Dagur - 11.11.1988, Síða 11

10 - DAGUR -11. nóvember 1988
11. nóvember 1988 - DAGUR - 11
Laus staða
Staöa lektors í tölvufræöi viö rekstrardeild Háskólans á
Akureyri er laus til umsóknar.
Laun samkvæmt launakerfi starfsmanna ríkisins.
Umsóknir ásamt rækilegri skýrslu um vísindastörf
umsækjenda, ritsmíöar og rannsóknir, svo og um náms-
feril og fyrri störf, skulu sendar menntamálaráðuneytinu,
Hverfisgötu 6, 150 Reykjavík, fyrir 1. desember nk.
Menntamálaráðuneytið,
4. nóvember 1988.
Vistheimilið Sólborg
Starfsmaður óskast til vinnu í eldhúsi, tíma-
bundið vegna veikinda.
Unnið er í 2-3 daga og síðan frí í jafn langan tíma.
10 tíma vaktir. Frí aðra hvora helgi.
Laun samkvæmt kjarasamningum.
Upplýsingar gefnar á skrifstofunni eða hjá matráðs-
manni í síma 21755 milli kl. 10 og 16.

Bókari
Óskum að ráða bókara til starfa á skrifstof-
um okkar á Dalvík.
Nánari upplýsingar veita skrifstofustjóri í síma
96-61200 og starfsmannastjóri í síma 96-21400.
Kaupfélag Eyfirðinga.
Nauðungaruppboð
Laugardaginn 19. nóvember 1988, verður haldið nauð-
ungaruppboð á lausafé, sem hefst við lögreglustöðina
v/Þórunnarstræti á Akureyri kl. 14.00.
Selt verður væntanlega, eftir kröfu innheimtumanns
ríkissjóðs, skiptaréttar Akureyrar og ýmissa lögmanna,
lausafé sem hér greinir:
Bifreiöarnar: A-820, A-825, A-902, A-904, A-1186, A-1205,
A-1309, A-1649, A-1949, A-1953, A-2732, A-2852, A-3143,
A-3302, A-3426, A-3438, A-3440, A-3512, A-3856, A-4003,
A-4058, A-4532, A-4564, A-4570, A-4595, A-4956, A-5115,
A-5116, A-5223, A-5307, A-5334, A-5470, A-5499, A-5641,
A-5975, A-5996, A-6051, A-6087, A-6188, A-6405, A-6440,
A-6506, A-6582, A-6693, A-6987, A-7241, A-7330, A-7378,
A-7381, A-7387, A-7501, A-7517, A-7582, A-7756, A-7883,
A-8181, A-8184, A-8590, A-8635, A-8663, A-8683, A-8826,
A-9042, A-9119, A-9242, A-9287, A-9417, A-10079,
A-10118, A-10148, A-10217, A-10372, A-10453, A-10513,
A-10570, A-10647, A-10755, A-10852, A-10877, A-10919,
A-10959, A-11003, A-11202, A-11203, A-11397, A-11466,
A-11638, A-11640, A-11748, A-11751, A-11762, A-11960,
A-11963, A-11964, A-12137, A-12251, A-12266, A-12311,
A-12389, A-12637, A-12667, E-2989, G-5585, P-2433,
R-39001, R-57296, R-72432, U-4723, Y-14047, Þ-3157,
Þ-3833, Ö-6236.
Ýmislegt lausafé m.a. sjónvörp, myndbandstæki,
hljómflutningstæki, myndlykill, stofuklukka, sófasett,
hillusamstæður, borðstofuborð og stólar, ísskápar,
þvottavélar og frystikistur. Óskráður plastbátur ca. 1,5
tonn, tengivagn, JCB-beltagrafa, jarðýta IHC-TD20,
MF-skurðgrafa, dráttarvél Ford árg. 1984, fjórhjól Pol-
aris, hjólhýsi af gerðinni 4-40GT. Prentvél af gerðinni
Planeta 74x52 árg. 1968, trésmíðavélar af gerðinni
Scheppach og Sicma, Kathrein sjónvarpsmagnari og
tíðnibreytir, píanó Yamaha. Steikarofn, kaffivél, kæli-
og frystiskápur fyrir veitingahús. Skjóttur hestur 7
vetra. Einnig ýmiss konar ótollafgreiddur varningur
m.a. fatnaður, óskilamunir o.fl.
