Dagblaðið Vísir - DV - 21.07.1995, Side 4

FÖSTUDAGUR 21. JÚLl 1995
3
Hst
TÓNLISIAR
ilðlfifl!
Van Morríson - Days like This
Tónlistarveisla
Á undanförnum árum hefur glæsilegur tónlistarferill írska
lagasmiðsins og söngvararis Vans Morrisons nóð hærri hæðum en
nokkru sinni. Hvert snilldarverkið hefur rekið annað og ekkert lát
virðist vera á. Vandaðri og fágaðri popptónlist er leitun að og ef
eitthvað verðskuldar titilinn „sígilt popp“ þá er það.tónlist Vans
Morrisons. Þar fer allt saman; frábærar lagasmíðar, ígrundaðir
innihaldsríkir textar, fyrsta flokks hljóðfæraleikur og útsetningar og
söngur eins og hann gerist bestur; tilfinning og tjáning. Á nýju
plötunni Days like This heldur Morrison áfram á svipuðum nótum og
síðustu ór; tónlistin er soulpopp með blúsívafi, melódísk og mjúk.
Stærstu breytingarnar á þessari plötu er að finna í söngnum.
Morrison syngur vissulega enn af sömu snilld sem fyrr en nú færir
hann út kvíarnar með dóttur sinni, Shönu, sem er feikilega efhileg
söngkona og gefur lögum föður síns nýja vídd og tilfinningu. Hún
syngur aðalrödd í tveimur lögum ósamt föður sínum og bakraddir í
flestum öðrum lögum. Önnur athygliverð rödd á plötunni, sem líka
lyftir lögum Morrisons upp í æðra veldi og fyrst heyrðist á
tónleikaplötunni A Night in San Francisco, er rödd Brians Kennedys;
afskaplega áberandi og sérstök rödd sem minnir sumpart á rödd
Aarons Neville. Days like This er í einu orði sagt tónlistarveisla, opin
öllum sem vilja þiggja gott boð.
- Sigurður Þór Salvarsson
Neil Young - Mirrorball
Skammt stórra högga á milli
Tilurð plötunnar Mirrorball á sér nokkuð sérkennilega sögu.
Upphafið má rekja til þess að við hátíðlega athöfn, þar sem Young
var tekinn í tölu stórmenna í Rock N Roll Music Hall of Fame í fyrra,
tók hann lagið með rokksveitinni Pearl Jam. Tókst svo vel til að farið
var að huga að samstarfi þessara aðila á plötu. Og nú er platan fædd
en merkilegt nokk er sama hvernig maður rýnir í plötupésann, .
hvergi er nafn Pearl Jam að finna. Hins vegar má ef vel er að gáð
finna nöfn einstakra liðsmanna Pearl Jam í hópi hljóðfæraleikara.
Skýringin er sú að Young og Pearl Jam eru ekki á samningi hjá sama
hljómplötufyrirtækinu og þau gátu ekki komið sér saman um
útgáfuna og þess vegna var sú leið farin að sleppa einfaldlega nafni
Pearl Jam á plötunni. Hvort þetta hefur líka ráðið því að Neil Young
sér einn um lagasmíðamar á plötunni veit ég ekki en fyrir vikið
verður þetta í raun bara ný Neil Young plata með undirleik Pearl
Jam. Og ef forsagan væri ekki á allra vitorði dytti engum í hug að
Pearl Jam sæi um undirleikinn, því Young hefur skólað þá þannig til
að þeir hljóma ekki ósvipað og Crazy Horse. Tónlistin hefur samt
þyngra og grófara yfirbragð á sér en á síðustu plötu Young og minnir
um margt á Rust never Sleeps árin. Engu að síður er hún afskaplega
melódísk og það er eiginlega ótrúlegt hvað Young nær að skapa
hugljúfar melódíur með þessari grófu áferð. Mirrorball er enn eitt
stórvirkið á glæsilegum ferli Neils Youngs og undirstrikar hvílíkt
stórveldi þessi maður er í rokksögunni. Þeir Pearl Jam félagar mega
vera hreyknir af að fá að leika á plötu með snillingi á borð við Neil
Young.
