Dagur - 04.09.1990, Blaðsíða 6
6 - DAGUR - Þriðjudagur 4. september 1990
Sjóstangveiðimót SJÓAK 1990:
Marhnúturinn kveikti stolt
í brjósti veiðimannsins
Aflahæsta sveit mótsins, sveit Bjarka Arngrímssonar. Aðrir í sveitinni eru
talið f.v.: Andri Páll Sveinsson, Páll Pálsson og Rúnar Sigmundsson.
Þessir veiðimenn voru „munstraðir“ á Sunnu. Páll Pálsson hampar hróðug-
ur marhnúti einum miklum.
Þessar aflaklær veiddu undir vökulum augum blaðamanns Dags á Hrönn
EA. Talið f.v.: Jóhannes Héðinsson, Anna Jónasdóttir, Jón Ingi Steindórs-
son og Pétur Jónasson.
Hugðarefni manna eru ýmiss
konar, misjafnlega dýr eins og
gengur og gerist og fjölbreyti-
leg eins og þau eru mörg.
Fjöldi manna stundar stang-
veiði í ám og vötnum landsins,
en vaxandi hópur fólks leggur
stund á sjóstangveiði. Haldin
eru mót víðs vegar um landið á
sumri hverju, og sum þeirra
eru hluti af íslandsmeistara-
móti, þ.e. mót sem nú haldin
eru á Akureyri, Isafirði og
Vestmannaeyjum.
Reyndar hafa staðið yfir breyt-
ingar á fyrirkomuiagi íslands-
mótsins, og hefur m.a. verið rætt
um það að halda mótið á fleiri
stöðum en þeir sem þátt taka
gætu látið árangur þeirra þriggja
móta, sem þeir ná bestum árangri
í, gilda. Með þessu fyrirkomulagi
yrði ekki nauðsynlegt að taka
þátt í öllum mótunum, enda er
þetta nokkuð dýrt sport, þátt-
tökugjald um níu þúsund krónur
auk ferðakostnaðar og uppi-
halds, sem kannski er þó ekki
eins dýrt eins og sumt annað
sport sem stundað er hérlendis
þegar öllu er á botninn hvolft.
Lagt upp frá Dalvík
Sl. föstudag hófst Akureyrarmót
í sjóstangveiði, og voru margir
vígalegir veiðimenn mættir við
biðskýli strætisvagnanna við
Ráðhústorg kl. 6 um morguninn
til þess að taka sér far með rú’tu
til Dalvíkur. Frá Dalvíkurhöfn
skyldi síðan haldið til veiða á
slaginu kl. 7. Með í för var blaða-
maður Dags sem nú skyldi leidd-
ur í allan sannleika um hversu
geysiskemmtileg þessi íþrótt er.
Á Dalvík biðu 12 bátar eftir
þátttakendum, en á fimmtudags-
kvöld var mótið sett á Hótel
KEA og þar fengu allir keppnis-
gögn og upplýsingar um á hvaða
bát þeir skyldu vera. Því gekk
það fljótt fyrir sig að komast um
borð og á slaginu sjö sigldu allir
bátarnir út úr hafnarmynninu.
Blaðamanninum hafði verið
komið fyrir á HRÖNN frá Greni-
vík, en skipstjóri er Heiðar Bald-
vinsson og með honum fyrri
keppnisdag Gísli Gíslason en
seinni dag Þórður Ólafsson.
Veiðimenn voru hins vegar Pétur
Jónasson frá ísafirði, Jóhannes
Héðinsson frá Akureyri, Jón Ingi
Steindórsson frá Vestmannaeyj-
um og Anna Jónasdóttir frá
Hauganesi en hún var að taka
þátt í sínu fyrsta sjóstangveiði-
móti.
Haldið var út undir Múla eins
og reyndar flestir aðrir bátar og
þar rennt eigi ýkja langt frá landi.
Þar fór hann strax að gefa sig.
Haldi menn að sjóstangveiði-
kempur hafi aðeins með sér örfáa'
öngla eða eins og einn og einn
slóða þá er það mesti misskiln-
ingur, því flestir hafa meðferðis
verkfærakassa fullan af önglum,
slóða, línurh o.fl. sem of flókið
mál er fyrir landkrabba að telja
upp eftir aðeins eina sjóferð.
Beitu fá keppendur hins vegar á
bátnum, og var beitt rækju og
kúskel sem þeir Heiðar og Gísli
sáu samviskusamlega um að veiði-
klærnar hefðu nóg af.
Veðurfar og sjóveiki
Veður var ekki sem best, 3 til 4
vindstig af norðaustri og talsverð
hreyfing á bátunum, og því tók
það sinn toll í röðum keppenda
þegar leið fram á morguninn, því
sjóveiki fór þá að angra suma
keppendur enda varð aflinn þá í
samræmi við það, eða nokkur
kóð. Allir á HRÖNN voru hins
vegar við hestaheilsu, það var
helst að matarlyst blaðamannsins
hyrfi um tíma, sérstaklega þegar
komið var út fyrir Hrólfssker,
enda valt þá báturinn ansi mikið.
Afli var nú ekki sérlega mikill,
svona tæplega einn plastkassi á
hvern keppenda, en þó veiddist
eilítið af karfa og einar þrjár ýsur
utan þorsks, en mikill fögnuður
braust út þegar Vestmanneying-
urinn dró líka þennan fína mar-
hnút.