Ávísanir eru ekki teknar gildar sem greiðsla, nema
með samþykki uppboðshaldara.
Greiðsla fari fram við hamarshögg.
Uppboðsskilmálar eru til sýnis hjá uppboðshaldara.
Bæjarfógetinn á Akureyri og Dalvík
Sýslumaður Eyjafjarðarsýslu,
9. nóvember 1988,
Arnar Sigfússon, fulltrúi.
- stöðnun eða framtíðarvon
✓ /
Ymsar blikur eru á lofti í byggingariðnaðinum á Akureyri. I bænum starfa
nokkur allstór verktakafyrirtæki sem hafa undanfarin ár skipt á milli sín þeirri
köku sem markaðurinn býður upp á. Sú kaka hefur reyndar farið rýrnandi því
nú er svo komið að lítil sem engin eftirspurn er eftir nýjum íbúðum á frjálsum
markaði. Verkamannabústaðakerfið hefur verið hornsteinn bygginga-
framkvæmda í bænum allt þetta ár. Án þeirra 40 íbúða sem samið hefur verið
um fyrir verkamannabústaði væri lítið líf í byggingariðnaði á Akureyri. Verk-
takar á Akureyri standa nú margir frammi fyrir miklum vanda. Þeir munu eiga
í umtalsverðum erfiðleikum með að selja íbúðir sem þegar eru langt komnar í
byggingu á frjálsum markaði. Orsökin er sú að fáir virðast vera með lánsloforð
á reiðum höndum. Fjármagnskostnaðurinn hefur einnig reynst byggingaverk-
tökum þungur í skauti.
Rætt var viö nokkra bygginga-
verktaka á Akureyri um stöðu
mála og reynt var að spá lítillega
í framtíðina. Fyrstur varð Heimir
Rögnvaldsson hjá SS Byggi sf.
fyrir svörum.
Heimir
Rögnvaldsson
- SS Byggir hf.
- Hvernig er staða framkvæmda
hjá ykkur, Heimir?
„Við erum með 22 íbúða
kjarna í byggingu og búnir að
steypa kjallara undir aðrar 12.
Við reynum að selja á frjálsum
markaði en það virðist vera mjög
lítið af lánsloforðum í gangi. Það
virðist vera lítið að gera á frjáls-
um markaði og verkamannabú-
staðakerfið er búið að bjarga því
sem bjargað verður og halda
byggingariðnaði uppi í bænum
allt þetta ár. Þó að við séum að
reyna frjálsa markaðinn er nær
ógerlegt að selja nema kaupend-
urnir eigi aðra eign fyrir sem þeir
geta selt. Það er svo löng bið eftir
lánum að ógerlegt er að selja því
í mörgum tilvikum er of langt að
bíða eftir lánunum.“
- Hefur ykkur þá ekki tekist
að selja íbúðir á frjálsum mark-
aði?
„Við seldum verkamannabú-
stöðum 10 íbúðir í þessum 22
íbúða kjarna. Þá erum við búnir
að selja 6 íbúðir á frjálsum mark-
aði en það er bara sá galli á því
að langt er að bíða lánanna til
þeirra frá Húsnæðisstofnun ríkis-
ins.“
- Er ekki geysilega dýrt fyrir
verktakann að brúa bilið í slíkum
tilvikum?
„Það er svo dýrt að okkur líst
ekki á það. Ekkert fyrirtæki get-
ur fjármagnað slíka bið eftir
greiðslu í tvö til þrjú ár og ekki
Heimir Rögnvaldsson.
kemur til greina að slá fyrir slíku
í bönkum, vaxtakostnaðurinn er
allt of mikill til þess að slíkt beri
sig, nema menn sætti sig við að
fjármagnskostnaður sé hátt upp í
íbúðarverðið.“
- Hvernig leggst næsta ár og
veturinn í ykkur hjá SS Byggi?
