Þjóðviljinn - 09.01.1986, Blaðsíða 16
DJOÐVIUINN
Fimmtudagur 9. janúar 1986 6. tölublað 51. órgangur.
Aðalsími: 681333. Kvöldsími: 681348. Helgarsími: 81663.
Húsavík
Beðið milli
vonar og ótta
Engin ákvörðun hefur enn verið tekin um hvaða tilboði í
Kolbeinsey verður tekið. Yfir200 manns enn atvinnulaust á
Húsavík
Segja má að Húsvíkingar bíði á
milli vonar og ótta um hvað gerist
varðandi togarann Kolbeinsey
ÞH, en Fiskveiðisjóður hefur enn
ekki tekið ákvörðun um hvaða til-
boði í skipið verður tekið. Þetta
veldur að sjálfsögðu mikilli
spennu í bænum og alls konar
sögusagnir eru í gangi, sagði
Bjarni Aðalgeirsson bæjarstjóri á
Húsavík í samtali við Þjóðviljann
i gær.
Sögusagnir liafa verið um að
aðilar á Húsavík hefðu fengið
bakþanka og viljað hætta við að
kaupa Kolbeinsey. Ekki sagðist
Bjarni kannast við það og benti á
að alger einhugur ríkti í bæjar-
stjórninni um að kaupa skipið.
Hann sagði að vissulega væri
atvinnuástandið á Húsavík bágt
um þessar mundir. Aðeins rofaði
þó til vegna rækjuvinnslunnar
sem komin er í gang, en frystihús-
avinna lægi nær alveg niðri, enda
eðlilegt þar sem Kolbeinsey hefði
flutt að landi 40%-50% af því
hráefni sem unnið hefði verið í
frystihúsinu. Sagði Bjarni að
framtíðin væri óráðin og ekkert
hægt að segja fyrr en eitthvað
lægi ljóst fyrir með togara.
-S.dór.
Egill Vilhjálmsson hf.
Nauðasamningar
heimilaðir
Endanleg greiðslustöðvun runnin út. Borgarfógeti heimilar
nauðasamninga. Greiðslustöðvun hjá trésmiðjunni Víði
rennur út23. janúar
Skák
Margeir á
sigurbraut
Margeir Pétursson er enn í
efsta sæti á alþjóðamótinu í Hast-
ings í gær gerði hann jafntefli við
Petrovits frá Bandaríkjunum og
þarmeðfékk hanneinn og hálfan
vinning útúr síðustu þremur
skákum sínum til að öðlast stór-
meistaratign.
Jóhann Hjartarson tefldi í gær
við Júgóslavann Rukavina og
lauk þeirri skák einnig með jafn-
tefli. Jóhann er kominn með
fimm og hálfan, en Margeir með
8 eftir 10 umferðir. -óg
Greiðslustöðvun sem Tré-
smiðjan Víðir hefur ítrekað farið
fram á rennur endanlega út 23.
janúar n.k. Grciðslustöðvun Eg-
ils Vilhjálnissonar hf. rann út í sl.
mánuði en fyrirtækið hcfur feng-
ið hcimild frá borgarfógetaemb-
ættinu í Reykjavík til nauða-
samninga við skuldarcigcndur.
Bæði þessi fyrirtæki fóru fram
á greiðslustöðvun hjá fógetaem-
bættinu í Kópavogi sl.haust. Að
sögn Ásgeirs Péturssonar bæjar-
fógeta fengu bæði fyrirtækin sam-
tals 5 mánaða greiðslustöðvun
með framlengingu. Greiðslu-
stöðvun Víðis rennur út síðar í
þessum mánuði en eigendur
fyrirtækisins hafa ítrekað reynt
að selja húsnæði trésmiðjunnar
og hefur formlegt tilboð borist frá
svokölluðu stuðningsmannafé-
lagi Knattspyrnufélagsins Vals.
Kauptilboðið er til athugunar hjá
Iðnlánasjóði sem á stærstu
skuldakröfur á hendur Víði.
Greiðslustöðvun Egils Vil-
hjálmssonar hf. rann út í sl. mán-
uði en fyrirtækið hefur nýlega
fengið þinglýstri heimild frá
borgarfógeta til nauðasamn-
inga. Fyrirtækið fær þar með frest
innan ákveðinna tímamarka ti!
að semja um skuldbreytingu eða
niðurfellingu skulda við lánar-
drottna sína.
