Dagur - 29.01.1992, Síða 5

Miðvikudagur 29. janúar 1992 - DAGUR - 5
Dalvík:
Skíðaskálinn
tekiim í notkun
- þar verður greiðasala, setustofa og
gistiaðstaða fyrir 30-40 manns
Á morgun, fimmtudag, verður
neðri hæðin í nýjum skíðaskála
Skíðafélags Dalvíkur afhent
leigutaka, Hauki Snorrasyni,
en hann hyggst reka þar greiða-
sölu og síðar meir gistingu á
efri hæðinni. Hún á að verða
tilbúin til notkunar í lok
febrúar. Og þá vantar ekkert
nema snjóinn.
Jóhann Bjarnason formaður
Skíðafélagsins hefur ásamt fjölda
sjálfboðaliða úr félaginu unnið
hörðum höndum að því að koma
Nýi skálinn er óncitanlcga glæsilegur í samanburði við skúrinn lengst til vinstri á myndinni sem hefur hýst miða-
söluna fram til þessa. Skúrarnir bíða þess að snjói svo hægt verði að draga þá burt á sleðum.
Jóhann Bjarnason formaður Skíðafélags Dalvíkur í salnum þar sem greiða-
salan fer fram um lúguna að baki honum. Myndir: -i>h
skíðaskálanum í stand áður en
vertíð skíðafólks hefst. Pressan á
þeim hefur kannski verið minni
en skyldi vegna snjóleysis en ljóst
er að skálinn mun nýtast vel í
skíðalandsmótinu sem haldið
verður á Dalvík og í Ólafsfirði í
þyrjun apríl.
Framkvæmdir við skálann hafa
gengið vel. I sumar var byrjað á
grunninum og starfsmenn SG
einingahúsa á Selfossi komu
norður í nóvember og reistu
húsið. Þá var húsið frágengið að
utan, glerjað og búið að reisa
milliveggi og setja upp hurðir.
Síðan hefur verið unnið að inn-
réttingu og frágangi.
Grunnflötur hússins er um 180
fermetrar og á neðri hæðinni er
salur þar sem ætlunin er að vera
með greiðasölu og setustofu fyrir
skíðafólk sem getur snætt nesti
sitt þar. Einnig er ætlunin að
leigja salinn út til mannfagnaða
en hann tekur 50-60 manns í sæti.
Er þegar farið að panta hann. Á
neðri hæðinni er einnig eldhús,
snyrting og miðasala fyrir lyft-
una. Uppi verða tvö gistiherbergi
með rúmum fyrir 5 manns en auk
þess svefnpokapláss fyrir um 30
manns í tveimur sölum, baðher-
bergi og gufubað. Loks verður
þar skrifstofa Skfðafélagsins sem
búin verður tölvubúnaði fyrir
tímatöku.
Skíðaskálinn kostaði 11 millj-
ónir króna upp kominn en síðan
er búið að setja í hann rúmar
þrjár milljónir til viðbótar. Pá er
meðtalinn vegarspotti sem leggja
þurfti frá bílastæðinu en ekki
vinnuframlag félagsmanna.
Jóhann kvaðst vera bjartsýnn á
veturinn þrátt fyrir snjóleysið og
ekki kvíddi hann því að lands-
mótið færi úrskeiðis af þeim
sökum. Hann vitnaði í kunnáttu-
menn á sviði skíðaíþróttarinnar
sem segðu að skíðalandið í
Böggvisstaðafjalli væri líklega
það besta á landinu. 1 fjallinu eru
þrjár alþjóðlega viðurkenndar
brautir, tvær fyrir stórsvig og ein
fyrir svig, og einnig 3,5 km
gönguhringur. Auk þess væru í
fjallinu fjölbreyttar brautir sem
hentuðu jafnt byrjendum sem
atvinnumönnum. -ÞH
Kvikmyndarýni
Jón Hjaltason
„Spurning um svar“
„Spurning um svar“,
sýnd á veitingastaönum 1929.
Leikstjóri: Sævar Guömundsson.
Höfundar handrits: Sævar Guðmundsson
og Kristján Krístjánsson en hann fer
jafnframt meö aðalhlutverkið í myndinni.
Kvikmyndaklúbburinn Filman 1992.
„Spurning um svar“ er
stuttmynd, um það bil 20 mín-
útna löng. En þessar 20 mínútur
eru hlaðnar fjöri og sprelli. Það
er greinilegt á öllu að Sævar og
Kristján eru ekki reiðir ungir
menn, hvað þá pólitískir eða
þrúgaðir af lífsháska skáldanna.
Takmark þeirra er að skemmta
og það var auðheyrt á sýningar-
gestum að því markmiði hafa
þeir náð mætavel
Stuttmyndin er spennumynd; í
henni segir af dularfullum glæp-
onum er verðir laganna (geri ég
ráð fyrir) elta um einkennilega
refilstigu, ímyndaða og kannski
stundum raunvérulega. Raunar
má segja að eltingarleikurinn sé
sagan í sögunni - við fylgjumst
með rithöfundi að störfum en
erum þó að mestum hluta til
stödd í hugverki hans. Einstaka
sinnum virðist þó skáldskapurinn
renna saman við raunveruleika
rithöfundarins og sagan í sögunni
verða ein allsherjarsaga. Þið
megið þó ekki misskilja þessa
torræðu lýsingu og yfirfæra á
myndina því að í meðförum
Sævars leikstjóra verður fléttan
aldrei neinn flóki í líkingu við
frásögn mína.