- Sigurður Þór Salvarsson
Sniglabandið - Gull á móti sól
★★★
Sól, gull og balsamstúlkur
Sniglabandið er líklega ein ástsælasta ballhljómsveit landsins. í
hljómsveitinni er enginn einn „frontmaður", allir standa jafnt í
sviðsljósinu. Þeir semja lögin, syngja og grínast allir sem einn. Á nýju
plötunni má finna ýmsar stefnur og strauma.
Eitt skal þó tekið fram. Þrátt fyrir grín og glens í útvarpi og á
skemmtistöðum hefur Sniglabandið hér klambrað saman plötu sem
stenst fyllilega samanburð við aðrar samtímasveitir hvað varðar
lagasmíðar. Að vísu eru lög eins og Rokk, Lestur úr lófa (í flutningi
Jazztriós Einars Rún.) og Hí á þig nettar glensádeilur en að öllu jöfnu
er platan fjölbreytt og heilsteypt.
Björgvin Ploder keyrir plötuna upp með söng sínum í lögunum Þú
getur ekkert, Fljúgandi og Betra (sem er eftir sama mann og samdi
Gott á síðustu plötu, nefnilega fyrrum bassaleikara
hljómsveitarinnar, Friðþjóf Sigurðsson). Pálmi Sigurhjartar er ljúfur í
sólarsambalaginu Balsamstúlkunni og Þorgils sýnir á sér nýja hlið í
laginu Að opna augun. Hann er nefnilega fínn söngvari.
Annað sem vert er að minnast á er hljómurinn. Sumir segja hann
ekki skipta máli en aukin framþróun á tæknibrautinni hefur gert það
að verkum að íslenskar plötur standast vel samanburð við erlendar
hvað varðar hljóm og á það einnig við um þessa plötu.
Þessi mikla þróun hjá Sniglabandinu hefur gert það að verkum að
undirritaður sér hljómsveitina nú í allt öðru ljósi. Þarna eru ekki
einungis á ferðinni snjallir skemmtikraftar heldur sívaxandi
lagahöfundar sem eru alltaf að koma á óvart. Vinsamlegast haldið því
áfram.
- Guðjón Bergmann
DV
Myndbanda-
sveitin P6
- ádeilur og upptökur Péturs
Fyrir einu og hálfu ári var sýnt á
sjónvarpsstöðvunum myndband við
lagið „The World within" með hljóm-
sveitinni P6. Innihald myndbandsins
er Ijóðræn satíra á poppþyrstar
strengjabrúður skemmtanaiðnaðar-
ins, en var í raun túlkað af áhorfend-
um sem skondin glansmynd umvafin
sýndarmennsku söngvarans.
Maðurinn á bak við lagið heitir Pét-
ur Einarsson og hefur nú unnið nýtt
lag í hljóðveri og gert við það mynd-
band. Lagið heitir „Fly without" og er
mjög frábrugðið „The World within."
DV hitti Pétur að máli fyrir stuttu og
spurði hann fyrst hvernig stæði á þess-
ari stefnubreytingu.
Engin ein
tónlistarstefna
Geisladiskur
og Internetið
„Hjá mér er í raun engin ein tón-
listarstefna allsráðandi, en mér finnst
róleg lög á einhvem hátt mun persónu-
legri en taktfast popp. Sú stemning
sem skapast þegar ég sem þetta svo-
kallaða popp er svo upphafin og pepp-
andi að það er að mínu mati nauðsyn-
legt að fá útrás í þannig tónlist annað
slagið, bæði sem listamaður og mann-
eskja. í myndbandinu við „The world
within“ notaði ég því tækifærið og
setti mig í hlutverk sjáifumglaða popp-
arans og deildi þar með á yfirborðs-
mennskuna sem popphugtakið er í
eðli sínu. Útkoman var kannski ekk-
ert meiri háttar, enda vorum við bara
tveir að stússa í þessu og höfðum
aldrei unnið myndband né neitt ann-
að af þessu tagi áður.
