Dagur - 11.07.1992, Page 4

4 - DAGUR - Laugardagur 11. júlí 1992
ÚTGEFANDI: DAGSPRENT HF.
SKRIFSTOFUR: STRANDGATA 31, PÓSTHÓLF 58, AKUREYRI,
SÍMJ: 96-24222 • SÍMFAX: 96-27639
ÁSKRIFT KR, 120C Á MÁNUÐI • LAUSASÖLUVERÐ KR. 110
GRUNNVERÐ DÁLKSENTIMETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
UMSJÓNARMAÐUR HELGARBLAÐS: STEFÁN SÆMUNDSSON
BLAÐAMENN: INGIBJÖRG MAGNÚSDÓTTIR (Húsavík vs. 96-41585).
JÓHANN ÓLAFUR HALLDÓRSSON,
JÓN HAUKUR BRYNJÓLFSSON (íþróttir). ÓLI G. JÓHANNSSON,
ÓSKAR PÓR HALLDÓRSSON, SKÚLI BJÖRN GUNNARSSON
(Sauöárkróki vs. 95-35960. íax 95-36130), STEFÁN SÆMUNDSSON.
ÞÓRÐUR INGIMARSSON, LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI: HAFDÍS FREYJA RÖGNVALDSDÓTTIR, HEIMASÍMI 25689
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
Sameining Evrópu
erjjarlœgur draumur
Þegar litið er yfir sögu Evrópu á
þessari öld kemur í ljós að hún er
mjög blóði drifin. Tvær heimsstyrj-
aldir áttu upptök sín um miðbik
álfunnar og fólst kveikja þeirra í
ákveðnum tilraunum til útþenslu-
stefnu. Oftar hefur verið efnt til
ófriðar í Evrópu. Borgarastyrjöldin
á Spáni er eldra fólki enn í minni og
nú takast þjóðir fyrrum Júgóslavíu
á um yfirráð yfir löndum og lýð.
Alla tíð hefur gætt verulegra þjóð-
ernisáhrifa á meðal íbúa álfunnar
og koma þau vel í ljós nú þegar
þjóðir austurhlutans hafa losnað
undan yfirráðum úr austri. Þá
brotna þau landamæri sem for-
ráðamenn fyrrum Sovétríkja drógu
er þeir skipulögðu leppríki sín á
landabréfi og gömlu þjóðirnar
mynda ríkjasamfélög á nýjan leik.
Á sama tíma og vindar sjálfstæð-
is og þjóðarvitundar blása um ný-
frjálsa íbúa Austur-Evrópu og
þjóðir þess heimshluta leita nú að
sjálfum sér er unnið af miklum
krafti að því að sameina stjórnar-
hætti og hugsun Vestur Evrópu-
búa. Ljóst er að forráðamenn þjóða
Evrópubandalagsins stefna að
ákveðnum samruna ríkja álfunnar,
þar sem sameiginlegri yfirstjórn er
ætlað verulegt hlutverk í framtíð-
inni. Með Rómarsáttmálanum voru
fyrstu skrefin stigin í þá átt og eftir
að Maastricht-samkomulagið leit
dagsins ljós á síðastliðnum vetri
varð ljóst hver fyrirætlun ráða-
manna ríkja álfunnar er.
En þrátt fyrir harða viðleitni
stjórnmálamanna og mikið starf á
vettvangi samstarfsaðila í Evrópu-
bandalaginu kemur betur og betur
í ljós að veruleg andstaða er við
svo stór skref til samruna ríkja sem
rætt hefur verið um. Hörð gagnrýni
Margrétar Thatcher, fyrrum for-
sætisráðherra Breta, er í fersku
minni og enn hefur járnfrúin látið
til sín heyra. í jómfrúrræðu sinni í
lávarðadeild breska þingsins
gagnrýndi hún Maastricht-sam-
komulagið harðlega og hvatti til
þess að breska þjóðin fengi tæki-
færi til að greiða atkvæði um það.
Flestum er einnig í minni örlög
þess sama samkomulags í þjóðar-
atkvæðagreiðslu í Danmörku á
dögunum og segja má að niður-
staða hennar hafi skipt nokkrum
sköpum fyrir umræðuna sem nú fer
fram í Evrópu.
Með hliðsjón af sögu álfunnar og
þeirri þjóðarvitund sem íbúum
hennar er í blóð borin kemur ekki á
óvart að margir séu fullir efasemda
um ágæti þeirra hafta sem Maastr-
icht-samkomulgið leggur á sjálf-
stæði og fullveldi þjóða Evrópu-
bandalagsins. Ljóst er að sam-
komulagið mun hvorki tryggja né
efla lýðræðislega stjórnarhætti
heldur flytja bæði áhrif og völd frá
kjörnum stjórnvöldum aðildarríkj-
anna til miðstýrðs skrifstofuveldis í
Brussel.
í nokkurn tíma hafa ráðmenn
Evrópuríkja komist áfram með
hugmyndir sínar um sameinað ríki
Stór-Evrópu án þess að almenn-
ingur gerði sér glögga grein fyrir
um hvað væri að ræða. Nú virðast
íbúar landa álfunnar vera að vakna
til vitundar um alvöru málsins og
vera viðbúnir að spyrna við fótum.
