Dagur - 03.11.1989, Blaðsíða 5

Föstudagur 3. nóvember 1989 - DAGUR - 5
Alvarlegt ástand í
atvmnumálum á Akureyri
- Staðan rædd á íjölmennum fundi framsóknarmanna
Síðastliðið mánudagskvöld, 30.
október, héldu framsóknarmenn á
Akureyri fjölmennan fund um at-
vinnumál. Á fundinum kom fram í
máli manna að ástandið í atvinnu-
málum í bænum er mun alvarlegra
en nokkurn hafði órað fyrir og
fannst fundarmönnum ekki van-
þörf á að atvinnuhorfur næstu
mánaða yrðu teknar til umræðu í
bæjarstjórn Akureyrar strax.
Svavar Ottesen, nýkjörinn for-
maður Framsóknarfélags Akureyrar,
setti fundinn og stjórnaði honum.
Frummælendur voru: Þórarinn E.
Sveinsson, mjólkursamlagsstjóri;
Hákon Hákonarson, formaður Fé-
lags málmiðnaðarmanna og stjórnar-
maður í Húsnæðisstofnun; Jakob
Björnsson, fjármálastjóri skinnaiðn-
aðar SÍS; Björn Snæbjörnsson, vara-
formaður Verkalýðsfélagsins Eining-
ar og Magnús Þorsteinsson, fram-
kvæmdastjóri Sanitas á Akureyri.
Samdráttur í fullvinnslu
landbúnaðarafurða
í máli Þórarins E. Sveinssonar, mjólk-
ursamlagsstjóra, kom fram að mikill
samdráttur hefur átt sér stað í full-
vinnslu landbúnaðarafurða á Akur-
eyri í samræmi við minnkandi búvöru-
framleiðslu. Það væri nánast lögmál
að verslun og þjónusta fylgdi þróun-
inni í landbúnaði og svo væri einnig
nú. Hann taldi að rekstur sjávarút-
vegsfyrirtækja í eigu Kaupfélags Ey-
firðirrga, t.d. á Dalvík og í Hrísey,
gengi vel. Hins vegar ætti rekstur í
verslunar- og þjónustugreinum í erfið-
leikúm, m.a. vegna minnkandi kaup-
máttar. Þórarinn benti á að vegna
þessa væri staða Kaupfélags Eyfirð-
inga erfið og ljóst að gífurlegur fjár-
magnskostnaður reyndist því þungur
í skauti. Einnig væri ljóst að Kaup-
félagið myndi tapa tugum milljóna
vegna gjaldþrota ýmissa fyrirtækja.
íbúðir seljast ekki á
almennum markaði
Hákon Hákonarson, formaður Fé-
lags málmiðnaðarmanna og stjórnar-
maður í Húsnæðisstofnun, fjallaði
sérstaklega um stöðu byggingaiðnað-
arins í bænum. Nú væri svo komið að
nær engin ný íbúð seldist á hinum al-
menna markaði heldur eingöngu í
hinu félagslega kerfi og þá sérstak-
lega í Verkamannabústaðakerfinu.
Ef fram héldi sem horfði myndi störf-
um f byggingaiðnaði á Akureyri
halda áfram að fækka á næstu árum.
Hákon nefndi sem dæmi að af þeim
40-50 íbúðum sem eru í byggingu nú,
hafa einungis 2-3 selst á almennum
markaði.
Hvað þungaiðnaðinn varðar, benti
Hákon á að eftir áramót væru engin
verkefni fyrirliggj andi í Slippstöðinni
á Akureyri og að óbreyttu blasti við
að 220-230 fyrirvinnur heimila misstu
vinnuna innan 3ja mánaða.
Störfum fækkaö um
tæplega 300
Jakob Björnsson, fjármálastjóri
skinnaiðnaðar SÍS, sagði að staða Ala-
foss væri vægast sagt mjög erfið og
baráttan snerist nú fyrst og fremst
um það að halda í horfinu. Ef gengið
hækkaði væri voðinn vís. Hann benti
á að fyrir nokkrum árum hefðu starf-
að um 770 manns hjá Iðnaðardeild
Sambandsins á Akureyri en nú væru
um 480 heil störf hjá skinnadeild og
Álafossi samtals. Þetta er fækkun um
tæp 300 störf. Jakob sagði að störfum
myndi ekki fjölga hjá Skinnaiðnaðar-
deildinn í náinni framtíð, en þar
starfa nú um 40 fleiri en á sama tíma
í fyrra. Skinnum hefði fækkað um
30-40 þúsund milli ára og í dag gæti
verksmiðjan annað öllum gærum á
landinu. Deildina skorti sem sagt
hráefni til að geta aukið afköstin.
Fjórföldun milli ára
Björn Snæbjörnsson, varaformaður
Verkalýðsfélagsins Einingar benti á
að 190 manns væru á atvinnuleysis-
skrá 30. október. Tvö byggingarfyrir-
tæki hefðu sagt upp rúmlega 10 verka-
mönnum fyrir skemmstu og staðan
hjá Félagi verslunar- og skrifstofu-
fólks væri dökk. Ástandið væri ekki
mikið skárra hjá Iðju, félagi verk-
smiðjufólks. Til marks um atvinnu-
ástandið nú benti Björn á að í október
í fyrra hefði verið búið að greiða um 4
milljónir króna í atvinnuleysisbætur
á Akureyri en á sama tíma í ár hefði
þessi upphæð verið fjórum sinnum
hærri, eða 16 milljónir króna.
Magnús Þorsteinsson, framkvæmda-
stjóri Sanitas, sagði að rekstur Sanitas
hefði gengið vel, m.a. vegna þess að
bjórsalan hefði gengið vonum framar.
