Dagur - 04.07.1991, Page 6

6 - DAGUR - Fimmtudagur 4. júlí 1991
Vegaframkvæmdir 1991:
Framkvæmt fyrir 639 milljómr á Norðurlandi
samkvæmt fjárlögum ríkisins
Af fjárlögum þessa árs fer
rúmur 2,1 milljarður króna til
vegaframkvæmda víðs vegar
um landið. Stærsta fjárhæðin
fer til Vestfirðinga, 514 millj-
ónir, og þar af 276 milljónir
vegna jarðgangagerðar. Á
Norðurlandi verður fram-
kvæmt fyrir 639 milljónir
króna; 230 á Norðurlandi
vestra og 409 á Norðurlandi
eystra. Mesta fjárveitingin fer
til Múlaganga, 198 milljónir,
þar af bókfærð skuld frá síð-
asta ári upp á 145 milljónir.
Afgangurinn, 53 milljónir,
verður til skiptanna vegna frá-
gangs á göngunum.
Stærsta framkvæmdin á
Norðurlandi vestra er styrking
Strákaganga. Sett verður upp
vatnsvarnarlag og lagnir og gólf
endurnýjað. Istak hf. framkvæm-
ir verkið fyrir 72 milljónir frá 12.
ágúst til 18. október nk., sam-
kvæmt áætlun.
Á Öxnadalsheiði verður nýr
vegur byggður frá Reiðgili að
Grjótá fyrir 50 milljónir króna,
auk nýrrar brúar yfir Reiðgil. t>á
verður ný brú byggð yfir Hjalta-
dalsá í Viðvíkursveit fyrir 22
milljónir. Alls fara 20 milljónir í
frágang vegarkaflans í Blönduhlíð
frá Miklabæ að Kjálkavegi, sem
unnin var sl. sumar. Á 10 km
löngum kafla á Siglufjarðarvegi
frá Lambanesá að Sauðanesi
verður unnið malarslitlag og
rásagerð fyrir 15 milljónir. Eru
þá fjárfrekustu og helstu fram-
kvæmdir upptaldar á þjóðvegum
kjördæmisins, nema hvað sett
verður upp lýsing á kílómetra-
kafla um Víðihlíð í Húnaþingi.
Samkvæmt fjárlögum verður
framkvæmt í Öxnadal fyrir sam-
tals 124 milljónir króna. Þeir
peningar fara í undirbúning nýs
vegar frá Bægisá að Engimýri og
malað burðarlag á veginn frá
Grjótá á Öxnadalsheiði að Öxna-
dalsvegi. Nýr vegur verður
byggður á 3,4 km löngum kafla
frá Gljúfurá til Grenivíkur fyrir
24 milljónir. Á Eyjafjarðarbraut
eystri verður byggð ný brú yfir
Þverá fyrir 19 milljónir.
Ef litið er nánar á skiptingu
Vinnuvélar frá Jarðverki sf. að störfum í Öxnadal á kaflanum Bægisá-Þverá.
Mynd: -bjb
fjármagns til vegaframkvæmda
eftir kjördæmum þá verður fram-
kvæmt á Vesturlandi fyrir 235
milljónir, 307 milljónir á Austur-
landi, 236 milljónir fara til Sunn-
lendinga og 179 milljónir á
Reykjanesi.
Þær tölur sem hér hafa verið
taldar upp eru samkvæmt fjárlög-
um og birtust í nýjasta hefti
Vegamála, tímariti Vegagerðar
ríkisins. Rétt er að taka fram að
margar framkvæmdir eru boðnar
út og tilboð verktaka því yfirleitt
lægri en fjárlagatalan. Að sögn
Guðmundar Svafarssonar,
umdæmisverkfræðings hjá Vega-
gerð ríkisins á Akureyri, standast
fjárlagatölurnar yfirleitt þegar
upp er staðið. Verktakagreiðsl-
urnar eru stærsti hlutinn en þá er
eftir að greiða ýmsar bætur til
landeigenda auk þess sem unnið
er meira í hvert sinn ef tilboð
verktaka er þeim mun lægra en
fjárlagatalan. Þannig að mismun-
urinn „hverfur“ ekki í ríkiskass-
ann. -bjb
Á bökkum Þverár og Öxnadalsár:
Staldrað við hjá
búðum Króksverks hf.
- og heilsað upp á starfsmenn
Starfsmenn Króksverks hf. á tröppum matarvagnsins. Vinstra megin í tröpp-
unum, talið neðan frá, standa Skúli Ferdinandssun, verkstjóri, Sigurður
Freyr Emilsson, Ingólfur Arnarson, sendill, Kristján Ingason og Hjalti
Róarsson. Hægra megin, talið ofan frá, standa Snæbjörn Guðmundsson,
Daníel Sveinbjörnsson, Kári Heiðar Árnason, Árdís Björnsdóttir og Jón
Ingi Björgvinsson. Á myndina vantar brúarvinnuflokk Friðriks Jónssonar sf.