Við tókum þetta mátulega alvar-
lega, filmuðum 4 klst. af efni (sum at-
riðin aftur og aftur) og klipptum
myndbandið 4 sinnum. Þetta tók 6
mánuði í frístundum og á endanum
vorum við svona 50% sáttir við útkom-
una. í dag myndi ég vilja vinna það
allt upp á nýtt, en þetta var bam síns
tíma og mikið fjör.“
Eins og stendur vinnur Pétur að því
að gefa út geislaplötu. Hún mun inni-
halda bæði „The World within“ og
„Fly without", auk nokkurra tölvu-
unninna laga. Málið er að vísu enn á
frumstigi og býst Pétur við að hefja
upptökur í haust. Auk þess er Pétur
nú að koma sér upp heimasíðu á Inter-
netinu i samvinnu við Hringiðuna.
Fyrir þá sem vilja leggja fram fyi-ir-
spumir er Pétur þegar kominn með
tölvupóstliólf sem er P6 Q VORTEX.IS
og svo venjulegt pósthólf P6 po.box
5226,125 Reykjavík.
GBG
Nýja myndbandið heitir „Fly without" en í vetur stefnir Pétur að því að koma
nokkrum lögum inn á geislaplötu. Hann er líka að setja upp heimasíðu á Intemet-
inu.
Úr myndbandinu „The World vithin"- P6.
Nýja lagið
Hefur það einhvern boðskap fram
að færa? „Já, en ég er einfaldlega að
fá útrás og tjá mig um það sem stóð
hjarta mínu næst á þeim tíma sem lag-
ið var samið (ágúst 1994). Textinn fjall-
ar um atburði sem áttu sér stað á þess-
um tíma, en ég veit ekki hvort sú saga
á erindi á opinberum vettvangi, en í
stuttu máli fjallar textinn um hyldýpi
einmanakenndarinnar, mikilvægi
vináttunnar og brothættar tilfinning-
ar í leikriti lífsins."
Elvis Costello - Kojak Variety:
★★★
Fjölbreytnin er mikil og Costello
gerir þetta af mikilli einlægni eins
og hans er von og vísa... Allt hjálp-
ast hér að til að gera Kojak Variety
að mjög persónulegri og athyglis-
verðri plötu.
-SÞS
Terence Trent D'Arby - Vibrator:
★★★i
... það kæmi mér ekki á óvart þótt
þessi plata yrði talin ein albesta soul-
plata ef ekki plata ársins þegar upp
verður staðið.
-SÞS
Pink Floyd - Pulse:
★★★★
Eöiisvalið gefur bærilegan þver-
skurð af tónlist Pink Floyd gegnrnn
tíðina. Eftir hljómsveitina liggja
hins vegar slík kynstur af efni að
auðveldlega hefði mátt hafa einn
disk til viðbótar án þess að nokkru
væri ofaukið.
-ÁT
Gene - Olympian:
★★★
Tónlist sveitarinnar hefur á sér
áberandi Smiths-keim á köflum en
er þó langt í frá ódýr eftirlíking á
nokkum hátt.
-SÞS
Rod Stewart - A Spanner in the Works:
★★★
Rod Stewart sýnir og sannar að
hann á mörg ár eftir enn og vonandi
margar góðar plötur eins og þessa.
-SÞS
Jim Morrison & The Doors - An Amer-
ican Prayer:
★★★
Platan er ekki hljómplata í venju-
legum skilningi þess orðs; frekar
mætti kalla þetta hljóðvæddan ljóða-
lestur. Og sem slík plata er hún
merkilegur minnisvarði um hinn
margbrotna og dularfulla mann, Jim
Douglas Morrison.
-SÞS