Hins vegar rnætti búast við því að
þegar kaupmáttur minnkaði, yrði fólk
að neita sér um ýmislegt sem ekki
teldist til brýnustu nauðsynja, m.a.
bjór. Hann sagði að Sanitas framleiddi
nú um 4 milljónir lítra af bjór árlega
en gæti framleitt um 7 milljónir lítra.
Það væri ekki líklegt eins og nú áraði
að afköst verksmiðjunnar yrðu aukin
í náinni framtíð.
Stóriöja nauðsynleg
Fjölmargir tóku til máls að framsögu-
erindum loknum. Mikið var rætt um
hugsanlegar stóriðjuframkvæmdir
við Eyjafjörð og voru fundarmenn al-
mennt sammála um nauðsyn stóriðju
fyrir atvinnulífið á svæðinu, þótt slík-
ar framkvæmdir leystu ekki þann
vanda sem við er að etja nú. Þá var
lögð rík áhersla á að huga þyrfti vel
að mengunarvörnum. Bent var á að til
sögunnar hefðu komið nokkur ný fyr-
irtæki sem hefðu aukið fjölbreytni at-
vinnulífsins í bænum og skotið traust-
ari stoðum undir það. Voru m.a.
nefnd fyrirtæki eins og Samherji, ís-
tess og DNG. Einnig var bent á mik-
ilvægi Fjórðungssjúkrahússins og Há-
skólans fyrir atvinnulíf bæjarins. Fram
Nauðungaruppboð
þriöja og síðasta
á eftirtöldum fasteignum fer
fram á eignunum sjálfum,
á neðangreindum tíma:
Dalbraut 9, Dalvík, talinn eigandi
Sigurgeir Sigurðsson, miðvikud. 8.
nóv. ’89, kl. 15.30.
Uppboðsbeiðendur eru:
Benedikt Ólafsson hdl., Trygginga-
stofnun ríksins og Ólafur Birgir
Árnason hdl.
Hafnarbraut 5, Dalvík, þingl. eig-
andi Víkurbakarí, miðvikud. 8. nóv.
’89, kl. 16.00.
Uppboðsbeiðandi er:
Iðnlánasjóður.
Bæjarfógetinn á Akureyri
. og Dalvík,
Sýslumaðurinn í Eyjafjarðarsýslu.
iia
Aðalfundur
Framsóknarfélags N.-Þing,
vestan heiðar verður þriðjudaginn 7. nóvember kl.
20.30 í Lundi, Öxarfirði.
Venjuleg aðalfundarstörf.
Á fundinn mæta Guðmundur Bjarnason, ráðherra og
Jóhannes Geir Sigurgeirsson alþingismaður. Stjórnin.
komu áhyggjur vegna kvótastöðu
Útgerðarfélags Akureyringa; kvóti
fyrirtækisins myndi ekki duga fram til
áramóta og þar með myndi enn fjölga
á atvinnuleysisskrá innan fárra vikna.
Tómlæti bæjaryfirvalda
Niðurstaða fundarins var ótvíræð.
Bæjaryfirvöld verða að láta vanda at-
vinnulífsins á Akureyri til sín taka án
tafar. „Hvað gerist á Akureyri ef
fyrirvinnur heimila verða atvinnu-
lausar í hundraðatali? Brestur á flótti
til Reykjavíkur eins og áður hefur
gerst?“ Fundarmenn voru á einu máli
um að bæjaryfirvöld verði að svara
spurningum á borð við þessar í fullri
hreinskilni. Umfram allt verði bæjar-
stjórn Akureyrar að hrista af sér slenið
og leita leiða til að koma í veg fyrir
að neyðarástand skapist í akureyrsku
atvinnulífi.
AKUREYRARBÆR
Hundaeigendur
Akureyri
Lögboðin hundahreinsun 1989 verður á Akur-
eyri
Föstudaginn 3. nóvember kl. 16-18 og
laugardaginn 4. nóvember kl. 10-12.
Hundaeigendur mæti með hunda sína í áhalda-
hús Gróðrarstöðvarinnar, framvísi kvittun fyrir
greiðslu ábyrgðartryggingar hundsins og greiði
leyfisgjald kr. 4.000,-.
Hafið hundana fastandi hreinsunardaginn. Þá
verður hreinsun auðveldari og árangur betri.
Heilbrigðisf ulltrúi.
Ef þú ert í nánu sambandl
veistu hvar þú stendur
Þjónustusíminn veitir þér
upplýsingar um nýjustu
stöðuna á tékka-
reikningnum og 20 síðustu
færslur. Þú getur hringt
hvenær sem er — á nóttu
sem degi.
Einfalt, öruggt, þægilegt
Nú þarftu ekki lengur að
bíða eftir reikningsyfirliti
eða hringja í bankann. Þú
hringir í síma-. (91)
1 1
og færð gefna upp nýjustu
stöðu strax. Hægt er að
hringja úr hvaða tónvals-
síma sem er — heima eða
erlendis.
Ný staða strax kostar eitt
símtal og þú greiðir ekkert
þjónustugjald.
Lykillinn að Þjónustu-
símanum er leyninúmer
sem þú velur í bankanum
þínum. Fáðu þér kynningar-
bækling og settu þig í
samband strax.
Vertu í beinu sambandi við Þjónustusímann og bú veist alltaf hvar bú stendur
82 44 44
BEIIM LIISIA
BANKA UM LAIVID ALLT
LANDSBANKINN ALÞÝÐUBANKINN ÚTVEGSBANKINN IÐNAÐARBANKINN
VERSLUNARBANKINN SAMVINNUBANKINN BÚNAÐARBANKINN
P&ð/SlA