og ýtustjórana úr Þingeyjarsýslu, þá feðga Hrein Valtýsson og Þórð Hreins-
son frá Eyvík á Tjörnesi. Myndir: -bjb
Eins og sagt var frá í blaðinu í
gær standa yfir miklar vega-
gerðarframkvæmdir í Öxna-
dal. Um er að ræða 12,5 km
langan vegarkafla frá Bægisá
að Engimýri. Tveir verktakar
eru að störfum, Jarðverk sf.
með kaflann frá Bægisá að
Þverá og Króksverk hf. frá
Þverá að Engimýri. Þó kaflinn
sem Króksverk er með sé mun
styttri þá er um kostnaðarsam-
ari framkvæmd að ræða. Veg-
arkaflinn fer yfír Hólana hjá
Hrauni í Öxnadal og miklu
stórgrýti þarf að ýta til og fjar-
lægja. Dagur var á ferðinni í
Öxnadal sl. mánudagsmorgun
og heimsótti búðir Króks-
verksmanna á bökkum Öxna-
dalsár og Þverár, þar sem árn-
ar mætast hjá Þverárrétt.
Vel bar í veiði þar sem Króks-
verksmenn voru að hefja störf
eftir helgarfrí. Matráðskonan,
Árdís Björnsdóttir, var búin að
hita kaffi og starfsmenn Króks-
verks gæddu sér á kaffibrauði
áður en vinnuvikan hófst. Króks-
verk hf. frá Sauðárkróki hóf
þarna störf um mánaðamótin
maí-júní og hafa á bilinu 15-20
manns verið að störfum. Auk
lagningar nýs vegar er verið að
byggja nýja brú yfir Þverá. Sú
framkvæmd er í höndum Friðriks
Jónssonar sf. á Sauðárkróki. Þeg-
ar Dagur var þarna á ferðinni var
búið að steypa upp brúarvængina
en eftir að steypa plötuna (sjá
mynd).
í vegarkaflann frá Þverá að
Engimýri eiga að fara 75 milljón-
ir króna af fjárlögum ríkisins í ár.
Stærstur hlutinn fer til Króks-
verks en fyrirtækið átti lægsta til-
boðið í verkið, tæpar 40 millj-
ónir. Verkinu á að skila í október
nk. og sagði Skúli Ferdinands-
son, verkstjóri, í samtali við
blaðamann að það ætti örugglega
að takast. „Það fór mikill tími í
að ýta stórgrýtinu til og mylja
það niður,“ sagði Skúli en engar
sprengingar þurftu að eiga sér
stað til að losa um björgin.
Stærstu „steinarnir" voru um 20
rúmmetrar og sagði Skúli að sem
betur fer lentu sumir þeirra
nokkuð utan vegar og voru látnir
standa óhreyfðir. Til að mylja
grjótin niður notuðu Króksverks-
menn fleyg, stórt tæki í eigu
Skúla. Starfsmanna á milli gekk
það tækið undir nafninu
„Spætan" og er þar á ferðinni
mikið undratól.
Það var létt yfir starfsmönn-
um Króksverks þegar þeir sötr-
uðu kaffisopann í matarvagnin-
um. Þeir voru að koma úr helg-
arfríi og framundan var 10 daga
vinnutörn, svokallað „úthald“
eins og þeir kölluðu það. Þeir fá
frí aðra hverja helgi en vinnudag-
urinn er frá kl. 7 á morgnana til
10 á kvöldin. Flestir koma starfs-
mennirnir frá Sauðárkróki en
einnig úr Skagafirði og Þing-
eyjarsýslu.
Aðspurðir sögðust þeir ein-
staka sinnum fá heimsókn í búð-
irnar og væru þar aðallega eigin-
konurnar á ferðinni. Var ekki
annað að sjá en köppunum liði
vel í starfinu, enda vel „fóðraðir"
af matráðskonunni. Sögðust þeir
oft fá dýrindis veislumat og gátu
alls ekki kvartað.
Eins og tíðarfarið hefur verið
að undanförnu þá hafa ýtustjórar
og vörubílstjórar ekki verið
öfundsverðir af því að stjórna
þessum tækjum í hitanum. Á
meðan framkvæmdir standa yfir
við veginn er leyfilegur há-
markshraði 35-50 km og sögðu
Króksverksmenn að allur gangur
væri á því hvort ökumenn virtu
þennan hámarkshraða eða ekki.
Vildu þeir beina því til öku-
manna að sýna tillitssemi í sumar
þegar þeir eiga leið um þennan
stutta kafla í dalnum.
Eins og áður sagði þá á Króks-
verk að skila verkinu í október
nk. og verður vegurinn þá tilbú-
inn undir lagningu slitlags. Þann-
ig að fyrst um sinn fá ökumenn
að aka á malarvegi en slitlagið
verður lagt á næsta ári. -bjb
Byggingafyrirtækið Friðrik Jónsson sf. á Sauðárkróki er að byggja nýja brú
yflr Þverá, sem mun leysa þá gömlu af hólmi, sem er til vinstri á myndinni.
Vegurinn kemur svo beina leið yfir Hólana.
Unnið að nýbyggingu vegarins yfir Hólana í Öxnadal. Miklu magni af stór-
grýti þarf að ýta til og frá.