„Veturinn leggst ekki illa í
okkur þannig séð. Við erum með
næg verkefni en verðum að selja
meira til að ástandið verði þolan-
legt. Við þurfum auðvitað að
vinna við þær 16 íbúðir sem eru
farnar. Hins vegar má segja að
við höfum tekið á okkur að bíða
allt of lengi eftir lánunum á þeim
6 íbúðum sem við seldum á frjáls-
um markaði.“
- Nú berast greiðslur verka-
mannabústaðakerfisins á mánað-
argrundvelli fyrir þær íbúðir sem
þið byggið fyrir þá.
„Já, það er rétt, þær greiðslur
koma mánaðarlega, en það hefur
verið unnið í því að stytta tímann
úr 16 mánuðum í 12. Ég get ekki
annað en hrósað því hvernig
staðið hefur verið að þeim mála-
flokki hér í bænum."
- Þú minntist á að þið hefðuð
steypt upp kjallara fyrir 12 íbúða
kjarna í viðbót. Hvernig gengur
að selja þær íbúðir?
„Við erum búnir að selja eina
íbúð af þeim en það væri hrylli-
legt að þurfa að stoppa þetta
dæmi án þess að geta selt meira.
Við erum búnir að fjármagna
kjallarann, þ.e. bílgeymsluna,
sjálfir, svo dæmi sé tekið. Það
hefur dálítið verið spurt um íbúð-
ir en fólk virðist ekki átta sig á
hversu seinvirkt húsnæðiskerfið
er. Mér finnst að það ætti að
hvetja fólk til að sækja miklu fyrr
um því það tekur þrjú ár nú orðið
að fá lánið. Ég hef margoft orðið
var við að fólk er allt of seint á
ferðinni með umsóknirnar.“
Haraldur
Júlíusson
- Haraldur og
Guðlaugur sf.
Næstur varð Haraldur Júi-
íusson hjá Haraldi og Guð-
laugi sf. fyrir svörum, en hann
rekur fyrirtækið ásamt Guð-
laugi Arasyni.
- Þið lukuð nýlega smíði
blokkar fyrir verkamannabú-
staði?
„Já, það er blokkin í Keilusíðu
11. Þar eru 12 íbúðir. Þessa dag-
ana erum við að vinna í Melasíðu
8, en þar eru 15 íbúðir, þar af 7
óseldar. Við munum selja þær
íbúðir sem ennþá eru óseldar
annaðhvort gegnum verka-
mannabústaði eða á almennum
markaði. Þá eigum við raðhús við
Múlasíðu, þar erum við búnir að
selja fjórar íbúðir af fimm sem
við byggðum.“
- Hvernig heldur þú að gangi
að selja þær 7 íbúðir sem ennþá
eru óseldar við Melasíðu?
„Það er hrikalega dauft yfir
markaðinum hér í bænum. Við
höfum allir haft nóg að gera,
þessir verktakar, en maður finn-
ur að eftirspurn almennings fer
sífellt minnkandi og svo virðist
sem lítið sé af fólki með lánslof-
orð, hvernig sem á því stendur.
Verkamannabústaðakerfið er
búið með sinn kvóta í ár en stað-
reyndin er sú að bænum voru út-
hlutaðar 15 íbúðir í kaupleigu-
kerfinu nýja. Yfirvöld bæjarins
eru þó ekki líflegri en svo að þau
eru varla farin að hugsa um þessi
mál. Þeir sóttu um og fengu svar
en staðreyndin er sú að ef þeir
fara ekki að drífa í því að auglýsa
þá missa þeir þessar íbúðir. Okk-
ur þykir þetta alveg kostulegt.“
- En verkamannabústaðir,
þeir hafa verið grundvöllur fram-
kvæmda í bænum.
