Þjóðviljinn - 19.08.1962, Side 9

Rætt við
MiARTIN HOLM
formann
íþróttasambands
Færeyja.
Martin Holm fararstjóri fær-
eyska landsliðsins er fonnaður
Iþróttasambands Færeyja (l.S.
F.) og starfar sem kennari í
Þórshöfn, en áður var hann 17
ár kennari í Danmörku. f.S.F.
hefur opnar skrifstofur í glæsi-
legum húsakynnum í banka-
húsinu í Þórshöfn og er Martin
Martin Holm
form. f.Sf.F.
Holm starfsmaður þar, auk þess
hefur hann til skamms tíma
verið ritstjóri íþróttatíðinda,
sem er félagsblað Í.S.F. og
kemur út 12 sinnum á ári.
Þjóðviljinn notaði tækifærið er
Holm var hér á ferð með lands-
liðinu að ræða við hann um
íþróttalíf í Færeyjum.
— Hvenær er íþróttasamband
Færeyja stofnað?
— f.S.F. er stofnað árið 1939,
elzta íþróttafélagið er stofnað
1892 og varð því 70 ára á
þessu ári, það heitir Tvöroyar
Bóltfélag og starfar enn af
mikium krafti og er stærsta í-
Iþróttafélag i Færeyjum, má
geta þess að enn eru til allar
gerðabækur félagsins frá stofn.
un þess.
— Hvað eru mörg félög í
sambandinu.
— Nú eru 38 starfandi félög
í Í.S.F., þau iðka knattspyrnu,
sund, fimleika og kappróður en
frjálsar íþróttir eru lítið iðkað-
ar. Sambandið gengst fyrir
nokkrum landsmótum á hverju
sumri. Norðoyastevnan er hald-
in fyrstu helgi í júní, Jóansök-
an, sem haldin er í Vági nú í
sumar, Vestanstevna var nú
haldin í Sörvági, Varmakeldu-
stevnan er haldin í Fuglafirði
og svo er það Ólafsvakan, sem
er eins konar þjóðhátíð okkar
með sínum gömlu siðum og
venjum, hún er alltaf haldin í
Þórshöfn og stendur í 2—3 sól-
arhringa. Það er mikil þátttaka
í þessum mótum t. d. tóku um
1000 piltar og stúlkur þátt í
landsmótum í knattspyrnu og
ihandknattleik í sumar.
— Hver er vinsælasta íþrótta-
greinin?
— Kappróður og fimleikar —
róður er mikið iðkaður í hverju
byggðarlagi bæði af piltum og
stúlkurh, á Ólafsvökunni taka
um 300 manns þátt í kappróðri.
f Þórshöfn er 1 íimleikafélag
og síðastliðinn vetur voru þar
7 flokkar fyrir börn og 4 flokk-
ar fullorðinna og fimm kenn-
arar störfuðu. Margir nýir skól-
aí' 'hafa verið byggðir á sein-
ustu árum og geta nú um 65°/c|
barna á skólaskyldualdri iðkað
fimleika í fullkomnum sölum.
Stærsta félagið í Þórshöfn,
Havnar Fimleikafélag sem
stofnað er 1909 iðkar einung-
is fimleika.
— Hvað um íþróttasamskipti
við önnur lönd?
— Við höfum mesta sam-
vinnu haft við íslendinga og
Hjaltlendinga um knattspyrnu.
Síðan 1935 höfum við keppt við
mh«í
Jögvan Johanscn
fyrirliði landsliðsins.
Hjaltlendinga um silfurskjöldj
sem skozkur aðalsmaður gaf. Á
Hjaltlandi eru um 26 þúsund
íbúar og iðka þeir ekki aðrar
lílþróttir en knattspyrnu, íbúum
fer þar nú mjög fækkandi og
flytjast þeir mikið til Skot-
lands.
íþróttasamskipti við íslend-
inga byrjuðu löngu fyrir strið
og síðan ísfirðingar komu til
okkar 1949 hafa alltaf komið
margir flokkar frá íslandi á
hverju ári, og við náttúrlega
farið til íslands. Auk þess höf-
um við sent flokka til Dan-
merkur og Noregs, og nokkur
erlend félög hafa komið við hjá
okkur á leið til íslands.
— Hafið þið íþróttaskóla í
Þórshöfn?
— Nei, en þar er almennur
kennaraskóli og margir fara
þaðan í íþróttaskóla í Dan-
mörku. Við höfum aðeins haft
fáa erlenda þjálfara, við höf-
um reynt að fá íslenzkan knatt-
spyrnuþjálfara en ekki tekizt.
Fær íþróttahreyfingin opin-
beran fjárstyrk?
— íþróttasambandið fær styrk
frá Lögþinginu, en einstök fé-
lög fá ekki styrk, félagsgjöldin
verða að standa undir kostnaði
við starfsemina og borga flestir
frá 12—20 kr. á ári. Hins vegar
fá allir íþróttaflokkar sem fara
í keppnisferðalag milli eyja ó-
keypis far í áætlunarferðum
skipanna.
— Hvað viltu segja um lands-
leikinn við ísland núna?
— Við kepptum við B-landslið
ykkar 1959 og töpuðum með
5:2. Það gaf okkur vonir um að
geta veitt ykkur harða keppni
næst þegar liðin mættust en
þær vonir hafa algjörlega
brugðizt eins og úrslit leiksins
sýna bezt. Ykkar knattspyrnu-
mönnum hefur farið mikið
fram síðan þið eignuðuzt gras-
velli. Okkur er það alveg Ijósti
að það verða engar framfarir
fyrr en við fáum grasvöll og
það er brýnasta verkefnið hjá
okkur núna.
