Dagur - 02.02.1995, Side 6
6 - DAGUR - Fimmtudagur 2. febrúar 1995
Á slóðum Ferðafélags Akureyrar:
Btjtiiá'
BAUGASEL OG NAGRENNI
Oxnhóll
Úr innanveróum Hörgárdal ganga
tveir djúpir dalir vestur í fjöllin,
allt aó sýslumörkum Skagafjarð-
arsýslu. Syöri dalurinn heitir
Myrkárdalur en sá nyrðri og
lengri Barkárdalur. Barkárdalur er
nær 15 km á lengd, frá bænum
Barká vestur í efstu drög dalsins
austan undir Héðinsskarði. Há og
brött fjöll umkringja Barkárdal.
Sunnan við dalsmynnið er
Slembimúli sem rís bratt upp í um
900 m hæð yfir sjó. Vestur frá
Slembimúla heitir Sveigsfjall
sunnan Barkárdals. Hæstu tindar
þess ná rúmlega 1300 m hæö y.
sjó. Vestan vió botn Barkárdals
gnæfa miklir hamraveggir Jökul-
fjalls (1399 m) en í dalbotninum
er einn stærsti hvilftarjökull norð-
anlands, Barkárdalsjökull, um 5
km2 að stærð. Noróan Barkárdals
er Baugaselsfjall sem skilur að
nokkru Barkárdal frá Féeggstaða-
dal.
í Barkárdal er grösugt undir-
lendi. Þar er venjulega kyrrviðra-
samt á vorin og fram eftir sumri
enda nær hafgola varla inn í dal-
inn. Hins vegar geta komið þar
stórvióri af suðri, einkum um
haust og vetur.
I Barkárdal voru lengi þrír bæ-
ir, allir noróan Barkár. Við dals-
mynnið stóð Sörlatunga, en sá bær
fór í eyði 1964. Nokkru innar
stóðu Féeggstaðir sem fóru í eyði
1940. Fremsti bær í Barkárdal var
Baugasel er stóð á flötu nesi, í um
290 m hæð y. sjó, 6 km vestan ár-
móta Barkár og Hörgár. Baugasel
hét áður Bauganes og þar mun
hafa verið búið meira og minna
Á hlaðinu í Baugaseli þ. 5. mars 1994.
Ljósmynd: Jóhanna Steinmarsdótlir.
Laugardaginn 4. febrúar n.k.
efnir Ferðafélag Akureyrar (FFA)
til skíðagönguferðar í Baugasel.
Er þetta jafnframt fyrsta ferðin á
dagskrá FFA á nýbyrjuðu ári. Far-
iö verður frá skrifstofu FFA í
Strandgötu 23 kl. 09 að morgni og
ekið að Bugi í Hörgárdal, sjá
meðfylgjandi kort af Baugaseli og
nágrenni. Gengið veróur á skíðum
frá Bugi í Baugasel, vegalengd 6-
7 km, hækkun um 200 m. Þetta er
létt ganga, áætlaður göngutími í
Baugasel á sólbjörtum sumardegi. Horft inn Barkárdal til Barkárdalsjökuls
Og Jökulfjalls. Ljósmynd: Skúli Jóhannesson.
Baugasel
frá fomöld. Samfelld búseta var í
Baugaseli frá því um 1750 og
fram til 1965 er bærinn fór endan-
lega í eyði. Hér var góð útbeit og
engjar í betra lagi. Túnió í Bauga-
seli gaf af sér fimm kýrfóður og
undir lokin var jörðin vel hýst.
Hingað var einnig lagður sími og
akfær vegur. í Baugaseli var oft
margt í heimili. Síðustu árin
bjuggu hér t.d. tvenn hjón með af-
komendum sínum: Friófinnur Sig-
tryggsson og Una Zóphoníasdóttir
og Friðfinnur Friðfinnsson og
Rannveig Ragnarsdóttir.
Vegna nálægðar fjallanna var
skuggasælt í Baugaseli. Af bæjar-
hlaðinu sá ekki til sólar frá 10.
október til 8. mars eða í tæpa
fimm mánuði á ári hverju. Munu
ekki önnur býli hérlendis hafa ver-
ið lengur án sólar í skammdeginu
nema etv. Kambfell í Djúpadal í
Eyjafjarðarsveit og Syöri-Fjörður
í Lónssveit.
Ferðafélagið Hörgur var stofn-
að í Baugaseli á Jónsmessunótt
1981. Næstu árin gerðu félagar úr
Hörgi gamla bæinn í Baugaseli að
verulegu leyti upp og er hann nú
sæluhús félagsins. I bænum eru
fjögur rúmpláss og gaseldavél.
Bærinn er öllum opinn, svo fremi
að gengið sé vel og þriflega um.
Margar skemmtilegar göngu-
leiðir eru í Barkárdal og nágrenni.
