Þjóðviljinn - 09.01.1986, Blaðsíða 1
BÚSÝSLAN
FRÉTTASKÝRING
HEIMURINN
Suðurnes
Hrikalegt atvinnuleysi
Um 500 manns á Suðurnesjum án atvinnu. 1 miljón í atvinnuleysisbœtur íhverri viku.
Guðrún Ólafsdóttir formaður verkakvennafélagsins:
Ástandið oftslœmt en með alversta móti núna
Gríðarlegt atvinnuleysi er nú í
stærstu sjávarplássum á
Suðurnesjum og eru 500 manns
skráðir atvinnulausir í Keflavík,
Njarðvíkum, Höfnum og Vogum.
Mikið atvinnuleysi hefur verið á
þessu svæði í allan vetur og ekki
útlit fyrir að úr rætist að ein-
hverju marki fyrr en vertíð er
komin í fullan gang undir næstu
mánaðamót.
„Þetta er hreint út sagt rosalegt
ástand. Það er kannski ekki nýtt
að konum í fiskvinnslu hafi verið
sagt upp störfum á þesum árstíma
en atvinnuleysið hefur verið við-
varandi í alían vetur og einnig
hafa karlarnir misst atvinnuna.
Hér er allt lokað sem viðkemur
sjávarútvegi og ekki von til þess
að Hraðfrystihús Keflavíkur opni
fyrr en uppúr 20. janúar," sagði
Guðrún Ólafsdóttir formaður
Verkakvennafélags Keflavíkur
og Njarðvíkur í samtali við Þjóð-
viljann.
Atvinnuleysisbætur eru
greiddar út vikulega og losa
heildargreiðslur nú urn 1 miljón í
hverri viku. Hæstu bætur sem
hægt er að fá eru tæpar 4000
krónur á viku og auk þess fást
greiddar rúmar 33 kr. á dag með
hverju barni. Að sögn Guðrúnar
fá flestir um 50% af hæstu bótum
greiddar eða rúmar 2000 kr. á
viku.
„Það sjá allir í hendi sér hvað
þessar upphæðir duga, ég tala nú
ekki um í þessum dýra jólamán-
uði. Oft hefur atvinnuástand ver-
ið slæmt hér á Suðurnesjum en
það er með alversta móti núna,“
sagði Guðrún Ólat'sdóttir. -lg.
AIDS
Tilfellum
fjölgar
20 manns hafa fundist
með mótefni.
Að sögn Guðjóns Magnússonar
aðstoðar-Iandlæknis hefur 20
manns fundist hér á landi með
mótefni AIDS veirunnar sem er
tvöföldun frá því í haust er mest
var fjallað um þennan sjúkdóm.
Þá var greint frá því að 4 aðilar
væru meðforstigseinkenniog hef-
ur einn af þeim látist. Forstigs-
einkennum hefur ekki fjölgað frá
því í haust, að því er Guðjón
sagði.
Hann benti á að tvöföldun þess
hóps sem hefur mótefni, frá því í
haust, ætti sér sjálfsagt þá skýr-
ingu helsta að í haust var tekin
upp símaþjónusta, þar sem fólk
gát hringt og rætt við lækni ef það
hafði grun um að eitthvað væri
að. Eins hefðu líka blóðrann-
sóknir á sjúkdómnum verið tekn-
ar upp hér á landi.
Aftur á móti sagði Guðjón að
skráning væri enn í molum vegna
þess, að alþingi hefði enn ekki
tekið ákvörðun um hvernig skrá
eigi AIDS sjúkdóminn, hvort
flokka skuli hann með kynsjúk-
dómum eða einhverjum öðrum.
-.S.dór
Lestarrán
Peningana
eða pipar
í augun!
Nýju-Delhi - Ræningjaflokkur
sem réðst á járnbrautarlest á
Indlandi nýlega beitti nýstár-
legu vopni til að neyða farþega
til að láta verðmæti sín af
hendi: chili-pipar.
Lestarræningjarnir skipuðu
farþegunum aó afhenda sér
skartgripi og annað fémætt sem
þeir höfðu og þeir sem veittu
mótspyrnu fengu væna gusu af
rótsterkum chili-pipar í augun.
Nokkrir urðu illa úti og einn lög-
reglumaður var barinn þegar
hann reyndi að stöðva lestina.
Ræningjarnir hurfu með feng
sinn inn í myrkviði frumskógarins
og eru ófundnir.
-ÞH/reuter
Námsmenn fylktu liði í gær niður í menntamálaráðuneyti til að mótmæla niðurskurði Sverris Hermannssonar á námslánum. Skorað var á ráðherrann að falla
frá áformum um frekari niðurskurð. Mynd. EOL
LIN
Hættulegt fordæmi
PorsteinnA. Jónsson BHM: Teljum uppsögn Sigurjóns
ólögmœta. Veitum honum stuðning. Ragnar Arnaldsfyrrv.
menntamálaráðherra: Fordæmi ákvörðun Sverris. Engin
skynsamleg ástœða
Við teljum brottvikningu Sig-
urjóns úr stöðu fram-
kvæmdastjóra lánasjóðsins ólög-
mæta og byggjum það á því að
samkvæmt lögum um réttindi og
skyldur opinberra starfsmanna
eru ástæður menntamálaráð-
herra ekki nægilegur til brott-
reksturs. Við munum veita Sig-
urjóni allan mögulegan stuðning í
þessu máli, en ekki hefur enn ver-
ið ákveðið hvernig við förum að,
sagði Þorsteinn A. Jónsson for-
maður launamálaráðs BHM í
samtali við Þjóðviljann í gær.
Launamálaráðið tók brott-
vikningu Sigurjóns fyrir á fundi
sínum í gær, en engin ákvörðun
var tekin um aðgerðir vegna þess.
Möguleikar BHM á að veita Sig-
urjóni stuðning, er annars vegar
að sögn Þorsteins siðferðilegur
stuðningur, en hins vegargæti
bandalagið tekið að sér að reka
málið tynr dómstólum ef til
kæmi.
Ragnar Arnalds formaður
þingflokks Alþýðubandalagsins
og fyrrverandi menntamálaráð-
herra sagði í gær að ekki væri
hægt annað en að fordæma þessa
ákvörðun Sverris Hermanns-
sonar. „Það er ekki hægt að sjá að
nein skynsamleg ástæða hafi ver-
ið til að reka þennan mann úr
starfi, nema ráðherrann hafi vilj-
að fá sér handgenginn mann í
stöðuna í stað Sigurjóns. Það er
mjög hættulegt fordæmi ef ráð-
herrar ætla í krafti valds síns að
hreinsa út forstöðumenn ríkis-
stofnana að eigin geðþótta.“
Ragnar sagði einnig að hans sam-
starf við Sigurjón hafi verið með
ágætum og gott að leita til hans
um upplýsingar.
„ÞaAástand sem nú er á lána-
sjóðnum er auðvitað hroða-
legt. Það er sýnilegt að það stefn-
ir í stórlegan niðurskurð. Þetta
bentum við á strax í haust og
gerðurn tillögur um úrbætur,"
sagði Ragnar.
-gg
Sjá bls. 3, 8 og 9.