Dagur - 29.01.1992, Qupperneq 3
Miðvikudagur 29. janúar 1992 - DAGUR - 3
Fréttir
Áhugamannahópur um alþýðulist:
Framundan fjöldi námskeiða
„Við erum búin að vera að
tækjavæða okkur svolítið upp
á síðkastið og eigum orðið
bala, þeytivindu, tvo rokka,
kembivél og fleira til ullar-
vinnslu. Auk þess hefur okkur
verið gefln ull og Seyluhreppur
ánafnaði okkur sjóði sem stóð
til að leggja niður,“ segir Anna
Sigríður Hróðmarsdóttir.
Áhugamannahópur um alþýðu-
list í samvinnu við Framtak,
átaksverkefni sem starfar í Aust-
ur-Húnavatnssýslu og innsveitum
Skagafjarðar, er að sögn Önnu
mjög virkur. Hópurinn er með
aðstöðu í stóru húsi í Steinsstaða-
hverfi í Lýtingsstaðahreppi og
framur.dan eru námskeið í flóka-
gerð, skógerð og útskurði í tré.
Anna segir áhuga fyrir starfsem-
inni alltaf vera að aukast hjá fólki,
góð aðsókn á námskeiðin sýni
það.
„Þetta er bara byrjun á stóru
verkefni og okkur sem í þessu
erum þykir mjög gaman að
þessu. Þrátt fyrir að þetta sé
tímafrekur iðnaður gæti þetta
orðið atvinnuskapandi í framtíð-
inni, sérstaklega ef fólk getur selt
sína framleiðslu sjálft milliliða-
laust,“ segir Anna. SBG
Akureyri:
Verslanir skipta um eigendur
Nýir eigendur hafa tekið við
rekstri verslanana Topp menn
og Allir sem 1 á Akureyri.
Verlanirnar hafa verið reknar í
sama húsnæði við Ráðhústorg
á Akureyri en á mánudag tók
nýtt hlutafélag við rekstri
þeirra beggja.
Hlutafélagið er í eigu fimm
aðila, þ.e. fjögurra einstaklinga
og fyrirtækisins Tactic hf. á
Akureyri. Allir sem 1 er íþrótta-
vöruverslun en Topp menn er
herrafataverslun. Ekki mun
endanlega ákveðið með nöfn á
verslanirnar en að líkindum
munu nöfnin Topp menn og
Topp sport verða notuð. JÓH
Þingmenn Framsóknarflokksins:
Halda fundi í öllum
kjördæmum landsins
- fundir á Akureyri og Blönduósi í kvöld
Þingmenn Framsóknarflokks-
ins eru þessa dagana á funda-
ferð í öllum kjördæmum Iands-
ins. Á Norðurlandi hafa þeir
boðað til alls átta funda í þess-
ari viku.
Síðastliðinn sunnudag var
haldinn fundur á Siglufirði. Þar
voru frummælendur þeir Páll Pét-
ursson og Guðmundur Bjarnason.
í gær voru Valgerður Sverrisdótt-
ir og Guðni Ágústsson frummæl-
endur á fundi í Bergþórshvoli á
Dalvík og þeir Stefán Guð-
mundsson, Páll Pétursson og Finn-
ur Ingólfsson í Framsóknarhús-
inu á Sauðárkróki.
í kvöld verða haldnir fundir á
Akureyri og Blönduósi. Fundur-
inn á Akureyri hefst kl. 20.30 á
Hótel KEA. Frummælendur eru
Guðmundur Bjarnason, Val-
gerður Sverrisdóttir og Guðni
Ágústsson. Fundurinn á Blöndu-
ósi hefst kl. 21.00 í í Hótel
Blönduósi. Frummælendur eru
Páll Pétursson, Stefán Guð-
mundsson og Finnur Ingólfsson.
Annað kvöld halda þingmenn
Framsóknarflokksins tvo fundi á
Norðurlandi. í félagsheimilinu
Þórsveri á Þórshöfn hefst fundur
kl. 21.00. Þar eru frummælendur
Jóhannes Geir Sigurgeirsson og
Jón Kristjánsson. Á sama tíma
verður haldinn fundur í Verts-
húsinu á Hvammstanga. Þar eru
frummælendur Stefán Guð-
mundsson, Páll Pétursson og
Ólafur Þ. Þórðarson. Síðasti
fundurinn á Norðurlandi í þessari
fundaröð verður haldinn á Hótel
Húsavík föstudaginn 31. janúar
kl. 20.30. Frummælendur þar eru
Jóhannes Geir Sigurgeirsson og
Jón Kristjánsson.
