Þjóðviljinn - 21.06.1970, Blaðsíða 4

4 SÍÐA — ÞJÓÐVILJINN — Sunnudaigur 21. júní 1970.
— Málgagn sósíalisma, verkalýðshreyfingar og þjóðfrelsis —
Útgefandi: Útgáfufélag Þjóðviljans.
Framkv.stjóri: Eiður Bergmann.
Ritstjórar: Ivar H. Jónsson (áb.), Magnús Kjartansson
Sigurður Guðmundsson
Fréttaritstjóri: Sigurður V. Friðþjófsson
Ritstj.fulitrúi: Svavar Gestsson.
Auglýsingastj.: Ólafur Jónsson.
Ritstjórn, afgreiðsla, auglýsingar, prentsmiðja: Skólavörðust. 19. Sími 17500
(5 linur). — Askriftarverð kr. 165.00 á mánuði. — Lausasöluverð kr. 10.00.
Laga þarf til á Alþingi
^ Dagsbrúnarfundinum í Háskólabíói minnti for-
maður félagsins, Eðvarð Sigurðsson, á að það
hefði kostað Dagsbrúnarmenn miklar fórnir að
ná þeim árangri sem samningarnir fela í sér. Samt
væri það sem áunnizt hefði einungis áfangi á þeirri
leið að verkamenn bættu kjör sín enn meira en nú
hefði tekizt. „Við þurfuim enn að sækja fram. Við
höfum hafið sóknina, við þurfum að halda henni
áfram“. Eðvarð iminnti á að verðmætasköpun þjóð-
félagsins hvílir á fólkinu í verkalýðshreyfingunni
og bætti við: „Ef efnahagskerfið er þannig að það
þoli ekki að greiða verkamönnum þau kjör sem
við höfum nú samið um, er það ekki sök verkafólks-
ins, heldur kerfisins og stjórnarvalda. Þá verður
kerfið að víkja, vandamálið verður ekki leyst með
því að rýra kjör verkafólks“.
jpram kemur hins vegar í íhaldsblöðum m.a. í uim-
mælum formælenda Vinnuveitendasambands-
ins svonefnda, að þeim er efst í hug að setja í gang
svikamyllukerfi sitt; hugsa til þess að láta þing-
meirihluta Sjálfstæðisflokksins og Alþýðuflokks-
ins stela því aftur af verkamönnum sem áunnizt
hefur í langri og fórnfrekri kjaradeilu. Fyrir kosn-
ingar voru ráðherrar og efnahagssérvitringar þeirra
látnir birta yfirlýsingar á þá lund að atvinnuveg-
irnir, útflutningsatvinnuvegirnir, þyldu 10% geng-
ishækkun og verulega kauphækkun að auki. Strax
eftir kosningarnar var snúið við blaðinu og allt
annað haft upp á teningnum. Nú koma sömu for-
stjórarnir, framkvæmdastjórarnir og „eigend-
ur“ fyrirtækja og byrja að ympra á því hvort
fyrirtæki þeirra „þoli“ að standa við þá kjara-
samninga sem þeir hafa nýlokið að undirskrifa.
Og í hinum ósvífnari íhaldsblöðum er þegar tekið
að kyrja nýjan gengislækkunarsöng, uppi hafðar
kröfur um að kollsteypa efnahagskerfinu 1 því
skyni að ræna ávinningi alþýðunnar af kjarasamn-
ingunum. Samtímis er hert á áróðrinum gegn hin-
um 4000 verkfallsimönnum sem enn hefur ekki
verið samið við, og alið á kröfum um takmörkun
og jafnvel afnám verkfallsréttar.
J^eynsla undanfarins áratugs hefur sannað að
enginn ávinningur verkalýðsfélaganna í kjara-
samningum er öruggur meðan við völd er í land-
inu afturhaldsstjóm Sjálfstæðisflokksins og Al-
þýðuflokksins og þeir flokkar hafa meirihluta á
Alþingi. Hvað eftir annað hafa þessir flokkar ráð-
izt á kjarasamninga og kjör verkamanna með lög-
gjöf, hvað eftir annað hefur ríkisstjóm Bjarna
Ben. og Gylfa neytt verkamenn til að berjast fyrir
sömu kjarabótunum, svo seim verðtryggingunni. Það
verður að loka þeirri svikaimyllu og tryggja að
ekki geti orðið framhald á henni í nýjum aftur-
haldsstjómum, ef nokkur ávinningur í kjarasamn-
ingum á að verða varanlegur. Stórauka verður
áhrif og vald verkalýðshreyfingarinnar á Alþingi,
til þess að sóknarlota alþýðunnar sem nú getur
hafizt skili árangri í betri kjörum og auknum rétti
alþýðu á íslandi. — s.
Frá laMbkeppmimi í sundi
Eins og getið var í fréttum á íþróttasíðu Þjóðviljans, sigruðu Skotar íslendinga með mikl-
um yfirburðum í landskeppninnj í sundi sem háð var í sundlauginni í Laugardal um fyrti
helgi. Vegna þrengsla í blaðinu urðu nokkrar myndir, sem ljósmyndari Þjóðviljans, Ari
Kárason, tók meðan á landskeppninni stóð, viðskila við fréttina — en hér koma þaer.

■

■
IÉItltíi§
___
' / \

..>• -'*•

WmmmMrnm
Við upphaf og endi 100 m bringusunds kvenna. Á efri myndinni sést þegar Anne Blyth, Helga
Gunnarsdóttir, Kathy Stewart og Ellen Ingvadóttir stinga sér til sunds í upphafi sundsins, en
á neðri myndinni er Ellen Ingvadóttir, lengst til hægri, ásamt skozku stúlkunum, er unnu tvö-
faldan sigur. — (Ljósm. Þjóðv. A. K.).
Hann leynir sér ekki áhugi tímavarðanna, enda var, þegar þessj mynd var tekin, orðið ljóst
að Leiknir Jónsson hafði sett eitt glæsilegasta íslandsmet í sundi er sett hefur verið. er hann synti
200 m. bringusund á 2.35,8 mín. Á myndinni sést Leiknir koma í mark að loknu þessu sundl,
sem sigurvegari í greininni. — (Ljósm. Þjóðv. A. K.).