Dagur - 20.05.1988, Blaðsíða 22

22 - DAGUR - 20. maí 1988
Leikfélag Siglufjarðar:
vísnaþátfur
Hjörleifur Jónsson á Gilsbakka orti
næstu vísurnar.
Undarlegt er eðli manns,
í því liggur svona,
það fer allt til andskotans
efmenn hætta að vona.
Meyjan sig á ballið bjó,
byrjaði dans í salnum.
Augljóst var, hún að sér dró
unga sveina í dalnum.
Par voru mestu ósköp af
ávöxtum á borðum
eins og þeim sem Eva gaf
unnustanum forðum.
Guðsmaðurinn gifti hjón,
gekk það af í spretti,
ellefu stundum eftir nón
á þau klafann setti.
Sveinn frá Elívogum heyrði álengd-
ar að menn ræddu um hann. Hann
kvað:
Sök má spjalla sanna og Iogna
sérhvern galla snuðra kring,
ég skal falla, en aldrei bogna
eða halla sannfæring.
Sveinn leit yfir farinn veg og kvað:
Flest hef ég gleypt, en fáu leift,
fengið skreipt úr mörgu hlaði,
selt og keypt og stömpum steypt,
stundum hleypt á tæpu vaði.
Tvo höfunda hef ég heyrt nefnda að
næstu vísu, sem ort var um kven-
skörung.
Inn um bæinn eins og skass
er sú góða kona.
Það hafa fleiri fætur og rass
og flíka því ekki svona.
Gleymdur er mér höfundur næstu
vísu. Bendir hún til kaldrar mága-
ástar:
Séra Baldvin mágur minn
mér ei skrifar línu.
Kannski hann horfi í kostnaðinn,
hver vill halda á sínu.
Næstu vísurnar eru heimagerðar.
Andi minn er ennþá hress,
ekki mikið breyttur.
Víst ég mátti vænta þess
hann væri orðinn þreyttur.
Ævin líður, kemur kvöld
kveður holdið andann.
Eftir vetrarveður köld
vorar fyrir handan.
Pétur B. Jónsson frá Eskifirði kvað
næstu vísur um svipað efni.
Nætur lengjast, lækkar sól,
lífsins vonir fúna.
Fokið er í flestöll skjól
fyrir Pétri núna.
Finn ég þrátt mig þrýtur mátt,
þrotin brátt er glfma.
Guð, mig láttu sofna í sátt,
sígur að háttatíma.
Sigurður Breiðfjörð kvað: (Úr
rímu.)
Léku sunnuljós um brár
Ijósra unna þinna.
Til þín runnu allar ár
æskubrunna minna.
Þorleifur Kolbeinsson á Háeyri
kvað til dóttur sinnar ungrar.
Sigga góða hættu að hljóða,
heyrðu Ijóðasvörin mín.
Hún er að sjóða í salnum hlóða
silkitróðan, móðir þín.
Grunur lék á að næsta vísa væri
einnig eftir Þorleif.
Bárður minn er bústólpi,
bjargvættur í sveitinni,
hjálpar oft um harðæti
honum gamla Þorleifi.
Næstu vísurnar eru eftir Bjarna
Jónsson frá Gröf, úrsmið á Akur-
eyri.
Til Húnaþinga ég horfi dátt,
hugurinn vill þar sveima.
Greyið hefur aldrei átt
annars staðar heima.
Fyrir kosningar.
Kosningarnar koma senn,
kurteisina bæta,
nú heilsa allir heldri menn
hverjum sem þeir mæta.
Tamningamaður.
Kíghósta fékk konan hans,
kannski ekki þýðan.
Setið hefur hann með glans
hesta alla síðan.
Piparmey.
Aldrei færðu ástarhót,
alltaf máttu vona.
Undarlega ertu Ijói,
ekki stærri kona.
Galdrakarlinn í Oz
Jón
Bjarnason
frá Garðsvík
skrifar
Kristján Benediktsson kvað næstu
vísurnar tvær.
Fyrir óð minn engan hróður
enn hjá þjóð ég fengið hef.
Visinn gróður vesælt fóður
virðist Ijóða minna stef.
Brennivínsleysi.
í mér þynna þyrfti blóð,
þarfirglöggt ég sýni.
Einhver mætti lítið Ijóð
launa í brennivíni.
Þá kemur aidargömul skagfirsk vísa
um ævintýri, (en ekki á gönguför).
Fjósamoldin moðs í bás
mikla þoldi pínu,
þar sem foldin fingrasnjás
fórnaði holdi sínu.
Þorbergur Þorsteinsson frá Gilhaga
kvað:
Heldur versnar viðhorfið,
viðbragðshraðinn dvínar.
Ég er enn að eltast við
æskusyndir mínar.
Byggingavörur
Lónsbakka
Sími 96-21400
- Frumsýning föstudaginn 20. maí
Urvalið á gólfið
er hjá okkur
Leikfélag Siglufjarðar frum-
sýnir föstudaginn 20. maí
leikritiö Galdrakarlinn í Oz
eftir L. Frank Baum. Þetta er
stærsta sýning sem leikfélagið
hefur sett upp á undanförnum
árum. Leikstjóri er Carmen
Bonitch.
Carmen Bonitch hefur einnig
hannað leikmynd, búninga,
förðun, svo og lýsingu í samráði
við Ingvar Björnsson, ljósameist-
ara hjá Leikfélagi Akureyrar.
Tónlistin er í höndum Sturlaugs
Kristjánssonar.
Leikendur eru 35 og meðal
þeirra eru 12 börn, en milli 50 og
60 manns standa að sýningunni. ■
Aðalhlutverk eru í höndum Jónu
Báru Hauksdóttur sem leikur
Dóróteu, Kolbeins Engilberts-
sonar sem leikur fuglahræðuna,
Jóhanns Sigþórssonar sem leikur
pjáturkarlinn og Halldórs Guð-
jónssonar sem leikur Ijónið.
Frumsýningin verður í Nýja
bíói föstudaginn 20. maí kl. 17,
en næstu sýningar verða laugar-
daginn 21. og sunnudaginn 22.
maí kl. 17 og 20.30. Síðasta sýn-
ing veröur mánudaginn 23. maí
kl. 15.
Galdrakarlinn í Oz er leikrit
fyrir alla fjölskylduna. Sjónvarp-
ið sýnir um þessar mundir teikni-
myndaflokk eftir þessu ævintýri
og fylgjast börnin bergnumin
með ferðalagi Dóróteu, frá því
hvirfilbylurinn feykti húsinu
hennar inn í furðuveröld og þar
til hún hittir sjálfan galdrakarlinn
í Oz. Hún lendir í spennandi
ævintýrum á leiðinni, en fugla-
hræðan, pjáturkarlinn og ljónið
slást í för með henni. Eflaust
munu jafnt börn sem íullorðnir
hafa gaman af uppfærslu Leik-
félags Siglufjarðar á Galdrakarl-
inum í Oz. SS
Jóna Bára Hauksdóttir í hlutverki Dóróteu spjallar hér við Hinrik frænda.
Kolbeinn Engilbertsson í hlutverki fuglahræðunnar.