Dagur - 22.01.1992, Blaðsíða 6
6 - DAGUR - Miðvikudagur 22. janúar 1992
Spurning vikunnar
Ætlar þú að fara á þorrablót
eða bara að fá þér þorramat?
(Spurt á Húsavík)
Eggert Jóhannsson:
Ég ætla að borða þorramat en
ekki að fara á þorrablót. Mér
finnst þorramatur mjög góður,
sérstaklega súrmaturinn.
Dagbjört Jónsdóttir:
Ég ætla ekki á þorrablót, en ég
ætla að borða þorramat. Mér
finnst þorramatur góður, sér-
staklega hákarlinn sem ég
borða annars svo sjaldan.
Sigmar Kristjánsson:
Ég ætla að éta þorramat. Það
verður bara þorrablót heima,
samkvæmt venju. Mér finnst
þorramatur góður.
Sara Hólm:
Ég ætla á þorrablót og líka ætla
ég að borða þorramat heima.
Mér finnst þorramatur Ijómandi
góður og hákarlinn bestur.
Jónasína Pétursdóttir:
Auðvitað fór ég á þorrablótið
hjá Kvenfélaginu. Mér finnst
mjög gaman að fara á þorrablót
og þorramatur mjög góður. Ég
mundi ekki lifa þorrann af ef ég
fengi ekki þorramat. Þó borða
ég ekki hákarl.
Miðflarðará:
„Smálaxaveiðin náði þó meðal-
lagi sem ætti að endurspeglast
í mun betri veiði fyrri hluta
veiðitímans næsta sumar“
- segir í greinargerð Tuma Tómassonar, fiskifræðings
í skammdeginu sitja stang-
veiðimenn ekki auðum hönd-
um. Nei, öðru nær. Vetrartím-
inn er notaður af mörgum til
að hnýta flugur og ræða liðna
tíma við straumvötnin. Árs-
hátíðir veiðifélaga fara í hönd
með verðlaunaveitingum fyrir
unnin afrek og svo þarf að
ígrunda hvar á að renna fyrir
fossbúann á næsta sumri.
Veiðisalar eru farnir að senda
frá sér verðskrár stangveiði-
daga næsta sumars og blaða-
manni Dags barst ein slík fyrir
skemmstu fyrir Miðfjarðará í
Vestur-Húnavatnssýslu.
Laxveiðimenn hafa mikið
dálæti á Miðfjarðará. Undirritað-
ur fór til stangveiða í Miðfjarðará
fyrir mörgum árum og hafði hina
mestu skemmtan af. Ekki það
eina var áin gjöful heldur er hún
fjölbreytt og reynir á veiðimann-
inn. í ár annast Böðvar Sigvalda-
son að Barði veiðileyfissöluna.
Ætlunin er að taka við pöntunum
til 31. janúar nk. en eftir þann
tíma fer fram úthlutun veiðileyfa.
Hámarksveiði á stöng er 15 laxar
á dag. Á tíu stangir er veitt í ánni
á dag yfir hásumarið, að vori á
átta og á haustdögum á 9 stangir.
Silungasvæðið fyrir neðan Mið-
fjarðarbrú verður í sumar selt
sérstaklega og fylgir því ekki
aðalveiðisvæðinu. Seldar verða
tvær stangir á dag á silungasvæð-
ið og kostar hver stöng krónur
4000. Verð á laxveiðisvæðin er
nokkuð misjafnt eftir því hvenær
sumars er og verðlista er hægt að
fá hjá veiðileyfissala.
Tumi Tómasson, fiskifræðing-
ur hjá Norðurlandsdeild Veiði-
málastofnunar að Hólum í Hjalta-
dal, hefur ritað um laxarann-
sóknir í Miðfjarðará árið 1991.
í greinargerð Tuma kemur fram
að margvísleg ræktunar- og rann-
sóknarstörf hafa farið fram á
laxastofnum Miðfjarðaránna.
Tumi segir að til að framþróun
geti orðið í ræktunarstarfinu sé
mikilvægt að geta metið stöðugt
árangur þess. Mikilvægasti þáttur
þess starfs eru umfangsmiklar
seiða- og laxamerkingar sem hafa
farið fram í Núpsá frá 1986 og nú
er búið að taka saman helstu
niðurstöður. Að auki er fylgst
með ástandi seiðastofna um allt
árkerfið með rafveiðum, og
niðurstöður þeirra úttekta lagðar
til grundvallar þegar ákvarðanir
um aðgerðir eru teknar.