Hestamiðstöðin Þingeyrum:
Reiðskemma risin
Átta hundruð fermetra reið-
skemma er risin að Þingeyrum
í Austur-Húnavatnssýslu og
hófst starfsemi í henni með
reiðnámskeiði um síðustu
helgi. Tilkoma þessarar
skemmu er bylting í aðstöðu
hestamanna í Húnavatnssýsl-
um að sögn Hermanns Inga-
sonar.
Skemman er finnskt stálgrinda-
hús með 800 fermetra gólffleti.
Þingeyrabúið er eigandi skemm-
unnar, en ábúendur þar um þess-
ar mundir eru Hermann Ingason
og Hrafnhildur Jónsdóttir. Þau
sjá um rekstur á Hestamiðstöð-
inni Þingeyrum, en reiðskemman
er hluti af þeirri starfsemi.
Reiðnámskeið það er hófst á
Þingeyrum um síðustu helgi er
nýstárlegt að ýmsu leyti. Leið-
beinandi á því er Eyjólfur ísólfs-
son og eru þátttakendur nítján
talsins. Kennt er eina helgi í senn
einu sinni í mánuði og verða
helgarnar samtals fjórar. Aðferð-
ir Eyjólfs eru að sögn Hermanns
töluvert öðruvísi en tíðkast hafa
varðandi reiðkennslu og byggjast
meira á sjálfstæðum vinnubrögð-
um nemenda með sínum hestum,
en eftiröpun.
„Við erum með ýmsar hug-
myndir að nýjum námskeiðum
fyrir jafnt byrjendur sem lengra
komna og erum opin fyrir öllu
sniðugu sem hægt er að gera með
svona húsnæði,“ segir Hermann.
SBG
Tölvufræðslan á Akureyri:
Tölvutæki-Bókval
keypti meirihluta
í fyrirtækinu
Tölvutæki-Bókval hf. keypti
um áramót meirihlutann í
Tölvufræðslunni á Akureyri.
Áður voru sex eigendur að
Tölvufræðslunni en nú á
Tölvutæki-Bókval 70% í fyrir-
tækinu en Helgi Kristinsson,
framkvæmdastjóri Tölvu-
fræðslunnar 30%. Þessa dag-
ana er verið að endurnýja
tækjakost fyrirtækisins og seg-
ir Helgi Kristinsson að að því
loknu verði Tölvufræðslan
öflug að búnaði.
Helgi segir að reksturinn hafi
gengið vel á síðasta ári en þar
sem tölvubúnaður úreldist mjög
hratt í hinni öru þróun sem er á
þessu sviði hafi verið nauðsynlegt
að hafa samstarf við aðila sem
selji tölvubúnað og þetta fyrir-
tæki sé öflugast á Akureyri hvað
það varðar.
„Þetta fyrirtæki sýndi áhuga á
þessu samstarfi og því varð þetta
úr,“ segir Helgi.
Hann segir að ekki verði veru-
leg breyting á starfsemi Tölvu-
fræðslunnar við þessa breytingu.
Nú verði tækjabúnaður endur-
nýjaður þannig að hvað þann
þátt varði gefi Tölvufræðslan
ekki eftir þeim bestu á þessu
sviði. „Við erum að fylgja eftir
þróuninni á hugbúnaði og fá
stærri og öflugri vélar,“ sagði
Helgi.
Fyrst um sinn verður starfsemi
Tölvufræðslunnar á sama stað en
Helgi segir fyrirhugað að flytja
hana síðar að Furuvöllum 5 en
þangað mun Tölvutæki-Bókval
flytja tölvusölu og þjónustu sína
með vorinu. JÓH
Norðlenskir hestadagar í
Reiðhöllinni í Reykjavík
Félag hrossabænda á Noröur-
landi og Hólaskóli verða með
stórsýningu í Reiðhöllinni
helgina 20.-22. mars. Sýnd
verða kynbótahross, gæðingar
og ýmis sérafbrigði og kynnt
verður norðlensk menning í
tónum og tali.
Norðlensk fyrirtæki munu
kynna vörur sínar í Reiðhöllinni.
Þeim hestaeigendum sem hafa
áhuga á að taka þátt í kynbóta-
sýningunni er bent á að hafa sam-
band við eftirtalda: Víking
Gunnarsson, í síma 95-35962,
Indriða Karlsson, í síma 95-
12923 og Ármann Ólafsson, í
síma 96-31290.