Þjóðviljinn - 12.03.1986, Blaðsíða 16
Aðalsími: 681333. Kvöldsími: 681348. Helgarsími: 81663.
MOÐVIUINN
Miðvikudagur 12. mars 1986 59. tölublað 51. árgangur.
Sóknarkvótinn
Nærekkert eftirlit
Skipstjórarnir gefa skýrslu eftir mánuðinn.
14 veiðieftirlitsmenn framkvœma stikkprufur.
Bátum sem völdu sóknarmark ístað aflamarks hefurfjölgað um
helming frá því í fyrra
Segja má að eftirlit með hinum
svonefnda sóknarkvóta ver-
tíðarbáta sé lítið sem ekkert.
Sóknarmarkið byggist á því að
bátar mega róa ákveðinn daga-
fjölda í mánuði. Aðal eftirlitið
með því að eftir þessu sé farið er
skýrsla sem hverjum skipstjóra er
skylt að senda til Fiskifélagsins,
þar sem hann greinir frá því
hvaða daga hann var á sjó og
hvaða daga í Iandi. Að sögn Árna
Kolbeinssonar ráðuneytisstjóra í
sjávarútvegsráðuneytinu eru
einnig 14 veiðieftirlitsmenn sem
taka stikkprufur þegar tími gefst
til þess.
Þessir veiðieftirlitsmenn eiga
einnig að fara um borð í togarana
og líta eftir veiðum þeirra, þannig
að þeim gefst mjög lítill tími til að
fylgjast með þeim hundruðum
vertíðarbáta um allt land, sem
eru með sóknarmarkið. Hann
viðurkenndi að æ erfiðara yrði að
fylgjast með þessu vegna nýrrar
tækni við löndun úr bátum og
eins hinu að margir landa í gáma
og senda út og gámarnir koma
ekki á hafnarvigtarnar.
Allir sem Þjóðviljinn hefur
rætt við í verstöðvunum fullyrða
að allt sé gert sem hægt er til að
komast fram hjá kvótatakmörk-
unum. Lélegum fiski er hent,
menn segjast vera að landa ýsu,
karfa eða ufsa en eru í raun með
þorsk. Landað sé fram hjá vigt.
Gámafiskurinn er ekki vigtaður
fyrr en erlendis þegar hann hefur
rýrnað um 10-20%. Enginn telur
hvaða bátar á sóknarmarki eru
marga lögboðna daga í landi og
fleira og fleira. Menn hafa gengið
svo langt að fullyrða að kvótinn
sé ekkert nema nafnið tómt.
- S.dór.
Banaslys
um borð í
togaranum
Kambaröst
í gær varð banaslys um borð í
togaranum Kambaröst frá Stöðv-
arfirði. Sautján ára gamall dreng-
ur lenti í hjálparvindu og beið
bana. Togarinn var staddur um
það bil 3ja tíma siglingu frá
Stöðvarfirði þegar slysið varð.
Ekki er hægt að birta nafn pilts-
ins að svo stöddu.
- S.dór.
Félagsskapur
Eldri bonjarar
stofna félag
Stofnfundur álaugardaginn. Nœrtil
Reykjavíkur og nágrennis. 20þús. manns
Mú um nokkurt skeið hefur ver-
ið unnið að undirbúningi að
stofnun félags eldri borgara í
Reykjavík og nágrcnni. Hér hefur
verið að verki 20 manna hópur
tilnefndur af aðildarfélögum Al-
þýðusambands íslands í Reykja-
vik og Hafnarfirði, starfs-
niannafélagi Reykjavíkurborgar
og sérstökum áhugamannahópi
um þessi mál. Framkvænida-
nefnd hafa svo skipað þau Snorri
Jónsson, Guðríður Elíasdóttir,
Hrafn Magnússon, Haraldur
Hannesson, Bergsteinn Sigurðs-
son og Jón Hjálmarsson. Stofn-
fundur félagsins verður haldinn í
Súlnasal Hótel Sögu laugardag-
inn 15. mars nk. og hefst hann kl.
13.30.
Allir sem orðnir eru 60 ára eða
verða það á þessu ári, svo og þeir,
sem náð hafa eftirlaunaaldri sé
hann fyrr, geta gerst félagsmenn.
Hér er mikið í fang færst og
naumast vcrða öll þessi góðu
áform gerð að veruleika í einum
svip. En talið er að 20 þús.
manns, 60 ára og eldri, hafi átt
heima á félagssvæðinu um sl. ára-
mót. í þeim fjölda býr mikið afl,
sé það fellt í einn farveg, eins og
hér er hugmyndin að gera.
Undirbúningsnefndin væntir þess
að sem flestir, sem orðnir eru 60
ára eða eldri, mæti á
stofnfundinn og gerist þannig
þegar í upphafi þátttakendur í því
gagnmerka starfi, sem hér er
fyrirhugað að hefja. - mhg.
