Dagur - 19.01.1991, Qupperneq 17
Laugardagur 19. janúar 1991 - DAGUR - 17
efst í hugo
Hjálp! Jákvæðar
fréttir óskast/
Það fer ekki hjá því að maður sé heldur
lágt stefndur þessar fyrstu vikur ársins.
Hvernig á öðruvísi að vera? Allan lið-
langan daginn glymja í eyrum tiðindi,
sem ekki eru beint til þess fallin að rífa
mann upp. Fréttatímar eru yfirfullir dag
eftir dag af fregnum frá Litháen, að ekki
sé nú minnst á djöfulganginn við Persa-
flóa. Hvergi virðist vonarneista að finna.
Auk hörmungartíðinda af erlendum
vettvangi, hafa náttúruöflin séð lands-
mönnum fyrir óendanlega niðurdrepandi
fréttum af innlendum vettvangi. Fyrst var
það ísingin með tilheyrandi eyðileggingu
á rafmagnslínum og -staurum og margra
daga rafmagnsleysi. Þegar menn voru í
þann veginn að jafna sig á þessum
hremmingum gekk yfir landið kolvitlaust
sunnan veður sem feykti bílum og þak-
plötum út og suður.
Nýjustu válegu tíðindin eru loðnu-
bresturinn. Litlar líkur eru á að veidd
verði loðna á þessari vetrarvertíð, sem
eru mjög svo alvarleg tíðindi fyrir fjölda
fólks í landinu. Afkomu þeirra sem hafa
tekjur af þessum dyntótta fiski er stefnt í
voða og komi engar ráðstafanir til blasir
fátt við nema fjöldagjaldþrot.
Mér hefur veriö hugsað til þess síð-
ustu daga hvernig neikvæðarfréttir, eins
og hér hefur verið getið, orki á fólk. Ef til
vill seytla þær „inn um anriað og út um
hitt“. Hitt finnst mér þó líklegra að fólki
finnist nóg um að fá þær ofan i drunga
skammdegisins. Meira að segja börnun-
um stendur ekki á sama. Þau eru ótta-
slegin yfir því sem er að gerast við
Persaflóa, enda fá þau nýjustu tíðindi af
vettvangi heim í stofu strax eftir að
atburðirnir gerast út í hinum stóra heimi.
Það liggur við að Stundin okkar, þessi
heilagi tími barnanna, verði að víkja fyrir
nýjum stríðsmyndum frá blóðvellinum.
Nútíma fjölmiðlun, ekki síst á sviði
sjónvarpssendinga, á vafalaust mestan
þátt í því að börn á Vesturlöndum, þar á
meðal íslandi, eru óttaslegnari yfir
stríðsrekstrinum við Persaflóa en dæmi
eru áður um í mannkynssögunni. Þau
skynja þá hættu sem vofir yfir. Þeim er
það Ijóst að þrátt fyrir að átök brjótist
ekki út á norðurhjara, kann áhrifa stríðs-
ins að gæta hér. Mér þótti athyglisvert
viðtal í fréttatíma Ríkisútvarpsins í vik-
unni við unglingsstúlku, sem ég trúi að
endurspegli hugmyndir þessa aldurs-
hóps til Persaflóadeilunnar. Hún sagðist
óttast mjög stríð og gæti vart sofið fyrir
áhyggjum vegna þess að svo kynni að
fara að stríð hefði áhrif á andrúmsloftið
um gjörvallan heim og ísland væri þar
ekki undanskilið. Þá sagðist hún vera
óttaslegin yfir hugsanlegum hryðjuverk-
um.
Þetta er einmitt mergurinn málsins. Þó
svo að við séum hér upp á (slandi, fjarri
átakasvæðunum, erum við ekki stikkfrí.
Við erum öll dregin inn í stríðið á einn
eða annan hátt. Án þess að við séum
spurð. Við búum öll á eina og sama
hnettinum í sólkerfinu, móður jörð. Svo
einfalt er það. Óskar Þór Halldórsson.
íþróttir
Úrvalsdeildin í körfubolta:
Keflavík sigraði Tinda-
stól með miklum yfirburðum
- þetta er leikur sem norðanmenn vilja helst gleyma sem fyrst
Keflvtkingar bættu stöðu sína í
B-riðli Urvalsdeildarinnar í
körfubolta, með því að sigra
efsta liðið Tindastól með mikl-
um yfirburðum í Keflavík á
fímmtudagskvöldið, eða 114
stigum gegn 76. í hálfleik var
staðan 60:47. Þrátt fyrir
ósigurinn, eru norðanmenn
efstir í riðlinum með 24 stig en
ÍBK og UMFG koma næst
með 22 stig.
Fyrirfram var búist við jöfnum
leik og kom því þessi stóri sigur
heimamanna hinum 700 áhorf-
endum á óvart, eins og Heklu-
gos. Allar sóknaraðgerðir heppn-
uðust hjá ÍBK, eins og hjá fjöl-
þjóðahernum í stríðinu við
Saddam.
Þeir náðu í byrjun 10 stiga for-
skoti sem þeir juku jafnt og þétt
með hröðu spili og góðri hittni á
skotmarkið, körfuna. Voru þar
að verki Falur Harðarson, Tom
Lytle og Sigurður Ingimundarson
en mikinn heiður átti einnig Jón
Kr. Gíslason sem stjórnaði sókn-
araðgerðunum af mikilli útstjón-
arsemi.