„Jú, það er rétt, en þessi bless-
uð kerfi eru öll svo seint á ferð-
SS Byggir hefur staðið í umsvifamiklum framkvæmdum við Hjallalund. í
þessum húsum var í fyrsta sinn boðið upp á bílgeymslur í kjallara fjölbýlis-
húss á Akureyri. Myndir: GB
Haraldur og Guðlaugur.
inni. Það var t.d. ekki farið að
ræða um íbúðir sent átti að
byggja á þessu ári fyrr en í vor,
þá var gengið frá kaupum á þeim.
Það grunaði engan okkar að
þetta myndi dragast svo lengi.
Sannleikurinn er sá að okkur
grunaði ekki heldur að frjálsi
markaðurinn yrði svona stein-
dauður og nær engir á ferðinni
með lánsloforð."
- Gæti þróunin orðið sú að
menn færu að bjóða íbúðaverðið
niður hver fyrir öðrum?
„Ég trúi því ekki. Þó svo við
sitjum uppi með þetta þá trúi ég
ekki að nokkur verktaki fari að
halda útsölu á íbúðum. Ég veit
að það verður litið illu auga ef
menn ætla að fara að byrja á
þessu aftur. Það er ekki til neins
að standa í framkvæmdum ef
menn ætla svo að fara að selja á
slikk, slíkt er engum til góðs. Við
höfum t.d. flestir verið að byggja
fyrir verkamannabústaði en það
væri í hæsta máta óeðlilegt að
ætla síðan að fara að selja ein-
hverjum öðrum sambærilegar
eða eins íbúðir á lægra verði.“
- Þær raddir hafa heyrst að
menn væru hræddir við að verka-
mannabústaðir færu hugsanlega
að draga saman seglin. Sá mögu-
leiki hefur alla vega verið
nefndur. Hvaða áhrif hefði slíkt á
afkomu verktaka hér í bæ?
„Þeir keyptu liðlega 40 íbúðir í
ár og ég trúi ekki öðru en að
sama tala verði keypt næstu eitt
til tvö árin. En ég er líka þeirrar
skoðunar að verktakar verði að
ræða meira saman um framtíðina
og hvað sé á döfinni í byggingar-
iðnaði. Það gengur ekki að við
séum allir að byrja á stórum
blokkum án þess að vita neitt um
það hvort við getum selt.“
- Verktakar hafa gagnrýnt
lóðaúthlutanir á Akureyri og
kvartað yfir því að ekki hafi verið
veitt leyfi til að byggja einnar
hæðar raðhús á vissum svæðum í
bænum. Hvert er álit þitt á lóða-
úthlutunum og skipulagsmálum?
„Þetta er annað mál sem þarf
að taka á. Ef þú ætlar t.d. að fara
að byggja þá ætla einhverjir kerf-
iskarlar að ákveða fyrir þig
hvernig hús þú mátt byggja.
Þetta er náttúrlega alveg út í
hött, menn verða að fara eftir
markaðslögmálunum í þessum
efnum. Það eru mörg ár síðan við
vorum að berjast um að fá til-
tekna lóð fyrir einnar hæðar rað-
hús en við urðum undir í keppn-
inni. Þá var okkur úthlutað einn-
ar hæðar raðhúsi með risi. Það
hefur verið vitað mál í mörg ár að
menn hafa ekki viljað byggja
tveggja hæða raðhús. Stærð
slíkra húsa er meiri en svo að fólk
vilji kaupa þau. Þetta vita þeir
sem ráða en þeir vilja ekki
kyngja því.
Varðandi kaupleiguíbúðirnar
15 vil ég aðeins benda á að þar er
ekki unt að ræða hagsmuni fyrir
neinn tiltekinn hóp. Við erum að
tala um 60 til 70 milljónir króna
sem koma hingað í bæinn. Það er
aðalatriðið að margir aðilar njóta
góðs af því fé því það dreifist í
fyrirtækin í bænum.“
- En gengur það til eilífðar að
verkamannabústaðir og kaup-
leigukerfið eigi að halda uppi
byggingariðnaðinum?
