Þjóðviljinn - 08.03.1985, Síða 5

....byggingar
kostnað
opinberra bygg-
inga
Kristín S. Kvaran hefur lagt
fram fyrirspurn til fjármálaráð-
herra svohljóðandi: Hver er
byggingarkostnaður opinberra
bygginga á vegum ríkisins miðað
við fullbúið húsnæði, reiknaður á
rúmmetra eða fermetra hverju
sinni? Óskað er eftir skriflegu
svari, sundurliðuðu eftir verkefn-
um.
....byggingar
framhaldsskóla
Kristín S. Kvaran hefur lagt
fram fyrirspurn til menntamála-
ráðherra um endurskoðun reglna
um byggingar framhaldsskóla.
Kristín spyr hvað líði endur-
skoðun þessara reglna.
....bankaþóknun
vegna
erlendra lána
Kolbrún Jónsdóttir hefur lagt
fram fyrirspum til viðskiptaráð-
herra um þóknun til banka fyrir
að hafa milligöngu um erlendar
lántökur og breytingar á óhag-
stæðum erlendum lánum. Kol-
brún spyr um heildarþóknun
bankanna vegna þessa s.l. þrjú ár
og einnig hve útgerðin hafí greitt
bönkunum mikið á því tímabili,
sundurliðað á hvert fiskiskip. Pá
spyr hún um hvaða reglur gildi
um þóknun sem þessa og hvort
reynt hafi verið að breyta óhag-
kvæmum erlendum lánum í hag-
kvæmari bæði hvað varðar gjald-
miðil og vexti.
....löggjöf um
samvinnufélög
Eyjólfur Konráð Jónsson hefur
lagt fram fyrirspurn til viðskipta-
ráðherra svohljóðandi: Hvað líð-
ur undirbýningi að nýrri löggjöf
um samvinnufélög og samvinnu-
sambönd sem ákveðin var með
ályktun Alþingis 29. maí 1980?
....val gjaldmiðla
i erlendum
lánum
Kjartan Jóhannsson hefur lagt
fram fyrirspurn til viðskiptaráð-
herra svohljóðandi: Er rétt að út-
flutningsframleiðendur, sem fá
erlend lán, geti ekki tekið þau í
þeim gjaldmiðli sem þeir óska
eftir og þá t.d. ekki í þeim gjald-
miðli sem gildir við sölu á fram-
leiðslunni? Telur ráðherra, ef
rétt reynist, að þetta sé eðlilegt
eða hefur hann í hyggju að beita
sér fyrir breytingum á því?
....ávöxtun
gjaldeyrisforða
Kjartan Jóhannsson hefur lagt
fram fyrirspurn til viðskiptaráð-
herra um ávöxtun gjaldeyrisforð-
ans. Kjartan spyr hvernig Seðla-
banki og viðskiptabankarnir
ávaxti gjaldeyriseign íslendinga
og hver meðalávöxtun hafi verið
s.l. þrjú ár. Til samanburðar spyr
hann um hverjir meðalvextir á
skuldum landsmanna hafi verið á
sömu árum.
Frá 1982 hafa útflytjendur aukið sinn hlut í verðmætinu um fjórðung og hirða 10% hagnað meðan prjónastofur tapa 1% og saumastofur tapa 3%.
_ Ullariðnaðurinn
Utflytjendursvelta
framleiðendur
Hirða 10% hagnað meðan prjóna- og saumastofur tapa 1-3%
Verð til framleiðenda hefur lœkkað um fjórðung á fjórum árum
Útflytjendur í ullariðnaði,
með Álafoss í broddi fylkingar,
hafa nú tæp 10% tekna sinna í
hreinan hagnað á sama tíma
og tap saumastofanna er tæp
3% og tap prjónastofanna
rúmlega 1%. Frá 1981 hefur
hallað verulega á framleiðend-
ur í ullariðnaði og á síðasta ári
fengu þeir aðeins 34% af út-
flutningsandvirðinu í sinn hlut
í stað 50% 1981. Þetta kemur
fram í nýlegri úttekt Þjóðhags-
stofnunar á ullariðnaðinum.
„Þetta er öfugþróun“, sagði
Ragnar Arnalds á alþingi sl.
þriðjudag, „og tryggja verður að
forystuafl útflytjenda, Álafoss,
sæki ekki ávinning sinn af slíku
ofurkappi að framleiðendur
verði skildir óvígir eftir“. Ragnar
benti á að prjóna- og saumastofur
væru mikilvægir staðir í atvinnu-
lífinu víða um land og ef þær legð-
ust niður vegna taps, meðan út-
flytjendur hefðu umtalsverðan
hagnað, myndu byggðarlögin
veikjast verulega.
Tilefni umræðnanna var fyrir-
spurn sem Þórður Skúlason,
varamaður Ragnars, lagði fyrir
iðnaðarráðherra í byrjun febrú-
ar. Hann spurði m.a. um þessa
þróun, hvort iðnaðarráðherra
þætti hún eðlileg og hvað ráðu-
neytið hygðist gera.
Sverrir Hermannsson sagði í
svari sínu að þessi þróun gæti
ekki talist eðlileg. Hins vegar yrði
að hafa í huga sívaxandi alþjóð-
lega samkeppni í ullariðnaði bæði
hér heima og erlendis. Fram-
leiðendur yrðu að huga að lang-
tímaþróun þessarar iðngreinar og
haga aðgerðum sínum eftir því.
Þá sagðist ráðherra nýlega hafa
látið gera athugun á stöðu ullar-
iðnaðarins sl. 10 ár og á því tíma-
bili hefði verðmæti útfluttra
ullarvara aukist um 288% í doll-
urum meðan heildarverðmæti út-
flutningsins hefði aukist um
127%. Þá benti hann á að ísland
væri eina landið þar sem störfum í
ullariðnaði hefði fjölgað eða um
13% á þessu sama tímabili. Ekki
væri við því að búast að sú þróun
héldi áfram nema samkeppnis-
hæfnin yrði aukin verulega.
Ráðuneytið vildi stuðla að því og
hefði nýlega ákveðið að veita
Landssamtökum prjóna- og
saumastofa 300 þúsund króna
styrk til hagræðingarátaks. Ráð-
herra tók að lokum undir orð
Ragnars um mikilvægi þessarar
iðngreinar fyrir atvinnulífið úti
um land.
Ragnar þakkaði svör ráðherra,
en sagði þörf á snarpari við-
brögðum til að koma í veg fyrir að
ullariðnaðurinn yrði að velli
lagður. Hvatti hann ráðherra til
Á s.l. 10 árum hefur verðmæti útfluttra ullarvara aukist um 288% í dollurum
meðan heildarútflutningsverðmæti iðnaðarins hefur aukist um 127%
að láta þessi mál frekar til sín
taka.
Guðrún Helgadóttir spurði af
þessu tilefni hvað orðið hefði af
ályktun alþingis 1982 um að skipa
nefnd til að bæta listhönnun m.a.
á innlendum iðnaðarvörum, en
ekkert hefði frá nefndarskipan-
inni heyrst. Sverrir Hermannsson
sagði að sú ályktun hefði eflaust
verið send menntamálaráðuneyti
á sínum tíma og það væri því fyrr-
verandi ráðherra, Ingvar Gísla-
son, sem ætti sómann af fram-
kvæmdum í því efni.
-ÁI
Föstudagur 8. mars 1985 ÞJÓÐVILJINN - SÍÐA 5