★ I
Ég vil að lokum segja það
að móttökur hafa verið fram-
úrskarandi góðar, við höfum
ferðazt talsvert um landið og
erum mjög ánægðir með ferð-
ina og þakklátir þeim sem tek-
ið hafa á móti okkur, ég vil
sérstaklega nefna Ragnar Lár--
usson sem fylgt hefur okkur
trúlega hvert sem við höfum
farið og hefur nánast borið
okkur á höndum sér frá því við
stigum hér á land.
Færeyska landsliðið talið frá vinstri. Fremsta röð: Kaj Kjallsberg, B36, Pétur Rasmussen HB,
Herálvur Andreassen TB, Torstein Magnussen B36. Miðröð: Magnus Kjelnæs Kí, Jacob L. Joensen
HB, Henry Poulsen B36, Jogvan Jacobsen Kí, Heðin Samuelsen B36, Martin Holm fararstjóri;
Aftasta röð: Jogvan Johannsen HB, Ólavur Olsen B36, Steinbjörn Jacobsen Kí, Dániel Krosstein Kf,
Bjarni Holm B36, Marius Johan Jensen HB. Myndin er tekin, þegar Færeyingar voru á æfingu
á Melavellinum í síðustu viku. — (Ljósmynd: Þjóðviljinn. A. K.).

Aðcins 3 vikur til kcpninnar
í Belgrad
Meðal frjálsíþróttamanna um
alla Evrópu er ekki meir um
annað talað en Evrópu-meist-
aramótið í frjálsum íþróttum,
sem fram fer í Belgrad eftir
3 vikur, nánar til tekið stend-
ur mótið yfir dagana 12. til
16. september n. k.
Margir álita, að mót þetta sé
nokkurskonar ,,LitIu Olympíu-
leikir frjálsra íþrótta“, og má
til sanns vegar færa á margan
hátt, því að þarna eru saman
komnir flestir beztu frjálsí-
þróttamenn utan Bandaríkj-
anna, og á hinum síðari mót-
um hefur keppnin orðið mjög
hörð og fer stöðugt harðnandi,
og er skemmst að minnast síð-
ustu keppni, sem fram fór i
Stokkhólmi 1958.
Undanfarnar vikur og mán-
uði hafa frjálsíþróttamenn
landanna verið í miklum und-
irbúningi, og segja má að
margir þeirra hafi raunar ver-
ið að búa sig undir mót þetta
síðustu árin.
Allt, frá bví að fyrsta mótið
var háð í Torino á ítalíu 1934,
hefur það verið aðalviðburður
ársins á sviði frjálsra íþrótta,
en mótiiv hafa Síðan farið fram
á þessum stöðum: París 1938,
Osló 1946, Brússel 1950, Bern
1954 og í Stokkhólmi 1958.
Zatopck og Consolini mcð
3 meistaratitla
Oft hefur baráttan verið hörð
um sigurinn og meistaratitlana,
og margur afreksmaðurinn hef-
ur skapað sér nafn einmitt á
þessum stórmótum, og unnið af-
rek sem lengi er minnzt bæði
af áhugamönnum og keppend-
um.
Það gæti því verið gaman að
rif ja upp nöfn þeirra, sem1
verulega hafa komið við sögu
á mótum þessum og sem hafa
unnið meira en einn meistara-
titil i keppnum, þar kemur
með nafn Gunnars Huseby sem
Ef athugað er hverjir hafa
oftast komið meðal hinna 6
beztu eru það einnig þeir Zato-
pek og Consolini sem eru efst-
ir og jafnir en þeir hafa 5 sinn-
um verið meðal þeirrá 6 beztu.
Þrisvar hafa þesir komið
meðal hinna 6 beztu:
E. Bally Frakklandi, A. Boy-
sen, Noregi, L. Salminen Finn-
landi, Y. Lituéff Sovét, R.
Lundberg Svíþjóð, R. Áhman
Svíþjóð, Tosti ítalíu, O. Grig-
alka Sovét, J. Dobzal Tékkósló-
vakíu, J. Lundgren Svíþjóð.
Fáir þessara manna munu
koma við sögu á móti því sem
fyrir dyrum stendur. Þó er ekki
ólíklegt að þeir Kuznetsoff og
Krzyzskowiak láti að sér kveða
í mótinu og ekki óhugsandi að
þeir bæti við sig þriðja titlin-
um.
Gera má ráð fyrr að nokkrir
af sigurvegurunum frá 1958
verði með í keppninni í Bel-
grad, en vafasamt er að þeim
takist að verja titilinn. Má þar
nefna menn eins og J. Chromik
frá Póllandi, J. Schmith frá
Póllandi og Ter-Ovanesian frá
Sovét, sem af sumum er tal-
inn öruggur í langstökkinu.
I
Ilvað sendir fsland marga?
Ennþá mun ekki ákveðið hvað
margir fara héðan á mótið, en
þegar þetta er skrifað munu að-
eins 2 hafa náð þeim lágmarks-
árangri sem stjórn FRÍ setti, en
það eru þeir Jón Þ. Ólafsson
í hástökki og Valbjöm Þorláks-
son, sem mun taka þátt í stang-
arstökki og tugþraut.
Enn er tími til stefnu þvi
nafnalisti þarf ekki að vera
Framhald á 10. síðu.
Sunnudagur 19. ágúst 1962 — ÞJÓÐVILJINN — ;(g