„Nei, það er hverju orði sann-
ara að það gengur ekki upp til
lengdar. En við verðum að lifa á
því sem býðst hverju sinni. Skoð-
un mín er sú að ekkert réttlæti sé
í því að á meðan einn er að flytja
inn í fullbúna kaupleiguíbúð
skuli annar vera að drukkna í
skuldum í 10 til 15 ár við að reyna
að koma yfir sig þakinu. Fram-
tíðin hlýtur að vera sú að allt
húsnæðiskerfið verði í svipúðu
formi og kaupleigukerfið þótt
það heiti eitthvað annað."
Hörður
Tulinius
- Híbýli hf.
Híbýli hf. á Akureyri hefur
sérstöðu meðal byggingaverk-
taka í bænum vegna þess að
fyrirtækið hefur ekki byggt á
vegum verkamannabústaða
undanfarin ár. Híbýlismenn
hafa langa reynslu á sínu sviði
og hafa þeir stundum haft mik-
ið umleikis, t.d. þegar þeir
byggðu stórhýsi fyrir Lands-
virkjun við Glerárgötu. Auk
þess hafa mörg fjölbýlishús
verið byggð á þeirra vegum,
síðast fyrir framkvæmdanefnd
um íbúðabyggingar fyrir aldr-
aða við Víðilund. Hörður Tul-
iníus, framkvæmdastjóri, varð
fyrir svörum.
- Þið eigið tilbúinn grunn að
liúsinu Helgamagrastræti 53. Er
ætlunin að byggja félagslegar
íbúðir að meirihluta í því húsi?
„Það er hugmyndin, já, en ég
get ekkert ákveðið sagt á þessari
stundu. Frjálsi markaðurinn er
svo hættulegur því lánsloforð
geta teygt sig allt upp í þrjú ár.
Við höfum ekki bolmagn til að
Fyrri hluti
fjármagna framkvænrdir svo
lengi.“
- Hvernig breyting hefur orð-
ið á markaðinum undanfarin tíu
ár?
„Nú hugsa rnenn áður en þeir
kaupa. Áður var keypt fyrst og
hugsað á eftir. Þetta er mesta
breytingin, að mínum dómi."
- Hvað viltu segja um húsnæð-
iskerfið. Hefur það brugðist?
„Mér finnst það hafa brugðist,
já. En ástæðan er fyrst og frentst
fjárskortur hjá Húsnæðisstofn-
un.“
- Ýmsir hafa talað um ótryggt
atvinnuástand í byggingariönaði í
vetur og verktakar segjast ekki
geta selt allar sínar íbúðir á
frjálsum markaði. Hafa menn
farið of geyst í frarr.kvæmdir?
„Já, það vil ég meina. Þetta er
ekki neitt nýtt og hefur gerst
áður. Við skulum taka dæmi. Það
opnaðist glufa í kerfiö fyrir
tveimur árum og þá gusu verk-
takar upp eins og gorkúlur. Þá
segi ég - því ég tel mig vera einn
af þeim eldri á þessu sviði hér í
bænum, fyrir hönd þeirra sem
gátu þolað raunir mögru áranna
og héldum uppi atvinnu á erfiðu
tímunum, - að okkur er brigslað
um að vera of háir í tilboðum og
að við þurfum svo mikið til okk-
ar. Þetta er sagt á sarna tírna og
við erurn innan velsæntis með
okkar tilboð, eins og þar stendur.
Þetta finnst mér óréttlátur
dómur.“
- Þið hjá Híbýli munið tímana
tvenna. Hvernig hafa sveiflurnar
milli ára komið út hjá fyrirtæk-
inu?