Besti kafli ÍBK kom undir
lokin, þegar liðið skoraði 11 stig í
röð, gegn engu gestanna, breyttu
stöðunni úr 96:66 í 107:66 og við
það má segja að norðanmenn
hafi lagt árar í bát og bæði liðin
létu varaliðið spila til loka.
Tindastólsmenn hafa vart verið
jafn slakir í háa herrans tíð og
geta vart spilað verr og voru eins
og tindalaus hrífa allan leikinn.
Ivan Jonas var sá eini sem sýndi
hvað í honum býr, enda lang stiga-
hæstur gestanna. Pétur Guð-
mundsson átti sæmilegan leik í
fyrri hálfleik en var lítið inná í
þeim seinni. Valur Ingimundar-
son var aðeins skugginn af sjálf-
um sér og skoraði aðeins 12 stig.
Þetta var leikur sem Tindastóls-
menn vilja ábyggilega gleyma
sem fyrst.
Dómar voru þeir Jón Otti
Ólafsson og Bergur Steingríms-
son og dæmdu vel.
Stig IBK: Falur Harðarson 28, Tom
Lytlc 21, Sigurður Ingimundarson 20,
Jón Kr. Gíslason 18, Albert Óskarsson
13, Hjörtur Harðarson 4, Skúli Skúlason
3, Jón Ben. Einarsson 2 og Egill Viðars-
son 2.
Stig UMFT: Ivan Jonas 27, Pétur
Guðmundsson 19, Valur Ingimundarson
12, Haraldur Leifsson 6, Karl Jónsson 5,
Sverrir Sverrisson 2, Einar Einarsson 2
og Kristinn Baldvinsson 2. -MG
/------------------------------------\
Sprengitilboð:
Rímí hreinn ávaxtasafi V4 lítri kr. 25.-
Hinn vinsæli þorramatur kominn
Opið alla daga til kl. 20.00
KJÖRBÚÐ KEA
BYGGÐAVEGI 98
AKUREYRARB/CR
Bað- og
sundlaugarvarsla
Laus eru til umsóknar tvö störf við bað- og
sundlaugarvörslu í Sundlaug Akureyrar. (Karl
og kona).
Ráðið verður í störfin til eins árs frá 1. febrúar nk.
Laun samkvæmt kjarasamningi STAK og Akur-
eyrarbæjar.
Upplýsingar um störfin gefa sundlaugarstjóri í
síma 23311 og starfsmannastjóri í síma 21000.
Umsóknareyðublöð fást í starfsmannadeild Akur-
eryarbæjar.
Umsóknarfrestur er til 25. janúar.
Bæjarstjórinn á Akureyri.
Yfirvélstjóra vantar
strax á 80 tonna bát.
Fer á net fyrir Suðurlandi.
Upplýsingar í símum 96-42015, 96-41492 og 96-26384.
Kristnesspítali
Staða yfirlæknis við endurhæfingardeild Krist-
nesspítala er laus til umsóknar.
Staðan veitist frá og með 1. júlí nk.
Umsækjendur skulu vera viðurkenndir sérfræðingar
í orku- og endurhæfingarlækningum.
Nánari upplýsingar veitir yfirlæknir spítalans í síma
96-31100.
Umsóknir skulu sendar framkvæmdastjóra Kristnes-
spítala fyrir 15. mars nk.
Ríkisspítalar.
Frá Menntaskólanum á Akureyri
Starf fjármálastjóra við Menntaskólann á Akur-
eyri er auglýst laust til umsóknar.
Æskilegt er að umsækjandi hafi hlotið menntun í
verslunar- eða viðskiptafræðum eða hafi starfs-
reynslu í bókhaldi eða fjármálastjórn. Laun eru sam-
kvæmt launakerfi opinberra starfsmanna (BSRB
506.244). Fjármálastjóri vinnur undir yfirstjórn skóla-
meistara að störfum er varða fjármál og rekstur
skólans.
Frekari upplýsingar veitir Tryggvi Gíslason skóla-
meistari í síma 96.25660 á skrifstofutíma.
Umsóknarfrestur er til 25. janúar 1991.
Menntaskólanum á Akureyri 17.01.1991.
Skólameistari.
Háskólinn á Akureyri
Lausar eru til umsóknar stöður fulltrúa á
skrifstofum deilda Háskólans á Akureyri.
Um er að ræða 50% stöðu við hverja deild fyrir sig,
þ.e. heilbrigðis-, rekstrar- og sjávarútvegsdeild. Til
greina kemur að ráða í 100% starf og er þá viðkom-
andi fulltrúi tveggja deilda.
Laun samkvæmt kjarasamningum BSRB.
Umsóknarfrestur er til 1. febrúar nk. og skal umsókn-
um skilað á skrifstofu skólans á þar til gerðum eyðu-
blöðum ásamt upplýsingum um menntun og fyrri
störf.
Upplýsingar um starfið gefur skrifstofustjóri í síma
96-27855 eða á skrifstofu skólans á virkum dögum
milli klukkan 13 og 15.
Háskólinn á Akureyri.