Dagur - 13.07.1991, Page 18

r\ ► CIi \£\h r\ h 50 ► íli'ii C* t *»i ír>c*hf snue I
18 - DAGUR - Laugardagur 13. júlí 1991
„Úthlutun á félagslegum
íbúðum til sveitarfélaga
á að fara fram
seinni hluta vetrar“
- segir Vigfús Skíðdal hjá Tréveri hf.
í Ólafsfirði
„Húsnæðisstofnun tekur
ekkert tillit til landsbyggðar-
innar þegar um úthlutun á
félagslegum íbúðum er að
ræða. Þar á ég ekki við fjölda
þeirra íbúða sem koma í hlut
hvers sveitarfélags heldur þann
tíma sem úthlutun fer fram á,“
sagði Vigfús Skíðdal Gunn-
laugsson, byggingameistari hjá
Tréveri hf. í Ólafsfirði. „Það
er ekki glóra í því að vera að
steypa upp hús hér að vetri til
þótt sífellt sé verið að því, en
þessi úthlutunartími þ.e.
haustið er miðaður við þarfir
Reykjavíkursvæðisins en ekki
landsbyggðarinnar. Auðvitað
þyrfti úthlutun að fara fram
snemma vors en á þau rök er
ekki hlustað.“
Ólafsfjarðarbær fær úthlutað 8
íbúðum í félagslega kerfinu og
staðfesting á því mun berast
bæjaryfirvöldum innan skamms.
Sveitarfélögum úti á landi er
nauðsyn á því að hafa til umráða
nokkrar slíkar íbúðir því fólk
flytur ekki út á landsbyggðina
nema það hafi möguleika á því
að flytja burtu án þess að vera
búið að binda sig vegna íbúðar-
kaupa. íbúafjöldaaukning á Dal-
vík er ein sú mesta á landinu og
ekkert sveitarfélag hefur heldur
byggt fleiri íbúðir í félagslega
kerfinu og þannig fengið fleiri til
að flytja á staðinn.
„Ég vil að heimamenn sitji
fyrir vinnu á bátum og togurum
hér og þannig verði þrýst á þá
aðkomusjómenn sem hér eru að
þeir flytji lögheimili sitt til Ólafs-
fjarðar svo bæjarfélagið fái
útsvarstekjur af þeim. En þá
verður bæjarfélagið líka að koma
til móts við þá með því að bjóða
þeim íbúðir til leigu.“
Vigfús Skíðdal telur húsbréfa-
kerfið með því vitlausara og
ranglátara sem byggingaiðnaður-
inn og húsbyggjendur hafi orðið
fyrir af hendi Húsnæðisstofnun-
ar. Þeir sem geti keypt þessi bréf
á verðbréfamarkaðinum búa
flestir fyrir sunnan þar sem fjár-
magnið er. Þetta kerfi gerir þá
ríku ríkari og hina fátæku fátæk-
ari. Meira að segja greiðsluerfið-
leikalán sæta þessum afarkost-
um, þ.e. að þeir sem síst skyldi
verða að sæta allt að 29% afföll-
um.
Um 25 manns starfa hjá Tré-
veri hf. og eru næg verkefni hjá
fyrirtækinu um þessar mundir
m.a. viðhald og viðgerðir á göml-
um húsum. GG
Ný þjónusta á Dalvík:
Kaupir fisk á
fiskraarkaðnum
fyrir fjarstadda
fiskkaupendur
í byrjun þessa árs var stofnað
þjónustufyrirtæki á Dalvík
sem hefur nokkra sérstöðu því
þar geta fiskkaupmenn m.a.
fengið aðstoð við að kaupa fisk
á gólfmarkaðnum sem þar er
starfræktur. Þetta fyrirtæki
nefnist Helgi Jónatansson Ijós-
ritun og umboðsskrifstofa og
hefur aðsetur í Ráðhúsinu.
Umboðsskrifstofan býður við-
skiptavinunum upp á þá þjónustu
að farið er á fiskmarkaðinn og
boðið í þann fisk sem þar er
hverju sinni. Margir hverjir sem
áhuga hafa á að kaupa fisk hafa
ekki tíma eða aðstöðu til þess að
koma til Dalvíkur þann dag sem
uppboðið fer fram og því er þessi
þjónusta þörf nýjung.
Einnig hefur skrifstofan vegna
samskipta sinna við útgerðamenn
og fiskverkendur oft veitt upplýs-
ingar um kvóta sem ýmist er til
sölu eða þá að útgerðarmenn
hafa fengið upplýsingar hvar
helst er að leita kvóta. Þessi hluti
starfseminnar hefur farið vax-
andi.
Helgi segir að það sé fullur vilji
og einnig þörf fyrir þessa þjón-
ustu en segir hins vegar að bæjar-
búar hafi ekki áttað sig á því að
ljósritunarþjónustan sé til staðar.
GG