„Við getum sagt um magra
tímabilið, þetta fimrn ára erfiða
tímabil frá 1981 til 1986, að það
trúði því enginn að það yrði
svona langt. Við sögðum senr svo
að við skyldum gera því skóna að
þetta gæti staðið í tvö ár. Þegar
ekkert hafði lagast eftir tvö ár
trúðum við ekki öðru en að þetta
Hörður Tulinius.
næði botninum á þriðja ári. En
að það yrðu finmi ár, því heföi
enginn trúað, og við átum nánast
skóna okkar fyrir.“
- Hvað álítur þú að Akurcyri
bcri mörg byggingafyrirtæki?
Á Akureyri hal'a starfað hefó-
bundin fyrirtæki á þessu sviði í
langan tíma. Ég vil nefna fyrir-
tæki eins og Aðalgeir og Viðar,
sem nú heitir Aðalgeir Finnsson
hf., en það fyrirtæki hefur starfað
síðan 1964. Híbýli hf. hefurstarf-
að síðan 1970. Ég vil segja að ef
við erum að ræða unr fyrirtæki af
þessari stærðargráöu þá ber bær-
inn að hámarki þrjú slík fyrir-
tæki. Fimm er of mikið, þá förum
við að éta hver af öðrum, saman-
ber þaö sent gerðist í síöasta til-
boði á vegum framkvæmda-
nefndar aldraðra.
Það þarf enginn að segja mér
að þetta sé hægt, ég er orðinn of
gamall í faginu til þess að ég láti
segja mér að ég geti ekki látið
gera hlutina sómasamlega. Þegar
menn eru komnir svona langt
niður eru þeir að framleiða undir
kostnaðarverði."
- Hvaða afleiðingar hefur slíkt
fyrir verktaka almennt séð ef
undirboð fara að tíðkast?
„Við étum hver annan upp
þangað til enginn verður eftir. í
versta falli getur farið svo að eng-
inn akureyrskur verktaki sjái sér
fært að starfa hérna lengur og við
verðurn að leita til Reykjavíkur
eftir verktökum. Þá kemur ein-
hver stór sem gleypir allt saman.
Þá verður ekki um neinn verð-
samanburð að ræða því þá koma
fyrirtæki sem rnunar ekkert um
að vera meö gengi hér sem getur
fullnægt markaðinum. Þá verö-
unr við ekki samkeppnisfærir
lengur. En ég stend við þaö hve-
nær sem er að það er fljótfærni og
ungæðisháttur að bjóða í verk
langt innan viö kostnað. Það eiga
allir rétt á að spreyta sig en mér
finnst ekki eðlilegt að byrja á að
éta sjálfan sig innan frá.“
- Þið eigið tilbúinn grunn, cins
og viö minntumst á áðan. Hve-
nær ætíjð þið aö hefja fram-
kvæmdir?
„Ég ætla að vona að það gerist
innan tveggja mánaða, jafnvel
fyrr. En við förum í bygginguna,
það er ekki spurning. Ég er ckki
hræddur við að þurfa að selja
eitthvað af þessum 22 íbúðum á
frjálsum markaði því staðurinn
býður upp á meira en mörg önn-
ur húsastæði í bænum. Ég myndi
þó ekki vilja vera með allt húsið á
frjálsum markaði, það er á
hreinu.“
- Hvernig leggst veturinn í
Þ'g/.
„Ég held að það eigi eitthvað
eftir að gerast í þessunt málum á
næsta ári. Þaö gengur ekki að hér
séu fimm stór verktakafyrirtæki,
það verður cinhver að draga sam-
an seglin. Viö skulunt athuga að
allmargir verktakar hafa hætt
undanfarin ár: Ýr, Sntárinn og
Barð hafa alveg horfið. Börkur
er nánast alveg kominn út úr
byggingastarfsemi og Konráð
Árnason sem rekur Fagverk hf.
er farinn að framleiða einangrun-
arplast. Þessir aðilar hættu að
standa í húsbyggingum og það
var skynsamleg ákvörðun, en það
komu aðrir í staðinn."

pBí°.E
Jtt □ ffl
□3 ffl □ n.
~[jq □ m m
ft □ C0 Ú3
Helgamagrastræti 53 veröur næsta verkefni hjá Híbýli hf.