Dagur - 22.03.1989, Blaðsíða 7

Miðvikudagur 22. mars 1989 - DAGUR - 7
Iðnaðarmenn vínna að umfangsmiklum endurbótum á Hótel Norðurlandi.
Hótel Norðurland:
Þó nokkrum gæðaflokk-
um ofar en það var
Þann 1. júní nk. verður opnað
nýtt hótel á Akureyri. Það ber
nafnið Hótel Norðurland og
verður í sama húsi og Hótel
Varðborg áður. Oneitanlega
fór fiðringur um marga Akur-
eyringa þegar þeir heyrðu
nafn hótelsins og rifjuðu þeir
hinir sömu upp minningar frá
liðinni tíð þegar gamla Hótel
Norðurland var og hét. Haft
var á orði hversu það væri
ánægjulegt að fá Hótel Norð-
urland í bæinn aftur.
Róttækar breytingar
innanhúss
Að sögn Gísla Jónssonar hjá
Ferðaskrifstofu Akureyrar sem
er einn af eigendum hótelsins,
var strax og gengið hafði verið frá
kaupsamningi við nýja eigendur
hafist handa við endurbætur á
hótelinu og er nú unnið af kappi
við þær. í byrjun var ráðgert að
opna hótejið 1. maí, en horfið
var frá því og ákveðið að fara út
í mun róttækari breytingar en
upphaflega voru áætlaðar. Ætl-
unin var að skilja eftir 3. hæðina
í bili, en ákveðið var að seinka
opnun um einn mánuð og opna
hótelið fullbúið. Segja má að allar
innréttingar í norðurálmu hússins
hafi verið rifnar niður, í þess orðs
fyllstu merkingu, því þar verður
allri herbergjaskipan breytt. Her-
bergjaskipan í suðurálmunni
kemur til með að halda sér, en
allar innréttingar verða endur-
nýjaðar. Alls verða herbergin 28
í hótelinu, eða tveimur fleiri en
áður og 18 þeirra verða með
baði, en voru aðeins 8 áður. Þá
verður gestamóttakan stækkuð
um það bil þrisvar sinnum og hún
gerð upp. I hluta hennar verður
einnig lítil fundaraðstaða sem
hægt verður að loka af. Eftir
breytingarnar er því ljóst, að
hótelið verður þó nokkrum
gæðaflokkum ofar en það var,
„verð fyrir gistingu verður ein-
hvers staðar fyrir ofan Hótel
Eddu og neðan Hótel KEA,“
sagði Gísli.
Ýmsar hugmyndir á lofti
Þegar er farið að auglýsa eftir
fólki til starfa við hótelið en
Alls verða 28 herbergi á hótelinu og
hótelstjóri var ráðinn á dögun-
um, Guðrún Erla Gunnarsdóttir
og tekur hún til starfa 1. maí nk.
Eigendur Hótels Norðurlands
eru eftirtaldir: Gísli og Þórarinn
sf., Flugfélag Norðurlands og
Ferðaskrifstofa Akureyrar auk
samstarfsaðila Ferðaskrifstofu
Akureyrar, Flugleiða, Úrvals og
Útsýnar, en ekki hefur endanlega
verið gengið frá stærð eignar-
hluta enn.
Aðspurður um hvort Ferða-
skrifstofa Akureyrar komi ekki
til með að nýta sér hótelið fyrir
sína viskiptavini sagði Gísli að
svo yrði. „Við komum til með að
nýta okkur þá aðstöðu sem við
eigum þarna, en áður höfum við
leigt hótel yfir sumartímann t.d.
að Þelamörk. Þá munum við að
sjálfsögðu bjóða helgarpakka á
18 þeirra með baði. Myndir: tlv
veturna í samvinnu við Flugleið-
ir.“
Gísli sagði að hótelið myndi
verða með morgunmat fyrir gesti
sína, auk þess sem matreitt yrði
fyrir hópa. Hins vegar verði ekki
um að ræða matsölu fyrir gesti af
götunni, a.m.k. ekki fyrst um
sinn. „Það hefur verið sótt um
vínveitingaleyfi en ekki hefur
verið ákveðið nákvæmlega
hvernig form verður á vínveiting-
unum.“
Nú er ljóst, að þó gistirými á
Akureyri sé ágætlega nýtt á
sumrin, stendur það mikið autt
yíir háveturinn. Gísli sagði ýms-
ar hugmyndir á lofti þess efnis að
„sækja“ gesti á hótelið, jafnvel
með því að brydda upp á ein-
hverjum nýjungum. „Við stæð-
um ekki í þessu ef við værum
ekki bjartsýnir,“ sagði Gísli að
lokum. VG
Hef flutt
tannlækningastofu mína
í Hofsbót 4, við BSO.
