í sumar
- Byrja aftur
næsta haust
„Það er ekki grundvöllur fyrir
þessu flugi á sumrin,“ sagði
Friðrik Adólfsson hjá Flug-
félagi Norðurlands um niður-
fellingu flugs frá Ólafsfírði til
Reykjavíkur í sumar.
Flugfélag Norðurlands hefur
flogið áætlunarleið Ólafsfjörður-
Reykjavík-Ólafsfjörður og hefur
það flug notið vinsælda hjá Ólafs-
firðingum. Friðrik sagði að þegar
færi að vora yrði færðin það góð
að þeir sem þyrftu að fara stuttar
ferðir til Reykjavi'kur frá Ólafs-
firði keyrðu til Akureyrar og
tækju áætlun Flugleiða þaðan og
til baka.
„Það er ekki þar með sagt að
við séum hættir við þetta flug, því
næsta vetur verður þessi ferð sett
inn á áætlun,“ sagði hann. gej-
„Með þeirri 4 ára áætlun sem
hafnarstjórn hefur samþykkt
er nær eingöngu verið að
hugsa um uppbyggingu físki-
hafnarinnar, sem á að koma
norðan við bryggjuna við
Utgerðarfélag Akureyringa,“
sagði Guðmundur Sigur-
björnsson hafnarstjóri á Akur-
eyri um framkvæmdaáætlun
Akureyrarhafnar næstu árin.
Aætlun hafnarinnar er upp á
rúmar 112 milljónir króna og af
þeirri upphæð eiga að renna til
fiskihafnarinnar tæplega 109
milljónir. Mismuninum er ætlað
að renna í frantkvæmdir við frá-
gang við Sandgerðisbót.
Þrátt fyrir 4 ára áætlun hafnar-
stjórnar, er gert ráð fyrir að
vinna áætlað verk við fiskihöfn-
ina á næstu 3 árum.
Framkvæmdir í ár eru meðal
annars þær að lengja á svokallað-
an Slippkant. Þar átti eftir að
reka niður 26 fremstu skúffurnar
í stálþilinu og ganga frá enda
kantsins. Efnið er til og verður
byrjað að vinna þetta verk ineð
vorinu. Áætlað er að kantur þessi
hlífi væntanlegri fiskihöfn fyrir
norðanöldunni. Á þessu ári er
líka áætlað að byggja grjótgarð,
sem kemur norður úr togara-
bryggjunni. Á hann að verða 200
metar langur og þjóna sem ytri
vörn fiskihafnarinnar. Þessar
framkvæmdir ásamt frágangi í
Sandgerðisbót verða fram-
kvæmdir ársins í ár. Kostnaður
við þessi verk er áætlaður um 30
milljónir.
Á næsta ári er reiknað með að
reka niður stálþil norður úr tog-
arabryggju og verður þilið 70
metra innan við grjótgarðinn.
Við þetta myndast 150 metra
lögn viðlega inni í höfninni. Til
þessa verks eru áætlaðar 42 millj-
ónir.
Árið 1989 ætlar hafnarstjórn
að slá saman framkvæmdum ár-
anna 1989 og '90. Þá á að dýpka í
fiskihöfninni og nota efnið sem
dælt verður upp til uppfyllingar
milli grjótgarðsins og stálþilsins.
Þar myndast land sem verður
rúml. 10 þúsundfermetrar. Þetta
stig framkvæmdanna kostar um
40 milljónir. Verkið mun þá
verða komið í 112 milljónir.
Samkvæmt lögum á ríkið að
greiða allt að 3A kostnaðar við
hafnarframkvæmdir. Gert er ráð
fyrir 37 milljóna ríkisframlagi til
framkvæmda á Akureyri sam-
kvæmt þingsályktunartillögu sem
liggja mun fyrir þinginu á kom-
andi hausti. Af þeirri tölu eru
11,4 milljónir óuppgerðar vegna
eldri framkvæmda. Rekstraraf-
gangur hafnarinnar er áætlaður
um 13 milljónir á þessu ári og
rennur til þessa verks. Það sem
upp á vantar er reiknað með að
taka að láni. „Það er ekki búið að
taka ákvörðun um hvar verður
leitað eftir því. Það skal tekið
fram, að þessi áætlun er ekki
búin að fara fyrir bæjarstjórn.
Hins vegar er hún mjög raun-
hæf, því ég tel að við getum vel
staðið undir þessu. Það er sjálf-
sagt að taka fram að 4ra ára áætl-
unin er unnin á 3 árum til að
koma þessum mannvirkjum í
notkun eins fljótt og mögulegt
er,“ sagði Guðmundur Sigur-
björnsson. gej-
Fjárhagsvandi LA:
„Verða að
koma meíri
framlög“
- segir forseti
bæjarstjórnar
„Það er alveg sama hvað þetta
eru góð stykki sem þeir sýna
og hvað aðsókn er góð. Ég
held að allir séu sammála um
að það verði að koma miklu
meiri framlög ef þetta á að
geta gengið, en á þessu stigi
get ég ekkert um það sagt
hvort af því geti orðið,“ sagði
Gunnar Ragnars, forseti
bæjarstjórnar, er hann var
inntur álits á fjárhagsvanda
Leikfélags Akureyrar.
Heyrst hefur að ekki sé full
samstaða meðal bæjarfulltrúa í
þessu máli og að vissir fulltrúar
telji ekki til þess vinnandi að
halda atvinnuleikhúsi gangandi á
Akureyri. Gunnar Ragnars sagð-
ist ekki þekkja það vel til að hann
gæti staðfest þetta.
Hann sagði hins vegar að það
væri Ijóst að það þyrfti gífurlega
fjármuni til að reka þetta
atvinnuleikhús, en annað gæti
hann ekki sagt á þessu stigi.
Bæjarráð hefði aðeins látið málið
til sín taka og þar hefði verið
samþykkt að láta leikhúsráð fá
skýrslu Úlfars Haukssonar hag-
sýslustjóra til umsagnar.
Hvaða afgreiðslu vandi Leik-
félags Akureyrar hlýtur er erfitt
að segja um. Vandinn hefur verið
skilgreindur að því leyti að það
vantar fleiri eða hærri styrki. Pét-
ur Einarsson hefur t.d. borið
saman Leikfélag Akureyrar og
Leikfélag Reykjavíkur í þessu
sambandi. Siðan er annar flötur á
málinu. Menntamálaráðherra
lofaði að skipa nefnd til þess að
kanna þetta mál og leita úrlausn-
ar. SS