Dagblaðið Vísir - DV - 15.06.1995, Blaðsíða 12

FIMMTUDAGUR 15. JÚNÍ 1995
26_____
jiSE>nyndir
SAGA-BÍÓ Sími 5878900'
Brady fjölskyldan ★ k
Eins og segir í auglýsingunni er Brady fjölskyldan hallærisleg, en
hún er einnig skemmtileg og einmitt það að hún er á skjön við allt
og alla gerir myndina að ágætri fjölskylduskemmtun með
nokkrum bráðfyndnum atriðum. -HK
í bráðri hætt ★ ★ +
Spennandi og vel gerð mynd um afleiðingamar þegar
bráðdrepandi vírus verður laus. Dustin Hoffman er góður en
ofleikur í einstaka atriðum og myndin missir aðeins flugið í lokin.
-HK
BÍÓBORGIN Sími 5511384
Hinlr aðkomnu ~k
Vondar og slímugar geimverur gera sig heimakomnar í líkömum
íbúa smábæjar í Ameríku og gera þá að þrælum sínum. Allt gott og
blessað, nema hvað höfundum myndarinnar mistekst að byggja
upp nokkra spennu og hrylling með gassaganginum í sér. -GB
EdWood ★ ★★
Sérstök og heillandi kvikmynd frá Tim Burtons. Það sem er
áhrifamest eru sterkar persónulýsingar og hápunktur
myndarinnar er leikur Martins Landau í hlutverki Bela Lugosi.
-HK
Tvöfalt líf ★
Söguþráðurinn er ekki svo galinn, þótt kunnuglega hljómi og
virðist í fljótu bragði hægt að gera spennandi sálfræðiþriller úr
honum, en svo er nú ekki í þessu tilfelli og íyrir bragðið myndin
einstaklega langdregin. - HK
Strákar til vara ★ ★
Hugljúf mynd um þrjár ólíkar konur á ferðalagi um þjóðvegi
Bandaríkjanna þar sem þær finna hver aðra og sjálfa sig. Þijár
góðar leikkonur eiga hér góðan dag undir stjóm þins gamalreynda
Hertberts Ross. -GB
BÍÓHÖLLIN Sími 5878900
Rikkl ríki ★★
Það er sjálfsagt draumur hvers bams að geta veitt sér allt sem
hugurinn gimist. Barnastjáma Macauley Culkin sýnir okkur hvað
hægt er að gera í þeirri aðstöðu. Ágæt skemmtun fyrir böm á
öllum aldri. -HK
Fylgsnið ★ ★
Ágæt hryllingsmynd sem á sína góðu spretti og er spennandi en
heldur ekki dampi í lokin þegar reynt er að reka endahnúta á allt
saman á of stuttumtíma. -HK
Fjör í Florida ★★ ^
Vel heppnuð gamanmynd með smávegis ádeilutón á nútíma
hjónaband upp á bandaríska vísu. Það er helst að málæðið í
persónunum sé stundum fullmikið en húmorinn í samtölunum
þjargar miklu. -HK
HÁSKÓLABÍÓ Sími 5522140
Vélin ★★*
Gérard Depardieu er traustur að vanda í hörkuspennandi
vísindatrylli um geðlækni sem skiptir á meðvitund við geðbilaðan
glæpamann til að reyna að skilja hann betur. -GB
Rob Roy ★ ★ ★
Stórmynd um hugumstóra hetju í Skotlandi á öndverðri 18. öldini
og baráttu hennar við örgustu illmenni. Réttlætið sigrar og
áhorfendur skemmta sér konunglega. -GB
Star Trek: Kynslóðir ★★
Vel unnin kvikmynd og tæknilega séð mikið sjónarspil fyrir þá sem
þyrstir í ævintýri. Myndin nær upp spennu þrátt fyrir að hún sé
stundum illskiljanleg. -HK
Höfuð upp úr vatni ★ ★ 'A'
Sérlega vel úthugsuð saga um morð sem var kannski ekki morð.