Veiðin 1991
Um veiðina 1991 segir Tumi:
„Veiðin fór frekar dræmt af stað
og var þar um að ræða nokkra
samverkandi þætti. Stórlaxinn
gengur ávallt fyrr en smálaxinn og
eftir slaka smálaxaveiði 1990 var
ekki að búast við mikilli stórlaxa-
gengd 1991. Það gerði þó illt
verra að laxinn var óvenju seint á
ferðinni og vatnsleysi orsakaði að
hann dreifðist lítið um ána.
Þegar leið á sumarið batnaði
ástandið verulega. Þegar upp var
staðið höfðu veiðst rúmir 1100
laxar. Þótt veiðin hafi orðið
nokkuð góð seinnipartinn og
mun betri en í nærliggjandi ám,
þá varð heildarveiðin langt undir
meðallagi. Smálaxaveiðin náði
þó meðallagi sem ætti að endur-
speglast í mun betri veiði fyrri
hluta veiðitímans næsta sumar.“
Ástand seiðastofna
Og Tumi Tómasson heldur áfram
um ástand seiðastofna: „Al-
mennt má segja að seiðabúskap-
ur árinnar sé góður um þessar
mundir. Einkum er ástandið nú
gott í aðalánni, frá Grjóthyl og
upp að ármótum Núpsár. í Áust-
urárgilinu er heildarþéttleiki
seiða lágur, en seiðin sem þar eru
dafna mjög vel og útlit fyrir
áframhaldandi þokkalega göngu-
seiðaframleiðslu. I Núpsá og
Vesturá er ástandið gott. Vorið
1991 kom snemma og sumarið
var hlýtt. Gönguseiðaframleiðsl-
an var mjög góð og því sköpuð-
ust góð skilyrði fyrir smærri seið-
in sem döfnuðu vel. Það er því
allt útlit fyrir áframhaldandi góða
gönguseiðaframleiðslu næsta vor.
Frá Passíukórnum á Akureyri:
Æfingar að hefjast fyrir vortónleika
- söngfólk hvatt til að ganga til liðs við kórinn
Passíukórinn á Akureyri er nú að
hefja æfingar á tveimur verkum
sem flutt verða á vortónleikum
kórsins. Þar er um að ræða ann-
ars vegar hið þekkta og vinsæla
„MISA CRIOLLA" eftir argen-
tínska tónskáldið Ariel Ramirez
og hins vegar „OH SING UNTO
THE LORD“ (Syngið Drottni
nýjan söng) eftir G. F. Hándel.
„Misa Criolla“ er trúarlegt tón-
verk sem byggir á argentínskri
þjóðlagahefð bæði hvað laglínur
og einkum þó hrynjandi varðar.
Það er samið fyrir blandaðan
kór, 3 einsöngvara, slagverk, gít-
ar og sembal eða píanó. „Misa
Criolla“ hefur tvisvar verið flutt
hér á landi af Kór Langholts-
kirkju og fleiri kórar hafa flutt
einstaka þætti, t.d. „Gloria“
þáttinn.
„Oh, Sing Unto the Lord“ er
samið við texta 96. sálms Davíðs
og er fyrir blandaðan kór, ein-
söngvara og kammersveit.
Passíukórinn hefur reyndar tví-
vegis flutt þetta verk áður.
Yfirstandandi ár er 20. starfsár
Passíukórsins. Roar Kvam stofn-
aði kórinn haustið 1972 og hefur
stjórnað honum alla tíð síðan.
Yfirleitt hefur kórinn haldið
tvenna tónleika á ári og eru við-
fangsefnin því orðin mörg og
mjög fjölbreytt. Þar má finna allt
frá þjóðlögum til stærstu kór-
verka tónbókmennta. Má þar
nefna Messías eftir Handel,
Requiem Mozarts, Árstíðirnar
og Sköpunina eftir Haydn. Kór-
inn hefur einnig ráðist í flutning á
mjög sérstæðum verkum eins og
African Sanctus eftir D. Fanshaw
og New Hope Jazz Mass eftir H.
Sarmanto. I báðum þeim tilvik-
um var um frumflutning að ræða
hérlendis. Svo hefur reyndar ver-
ið um ýmis fleiri verkefni kórsins.
Eins og fyrr segir eru æfingar
að hefjast á tveimur mjög áhuga-
verðum og skemmtilegum verk-
um. Mikill hugur er í kórfélögum
og stjórnanda og er áhugasamt
söngfólk hvatt til að ganga til liðs
við Passíukórinn. Æfingar eru á
miðvikudögum kl. 20 og laugar-
dögum kl. 15. Nánari upplýsingar
um kórstarfið veita Roar Kvam s.
24769, Elínborg s. 22457, Arn-
heiður s. 24533 og Svandís
s. 22228.