Klukkan hálfþrjú drógu svo
allir upp og héldu til lands þar
sem aflinn var vigtaður í Frysti-
húsi KEA á Dalvík, en tíminn
fram að því var óspart notaður,
því það var ekki fyrr en báturinn
var gangsettur að síðasta fiskin-
um var kippt innfyrir. Eina hléið
sem gert var á veiðiskapnum var
þegar HRÖNNIN kippti frá Múl-
anum og norður fyrir Hrólfssker,
þá var tíminn notaður til að næra
sig og bera saman bækur sínar,
og að sjálfsögðu hlusta á sögur af
því hversu gífurlegur afli hefði
fengist á öðrum mótum á undan-
förnum árum, og voru þá keilu-
veiðar við Vestmannaeyjar ekki
undanskildar auk annnars stór-
fiskerís sem þar er stundað.
Verðlaunin sko
ekkert „slor“
Mótið hélt svo áfram á laugar-
deginum án eftirlits blaðamanns-
ins, en á Iaugardagskvöldið var
svo lokahóf á Hótel KEA, þar
sem keppendur uppskáru eins og
þeir sáðu, eða kannski væri
réttara að segja: eins og þeir
beittu. Verðlaunaafhendingunni
stjórnaði Júlíus Snorrason, for-
maður SJÓAK, af röggsemi, en
veitt voru verðlaun fyrir þyngsta
marhnútinn; keiluna; lúöuna;
steinbítinn; karfann; ufsann;
ýsuna; þorskinn; flestar tegundir
sem voru 7; flesta fiska sem voru
114; mestan afla karla; mestan
afla kvenna; aflahæstu sveitir
karla og kvenna; mestan afla;
stærsta fiskinn og þrjá aflahæstu
bátana, en það voru Gunnar
Níelsson (skipstjóri Árni Hall-
dórsson) með 106,81 kg/stöng;
annar Goði (skipstjóri Anton
Harðarson) með 101,00 kg/stöng
og þriðji Sunna (skipstjóri Guð-
jón Steingrímsson) með 81,14 kg/
stöng. Hverjum verðlaunahafa
var fagnað rétt eins og hann hefði
orðið Olympíumeistari í því að
draga fisk úr sjó á stöng, þvílíkur
var fögnuðurinn. Heilarafli þátt-
takendanna 52ja var 3407 kg að
þessu sinni og hefur oft verið
meiri eða allt að 7000 kg. En er
ekki best að kenna veðrinu um,
eða hvað? Ekki verður skip-
stjórunum kennt um því þeir
gerði sitt besta í veltingnum,
enda er þetta líka keppni þeirra á
milli um heildarafla.
Aflakló mótsins
Aflákló þessa Akureyrarmóts er
óumdeilanlega Gunnar Snorra-
son frá Reykjavík sem hlaut
verðlaun fyrir stærsta þorskinn,
stærstu lúðuna, var aflahæstur
einstaklinga með 121,85 kg og
veiddi flesta fiska eða alls 114, en
hann hefur aldrei fyrr keppt á
sjóstangveiðimóti á Eyjafirði.
Áflahæst kvenna var Ása Gríms-
dóttir frá ísafirði, og hún varð í
öðru sæti með flesta fiska, eða
alls 107.
En hvaða töframeðal notaði
Gunnar til að ná þessum árangri?
Var hann með „öðruvísi veiðar-
færi“ eða er hann bara svona
fiskinn?
„Nei, nei, ég var með svipaðan
útbúnað og aðrir, en ég hef mik-
inn áhuga og tilfinningu fyrir því
sem ég er að gera meðan á veið-
inni stendur. Það er fyrst og
fremst ástæðan fyrir því að mér
hefur gengið svona vel,“ sagði
aflaklóin Gunnar Sorrason
kampakátur eftir verðlaunaveit-
inguna á laugardagskvöldið.
Sjóstangveiði er skemmtileg
íþrótt, það getur undirritaður
vottað um þótt þátttaka hans hafi
ekki verið mikil. En hver veit
nema á þessu móti hafi verið
kveiktur sá neisti að á meðal
þátttakenda á næsta móti verði sá
sem vopnaður var myndavél og
penna á Sjóstangveiðimóti SJÓ-
AK 1990? Hver veit?! GG
Aflahæstu skipstjórarnir kampakátir með sigurlaunin.
Pottablóm
Blómapottar — áburdnr — mold og
margt fleira til blómaræk tunar.
- O
Bjöm Sigurðsson • Baldursbrekku 7 • Símar41534 • Sérleyfisferðir ■
Hópferðir • Sætaferðir • Vöruflutningar
SÉRLEYFISFERÐIR
HÚSAVÍK-AKUREYRI-HÚSAVÍK
HAUSTÁÆTLUN
Gildir frá 1. sept. ’90
su má þri mi fi fö
Frá Húsavík: kl. 19.00 08.00 * 08.00 08.00
Frá Akureyri: kl. 21.00 16.00 * 16.00 16.00
Ath. Framvegis verður ekið um Stangarbakka en ekki Garð-
arsbraut.
* Ath. Sérstök vöruferð á miðvikudögum, ekki fastir brottfara-
tímar.
Sérleyfis- og vöruafgreiðsla Húsavík: Garðarsbr. 7, sími 42200.
Farþegaafgreiðsla Akureyri: Umferðarmiðstöðin Hafnarstr. 82, sími
24442.
Vörumóttaka á Akureyri: Ríkisskip v/Sjávargötu, sími 30435.
Sérleyfishafi.