Leikarar hefðu mátt vera meira sannfærandi í túlkun sinni. -HK
LAUGARÁSBÍÓ Sími 5532075
Snilllngar ★
Albert Einstein, snillingur meðal snillinga, reynir að koma
fluggáfaðri frænku sinni saman við bifvélavirkja sem er
skömminni skárri en hundleiðinlegur unnusti hennar. Hér voru
ekki snillingar að verki. -GB
Heimskur, heimskari ★ ★
Stendur og fellur með Jim Carrey sem fær góða aðstoð frá Jeff
Daniels. Mynd uppfull af atriðum sem eru misfyndin, en
aðdáendur Carreys verða ekki fyrir vonbrigðum meö kappann.-HK
REGNBOGINN Síml 5519000
Eltt slnn stríðsmenn ★★★'*'
Sérlega áhrifamikil mynd um áfengisbölið, heimilisoíbeldi og
firringu meðal frumbyggja Nýja-Sjálands þar sem engu og engum
er hlíft. Ljósið í myrkrinu eru tengslin við fortíðina.-GB
Litla úrvalsdeildin ★ kr
Nokkur prýðileg boltaatriði forða mynd þessari frá botnsætinu en
hér segir frá því er tólf ára piltur eignast og tekur við stjórninni á
lánlausu hafnaboltaliði í úrvalsdeildinni. -GB
Kúlnahríð á Broadway ★ ★ ★
Woody Allen er aftur kominn á kreik og skemmtir áhorfendum í
farsakenndri mynd um ungt leikskáld á Broadway sem verður að
selja sig til að fá stykkið uppsett. Frábær leikur og fyndin samtöl
og furðulegar persónur. -GB
Rita Hayworth og Shawshank fangelsið: ★ ★
Áhrifamikil kvikmynd sem virkar ósköp venjuleg í byrjun en
vinnur á með hverri mínútunni. Tim Robbins og Morgan Freeman
sýna stórleik í hlutverkum tveggja ólíkra fanga. -HK
STJÖRNUBÍÓ Sími 5516500
Exotica ★ ★★
Það tekur nokkurn tíma á að átta sig á persónunum í myndinni og
hver tilgangurinn er, en þegar á heildina er litið þá hefur
kanadíski leikstjórinn. Atom Egoyan skapað eftirminnilega og
áhrifaríka kvikmynd. - H.K.
Litlar konur ★ ★ ★
Úrvafymynd frá hinni áströlsku Gillian Armstrong, sem skilur
mikideftir sig. Einstaklega hugljúf kvikmynd, sem er vönduð í alla
staði og vel leikin. -HK
Ódauðleg ást ★★'*'
Leit að stóru ástinni í lífi Beethovens í spennumyndastíl. Myndin
hrífur þótt ýmislegt megi finna að henni. Áhrifamikil
tónlistaratriði. -HK
Vindar fortíðar ★ ★
Epísk stórmynd sem segir írá örlögum þriggja bræðra snemma á
öldinni. Lifandi persónur og góður leikur en mikill tilfinningahiti
skapar stundum fullmelódramatísk atriði. -HK
Hugh Grant í Níu
/ Bandaríkjunum
- helgina 9.-11. júní í millj. dollara -
Engar stórstjörnur leika í Congo. Á myndinni eru aðalleikararnir,
Ernie Hudson, Dylan Walsh og Laura Linney.
Congo fær fljúgandi start
Paramount kvikmyndafyrirtækió hafði vonaðist eftir þvi að
Congo fengi góða aðsókn, enda um óhemju dýra mynd að ræða,
en þeir bjuggust alls ekki við hinni gríðarlegu aósókn á
myndina um síðustu helgi og segja kunnugir í Hollywood að
þetta sé óvæntasta aósókn á kvikmynd í langan tíma. í Congo
eru engar stórstjörnur og leikstjóri er Frank Marshall, sem að
vísu hefur gert tvær ágætar spennumyndir, Arachnophobia og
Alive, en aðsókn á þær var ekki í líkingu við aðsóknina á Congo.
Það sem gerir gæfumuninn er að myndin er gerð eftir skáldsögu
Michael Crichton og hafa markaðsmenn notað nafn hans óspart
og hefur það greinilega skilað árangri, en þess má geta að
Crichton skrifaói Congo fyrir mörgum árum. Annað sem einnig
hjálpar til er að engin önnur af stórmyndum sumarsins var
frumsýnd um þessa helgi. Aðsókn í kvikmyndahúsin í
Bandaríkjunum var mjög góð um þessa helgi, innkoma var 103
milljónir dollarar á móti 90 milljónum á sama tíma í fyrra.
