Dagur - 23.06.1987, Page 12

msm
Akureyri, þriðjudagur 23. júní 1987
Skógræktarfélag Eyfirðinga ★ Gróðrarstöðin í Kjama
tééUM
w
Leitið upplýsinga í
síma 24047.
Póstsendum
um allt land.
Plöntusala ífullum gangi
Barrtré ★ Lauftré ★ Skrautrunnar ★ Berjarunnar
Limgerðisplöntur ★ Klifurplöntur *Skógarplöntur ★ Rósir.
„Ekkert ákveðið“
- segir Stefán Valgeirsson
um tilboð Steingríms Hermannssonar
„Þetta var ágætur fundur.
Menn voru sammála um að við
þær aðstæður sem ríkja í stjórn-
málum væri ekki hægt að taka
neina ákvörðun um þetta mál
að svo stöddu,“ sagði Stefán
Valgeirsson, en á sunnudags-
Stefán Valgeirsson.
kvöld fundaði J-lista fólk um
bréf Steingríms Hermannsson-
ar, forsætisráðherra, til
Stefáns.
Eins og fram hefur komið í
fréttum sendi Steingrímur Her-
mannson Stefáni Valgeirssyni
bréf, þar sem honum var boðið
að ganga á ný í þingflokk Fram-
sóknarflokksins. Pegar Stefán
i var spurður um hvort þessi mál
! skýrðust fyrir næsta þing sagði
hann: „Ég get ekkert sagt um
það, þetta var fyrsti fundur okkar
um þessi mál. Menn voru allir á
því að fresta ákvarðanatöku því
enginn var hrifinn af því stjórn-
armynstri, sem nú er verið að
berja saman. Ekkert er vitað um
hvernig stjórnarsáttmálinn verð-
ur eða hvernig verður tekið á
málunum.
Við erum með ákveðin málefni
á oddinum og maður hefur ekki
orðið var við að mikið hafi verið
tekið á þeim, en þetta skýrist fyr-
ir haustið. Talað var um að nauð-
synlegt væri að fá fólk, sem hefur
líkar skoðanir, til að vinna meira
saman, en miðað við það ástand
sem ríkir verða engar ákvarðanir
teknar." EHB
Fjórðungsmót norðlenskra hestamanna:
Hefst á fimmtudag
Á fimmtudag hefst fjórðungs-
mót norðlenskra hestamanna á
Melgerðismelum í Eyjafirði.
Er búist við miklum fjölda
hrossa og gesta á mótið, þeim
fyrstu strax eftir helgina. Er
von á stórum hópum ríðandi
manna úr Skagafírði og Þing-
eyjarsýslum.
í gæðingakeppni taka þátt 39
hross í A-flokki en 35 hross í B-
flokki. í unglingakeppni eru 15
hross í yngri flokki en 20 í eldri
flokki. í kappreiðum taka 69
hross þátt og verða öll sterkustu
hlaupahross landsins mætt til
keppni. Búist er við mikilli
spennu í kringum kappreiðarnar,
en þar er keppt um peningaverð-
laun, alls kr. 180.000 og veðbanki
verður starfræktur. Einnig verð-
ur keppt í víðavangshlaupi og
fleira áhugavert verður gert þessa
daga á Melgerðismelum. Þess má
geta að VISA þjónusta verður á
svæðinu, en það er nýjung á móti
sem þessu.
Stóðhestar verða sýndir, Herv-
ar frá Sauðárkróki, Fáfnir frá
Fagranesi, Freyr frá Akureyri og
Fengur frá Bringu verða sýndir
með afkvæmum. Af afkvæma-
hryssum má frægar telja Nös frá
Stokkhólma og Snældu frá Ár-
gerði. Einnig verða sýningar 5
ræktunarbúa. Þá má ekki gleyma
því að hægt verður að stíga dans
í Sólgarði á föstudags- og laugar-
dagskvöld og það er hljómsveit
Geirmundar Valtýssonar sem sér
um fjörið. HJS
Börn og starfsl'ólk á Krógabóli.
Krógaból eins árs:
Reksturinn gengið vel
- eina leið hjónafólks til að koma börnum á leikskóla
Síðastliðinn föstudag, 19. júní
varð Krógaból 1 árs. Krógaból
er eina einkarekna dagvistar-
heimilið á Akureyri, og er það
rekið af foreldrum. Dagur
hafði af þessu tilefni samband
við Jóhann Ólafsson og spurði
hann hvernig reksturinn hefði
gengið.
„Hann hefur gengið mjög vel.
Við sáum að vísu ástæðu til þess
að sækja í vetur um sérstakan
styrk til bæjarsjóðs, en síðan
kom í ljós að sá rekstrarstyrkur
sem okkur ber samkvæmt lögum
og við höfðum fengið, reyndist
hafa verið reiknaður of lágur.