Evrópa samanstendur af mörgum
þjóðum og um margt ólíkum. Þótt
nú sé unnið að sameiningarmálum
Evrópu með fjármagni og viðteknu
viðskiptasiðferði í stað vopna er
ljóst að tilkoma Evrópubandalags-
ins mun hvorki jafna þann efna-
hagslega mismun sem er á milli
landa álfunnar eða eyða þeim
grundvallarviðhorfum er ríkjandi
eru hvað þjóðerni varðar. Raun-
veruleg sameining Evrópu er því
aðeins fjarlægur draumur. ÞI
Hallbjöm búinn að opna
Kántríbæ á nýjan leik
Hinn frægi Kántríbær á Skaga-
strönd hefur verið opnaður á
nýjan leik. Það er kántríkóng-
urinn sjálfur, Hallbjörn Hjart-
arson, sem hefur hellt sér út í
veitingareksturinn á ný og er
stórhuga sem fyrr. Hann segist
vera í hvíld frá tónlistinni en
gengur með ýmislegt í magan-
um, m.a. hugmyndir um kántrí-
safn og fyrstu kántríútvarps-
stöðina á Islandi.
„Ég opnaði á sjómannadaginn
og þá var allt brjálað að gera og
fullt út úr dyrum. Síðan var
sæmilegt að gera um tíma en svo
var ákaflega rólegt í kuldakastinu
á dögunum og það er eðlilegt því
þetta byggist langmest upp á
ferðafólki. Heimafólk nennir
ekki að fara út á hverju kvöldi til
að fá sér hamborgara óg franskar
en ferðafólk sér hér eitthvað sem
það sér ekki annars staðar,“ segir
Hallbjörn aðspurður hvernig
reksturinn hafi farið af stað. Og
hann er bjartsýnn á framhaldið.
„Ég hef alltaf verið bjartsýnn,
annars hefði ég ekki staðið í öliu
þessu brölti mínu í gegnum
árin.“ En hvað varð til að hann
opnaði þennan fræga stað á nýjan
leik?
„Ég var aldrei sáttur við það á
sínum tíma að þurfa að hætta
þessu. Svo þegar fór að birta til í
lífi mínu eftir slysið sem ég lenti í
fór áhuginn að kvikna á nýjan
leik. Einn góðan veðurdag heyrði
ég að það ætti að selja húsið og
hringdi þá í hann Sigga minn í
Búnaðarbankanum á Blönduósi
og sagði honum að ef ætti að selja
húsið ætti enginn rétt á að fá það
keypt nema ég. Ég gerði svo til-
boð og það varð úr að ég keypti
húsið."
Hallbjörn selur veitingar af
ýmsu tagi auk minjagripa sem
hann hefur látið framleiða með
merki Kántríbæjar. En það er
fleira á döfinni.
„Ég er búinn að sækja um vín-
veitingaleyfi og ef það fæst ætla
ég að starfrækja hér „pöbb“ yfir
vetrartímann. Þá þarf ég senni-
lega að ráðast í einhverjar breyt-
ingar svo fólk geti líka fengið sér
snúning.“
Kántríútvarp af stað
í ágúst?
„Það stendur til að ég opni fyrstu
kántríútvarpsstöðina á íslandi
hérna uppi á lofti. Ég er að reyna
að útvega mér ýmsan tækjabúnað
notaðan frá Bandaríkjunum því
það er svo óheyrilega dýrt að
kaupa þetta allt nýtt og það gerist
eitthvað í þessum málum á næstu
Kántríbær á Skagaströnd. Gangi allt að óskum verður fyrsta kántríútvarpsstöðin á íslandi til húsa á efri hæðinni.
Hallbjörn Hjartarson. „Ég hef alltaf verið bjartsýnn, annars
staðið í öllu þessu brölti mínu í gegnum árin.“
hefði ég ekki
Myndir: JHB
dögum. Ef hjólin snúast rétt ætti
ég að geta hafið útsendingar um
mánaðamótin júlí-ágúst. Ég
hugsa þetta eingöngu sem helgar-
útvarp fyrst í stað og hef leyfi til
að senda út í Húnavatnssýslunum
og á Ströndum en það verður
bara að koma í ljós hvernig mér
gengur að láta útsendingarnar
nást á þessu svæði.“
Hallbjörn er vitanlega kunn-
astur fyrir tónlist sína en hann
hefur gefið út sex plötur. Hann
segist vera í hvíld frá tónlistinni
og neitar þegar hann er spurður
hvort ekki sé ný plata á döfinni.
Fyrir ári síðan fór hann til
Bandaríkjanna og gerði Kántri 6
en er ekki nægilega ánægður með
viðtökurnar sem hún hlaut. „Ef
ég á að vera hreinskilinn þá gekk
hún ekki nógu vel. Ég viðurkenni
að ég varð fyrir miklum von-
brigðum með það þar sem öllum
ber saman um að þetta sé lang-
besta platan mín. Þrátt fyrir það
kom hún verst út.“
Hallbjörn ræðir áfram um
kántrí og minnist m.a. á þann
draum sinn að opna kántrísafn í
Kántríbæ. „íslendingar eru orðn-
ir miklu móttækilegri fyrir kántríi
en þeir voru þegar ég var að
byrja að láta heyrast í mér. Þá
héldu allir að þessi náungi norður
í landi væri hálfklikkaður og
kannski halda það einhverjir
enn. Það er ekki mitt að segja til
um hvort það er rétt,“ sagði Hall-
björn Hjartarson. JHB