Dagur - 28.10.1988, Side 8

8 - DAGUR - 28. október 1988
4-, •>♦ /yv v+-4v' ♦ .. ♦> /> ^
spurning vikunnar
Ert þú farin/n að huga
að jólunum?
Spurt á Akureyri
Pálína Björnsdóttir:
Nei, ég er það nú ekki. Ég er
nýflutt hingað og er svona rétt
að koma mér fyrir. En ætli ég
byrji ekki í nóvember.
Birgitta Sæmundsdóttir:
Já, ég er komin með öll föt á
börnin og sjálfa mig. Svo eru
hreingerningarnar byrjaðar og
venjulega byrja ég að kaupa
jólagjafirnar í september til
þess að vera tímanlega í því.
Næst er það svo baksturinn,
annars hef ég aldrei veriö eins
róleg í þessu og nú.
Erna Bjarnadóttir:
Nei, alls ekki. Ég er með svo lít-
ið heimili að ég þarf ekkert að
fara að huga að þeim. Hjá mér
eru jólagjafakaup með fyrstu
verkum og ég er reyndar búin
að kaupa eina.
Kristján Ármannsson:
Nei, ég er ekki farinn að hugsa
um þau. Fyrstu jólaverkin hjá
mér verða líklega jólakortin.
Ragnhildur Vestmann:
Nei frekar lítið, það eru aðal-
lega fötin sem ég er farin að
hugsa um og ætli jólagjafirnar
séu ekki næstar. Annars eru
þetta engin jól vegna þess hve
fríið er lítið.
Miklar viðgerðir fara
fram á stíflugarði
Skeiðsfossvirkjunar
- komið við hjá virkjuninni í Fljótum
og rætt við stöðvarstjórann, Heiðar Albertsson
Skeiðsfossvirkjun í Fljótum, í
eigu Rafveitu Siglufjarðar, var
tekin í notkun árið 1946 og var
ein af fyrstu vatnsfallsvirkjun-
um landsins. Framkvæmdir
hófust á síðustu árum seinni
heimsstyrjaldarinnar. Komið
hafa í Ijós miklar alkalí-
skemmdir í stíflugarðinum og
hafa viðgerðir á honum staðið
yfir í tvö ár. Fara þær fram á
vori hverju og standa yfir í 2
mánuði í senn. Stefnt er að því
að klára verkið vorið 1990.
Sams konar skemmdir komu
fram á stöðvarhúsi virkjunar-
innar og er búið að gera við
þær. Heiðar Albertsson stöðv-
arstjóri segir okkur hvernig
viðgerðin á stíflugarðinum fer
fram:
„Framkvæmdin er þannig að
fyrst er skemmdin tekin og brotin
upp. Svo er steypt utan á 12 cm
þykkt lag. Við breikkum garðinn
að ofanverðu um metra, þannig
að planið sjálft stækkar, og þá
verður hægt að aka út á stíflu-
garðinn, sem ekki var hægt áður.
Viðgerðin á garðinum nær yfir 9
metra niður, en neðsti hlutinn á
honum, sem hefur verið meira
undir vatni heldur en efri hlutinn
er aftur á móti mun betur farinn.
Virk fallhæð er 13 metrar, en ég
er ekki alveg klár á hvað garður-
inn er hár, niður í botnioku."
Rafmagn keypt
af Landsvirkjun
til að halda lóninu fullu
Þegar vinnu við garðinn að
innanverðu verður lokið vorið
’90, er stefnt á að lagfæra hann að
utanverðu einnig. Orsakir fyrir
þessum alkalískemmdum sagði
Heiðar vera að þegar stöðvarhús-
ið og stíflugarðurinn voru byggð
á sínum tíma voru sandur og möl
úr Haganesvíkinni notuð í
steypuna. „Þaðan kemur selta í
steypuna og þá bullandi alkalí á
ferðinni," sagði Heiðar.
Frá upphafi hefur Skeiðsfoss-
virkjun séð Siglfirðingum og
Fljótamönnum fyrir rafmagni, og
seinna bættust Ólafsfirðingar við.
„Núna erum við í samtengingu
við Landsvirkjun. Keyrslan er sú
að við reynum að halda lóninu
nánast fullu, eitthvað fram eftir
vetri, og þá eigum við ákveðið
varaafl sem við getum notað.
Meðan við erum að því þá þurf-
um við að kaupa frá Landsvirkj-
un í gegnum línu sem liggur frá
Dalvík, yfir til Ólafsfjarðar og
síðan hingað yfir í Fljót um Lág-
heiði. Núna kaupum við af
Landsvirkjun og framleiðum lítið
til að halda lóninu fullu. Ef
eitthvað kemur fyrir þessa svo-
kölluðu Drangalínu, sem hefur
verið svolítið erfið, en hún liggur
á milli Dalvíkur og Ólafsfjarðar,
þá eigum við þó nokkuð mikið
varaafl til að útvega Ólafsfirðing-
um rafmagn. Það er mikið atriði
núna, ef eitthvað kemur fyrir,
vegna framkvæmdanna við jarð-
göngin,“ sagði Heiðar.
Virkjunin getur framleitt
tæp 5 megavött
Skeiðsfossvirkjun getur framleitt
4,9 megavött, sem er algjör
toppur. Núna er verið að fram-
leiða um 2 megavött, á meðan
verið er að spara vatnið í lóninu.
Heiðar segist halda lóninu fullu
með því að kaupa rafmagn á dag-
inn og senda síðan á nóttunni.
Þannig næst að halda sama vatns-
magni fram eftir vetri. Látum
Heiðar Albertsson stöðvarstjóri við stjórntækin í stöðvarhúsinu.