Þjóðviljinn - 22.07.1975, Blaðsíða 6

6 StÐA — ÞJÓÐVILJINN Þriðjudagur 22. júll 1975.
Han Chuan frá Sahanghai liggur við bryggju.
Fyrsta kínverska skipið
í íslenskri höfn
Skipy erj ar
munu ferðast
um landið
10 daga viðdvöl er nauðsynleg
til þess að u<nnt sé að ferma
„Jú iú/ við megum
skipta um föt, ef okkur
þykir kalt hérna á
islandi," sögðu skipverjar
á kínverska skipinu sem
liggur við bryggju Alvers-
ins og er hér statt til þess
að flytja islenska álfram-
leiðslu til Kína. „Við eig-
um úlpur og utanyfirflik-
ur, og ef ástæða er til mun-
um við geyma „maó-bún-
inginn" um borð á meðan
við ferðumst um landið".
Blaðamaður Þjóðviljans
heimsótti kinverjana um borð i
skip þeirra og fékk þar hinar
höfðinglegustu móttökur. Græn
egg, dökkbrúnn fiskur, þurrkað
að sigið kjötbuff sem er „harð-
fiskur” kinverja og margt fleira
var borið á borð i tilefni heim-
sóknarinnar. Kinverskur bjór var
einnig á boðstólum auk kaffibolla,
karamella og fleira góðgætis.
Óneitanlega virkaði allt þetta
framandi; matseðillinn var ekki
beint sérstaklega sniðinn fyrir
islenskan maga sem var þó harð-
ur af sér og tók með þökkum við
þvi sem að honum var ré.tt.
Þetta erfyrsta kinverska skipið
sem kemur i islenska höfn. Skip-
stjórinn sagðist vonast til þess að
koma þeirra hingað markaði
timamót i viðskiptalegum tengsl-
um þjóðanna, að vinátta og sam-
skipti milli þeirra myndu aukast
til muna.
— . Þetta er ekki i fyrsta sinn
sem við kaupum islenska álfram-
leiðslu, sagði skiðstjórinn, við
höfum sótt framleiðslu ykkar til
Hamborgar og annarra borga úti
i heimi, en þetta er hins vegar i
fyrsta sinn sem við kaupum i svo
stóru magni að hægt var að senda
sérstakt skip til Islands.
— Eiga kinverjar mörg svona
stór skip?
— Já, við eigum töluvert af
skipum á borð við þetta. Þetta
skip er smiðað fyrir okkur i
Júgóslaviu fyrir tæpum tveimur
árum og getur tekið um 13.000
tonn af varningi. Við eigum hins
vegar enn stærri skip, allt upp i
90.000 lestir að stærð.
— Smiðið þið engin skip sjálf-
ir?
— Jú, okkar skipasmiðar hafa
aukist mjög á undanförnum ár-
um, þótt enn sé litið um smiði
stórra skipa. Við höfum hin siðari
ár lagt áherslu á að mennta sjálf-
ir okkar tæknifræðinga, verk-
fræðinga og skipasmiði almennt,
og ég held að mér sé óhætt að full-
yröa að æ fleiri kinversk skip sigli
um höfin.
Veislugestir við þessa fyrstu komu kfnversks skips til ísiands voru margir. Fremst ræða klnverksir sendiráðsmenn við fslenskan blaða-
mann, og á borðum má sjá vistirnar.
— Hafið þið siglt mikið til
Norðurlanda?
— Á þessu skipi höfum við
aldrei komið á þessar slóðir fyrr.
Hér er allt nýtt fyrir okkur og við
hlökkum til að fá að ferðast um
suðurlandsundirlendið. Eitthvað
munu önnur kinversk flutninga-
skip hafa heimsótt hin Norður-
löndin, en það mun þó vera sára-
litið. Annars siglum við til
margra landa, — ég hugsa bara
að við siglum til flestra strand-
rikja heims.
— Hafið þið vinnutilhögun ykk-
ar um borð i flutningaskipunum
svipaða og t.d. við hér á Islandi
eða aðrar vestrænar þjóöir?
— Já það held ég, við erum
ekkert stórskrýtnir. Við skiptum
sólarhringnum i þrjár vaktir, 7—8
timar hver vakt, og áhöfnin á
þessu skipi samanstendur af 56
manns.
— Þið hafið hérna langa við-
dvöl?
— Já, þetta verða a.m.k. 10
Fremstá myndinni blður ein af lestum skipsins opin eftir islensku álframleiðslunni, en myndin er tekin
úr brúnni.
dagar vegna þess hve miklu
magni þarf að koma um borð. Við
tökum hérna um 10.000 lestir, og
það er langtum meira en við höf-
um keypt áður. Annars flytjum
við lika út töluvert af áli þótt
undarlegt kunni að virðast. Ég
held að það sé aðallega til þess að
halda við viðskiptalegum tengsl-
um milli Kina annars vegar og
annarra þjóða.
— Og þið ætlið að ferðast?
— Já, ég held að það sé
Alfélagið sem hefur skipulagt
fvrir okkur ýtsýnisferðir hérna
um suðurlandsundirlendið. Ég
veit ekki hvað við höfum mikinn
tima fyrir landgönguferðir en við
ætlum þó að reyna að sjá sem
mest; þessar norðurslóðir eru
okkur öllum ókunnar.
— Hvert siglið þið svo héðan?
— Viö förum beina leið til Kina,
en hins vegar komum við hingaö
frá Marseille i Frakklandi og
höfðum þar áður verið i Rotter-
dam. Við reiknum með um 30
daga siglingu til heimahafnar
okkar.
— Eru skipverjar hrifnir af
islensku sumarveðri?
— Mér er nú sagt að það sé ekki
alltaf rigning og rok hérna á
sumrin. Okkur finnst jú að visu
frekar kalt og hrásalagalegt, en
þó er þetta ekkert sem skýtur
okkur skelk i bringu. Við fengum i
gær mjög slæmt veður fyrir utan
landið, eitthvað um 8 vindstig og
við höfum þvi litið að kvarta yfir
veðrinu nú. Ég er mjög glaður yf-
ir þvi að vera kominn hingað og
er sannfærður um að okkur muni
liða vel hér meðan á dvölinni
stendur. —gsp