Frá v.: Hrafn Magnússon, Guðríður Elíasdóttir, Snorri Jónsson og Haraldur Hannesson. Mynd: Sig.
Verkalýðsfélag Fljótsdalshéraðs
Launþegar veiti aðhald
Samþykktu samningana með tveimurþriðju hluta atkvœða.
Gyða Vigfúsdóttir: Purfum uppskriftmeð samningunum að
þvíhvernig á að lifa. Ályktun: Launþegar bera minna úr
býtum en atvinnurekendur
Veitingafólk
Óvænt
niðurstaða
„Við erum núna að undirbúa
framhaldið og ætli það hefjist
ekki fijótlega viðræður við við-
semjendur okkar“, sagði Sigurð-
ur Guðmundsson, formaður Fé-
lags starfsfólks í veitingahúsum,
við Þjóðviljann í gær, en einsog
kunnugt er felldi félagið nýgerða
kjarasamninga með fjörutíu at-
kvæðum en aðeins tveir voru með
og þrír sátu hjá.
„Stjórnin átti alls ekki von á því
að samningarnir yrðu felldir, þar
sem öll umfjöllun um samning-
anahafði verið mjög jákvæð. Óá-
nægjan reyndist hinsvegar þetta
almenn og því felldi fólk samn-
ingana eftir líflegar umræður þar
sem allir lýstu óánægju sinni með
kjörin.“
Sigurður sagðist vonast til að
ekki kæmi til harðra aðgerða.
„Fundarmenn gera sér hinsvegar
grein fyrir því að það er á bratt-
ann að sækja“, sagði Sigurður að
lokum. - Sáf.
Verkalýðsfélag Fljótsdalshér-
aðs samþykkti nýgerða kjara-
samninga í fyrrakvöld. Voru um
tveir þriðju hluti fundarmanna
meðmæltir samningunum en einn
þriðji á móti.
Gyða Vigfúsdóttir, starfsmað-
ur verkalýðsfélagsins, sagði við
Þjóðviljann í gær, að umræður
hefðu verið mjög miklar og að
menn væru hræddir um að að-
gerðirnar héldu ekki. Þá sagði
hún að verkafólk á Héraði væri
mjög illa haldið peningalega þar
sem allir væru á töxtunum ein-
göngu, auk þess sem alltof litla
vinnu væri að fá. Það hefði komið
í ljó.s á fundinum að fyrst fólki er
ætlað að lifa af þessum lágu
launum, þá þyrfti að fylgja með
samningunum uppskrift að því
hvernig fólk gæti gert það.
Eftirfarandi ályktun var sam-
þykkt á fundinum:
„Það er ljóst að i þessum kjara-
samningum var valin ný leið, sem
án efa veldur mörgum ótta um að
hinn almenni launþegi beri ekki
það úr býtuni sem honum ber,
heldur hafi atvinnurekendur far-
ið með stærri hlut frá borði. Eitt
er alveg ljóst að einsog þessir
samningar eru gerðir verður hver
einstakur launþegi í landinu að
vakna til vitundar um að honum
er ætlað að verða virkur í að veita
aðhald og standa á móti þeim
öflum í þjóðfélaginu, sem sölsa
undir sig fjármagnið. Nú er svo
komið að verkalýðshreyfingin er
orðin mjög veikt afl í þjóðfé-
laginu. Taki hinn almenni félags-
maður ekki við sér nú og fari að
taka virkan þátt í störfum henn-
ar, hlýtur hreyfingin að leysast
upp.“
- Sáf.
Háskólinn
Vinstri-
menn
sigruðu
Unnu mann af
Umbótasinnum
Vinstrí menn urðu sigurvegarar í kosn-
ingunum tii stúdentaráðs og Háskóiaráðs í
gær. Vinstrimenn unnu niann af Umbóta-
sinnuni í kosningunum til stúdentaráðs,
hlutu 6 menn og munaði ekki nema 48
atkvæðum að þeir ynnu einnig mann af
Vöku, lista OiaJdsins.
í kosningunum til stúdentaráðs urðu
úrslit þessi. Listi Vöku hlaut 530 atkvíeði,
31,3% og 5 menn kjöma. Listi vinstri-
manna hlaut 695 atkvæöi, 41,1% og 6
menn kjöma, lisd Umbótasinna hlaut 316
atkvæði, 18,6% og 2 menn kjöma og E-
listi hlaut 47 atkvæði.
í kosningu til Háskótaráðs hlaut Vaka
553 atkvæði og einn mann. listi vinstri-
manna 700 atkvæði og 1 mann kjörinn og
Umbótasinnar hlutu 330 atkvæði og eng-
an mann kjörinn.
Á kjörskrá voru 4450 en 1694 kusu.
-S.dór