Auðveldast er að leggja upp frá
þjóðveginum fram Hörgárdal rétt
eftir að komið er vestur yfir brúna
á Hörgá hjá húsinu Bugi. Þaðan er
fylgt ökuslóð inn í Barkárdal
sunnan Barkár, undir Slembimúla.
A móts við eyðibýlið Féeggstaði
Yfirlitskort af Baugaseli og nágrenni. Gönguieiðin frá Bugi að Baugaseli er feitletruð. (Hjaiti Jóhannesson staðfærði
eftir korti Landmælinga íslands).
er göngubrú á Barká. Þar má
ganga norður í Féeggstaðadal og
etv. yfir fjöllin norður í botn
Skíóadals. Slóðin inn Barkárdal
liggur norður yfir Barká um 5 km
vestan við Bug. Þar er brú á ánni.
Brú þessi fauk reyndar af í suð-
vestan stórviðri í febrúar 1991 en
var síðar endurbyggð. Þá er stutt
eftir, um 1,5 km, inn að Bauga-
seli, Vestur frá Baugaseli liggja
gönguleiðir inn á Barkárdalsjökul
og þaðan um Héðinsskarð (1210
m y. sjó) í Hjaltadal eða Kolbeins-
dal.
Baugasel 2-3 klst. Þar veróur litast
um og matast, síðan haldió heim
sömu leið.
Ingvar Teitsson,
formaður gönguleiðanefndar
FFA.
Heimildir:
1) Bjami E. Guóleifsson: Obyggöaleiðir um-
hverfis Þorvaldsdal og Hörgárdal. Arbók
Feröafélags íslands 1990, bls. 93-220.
2) Bjami E. Guóleifsson: Munnleg heimild þ.
28.01. 1995.
3) Elsa B. Friófínnsdóttir frá Baugaseli: Munn-
leg heimild þ. 25. 01. 1995.
4) Helgi Björnsson: Jöklar á Tröllaskaga. Ár-
bók Ferðafélags íslands 1991, bls. 21-37.
5) ívar Olafsson: Ágrip af sögu Baugasels. Er-
indi flutt á stofnfundi Feróafélagsins Hörgs
aö Baugaseli 23. júní 1981. Heimaslóó, 1,
1982, bls. 7-11.
-—■■x i uno„
1231
1 • Féeggsstaðir\y^
Þútnáveílir
— - 'Ur Söriamsp „.**
./ / /'/4®r
Aa r
.... A .
. 0 /
° a N
riraungerðs- • ^ ^
skttrö ,. W -Jr'
Myrká j>
„ •0. ' 854 saurbær ÆLr> -a
Gerði JT &
' staðír
m.Jf1 f*
Asparkonur styðja sr. Pétur
A dögunum færðu konur úr Lionsklúbbnum Ösp á Akureyri séra Pétri Þórarinssyni og fjölskyldu hans í Laufási peningagjöf í söfn-
un um kaup á dráttarvél, en eins og kunnugt er lögðu tónlistarmenn honum einnig lið meó eftirminnilegum hætti um miðjan janúar.
A myndinni eru konur úr Ösp ásamt sr. Pétri og eiginkonu hans, Ingibjörgu Siglaugsdóttur. óþh
Póstlisti
Hennes &
Maurítz
H&M Rowells er verslun sem
starfrækt hefur verið hér á landi
frá sl. hausti. Verslunin er til
húsa í Húsi Verslunarinnar,
Kringlunni 7, Reykjavík.
Þetta heimsþekkta vörumerki
er í eigu sænska fyrirtækisins
Hennes & Mauritz, en þaó rekur
eina stærstu verslunarkeðju Evr-
ópu. Ahersla er lögð á vandaðan
fatnað og hagstætt vöruveró.
Verslanir Hennes & Mauritz
eru nú hátt á fjórða hundraó
víðsvegar í Evrópu, og er fatn-
aður frá H&M, Islendingum er
ferðast hafa erlendis, að góðu
kunnur.
Verslun H&M Rowells var
mjög vel tekið hér á landi þegar
hún tók til starfa sl. haust. Auk
verslunarinnar er rekinn öflug
póstverslun þar sem fólk getur
fengió vöruúrvalið „heim í
stofu“, en nýlega kom út í vor
og sumar pöntunarlisti 1995, þar
sem glæsilegur fatnaóur á góðu
verði er kynntur. Slíkur verslun-
armáti er afar hentugur, ekki síst
fyrir þá, sem lengra eiga aó
sækja verslanir með meira vöru-
úrvali.
Vörulistann er hægt að panta
í síma: 884422 og fá viðskipta-
vinir listann sendan heim gegn
vægu verói. Þannig er hægt að
skoða í rólegheitum hvaó versl-
unin hefur upp á að bjóða.
Eins og áður sagði er verslun-
in H&M Rowells til húsa að
Kringlunni 7, Reykjavík.
(Fréttatilkynning.)