Enda þótt þeir félagamir Sævar
og Kristján, hafi ekki sett sig í
alvarlegar stellingar stórskálds-
ins, sem upp fullt af þjóðfélags-
legum boðskap gerir meiri gælur
við grátur en hlátur, eru þeir á
engan hátt lausir við hugkvæmni
og svolitla snilld. Það er á köflum
bráðsniðugt að sjá hvernig þeir
leika sér með sambandið á milli
rithöfundarins og söguhetja
hans. Tengingarnar eru bráð-
snjallar, stundum ekki annað en
bréfkúla er rúllar á milli sviða,
stundum vatn eða sölumaður.
Ekki er það lakari hugmynd að
láta rithöfundinn endursemja
kafla og kafla; keimlíkum mynd-
skeiðum bregður fyrir á hvíta
„Spurning um svar“ er góð skemmtun, ekki bara VMA nemendum heldur
hinum almenna bófara. Mynd: Golli.
tjaldinu en áherslur eru breyti-
legar eftir því hvað hleypur í
höfundinn hverju sinni.
Eftirtektarvert er hversu
Sævari tekst vel að mynda
ýmiskonar áhættuatriði og slags-
málin á bílþakinu eru vel útfærð
og saman klippt. Þrátt fyrir ung-
an aldur hefur hann náð tökum á
tækni sem margir honum eldri og
reyndari leikstjórar íslenskir
virðast eiga erfitt með að ná.
„Spurning um svar“ er góð
skemmtun, ekki aðeins Verk-
menntaskólanemendum sem sjá
eflaust í henni margan skóla-
félaga sinn í nýju ljósi, heldur
einnig hinum almenna bíófara.
Mimi Rogers; á sundi með ógnvckjundi hálsbandið í Wedlock.
Wedlock
Borgarbíó sýnir: Wedlock.
Leikstjóri: Lewis Teaque.
Aöalhlutverk: Rutger Hauer,
Mimi Rogers og Foan Chen.
Spectator Films 1991.
Það er kannski einkennilegt en
þó satt að Hollywood-stjörnur
lúta sömu náttúrulögmálum og
við óbreyttur almúginn; þær eld-
ast og fitna og um leið verður
brautin önnur er þær ganga.
Wedlock er um margt, jafnvel
flest, dæmigerð Rutger Hauer-
mynd. Hún er spennandi, dauð-
inn er aldrei fjarri, kaldrifjaðir
morðingjar ganga lausir og lög-
reglan er einkennilega fjarri. I
einu er hún þó frábrugðin;
Rutger Hauer er ekki sama ofur-
mennið í Wedlock og fyrri mynd-
um sínum. Hann hefur fitnað
verulega, er orðinn hægfara og
greinilega ekki sami manna-
skelfirinn og áður. Það er þó ekki
búið að draga úr honum allar
vígtennurnar; þrjóskur sem fyrr
býður hann dauðanum byrginn
og hræðist fátt.
Wedlock er gott dæmi urn það
hvernig stela má hugmynd úr
eldri kvikmyndum og útfæra
þannig að upprunalega hugdett-
an öðlist nýtt og sjálfstætt gildi.
Við munum eftir atriðinu úr einni
mynda Schwarzeneggers þar sem
fangarnir eru látnir bera háls-
bönd er eiga til að springa með
hinum verstu afleiðingum fyrir
berandann. Þessi hugmynd er
notuð í Wedlock, þó miklu betur
útfærð og með meiri tilþrifum.
Þannig má segja að hálsbandið sé
hinn undirliggjandi þáttur er
skapi mönnum örlög kvikmynd-
ina á enda.
Wedlock er um þrjá glæpa-
félaga er stela umtalsverðu magni
af demöntum, tveir svíkja þann
þriðja sem fyrir vikið lendir í
fangelsi. Áður hefur honum þó
tekist að fela fenginn og þá getið
þið nærri um innihald sögunnar
sem á eftir fer. Mikið er brallað á
bak við tjöldin og enginn er ann-
ars vinur. Myndin á að gerast í
ókominni framtíð en ber þess þó
lítil merki nema hvað í fangelsinu
hefur verið tekið upp það snjalla
fyrirkomulag að hengja sprengju
um hálsinn á föngunum. Sprengj-
urnar eru paraðar tvær og tvær
þannig að verði of langt á milli
þeirra springa báðar. Fangarnir
vita hins vegar ekki hvaða
sprengjur eiga saman; hver
dauðafélagi þeirra er.
Þetta samspil dauða og lífs
heldur Wedlock á fullum dampi
allt til þess að tjaldið fellur.