Þegar það hafði verið leiðrétt,
reyndist hinn styrkurinn óþarf-
ur.“ Hann sagðist jafnframt
bjartsýnn á að reksturinn myndi
áfram ganga vel með sama fyrir-
komulagi.
Á Krógabóli er dagvistarrými
fyrir 20 börn 13 heilsdagspláss og
14 hálf. Þetta er því dagvistar-
lausn fyrir um 30 börn. Hverjum
sem er er frjálst að sækja um hjá
þeim og er biðlistinn mislangur,
en þó aldrei eins langur og hjá
bænum.
„Þetta er fordæmi sem hefur
orðið til þess að fleiri foreldrar
hafa hugsað sér til hreyfings um
að stofna annað heimili. Þetta
hefur gefið góða raun, og hefur
aðallega orsakast af því, að svo-
kallað hjónafólk hefur ekki haft
kost á að koma börnum á barna-
heimili, nema eftir þessari leið.
Við höfum haft gott og vel
menntað starfsfólk og erum mjög
þakklát fyrir það.“ sagði Jóhann
að lokum. VG
„Eignirnar aug-
lýstar til sölu“
- segir Erlingur Óskarsson
bæjarfógeti á Siglufirði
um gjaldþrotamál Húseininga hf.
llvL'in(T<ifi*acliir rannnr né ÓeLarCCnn hí*»ííirf/»C
„Kröfulýsingafrestur rennur út
15. júlí og hingað streyma nú
kröfurnar jafnt og þétt. Fund-
ur í þrotabúinu verður haldinn
24. júlí, þegar allar kröfur eru
komnar fram,“ sagði Erlingur
Norðurlandamót unglinga í bridds:
„Eg er ekki of bjartsýnrT
- segir Sigmundur Stefánsson, mótsstjóri
í gær hófst Norðurlandamót
unglinga í bridge í Hrafnagils-
skóla. Spilað er í tveimur
flokkum, 20 til 25 ára og 20 ára
°g yngri. Níu sveitir taka þátt í
mótinu, tvær frá liverju
Norðurlandanna nema ein frá
Svíþjóð.
Að sögn Sigmundar Stefáns-
sonar, mótsstjóra, eru slík mót
haldin annað hvert ár, og er þetta
í annað sinn sem mótið er haldið
hér á landi, fyrra skiptið var árið
1978. Þátttakendur eru rúmlega
fimmtíu, þar af um fjörutíu
útlendingar.
Þegar Sigmundur var spurður
að því hvort hann væri bjartsýnn
á möguleika íslensku spilaranna
sagði hann: „Ég get ekki sagt að
ég sé mjög bjartsýnn, ég hygg að
róðurinn verði ansi þungur. Þetta
er í fyrsta skipti sem við sendum
lið í yngri flokkinn og ég býst við
að það sé fyrst og fremst reynsla
fyrir þá að taka þátt í mótinu.
Éldra liðið gæti kannski blandað
sér í baráttuna, ef vel tekst til, en
ég er ekki heldur of bjartsýnn á
möguleika þeirra." EHB
Setið að spilum fyrsta kcppnisdaginn.
Mynd: R1>B
Oskarsson, bæjarfógeti á
Siglufírði, en Húseiningar hf.
lögðu fram beiðni um gjald-
þrotameðferð fyrirtækisins í
aprílmánuði sl.
Að sögn Erlings verða kröf-
urnar athugaðar, þeim raðað upp
í forgangsröð og skoðað hverjum
verður hafnað, eins og gengur í
slíkum málum. Þetta verk verður
að vinna fyrir fyrsta fund í þrota-
búinu, sem verður 24. júlí, eins
og áður sagði.
Þegar Erlingur var spurður að
því hvort hann áliti að eignir
Húseininga hf. nægðu fyrir skuld-
um sagði hann: „Það fer auðvitað
eftir því hvaða söluverð er hægt
að fá fyrir eignirnar. Það má
reikna með alls konar kröfum,
sem e.t.v. verða ekki viður-
kenndar, skaðabótakröfum
o.s.frv. sem sjálfsagt eiga eftir aö
berast. Fyrirtækið er ennþá starf-
andi og verið er að vinna við að
innheimta reikninga, því Húsein-
ingar hf. eiga umtalsverðar fjár-
hæðir útistandandi. Eignirnar
verða auglýstar til sölu á næst-
unni, því við viljum frekar reyna
þá leið en að bjóða upp, til að
byrja með.“
Skiptastjóri í þrotabúi Húsein-
inga hf. er Árni Pálsson, lög-
fræðingur á Akureyri. EHB