1 (-) Congo 24,6
2 (1) Casper 10,9
3 (2) The Bridges of Madison County 9,3
4 (3) Die Hard With a Vengeance 6,6
5 (4) Braveheart 5,5
6 (5) Crimson Tide 5,1
7 (6) Forgett Paris 2,5
8 (8) While You Were Sleeping 2,4
9 (7) Johnny Mnemonic 1,6
10 (9) Mad Love 1,2
11 (12) French Kiss 1,1
12 (10) Tales From the Hood 1,0
13 (11) Fluke 0,7
14 (15) A Little Princess 0,6
15 (13) The Glass Shield 0,6
16 (14) Friday 0,5
17 (16) The Englishman 0,5
18 (19) My Family 0,4
19 (17) Major Payne 0,4
20 (-) Jury Duty 0,3
mánuðum
í Júlí verður frumsýnd nýjasta
kvikmynd Hugh Grants, Nine
Months,: og eru aðstandendur
myndarinnar að gera sér vonir
um að hún nái að vera jafnvin-
sæl og Fjögur brúðkaup ... Leik-
stjóri er Chris Columbus, sem
meðal annars leikstýrði Home
Alone. Aðrir leikarar í myndinni
eru Robin Williams, Jeff Goldbl-
um, Julianne More, Tom Amold
og Joan Cusack. Nine Months er
endurgerð franskrar kvikmyndar
um sambýlisfólk sem býr í róm-
antísku sambandi þar til hún
verður ófrísk.
Dr. Jekyll og
ungfrú Hyde
Dr. Jekyll og ungfrú Hyde er
nýjasta kvikmyndaútgáfan af
sögunni frægu. Er farið lauslega
með persónur á gamansaman
máta. Aðalhlutverkið leikur Tim
Daly, ungan og myndarlegan af-
komanda Dr. Jekyll. Hann kemst
yfir dagbækur langalangafa síns
og fer að eiga við formúlurnar,
og viti menn, um kvöldið breyt-
ist hann í kynþokkafulla konu
sem Sean Young leikur.
Carrington vakti
athygli í Cannes
Ein af bresku myndunum sem
kepptu í Cannes er Carr-
ington,sem Háskólabíó mun taka
til sýningar. Þetta er sönn saga
sem byggð er á sambandi tveggja
listamanna, málarans Doru Carr-
ington og rithöfundarins Lytton
Strachey. Aðalhlutverkin leika
Emma Thompson og Jonathan
Pryce. Leikstjóri og handritshöf-
undur er leikritaskáldið
Christopher Hampton og er þetta
fyrsta kvikmyndin sem hann
leikstýrir en þekktastur er hann
fyrir að vera höfundur handrits
af Dangerous Liasons.
50 milljón dollar-
ar fyrir þrjár
myndir
Mikil er trúin á Sylvester
Stallone í Hollywood. Hann hefur
nú samið um gerð þriggja kvik-
mynda sem munu færa honum
50 milljónir dollara. Fyrir Uni-
versal leikur hann í Daylighten
áður leikur hann í The Assassins
sem leikstýrt er af Richard
Donner, og þriðja verkefnið er
ekki ákveðið en hann skrifaði
undir samning við Savoy Picture
og þar kom toppurinn, 20 mfllj-
ónir doflarar. Talið er að þessi
upphæð muni verða til þess að
Schwarzenegger, Gibson, Willis
og fleiri leikarar í hæsta verð-
flokki komi til með að vflja fá
meira.
Háskólabíó
Keaton hætti við
Peter Farrelly, sem leikstýrði
Dumb and Dumber, þáði ekki til-
boð Jim Carreys um að leikstýra
framhaldi af Ace Ventura þar
sem hann var með Kingpin í
undirbúningi og búinn að semja
við Michael Keaton um að leika
aðalhlutverkið. Farrelly varð því
meira en lítið undrandi þegar
hann las í dagblaði að Keaton
væri hættur við. Farrelly náði
sér þó fljótlega, enda nóg af góð-
um leikurum sem vildu hlut-
verkið, og valdi hann Woody
Harrelson.
Tólf apar
Terry Gilliam er byrjaður að
leikstýra Twelve Monkeys en
hann hefur ekki leikstýrt frá því
hann gerði The Fisher
King.Bruce Wiflis leikur aðal-
hlutverkið, fanga á 22. öldinni
sem sendur er til baka til ársins
1996 til að koma í veg fyrir að
vírus breiðist út og verði milljón-
um að bana.