Stærstum hluta starfsmanna
fyrirtækisins sem eru um 50 tals-
ins var sagt upp störfum með lög-
bundnum fyrirvara í haust en
starfsmönnum Trésmiðjunnar
Víðis hefur enn ekki verið sagt
upp.
-lg-
Námsmenn
Vilja Olaf út
íhaldsmeirihlutinn í SHÍ að splundrast
Ólafur Arnarson fulltrúi stú-
denta í stjórn LÍN hefur unnið
stúdentum svo mikið tjón að það
verður að kallast forgangsmál að
hann víki tafarlaust úr stjórninni.
Hann hefur verið að segja eitt út á
við en gera annað þegar til kast-
anna hefur komið, sagði Ólafur
Sigurðsson Félagi vinstri manna í
Háskólanum í samtali við Þjóð-
viljann í gær.
Megn óánægja ríkir meðal stú-
denta með störf Ólafs Arnar-
sonar í stjórn lánasjóðsins og há-
værar raddir eru uppi um að hon-
um beri tafarlaust að víkja úr
stjórninni.
íhaldsmeirihluti Vöku og Um-
bótasinna í stúdentaráði er í þann
veginn að springa m.a. vegna
starfa Ólafs. Hrólfur Ölvisson
formaður Umbótasinna sagði í
gær að traust hans til Ólafs væri
brostið og hann gæti ekki lengur
starfað í óbreyttu meirihlutasam-
starfi. Þá sagði Ágúst Hjörtur
Ingþórsson ritstjóri Stúdenta-
blaðsins stöðu sinni lausri í gær
vegna kjarkleysis meirihlutans til
að snúast gegn aðför stjórnvalda
að jafnrétti til náms. Umbóta-
sinnar funduðu urn málið seint í
gærkvöldi, en ekki bárust fréttir
af þeirn fundi áður en blaðið fór í
prentun.
-gg-
Gostækið sem sprakk á nýársdag. Eins og sjá má sprakk efri hluti þess í
þúsund mola og þeyttust þrotin í loft upþ svo að för sjást í steinsteypunni fyrir
ofan. Ljósm. Sig.
Gostækið sprakk
í þúsund mola
Óskemmtileg reynsla á heimili í
Breiðholti um áramótin
Litlu munaði að stórslys yrði á
heimili í Breiðholti á nýársdag
er gosblöndunartæki af gerðinni
,,Drinkmaster“ sprakk í loft upp
er heimilismaður var að blanda
gos. Splundraðist tækið í þúsund
mola og þcyttust hlutar úr því í
loft eldhússins þannig að för sjást
í steypunni.
„Það var tengdadóttir mín sem
varð fyrir þessari óskemmtilegu
reynslu og krafturinn var slíkur
þegar þetta gerðist að hún væri
ekki til frásagnar ef hún hefði
ekki vikið sér undan,“ sagði Sig-
urjón Pétursson, borgarfulltrúi
en það var á heimili hanns í Asp-
arfelli sem atburðurinn átti sér
stað.
Þessi tæki eru búin að vera
alllengi hér á markaði og hafa
ekki borist fréttir af þessu tagi.
Ólafur Hauksson hjá Vinnueftir-
litinu sagði í samtali í gær að þar
hefðu menn málið til rannsóknar
og yrði reynt að grafast fyrir um
orsakir óhappsins. Kvaðst hann
mundu senda eftir teikningum af
blöndunartækinu og að haft yrði
samband við framleiðendur.
Sagði hann að kolsýruhylkið
sjálft héfði ekki sprungið heldur
sérstakur blöndunarkútur inni í
tækinu. Goshylkin væru með
vottorð frá Vinnueftirlitinu en
ekki hefði hingað til þótt ástæða
til að gera úttekt á blöndunar-
tækjunum sjálfum.
Við athugun blaðamanns á
brotunum úr Drinkmastertækinu
sést að það er gert úr nokkurra
millimetra hörðu plasti og að
gífurlegan kraft hefur þurft til að
splundra því. Tækið sem sprakk
er númer 445 og flutt inn af fyrir-
tækinu Hafplast.
-v.
Happdrætti Þjóðviljans - Dregið 13. janúar - Gerið skil!