Sama símanúmer: 24440.
Egill Jónsson, tannlæknir.
Til feimingargjafa
Svefnpokar .. Verð frá kr. 3.700,-
Bakpokar . Verð frá kr. 3.100,-
Tjöld .... Verð frá kr. 8.700,-
Einnig viljum við minna á að sportveiðivörur
eru tilvaldar í fermingargjafir.
Gott úrval af veiðistöngum,
og veiðihjólum.
V I EYFJÖRÐ f Hjalteyrargötu 4 • Simi 22275 PjSSm [JL]

Hlutafjársjóður
Byggðastofnunar
Hlutafjársjóður Byggðastofnunar hefur tekið til starfa
samkvæmt lögum nr. 9/1989 um efnahagsaðgerðir
og reglugerð nr. 100/1989.
Hlutverk sjóðsins er að taka þátt í fjárhagslegri
endurskipulagningu útflutningsgreina með kaupum
á hlutabréfum í starfandi fyrirtækjum og þátttöku í
stofnun nýrra fyrirtækja er taki við starfsemi eldri
útflutningsfyrirtækja.
( tengslum við fjárhagslega endurskipulagningu
fyrirtækja er Hlutafjársjóði Byggðastofnunar heimilt
að kaupa hlutabréf að uppfylltum eftirtöldum skilyrð-
um:
1. Að viðkomandi fyrirtæki teljist vera meginuppi-
staða í útflutningi og atvinnurekstri á viðkomandi
starfssvæði eða í viðkomandi atvinnugrein sam-
kvæmt nánari reglum sjóðsstjórnar.
2. Að sýnt þyki að fyrirtækið búi við jákvæða rekstr-
arafkomu og viðunandi greiðslustöðu að lokinni
fjárhagslegri endurskipulagningu.
3. Að samhliða hafi tekist með frjálsum samningum,
nauðarsamningum eða öðrum aðgerðum að
gera eiginfjárstöðu viðkomandi fyrirtækis já-
kvæða miðað við matsverð fasteigna, véla, tækja
og áætlað endursöluverð skipa.
4. Að fullnægjandi skil hafi verið gerð á iðgjöldum
lífeyrissjóða vegna starfsmanna sem starfað
hafa hjá viðkomandi fyrirtæki.
í kjölfar árangurslausra nauðarsamninga og gjald-
þrots fyrirtækja er hlutafjársjóðnum heimilt að taka
þátt í stofnun nýrra fyrirtækja með hlutabréfakaup-
um.
Stjórn hlutafjársjóðsins setur nánari skilyrði og reglur
um hlutabréfakaup en þau sem að ofan greinir.
Þau fyrirtæki sem hug hafa á því að kannað verði
hvort aðstoð Hlutafjársjóðs Byggðastofnunar komi tii
greina þurfa að koma þeirri ósk á framfæri hið fyrsta.
Ekki er nauðsynlegt að skilyrðum reglugerðarinnar
sé fullnægt áður en umsókn er send.
Umsókn skal hafa borist Byggðastofnun eigi síðar
en 3. apríl nk.
Umsókn skal vera skrifleg og undirrituð af stjórnar-
formanni eða framkvæmdastjóra. Vísa má til gagna
sem liggja hjá Byggðastofnun, Atvinnutryggingar-
sjóði útflutningsgreina, bönkum og öðrum lánastofn-
unum varðandi efnahag fyrirtækis og annað er
skipta kann máli. í umsókn felst umboð til sjóðsins til
að skoða viðkomandi gögn. Erindi skal senda til
stjórnar Hlutafjársjóðs Byggðastofnunar, Rauðar-
árstíg 25, Reykjavík, sími 91-25133, telefax 91-
26566.
Hægt er að fá lög og reglugerð um sjóðinn hjá
Byggðastofnun.
Stjórn Hlutafjársjóðs Byggðastofnunar.